Nisarg Vaibhav Organization

03/07/2026

#सीड_बॉल_व_वृक्षारोपण_अभियान 🌱
एक सीड बॉल... हजारो हिरव्या स्वप्नांची सुरुवात! 🌳
पावसाळा हा निसर्गाला नवजीवन देणारा ऋतू आहे. या संधीचा लाभ घेत सीड बॉलच्या माध्यमातून जास्तीत जास्त देशी वृक्षांचे संवर्धन करूया.
आपला छोटासा प्रयत्न उद्याचे हिरवे भविष्य घडवेल.
चला, प्रत्येकाने सीड बॉल योग्य ठिकाणी टाकूया आणि निसर्गाला पुन्हा हिरवाईने बहरवूया.
"आजचा सीड बॉल, उद्याचा विशाल वृक्ष!" 🌿

दिनांक - ५/७/२०२६,रविवार
वेळ - ८.३० ते १२.३०
▫️भेटण्याचे ठिकाण.
घाटकोपर(प) भटवाडी,अग्निशमन केंद्र जवळ..
▫️सहभागी होण्यासाठी संपर्क - 9821321186
7208932157


टीम – निसर्ग वैभव फाऊंडेशन 🌳

वैभव ठाकरे Ghatkopar Pragati Manch कांचन प्रशांत बढे-तारी

30/06/2026

24/06/2026

🌱 सीड बॉल कार्यशाळा उत्साहात संपन्न! 🌱
निसर्ग वैभव फाऊंडेशन तर्फे आयोजित करण्यात आलेल्या सीड बॉल कार्यशाळा मोठ्या उत्साहात आणि यशस्वीरित्या संपन्न झाली.
या कार्यशाळेत अनेक लहान मुलांनी, युवकांनी आणि निसर्ग सेवकांनी उत्स्फूर्त सहभाग नोंदविला. पर्यावरण संवर्धनाची आवड आणि निसर्गाप्रती असलेली जाणीव यामुळे सर्व सहभागी अत्यंत उत्साहाने सीड बॉल तयार करण्याच्या उपक्रमात सहभागी झाले. लहान वयातच निसर्गप्रेम, वृक्षसंवर्धन आणि पर्यावरण बद्दल जागरूकता निर्माण करण्याचा हा एक प्रेरणादायी उपक्रम ठरला.या कार्यशाळेमध्ये सर्वांच्या संयुक्त प्रयत्नातून तब्बल २५०० हून अधिक सीड बॉल तयार करण्यात आले.मुलांनी कार्यशाळेचा मनमुराद आनंद घेतला आणि "आजचा सीड बॉल म्हणजे उद्याचे हिरवागार झाड" हा संदेश कृतीतून दाखवून दिला.
हे सीड बॉल आगामी पावसाळ्यात विविध ठिकाणी पेरून हरित क्षेत्र वाढविण्यासाठी उपयोगात आणले जाणार आहेत.
कार्यशाळा यशस्वी करण्यासाठी मोलाचे सहकार्य करणाऱ्या जय महाराष्ट्र गणेश मैदान व्यवस्थापनाचे तसेच उपस्थित सर्व निसर्ग सेवक, लहान मुले, पालक आणि सहकार्य करणाऱ्या सर्वांचे निसर्ग वैभव फाऊंडेशन मनःपूर्वक आभार.
🌿 "आजचा एक सीड बॉल, उद्याचे एक हिरवेगार झाड!" 🌿
टिम – निसर्ग वैभव फाऊंडेशन 💚🌳🙏
🌳💚

22/06/2026

आजचा फायदा दिसतोय, उद्याच संकट नाय..🌳

15/06/2026

🌿 निसर्ग सेवकांची भावी पिढी घडत आहे...! 🌿
काल खंडोबा टेकडीवर काही उत्साही लहान मुलांसोबत निसर्गभ्रमंती करण्याचा आनंददायी अनुभव मिळाला. या भ्रमंतीदरम्यान त्यांना विविध झाडे, त्यांचे महत्त्व, तसेच वेगवेगळ्या बिया आणि त्यांपासून तयार होणाऱ्या रोपांची माहिती देण्यात आली.
विशेष म्हणजे, या चिमुकल्यांनी केवळ माहिती ऐकून न थांबता स्वतःहून झाडांच्या बिया गोळा केल्या आणि त्या सोबत घेऊन गेले. आता त्या बियांपासून रोपे तयार करून निसर्गसंवर्धनात आपले योगदान देण्याचा त्यांचा निर्धार आहे. 🌱
आजच्या काळात मोबाईल आणि स्क्रीनच्या जगात रमलेल्या मुलांना निसर्गाची ओळख करून देणे ही काळाची गरज आहे. हीच मुले उद्याचे जबाबदार निसर्ग सेवक बनतील, याची खात्री या छोट्याशा उपक्रमातून मिळाली.
विशेष आनंदाची बाब म्हणजे ही सर्व मुले कुर्ला येथून खास खंडोबा टेकडी पाहण्यासाठी आणि निसर्ग अनुभवण्यासाठी आली होती. त्यांचा उत्साह, जिज्ञासा आणि निसर्गाविषयीची आवड पाहून मन भरून आले. 🌳💚
"आजची बीजे म्हणजे उद्याचे वृक्ष, आणि आजचे संस्कार म्हणजे उद्याचे निसर्गरक्षक!"

