09/06/2026
निरोप समारंभ – श्रीमती सुरेखा कुले मावशी
दि. ३० मे रोजी आमच्या श्रद्धानंद महिलाश्रम येथील ज्येष्ठ कर्मचारी श्रीमती सुरेखा कुले मावशी वयाच्या ५८ व्या वर्षी सेवानिवृत्त झाल्या.
गेली २२ वर्षे त्यांनी महिलाश्रमात केअर टेकर म्हणून अत्यंत प्रामाणिकपणे, समर्पित भावनेने आणि निष्ठेने सेवा बजावली. त्यांचा शांत, संयमी, प्रेमळ आणि कष्टाळू स्वभाव सर्वांना आपलासा वाटायचा. मुलींची काळजी घेणे, त्यांना प्रेमाने समजून घेणे आणि त्यांच्या सुख-दुःखात सहभागी होणे हे त्यांच्या स्वभावाचे वैशिष्ट्य होते. त्यामुळे त्या नेहमीच मुलींमध्ये रमलेल्या दिसत असत.
त्यांच्या सेवाकाळात त्यांनी संस्थेच्या जडणघडणीत मोलाचे योगदान दिले. त्यांच्या अथक परिश्रमांमुळे आणि मायेच्या स्पर्शामुळे अनेक मुलींना घरची ऊब मिळाली.
आज त्यांच्या सेवानिवृत्तीच्या निमित्ताने आम्ही त्यांच्या कार्याबद्दल कृतज्ञता व्यक्त करतो. त्यांच्या पुढील आयुष्यासाठी उत्तम आरोग्य, आनंद, समाधान आणि दीर्घायुष्य लाभो, हीच मनःपूर्वक शुभेच्छा.
आपल्या २२ वर्षांच्या अमूल्य सेवेबद्दल मनःपूर्वक धन्यवाद, सुरेखा मावशी! 🌹🙏
— द हिंदू विमेन्स वेल्फेअर सोसायटी, श्रद्धानंद महिलाश्रम, माटुंगा
