17/02/2026
മല്ലപ്പള്ളി മൈത്രി റസിഡന്റ്സ് അസോസിയേഷന്റെ വാർഷിക പൊതുയോഗവും, കുടുംബസംഗമവും സുരേഷ് പയ്യമ്പള്ളിയുടെ ഭവനാങ്കണത്തിൽ അസോസിയേഷൻ പ്രസിഡന്റ് ജേക്കബ് സി തോമസിന്റെ അദ്ധ്യക്ഷതയിൽ മല്ലപ്പള്ളി ഗ്രാമപഞ്ചായത്ത് പ്രസിഡന്റ് ശ്രീ. കെ. ജി. സാബു ഉദ്ഘാടനം നടത്തി. എക്സൈസ് ഇൻസ്പെക്ടർ ശ്രീ. ചാക്കോ സഖായി മുഖ്യ പ്രഭാഷണം നടത്തി.
മല്ലപ്പള്ളി ഗ്രാമപഞ്ചായത്ത് പ്രസിഡന്റ് ശ്രീ. കെ. ജി. സാബു, വൈസ് പ്രസിഡന്റ് ശ്രീമതി സിന്ധു സുബാഷ്, പഞ്ചായത്തംഗങ്ങളായ ശ്രീമതി മിനികുമാരി പി. ആർ, ശ്രീ. പാർത്തൻ എസ്, പോലീസ് ഡിപ്പാർട്മെന്റിൽ ഉദ്യോഗ കയറ്റം ലഭിച്ച ശ്രീ. പി. എച്ച് . ആൻസിം എന്നിവരെ ആദരിച്ചു.
ആരുംപുളയ്ക്കൽ സി എം എസ് എൽ പി സ്കൂളിൽ നിന്നും ഈ വർഷത്തെ Best Outgoing Student ന് ഉള്ള ക്യാശ് അവാർഡ് കുമാരി എയ്ഞ്ചൽ എലിസബത്ത് സന്തോഷിന് നൽകി.
എബിൻ പയ്യമ്പള്ളിൽ, ജോൺ മാത്യു വടക്കേപ്പറമ്പിൽ , ഡോ. ഐസക് തോമസ്, റ്റി. എസ് മാത്യു, ബെന്നി കൊച്ചുവടക്കേൽ, ക്ലിയ ജോസ് എന്നിവർ പ്രസംഗിച്ചു. തുടർന്ന് അംഗങ്ങളുടെ കലാപരിപാടികൾ നടത്തപ്പെട്ടു.
പുതിയ ഭരണസമിതിയിലേക്ക് ജേക്കബ് സി തോമസ് (പ്രസിഡന്റ്), എബിൻ പയ്യമ്പള്ളിൽ (സെക്രട്ടറി), ജോൺ മാത്യു വടക്കേപറമ്പിൽ (വൈസ് പ്രസിഡന്റ്), റ്റി. എസ് മാത്യു (ട്രഷറർ), ക്ലിയ ജോസ് (ജോയിന്റ് സെക്രട്ടറി) എന്നിവരെ തിരഞ്ഞെടുത്തു.
