Karbi Anglong District Committee, All Bodo Students Union

17/10/2025

लांहिन: 17 अक्ट'बर, 2025

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

जिल्ला बर' फरायसा आफादनि मानगोनां आफादगिरि कल्यान राभा ब्रह्म बिथांनि दैदेननायाव दिनै जिल्ला बर' फरायसा आफाद गोनांथार आयदाफोर जेरै बि टि आर गोरोबथाखौ आबुं मावफुंनांगौनि थाखाय दुलाराय बर' फरायसा आफादा थांखि लानाय आरो बिथांमोननि बिथोन होनाय बादियैनो कार्बि आंलं जिल्ला दुलाराय बर' फरायसा आफादा बोहैथि 29 अक्ट'बर दानाव जिरायना दिन्थिनाय आरो हान्जा सुरनाय लोगोसे नबेम्बरनि 20 आरो 21 खालाराव जानो गोनां गोरोबथा मावफुंनायनि बेलायाव गोदान दिल्लियाव हान्जा सुरनाय हाबाफारियाव बाहागो लानायनि बागै 2 घन्टा सम गुवारै भारसुवेलनि गेजेरजों सावरायनाय जायो।

16/10/2025

लांहिन: 16 अक्ट'बर, 2025

2020 मायथाइनि बर' गोजोन गोरोबथाखौ आबुङै मावफुंनांगौनि थाखाय बोहैथि 29 खालाराव दुलाराय बर' फरायसा आफादनि बिथोन बाथियै गासै आसामावनो Rally नि गेजेरजों सोमावसारनायनि खालारखौ फोसावबाय। बे हान्जा सुरनाय सोमावसारनायाव गासैबो रायजो राजाखौ मैखोमै बाहागो लानो थाखाय सिगाङै खावलाय हरनाय जाबाय।

12/10/2025

लांहिन: 12 अक्टबर, 2025

थं नकबे फरायसालिमानि दालायसा दुलाराय बर' फरायसा आफादनि बान्जायनायाव दिनै लांहिन टिनिआलि Sports Auditorium आव फरायसालिमानि गोदान फरायसा बरायनाय हाबाफारिया सानसेनि मेहेरगोनां हाबाफारिजों खुंफु़ं जायो।
बे हाबाफारियाव जिल्ला बर' फरायसा आफादनि गाहाइ नेहाथारी रन्जित खाख्लारी बिथाङा गाहाइ आलासि महरै बाहागो लानानै गावनि बेसेन गोसा बिबुंथिखौ होयो आरो बिथांजों लोगोसे बाहागो लाफायो नेहाथारी बिष्टिराम दैमारी, लोगो सोलोंथाइ नेहाथारी तुरुन मोसाहारी सुबुं फोनांजाब नेहाथारी बिनुद बर' बिथांमोनहा बाहागो लायो।

12/10/2025

लांहिन: 12 अक्टबर, 2025

10 थि मिरु रोंगौथि सायख' आन्जाद खुंनायनि फोरमायथि: खोरोमदाव अवारी, लेङाइ आफादगिरि एबसु।

03/10/2025

लांहिन: 03 अक्ट'बर, 2025

दुलाराय बर' फरायसा आफादनि बिथोन बादियै दिनै कार्बि आंलं जिल्ला दुलाराय बर' फरायसा आफादा जिल्ला बर' फरायसा आफादनि गाहाइ मावख'वाव लांहिनाव मोनसे समनि दुलाराय बर' फरायसा आफादनि आफादगिरि, मुगानि दाउहारु गेदेमा करेन्द्र बसुमतारी नि रुंसारि सानखौ फालिनाय जायो। हाबाफारियाव जिल्ला बर' फरायसा आफादनि मानगोनां आफादगिरि कल्यान राभा ब्रह्म बिथाङा फिरफिलाखौ बिरहोनायनि उनाव दुलाराय बर' फरायसा आफादनि आगुनि गेलेमु नेहाथारी, कार्बि आंलं जिल्ला दुलाराय बर' फरायसा आफादनि बोसोनगिरि गनेश बसुमतारी बिथाङा गेदेमा करेन्द्र बसुमतारी नि सावगारियाव आलारि बाथि फोजोंनायजों लोगोसे बिबार बाउजेना हाबाफारिखौ मेहेरगोनाङै फालिनाय जायो।

02/10/2025

लांहिन: 02 अक्टबर, 2025

अहिंसानि लामा दिन्थिगिरि माहारिनि बिफा महात्मा गान्धीनि 156 थि जोनोम सान थामहिनबा मुलुगनां अहिंसा सानखौ कार्बि आंलं जिल्ला दुलाराय बर' फरायसा आफादाबो दिनै जिल्ला बर' फरायसा आफादनि गाहाइ मावख' लांहिनाव फालिनाय जायो।

01/10/2025

29/09/2025

बाकसा जिल्लानि मसलफुर गोजोनफुरि पार्कआव थानाय सिनायमोनै दुथांफोरा बड'फानि मुसुखाखौ बेबादि गनायथाव नङै आब्रुथि गैयै खालामनायखौ कार्बि आंलं जिल्ला दुलाराय बर' फरायसा आफादा दिखार फोरमायो आरो जेसे हायो थाबैनो दायनिगिरिखौ हमनानै साजा होनोनांगौ।

28/09/2025

लांहिन: 27 सेप्तेम्बर, 2025

दिनै कार्बि आंलं जिल्ला दुलाराय बर' फरायसा आफादनि मानगोनां आफादगिरि कल्यान राभा ब्रह्म बिथांनि मासि लानानै सामलायनायाव जिल्ला बर' फरायसा आफादनि गाहाइ मावख'वाव कार्बि आंलं जिल्ला बर' मोखां आफादनि देग्लायनि जानो गोनां बोसोरारि जथुम्माखौ खेबसेयैनो जथायै खुंफुं नांगौनि थांखिजों गुवारै सावरायनाय जायो।

27/09/2025

27/09/2025

लांहिन: 27 सेपतेम्बर, 2025

कार्बि आंलं जिल्ला दुलाराय बर' फरायसा आफादनि मानगोनां आफादगिरि कल्यान राभा ब्रह्म बिथांनि मासि लानानै सामलायनायाव दिनै जिल्ला बर' फरायसा आफादनि गाहाइ मावख'लांहिनाव गोनांथार आयदाफोरखौ लानानै जिल्ला एबसुनि मावख'वाव मावफुं मेल सावरायनाय जायो।