21/04/2025
ലഹരി
ജീവിതത്തോടാവണം...
വിദ്യയോടാവണം...
സർഗാത്മഗതയോടാവണം...
സുഹൃത്തെ,
നമ്മുടെ നാടിന്റെ പുരോഗതിയെ മുന്നോട്ട് നയിക്കുന്നതിൽ മുഖ്യ പങ്ക് വഹിക്കുന്നത് വിദ്യാസമ്പന്നരും സാമൂഹ്യപ്രതിബന്ധയുള്ള യുവതയുമാണല്ലോ!!!
എന്നാൽ നമ്മുടെ യുവതലമുറയുടെയും വിദ്യാർത്ഥികളുടെയും ഇടയിൽ ലഹരിയെന്ന വിപത്ത് പിടികൂടിയതായും അക്രമ സ്വഭാവം രൂപപ്പെടുന്നതായും സമീപകാല സംഭവവികാസങ്ങളിൽ നിന്നും നാം മനസ്സിലാകുന്നു.
ലഹരി, ഇന്ന് കുടുംബവും അധ്യാപകരും രക്ഷിതാക്കളും അടങ്ങുന്ന പൊതു സമൂഹം നേരിടുന്ന ഏറ്റവും വലിയ വെല്ലുവിളിയായി മാറിയിരിക്കുന്നു.
നമുക്ക് വേണ്ടപ്പെട്ട യുവത ലഹരിക്ക് പൂർണ്ണമായി അടിമപ്പെട്ടതിന് ശേഷമാണ് രക്ഷിതാക്കളും മറ്റും പലപ്പോഴും ഇത് അറിയുന്നത് എന്നത് തന്നെ ഈ വിഷയത്തിന്റെ ഗൗരവം കൂട്ടുന്നു. M**A പോലുള്ള രാസലഹരികൾ ശരീരത്തിൽ ഇത്തരത്തിലാണ് പ്രവർത്തിക്കുന്നത്.
ബാല്യവും കൗമാരവും കൂടുതൽ സമയം ചിലവിടുന്ന വിദ്യാലയങ്ങളും കളിസ്ഥലങ്ങളും സോഷ്യൽ മീഡിയ അടക്കമുള്ള മറ്റ് സൗഹൃദ കേന്ദ്രങ്ങളും ലഹരിമാഫിയയുടെ പിടിയിലകപ്പെട്ടിരിക്കുന്നു എന്ന ദുഖകരമായ സത്യം നാം അറിഞ്ഞിരിക്കേണ്ടതുണ്ട്.
ഇത്തരം ഒരു സാഹചര്യം സംജാതമായ സ്ഥിതിയിൽ യുവസമൂഹം നവീന സാങ്കേതിക സൗകര്യങ്ങൾ ഉപയോഗപ്പെടുത്തുമ്പോഴും, ക്രിയാത്മകമായി പ്രവർത്തിക്കാൻ കഴിയുന്ന സർഗ്ഗവാസനകൾ തളിരിടുന്ന യുവതലമുറക്ക് സധൈര്യം ഇടപെടാൻ കഴിയുന്ന ഒരു ലഹരി വിമുക്ത പൊതുഇടങ്ങൾ സ്രഷ്ടിച്ചെടുക്കുക ഒരു സന്നദ്ധ സംഘടനാ എന്ന നിലയിൽ നമ്മുടേതും പൊതുജനങ്ങളുടേതുമായ ഒരു ആവശ്യമാണ്.
അതിന് പ്രാപ്തമാക്കുന്ന നിലയിൽ കുടുംബവും സമൂഹവും വിദ്യാലയവും ഒരുമിച്ച് നിൽക്കേണ്ട കാലമാണിത്.
ലഹരിമാഫിയകളിൽ നിന്നും അക്രമവാസനകളിൽ നിന്നും മുക്തമായ ഒരു പൊതുസമൂഹം സ്രഷ്ടിക്കാൻ നമുക്കൊരുമിച്ച് യുവതക്കൊപ്പം നിന്ന് കരുതൽ തീർക്കണം.
ഇതിന്റെ തുടക്കമെന്നോണം അൽ അസ്ഹർ യൂത്ത് സെന്റർ & റീഡിംഗ് റൂം ലഹരിക്കെതിരെ ഒരു പൊതുയോഗം ഈ വരുന്ന 20 ഏപ്രിൽ 2025 (ഞായർ) വൈകുന്നേരം 6 :30 മണിക്ക് സൂപ്പിബസാറിൽ വെച്ച് ചേരുന്നു. മത പണ്ഡിതരും, സാമൂഹ്യ നേതാക്കളും, ജനപ്രതിനിധികളും, നിയമ പാലകരും, ആരോഗ്യ പ്രവർത്തകരും എല്ലാം പങ്കെടുക്കുന്ന പ്രസ്തുത പരിപാടിയിലേക്ക് നിങ്ങളേവരെയും ക്ഷണിക്കുന്നു. സമൂഹത്തെ ആകമാനം ബാധിക്കുന്ന ഗൗരവമുള്ള ഒരു വിഷയം എന്ന നിലയിൽ നമ്മളൊന്നിച്ചു നിന്ന് ഉണർന്നു പ്രവർത്തിക്കേണ്ടതാണെന്ന് ഒരിക്കൽ കൂടി ഓർമപ്പെടുത്തുന്നതോടൊപ്പം നിങ്ങളേവരുടെയും സഹായ സഹകരണങ്ങൾ പ്രതീക്ഷിക്കുകയും ചെയ്യുന്നു.
ലഹരിക്കെതിരെ
കാവലാവാം നമുക്ക് .
സവിനയം
അൽ അസ്ഹർ യൂത്ത് സെന്റർ & റീഡിംഗ് റൂം
സൂപ്പിബസാർ കോട്ടക്കൽ.
