06/10/2026
എസ് എൻ ഡി പി യോഗത്തിൻ്റെ നേതൃത്വത്തിൽ നടന്ന പേരമംഗലം പ്രതിഷേധത്തിൽ വൻജന പങ്കാളിത്തം.
ഗുരുദേവനിന്ദകൻ, ആത്മീയ തട്ടിപ്പ് വീരൻ, സ്വയം പ്രഖ്യാപിത ആൾ ദൈവം സുഭാഷിൻ്റെ അധോലോക തട്ടിപ്പ് കേന്ദ്രം അടച്ചുപൂട്ടുക, ഗുരുദേവ ഭക്തരോട് മാപ്പ് പറയുക എന്നീ ആവശ്യങ്ങൾ ഉന്നയിച്ച് എസ്.എൻ.ഡി.പി യോഗം നേതൃത്വത്തിൽ വമ്പിച്ച പ്രതിഷേധ മാർച്ചും ധർണ്ണയും വിവിധ റോഡുകളുടെ ഉപരോധവും നടന്നു .
ഭഗവാൻ ശ്രീനാരായണ ഗുരുദേവനെ നിരന്തരമായി നവമാധ്യമങ്ങളിലൂടെ ആക്ഷേപിക്കുകയും അവഹേളിക്കുകയും ചെയ്യുന്ന പേരമംഗലം സ്വദേശിയായ ആത്മീയ തട്ടിപ്പ് വീരനായ സ്വയം പ്രഖ്യാപിത ആൾ ദൈവം സുഭാഷിൻ്റെ അധോലോക തട്ടിപ്പ് കേന്ദ്രം അടച്ചു പുട്ടുക, ശ്രീനാരായണ വിശ്വാസി സമൂഹത്തോട് പരസ്യമായി മാപ്പു പറയുക എന്നീ ആവശ്യങ്ങൾ ഉന്നയിച്ചു കൊണ്ടുള്ള പ്രത്യക്ഷ സമര പരിപാടികൾ കൂടുതൽ ശക്തമാക്കുന്നതിന്റ രണ്ടാംഘട്ടമായി എസ് എൻ ഡി പി യോഗത്തിൻ്റെ സമീപ യൂണിയനുകളുടെ നേതൃത്വത്തിൽ പേരമംഗലത്ത് പ്രവർത്തിക്കുന്ന ഈ തട്ടിപ്പുവീരന്റെ ആസ്ഥാനത്തേയ്ക്ക് വമ്പിച്ച പ്രതിഷേധ മാർച്ചും ധർണ്ണയും നടന്നു.
ഹിന്ദു വിശ്വാസങ്ങളെ തകർക്കുക എന്ന ലക്ഷ്യം വച്ച് പൊതുജനങ്ങളിൽ അന്ധവിശ്വാസവും അനാചാരങ്ങളും ദുർമന്ത്രവാദവും പ്രോത്സാഹിപ്പിക്കുന്ന കപട ജ്യോത്സ്യനെതിരെ എസ് എൻ ഡി പി യോഗം കോതമംഗലം, മുവാറ്റുപുഴ, മീനച്ചിൽ തൊടുപുഴ, കുന്നത്തുനാട്, കൂത്താട്ടുകുളം, കണയന്നൂർ യൂണിയനുകൾ കൂടാതെ എറണാകുളം, ഇടുക്കി, കോട്ടയം ജില്ലകളിലെ പ്രവർത്തകരും പങ്കെടുത്ത വമ്പിച്ച പ്രതിഷേധം യോഗം വൈസ് പ്രസിഡൻ്റ് ശ്രീ.തുഷാർ വെള്ളാപ്പള്ളി ഉത്ഘാടനം നിർവ്വഹിച്ചു.
എറണാകുളം, ഇടുക്കി, കോട്ടയം ജില്ലകളിലെ വിവിധ യൂണിയൻ ഭാരവാഹികൾ, പോഷക സംഘടനാ ഭാരവാഹികൾ എന്നിവർ ഉൾപ്പെടെ പതിനായിരത്തോളം പ്രവർത്തകർ പ്രതിഷേധത്തിൽ പങ്കെടുത്തു.
