KGOA Kasaragod

04/10/2026

കെ.ജി.ഒ.എ. ജില്ലാ കായിക മേള സംഘടിപ്പിച്ചു.

കാഞ്ഞങ്ങാട്: കേരള ഗസറ്റഡ് ഓഫീസേഴ്സ് അസോസിയേഷൻ (കെ.ജി.ഒ.എ.) കാസർഗോഡ് ജില്ലാ കായികമേള കാഞ്ഞങ്ങാട് ദുർഗ്ഗാ ഹയർ സെക്കൻഡറി സ്കൂൾ ഗ്രൗണ്ടിൽ വച്ച് നടന്നു. കാസർഗോഡ് സ്പോർട്സ് കൗൺസിൽ പ്രസിഡന്റ് പ്രൊഫ. പി. രഘുനാഥ് മേള ഉദ്ഘാടനം ചെയ്തു.
കെ.ജി.ഒ.എ. ജില്ലാ പ്രസിഡന്റ് ഡോ. സി.എസ്. സുമേഷ് അധ്യക്ഷത വഹിച്ചു. ജില്ലാ സെക്രട്ടറി മധു കരിമ്പിൽ, കെ.വി. രാഘവൻ, സി.എം. സുധീഷ്, ആർജിത പി.വി., കെ രവീന്ദ്രൻ, വിനോദ്കുമാർ ടി.വി., സുരേന്ദ്രൻ ബി., ഡോ. വിക്രം കൃഷ്ണൻ, രാജീവൻ എം. എന്നിവർ സംസാരിച്ചു. സ്പോർട്സ് കമ്മിറ്റി സെക്രട്ടറി കെ. സജിത്കുമാർ സ്വാഗതവും ചെയർമാൻ വൈശാഖ് ബാലൻ നന്ദിയും പറഞ്ഞു.
ഗസറ്റഡ് ജീവനക്കാർക്കായി മൂന്ന് കാറ്റഗറികളിലായി ട്രാക്ക് / ഫീൽഡ് മത്സരങ്ങളും ഹോണററി അംഗങ്ങൾക്കായി പ്രത്യേക മത്സരങ്ങളും സംഘടിപ്പിച്ചു. വ്യക്തിഗത ഇനങ്ങളിൽ വിവിധ കാറ്റഗറികളിലായി ബല്ല ഹയർ സെക്കൻഡറി സ്കൂൾ രസതന്ത്രം അധ്യാപകൻ ലിജുമോൻ ജെ , ജി എസ് ടി ജോയിന്റ് കമ്മീഷണർ പി.സി. ജയരാജൻ, കാഞ്ഞങ്ങാട് നഴ്സിംഗ് കോളേജ് വൈസ് പ്രിൻസിപ്പൽ ബിജി വർഗീസ് എന്നിവർ ചാമ്പ്യന്മാരായി.
സമാപന സമ്മേളനം ചലച്ചിത്ര പിന്നണി ഗായകൻ കലേഷ് കരുണാകരൻ ഉദ്ഘാടനം ചെയ്തു.

03/10/2026

03/09/2026

അന്യായമായ സ്ഥലംമാറ്റത്തിനെതിരെ കെ ജി ഒ എ ജില്ലാ കമ്മറ്റിയുടെ ശക്തമായ പ്രതിഷേധം
കെ ജി ഒ എ കാസർഗോഡ് ജില്ലാ സെക്രട്ടറിയേറ്റ് അംഗവും ജില്ലാ അസിസ്റ്റന്റ് പട്ടികജാതി വികസന ഓഫീസറുമായ സഖാവ് പി മിനിയെ എറണാകുളത്തേക്ക് സ്ഥലം മാറ്റിയ നടപടിയിൽ കെ ജി ഒ എ കാസർഗോഡ് ജില്ലാ കമ്മറ്റി ശക്തമായി പ്രതിഷേധിക്കുന്നു.
നേരത്തെ, സഖാവ് മിനിയുടെ ഭർത്താവും കെ ജി ഒ എ ജില്ലാ ജോയിന്റ് സെക്രട്ടറിയും സഹകരണ വകുപ്പ് ഡെപ്യൂട്ടി രജിസ്ട്രാറുമായ സഖാവ് കെ. രാജഗോപാലനെ ആദ്യം കോട്ടയത്തേക്കും പിന്നീട് തിരുവനന്തപുരത്തേക്കും തുടർച്ചയായി സ്ഥലം മാറ്റി പീഡിപ്പിച്ചിരുന്നു. ഇതിന്റെ തുടർച്ചയായാണ് ഇപ്പോൾ സഖാവ് മിനിക്കെതിരെയും പ്രതികാരബുദ്ധിയോടെയുള്ള നടപടിയുണ്ടായിരിക്കുന്നത്.
മുൻകാലങ്ങളിലൊന്നുമില്ലാത്ത വിധം സർവീസ് ചട്ടങ്ങളെ കാറ്റിൽപ്പറത്തിക്കൊണ്ട് സംഘടനാരംഗത്ത് സജീവമായി പ്രവർത്തിക്കുന്ന നേതാക്കൾക്കും പ്രവർത്തകർക്കുമെതിരെ തുടരുന്ന ഇത്തരം അന്യായവും പ്രതികാരാത്മകവുമായ സ്ഥലംമാറ്റങ്ങൾ യാതൊരു കാരണവശാലും അംഗീകരിക്കാനാകില്ല. ഈ ചട്ടവിരുദ്ധ നടപടിയെ ശക്തമായ ഭാഷയിൽ അപലപിക്കുന്നതോടൊപ്പം വരും ദിവസങ്ങളിൽ ശക്തമായ പ്രതിഷേധ പരിപാടികളുമായി മുന്നോട്ടുപോകുമെന്ന് കെ ജി ഒ എ കാസർഗോഡ് ജില്ലാ കമ്മറ്റി അറിയിക്കുന്നു.

