Jamduar Anchalik All Bodo Students Union - ABSU

20/02/2026

Enjoy the videos and music you love, upload original content, and share it all with friends, family, and the world on YouTube.

02/01/2026

13/12/2025

With All Bodo Students Union - ABSU – I just got recognized as one of their top fans!

06/12/2025

जमदुवारःः 06 दिसेम्बर 2025, सनिबार।

दुलाराय बर' फरायसा आफादा बर' हारिनि सोरबिथिंजों लोगोसे सिगांनिफ्रायनो हाबा मावबोनायजों लोगोसे फरायसाफोरनि थाखायबो गोबां हाबा मावबोदों आरो इयुनावबो मावलांबाय थागोन। फरायसाफोरा गुन गोनां सोलोंथाइखौ लानायजों लोगोसे माहारिबादनि खोथाखौबो साननांगोन आरो गोग्गो समाज दानायनि बिबानखौबो लानांगोन - सोमदोन ब्रह्म।

दिनैनि जमदुवार दख'रा एबसुनि खुंगा 8थि थान्दै जख'न्थाइ हाबाफारिनि नैथि सान एबा जोबथा साननि हाबाफारिखौ फिरफिला बिरहोनाय, बड'लेण्ड मुंख्लंफोरनि मुङै बिबार बाउनाय आरो बड'फानि सावगारियाव बिबार बाउनायनि उनाव फरायसाफोरखौ लानानै सावरायमेल लानानै मेहेरगोनाङै जमदुवार दख'रा एबसुनि खुंगा 8थि थान्दै जख'न्थाइ हाबाफारिखौ खुंफुङो।

दिनैनि सावरायमेलाव गाहाइ आलासि महरै बाहागो लायो मानगोनां दुलाराय बर' फरायसा आफादनि सुबुं फोनांजाब नेहाथारि सोमदोन ब्रह्म आरो लोगो गेलेमु नेहाथारि बिजय नार्जारीआ। मेल बेखेवगिरि आलासि महरै बाहागो लानो हादों कक्राझार जिल्ला एबसुनि गाहाइ नेहाथारि राथिया बसुमतारी बिथांआ।

सावराय मेलनि आयदानि थाखाय हांख्रायहरजानाय आलासि महरै बाहागो लानो हादों फुंखा सुबुं एबा आलासि महरै गसाइगाव बि.एड. फरायसालिमानि मानगोनां ड° अजित बर' सारआ।

जमदुवार दख'रा एबसुनि मानगोनां आफादगिरि फबिथ्र बसुमाथारि बिथांनि मासि लानानै सामलाइनाय आरो फोजोबनायजों दख'रा आफादनि मेला थुंगेयो।

05/12/2025

जमदुवारःः 05 डिसेम्बर 2025

हारिखौ फोथांना लाखिनोब्ला जों गासै बर' हारियानो हारिनि जेंनाखौ गावनि नखरनि जेंना साननानै लानानै बेखौ बोस्रांनायनि सायाव साननांगोन आरो हारि हिसाबै थांना थानांगौब्ला जों गासैबो हारिनि थाखाय हाबा मावनांगोन- कृपेस दैमारि।

दिनै जमदुवार दख'रा एबसुनि खुंगा 8थि थान्दै जख'न्थाइ हाबाफारिखौ साननैनि मेहेरगोनां हाबाफारिनि गेजेरजों सराइबिल दालायसा एबसुनि बेन्दोंआव थानाय मुंख्लं गाइदे हेलेना बसुमाथारी गोसोखां नब्लाङाव खुफुंनो लानाय जायो। बेनिनो दिनैनि सेथि साननि हाबाफारिया मेहेरगोनाङै जाफुंनानै थाङो।

दिनैनि गिबि सानाव हाबाफारि बायदियै सेथि थान्दै जख'न्थाइ हाबाफारिखौ दख'रानि बुंथिगिरि मुस्रि मदन नार्जारी नि मासि लानानै सामलाइनाय मेलआव बेखेवगिरि आलासि महरै हांख्रायजानाय बायदि नुजाफैनो हादोंमोन मानगोनां कक्राझार जिल्ला एबसुनि मानगोनां आफादगिरि मुस्रि कृपेस दैमारी सारआ। आरो बिथाजों लोगोसे दिनैनि हाबाफारियाव बाहागो लाफानो हादों ब्रैथि दख'रा एबसुनि मानगोनां गाहाइ नेहाथारि रिंखां ब्रह्म बिथां, जमदुवार दख'रानि आफादगिरि फबिथ्र बसुमाथारि, लोगो आफादगिरि गलाप खुंगुर बसुमतारी, बिसित्र नार्जारी, गाहाइ नेहाथारि जना बसुमतारी आरो गासै बिबानगिरि।
मोन्थाम दालाइसा फारियै सराइबिल दालाइसा एबसु, कासियाबारि दालाइसा एबसु आरो रायमना दालाइसा एबसुनि मावथिफारिया आरो नोजोरबोयारि बिथांमोननि नुजानायाव गिबि साननि हाबाफारिया मोजांथारै जोबनानै थाङो आरो फैबायथानाय समाव हारिनि थाखाय हाबा मावनो माखासे बिथांखि रनसायनानै लायो।