🌱 टिम - निसर्ग वैभव फाऊंडेशन 🌱

#निसर्ग

09/06/2026

🌺 बिरसा मुंडा स्मृतिदिन 🌺
आज महान आदिवासी क्रांतिकारक, स्वातंत्र्यसैनिक व जननायक बिरसा मुंडा यांच्या स्मृतिदिनानिमित्त त्यांना विनम्र अभिवादन.
ब्रिटिश सत्तेविरुद्ध आदिवासी समाजाला एकत्र करून अन्याय, शोषण आणि गुलामगिरीविरुद्ध लढा देणारे बिरसा मुंडा हे आदिवासी समाजाचे प्रेरणास्थान आहेत. त्यांच्या संघर्षमय जीवनातून स्वाभिमान, धैर्य आणि समाजसेवेची प्रेरणा मिळते.
"धरती आबा" बिरसा मुंडा यांचे राष्ट्रासाठीचे योगदान, त्याग आणि बलिदान सदैव स्मरणात राहील. त्यांच्या स्मृतिदिनी त्यांना भावपूर्ण श्रद्धांजली. 🙏
"ज्यांनी जल, जंगल आणि जमीन यांच्या हक्कासाठी संघर्ष केला, त्या महान योद्ध्यास कोटी कोटी प्रणाम."
💐 धरती आबा बिरसा मुंडा यांना विनम्र अभिवादन! 💐
#बिरसा_मुंडा #स्मृतिदिन #विनम्र_अभिवादन #आदिवासी_जननायक #धरतीआबा 🙏🌿

07/06/2026

सीड बॉल कार्यशाळा २०२६

#निसर्ग_वैभव_फाऊंडेशन

06/06/2026

🌱 #निसर्ग_वैभव_फाऊंडेशन तर्फे सीड बॉल कार्यशाळा 🌱
निसर्ग संवर्धनाच्या दिशेने एक छोटे पण महत्त्वाचे पाऊल उचलण्यासाठी निसर्ग वैभव फाऊंडेशन तर्फे सीड बॉल बनविण्याची कार्यशाळा आयोजित करण्यात आली आहे.
तरी सर्व निसर्ग सेवक, पर्यावरणप्रेमी,विद्यार्थी तसेच नागरिकांनी मोठ्या संख्येने या उपक्रमात उत्स्फूर्त सहभाग नोंदवून निसर्ग संवर्धनाच्या कार्यात आपले योगदान द्यावे.

📍 स्थळ: गणेश मैदान, पारशिवाडी, चिरागनगर पोलीस स्टेशनच्या मागे, घाटकोपर (प.)

🌿 "एक सीड बॉल – हरित भविष्यासाठी एक पाऊल!" 🌿

दिनांक : ७ जून २०२६,रविवार
वेळ: सकाळी ९.०० ते दुपारी १.०० वाजेपर्यंत..

टिम – निसर्ग वैभव फाऊंडेशन 💚🌱



#बिजसंकलन_मोहीम

#सीड_बॉल
#निसर्ग

05/06/2026

झाडाचं महत्व..🌳

#निसर्ग_वैभव_फाऊंडेशन
#पर्यावरण_दीन

#निसर्ग

Send a message to learn more

05/06/2026

🌿💚 वर्धापन दिनाच्या हार्दिक शुभेच्छा! 💚🌿
आज निसर्ग वैभव फाऊंडेशनचा चौथा वर्धापन दिन. या चार वर्षांच्या प्रवासात वृक्षारोपण, बीज संकलन, पर्यावरण जनजागृती आणि निसर्ग संवर्धनाच्या विविध उपक्रमांमध्ये योगदान देणाऱ्या सर्व निसर्ग सेवकांचे मनःपूर्वक अभिनंदन व आभार.
आपल्या सर्वांच्या अथक प्रयत्नांमुळे निसर्ग संवर्धनाची चळवळ अधिक बळकट होत आहे. भविष्यातही अशाच जोमाने पर्यावरण संरक्षणासाठी कार्य करत राहूया.
🌱 "झाडे लावा, झाडे जगवा आणि निसर्गाचे ऋण फेडा." 🌱
निसर्ग वैभव फाऊंडेशनच्या चौथ्या वर्धापन दिनानिमित्त सर्व निसर्ग सेवकांना हार्दिक शुभेच्छा! 💐🌿

टीम निसर्ग वैभव फाऊंडेशन 🌳🙏