10/04/2026
*राजगुरूनगर खेड पोलीस स्टेशन येथे नोंदवलेल्या खुनाच्या केसमधील महत्वाचा पुरावा मोबाईल फोन विहिरीतुन शोधण्यात शिवदुर्गला यश*
राजगरुनगर, खेड पोलीस स्टेशन हद्दीत दिनांक 16/03/2026 रोजी 103 (1) BNS मयत धनंजय मारुती घेवडे यांच्या खुनाच्या केसमधील आरोपी ललीत खोल्लम व नंदलाल होले यांनी महत्वाचा पुरावा असलेला मोबाईल फोन खेड पोलीस स्टेशन पासुन 16 किमी वाफगाव येथील विहिरीत टाकलेला होता. विहीर खोल होती विहिरीत गाळ होता. व मोबाईल शोधायचे काम शिवदुर्गला आले.
श्री शंकर भवारी साहेब यांचा फोन आला घटनेबद्दल माहिती दिली. व मदतीसाठी विनंती केली. आमची कामे उरकली स्कुबा सिलेंडर रिफिल करुन घेतले व टिम निघाली.
तळेगाव चाकण रोड नेहमीप्रमाणे ट्रँफिक जँम व पाऊस वादळ चालु झाले होते खेड पोलीस स्टेशनला पोचलो. श्री सुभाष चव्हाण साहेब पोलीस निरीक्षक खेड यांनी सर्व माहिती दिली आपूलकीने चौकशी केली. व घटना स्थळाकडे रवाना झालो. तीस चाळीत मिनिटात जागेवर पोचलो. आरोपीने कुठून कूठे कसा मोबाईल फेकला ते सांगितलं व आम्ही कामाला लागलो. विहिरीत स्कुबा करताना पाण्यातील मोटर कनेक्शन बंद करायला सांगितलं फ्यूज काढून ठेवायला सांगितलं. खाली मोटार सोडलेली असते त्यामुळे त्याची वायर व इतर तीन दोऱ्या व पाईप साठी काही दोऱ्या याचे जाळे असते. त्यात आपला स्कूबाडायवर अडकण्याची शक्यता असते. एखादी दोरी खालुन वरून गेली तर जिवावर बेतू शकते. सगळा सेट अप रेडी केला आकाश मोरे हा खाली जाणार होता. महेशभाऊ मसने मध्ये एका स्टेपवरुन त्याला मार्गदर्शन व बीले करणार होते. महेश भाऊसाठी एक बीले वरुन आनंद गावडेसर कंट्रोल करीत होते. प्रकाश रत्नाकर सर्व साहित्य व सर्व कामावर सिनियर म्हणून लक्ष ठेऊन होते. सुनिल गायकवाड यांनी सेट अप लावला महेश मध्य भागी असलेल्या ठिकाणी जाऊन थांबले. वरुन आकाशला सर्व साहित्य स्कुबासुट, सिलेंडर घालुन खाली सोडायचं होते. तसे सुरक्षित खाली सोडले.
आता तपास, शोध, पंचनामे आँनलाईन व इन कँमेरा करायला लागतात. त्यामूळे सर्व कायदेशीर बाबी पुर्ण करून काम चालू झाले.
आकाश खाली पोचला साधारण एक फुटापेक्षा जास्त गाळ विहिरीत होता येवढी छोटी वस्तू या गाळातून शोधने अवघड होते पावसाचे वातावरण होते ढग अंधारुन आले होते त्यामुळे आत काही दिसायचा प्रश्नच न्हवता. गाळ हलून गढूळ पाणी होत होते. एक तासापेक्षा जास्त वेळ महेश भाऊ व आकाश यांचे नियोजन चाललेले होते. आकाशला वरुनही एक बीले दिला होता. तो अडचण करीत होता तो काढून टाकला. सिलेंडर वर लक्ष ठेवावे लागत होते, बचत करून त्याचा वापर आकाश करीत होता. किती काळ शोध मोहिम चालेल काही सांगु शकत नाही. आकाश एक एक भाग नीट तपासून घेत होता. परत काम करायला नको हिच भावना असते व आजच मोहिम फत्ते करायची यासाठी सर्व जण मनलावून काम करत असतात. साधारण साडेसहा नंतर मोबाईल सापडला वर्णन केलेला मोबाईल आकाशला हातात आला होता. आता परत आकाशला अर्ध्यावर वर ओढून घेतले. महेश भाऊ आकाश दोघेही अर्ध्यावर असलेल्या पायऱ्यावरुन हळु हळु वर आले मोबाईल साहेबाना दिला पंचनामा पुर्ण केला.
पोलीस निरीक्षक श्री सुभाष चव्हाण साहेब पुर्ण वेळ आमच्या बरोबर थांबून शोधमोहिमेवर लक्ष ठेवून होते त्यांच्या सर्व सहकारी लागेल ती मदत करीत होते.
सर्व अधिकारी व स्टाफचे आभार.
आजची टीम
महेश मसने
आकाश मोरे
प्रकाश रत्नाकर
आनंद गावडे
सुनिल गायकवाड
शिवदुर्ग मित्र, लोणावळा
रेस्कु टीम
संपर्क
9822500884
8308296655
