19/10/2025
दीपावली उपक्रम २०२५, आभार आपल्यांचे 🙏🏻
सावली फौंडेशन कोल्हापूर आणि गुरुकुल सेवाभावी संस्था यांच्या संयुक्त विद्यमाने राबवलेल्या दिवाळी फराळसाठी लागणारे धान्य व साहित्य वाटप उपक्रमास भरपूर प्रमाणात प्रतिसाद मिळाला.
जमा झालेले सर्व साहित्य दीपावली पूर्वी गरजू १०० कुटुंबास वाटप करण्यात आले.
हे साहित्य राधानगरी, करवीर, भुदरगड तालुक्यातील रामनवाडी, सरवडे, पणोरी, धामोड, कुंभारवाडी, दुर्गमानवाड, गारगोटी, कडगाव, म्हासुर्ली, म्हाळुंगे, चुवे, बानगे, सोनगे, निगवे, मंगोली, तुरंबे, अर्जुनवाडा, पिंपळगाव, चुये, वाळवे, रेंदाळ, कासारवाडी, कोनवडे, पिरळ, पालकरवाडी, बोरवडे या व इतर गावातील गरजू १०० कुटुंबाना हे साहित्य किट देऊन त्यांची दिवाळी गोड करण्याचा प्रयत्न, सावली फौंडेशन, कोल्हापूर आणि गुरुकुल सेवाभावी संस्थेच्या वतीने करण्यात आला. यंदाचे हे ५ वे वर्ष होते.
गरजू बांधवांची दिवाळी गोड करण्याचा या प्रयत्नात, आपण उपक्रमास वस्तू व आर्थिक सहाय्य करत हा उपक्रम पूर्णत्वास नेला, या बद्दल आम्ही आपणा सर्वांचे आभार मानतो. या पुढेही आपले सहकार्य लाभेल अशी आम्ही आशा करतो.
सावली फौंडेशन, कोल्हापूर