ജില്ലാ സെക്രട്ടറി
കാസർഗോഡ്

20/08/2026

ജില്ലാ മാർച്ചും ധർണയും ....
വാർത്തകളിലൂടെ

https://youtu.be/AMOzT-ES1s0?si=EoH6u8qL_HeRqnOl

19/08/2026

കെ.ജി.ഒ.എ. ജില്ലാ മാർച്ചും ധർണയും സംഘടിപ്പിച്ചു.

കാസർഗോഡ് : കേരള ഗസറ്റഡ് ഓഫീസേഴ്സ് അസോസിയേഷൻ (കെ.ജി.ഒ.എ.) വജ്രജൂബിലി സമ്മേളന പ്രമേയത്തിന്റെ ഭാഗമായി വിവിധ ആവശ്യങ്ങളുന്നയിച്ച് ജില്ലാ മാർച്ചും ധർണയും സംഘടിപ്പിച്ചു.

കേരളത്തിന്റെ വികസന-ക്ഷേമ നേട്ടങ്ങൾ സംരക്ഷിച്ച് സിവിൽ സർവീസിനെ ശക്തിപ്പെടുത്തുക, അഞ്ചുവർഷ തത്വം പാലിച്ച് പന്ത്രണ്ടാം ശമ്പള പരിഷ്കരണം നടപ്പിലാക്കുക, ഇടക്കാല ആശ്വാസം അനുവദിക്കുക, പി.എഫ്.ആർ.ഡി.എ. (PFRDA) നിയമം, പെൻഷൻ സാധൂകരണ നിയമം, ലേബർ കോഡുകൾ എന്നിവ പിൻവലിക്കുക, എൻ.പി.എസ്. പിൻവലിച്ച് പഴയ പെൻഷൻ പദ്ധതി (OPS) പുനഃസ്ഥാപിക്കുക, മാനദണ്ഡവിരുദ്ധ സ്ഥലംമാറ്റങ്ങൾ റദ്ദാക്കി പൊതുസ്ഥലംമാറ്റം അടിയന്തരമായി നടപ്പിലാക്കുക, ഉന്നതവിദ്യാഭ്യാസ മേഖലയെ തകർക്കാനുള്ള നീക്കങ്ങൾ അവസാനിപ്പിക്കുക, ഫെഡറലിസവും മതനിരപേക്ഷതയും സംരക്ഷിക്കുക എന്നീ ആവശ്യങ്ങളുന്നയിച്ചായിരുന്നു പ്രതിഷേധം.

പ്ലാനിങ് ഓഫീസ് പരിസരത്തുനിന്ന് ആരംഭിച്ച കാസർഗോഡ് ജില്ലാ മാർച്ച് ഇൻകം ടാക്സ് ഓഫീസ് പരിസരത്ത് സമാപിച്ചു. ധർണ കെ.ജി.ഒ.എ. സംസ്ഥാന സെക്രട്ടറിയേറ്റ് അംഗം എം. ശ്രീഹരി ഉദ്ഘാടനം ചെയ്തു. ജില്ലാ പ്രസിഡന്റ് ഡോ. സി.എസ്. സുമേഷ് അധ്യക്ഷത വഹിച്ചു.

എഫ്.എസ്.ഇ.ടി.ഒ. ജില്ലാ സെക്രട്ടറി കെ. ഹരിദാസ്, കോൺഫെഡറേഷൻ ഓഫ് സെൻട്രൽ ഗവ. എംപ്ലോയീസ് & വർക്കേഴ്സ് ജില്ലാ സെക്രട്ടറി പി.വി. ശരത്, കെ.ജി.ഒ.എ. സംസ്ഥാന കമ്മിറ്റി അംഗങ്ങളായ കെ.വി. രാഘവൻ, സി.എം. സുധീഷ് കുമാർ, ജില്ലാ വൈസ് പ്രസിഡന്റ് ആർജിത പി.വി. എന്നിവർ സംസാരിച്ചു. ജില്ലാ സെക്രട്ടറി മധു കരിമ്പിൽ സ്വാഗതവും ജില്ലാ ട്രഷറർ വൈശാഖ് ബാലൻ നന്ദിയും പറഞ്ഞു.

പ്രതിഷേധ പരിപാടികൾക്ക് ജില്ലാ ഭാരവാഹികളായ ഡോ. വിക്രം കൃഷ്ണൻ, രാജീവൻ എം., ജയരാജൻ പി.സി., വത്സൻ എം., ജയചന്ദ്രൻ എ., മിനി പി., നാഗേഷ കെ., സച്ചിൻ രാജ് പി.വി., രവീന്ദ്ര എ., ദിവ്യ ഡി എന്നിവർ നേതൃത്വം നൽകി.