https://www.facebook.com/101469052474548/

Karbi Anglong District Committee, All Bodo Students Union, Karbi Anglong (2026)

27/07/2026

लांहिन: 27 जानुवारी, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

दिनै दुलाराय बर' फरायसा आफादनि बिथोन बादियै बि टि आर गोजोन गोरोबथा, 2020 खौ आबुङै मावफुंनांगौनि थाखाय दुलाराय आसामावनो 2 घन्टा खुद्रिसारनाय हाबाफारि लानाय जायो। मख'नो गोनांदि कार्बि आंलं जिल्ला दुलाराय बर' फरायसा आफादाबो लांहिन नोगोराव बर' फरायसा आफादनि बिबानगिरिफोरजों लोगोसे जिल्ला बर' मोखां आफादनि दैदेनगिरि, मिरु बर' खौसेथि सुबुं आफादनि लेङाइ आफादगिरि बाद'ल मोसाहारी, दुलाराय बर' हारिमु आफादनि बोसोनगिरि थानेस्वर गयारी, बर' थुनलाइ आफादनि बार्ग लेङाइ आफादगिरि बिस्वेस्वर बसुमतारी, दुलाराय बर' फरायसा आफादनि लोगो हारिमु नेहाथारी बुद्धिराम बसुमतारी गेदेमा बिथांमोनजों लोगोसे गोबां सुबुंनि बाहागो लानायनि गेजेरजों खुद्रिसारनाय हाबाफारिखौ मेहेरगोनांङै बारहोयो।

26/07/2026

लांहिन: 26 जुलाइ, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

दिनै कार्बि आंलं जिल्ला दुलाराय बर' फरायसा आफादनि मोनसे हानजाया नगांव जिल्लानि दिधलिहाटि रुपहियाव थानाय दुलाराय आसाम ट्राइबेल संघनि नेहाथारी गाहाइ आदित्य खाख्लारी बिथां गेदेमानि न'आव थांनानै आथिखाल हाजोआरि जिल्लायाव थानाय बर'फोरानि गोबां जेंनाजों लोगोसे 2026-2027 मायथाइनि भारत हादोरनि नख'र आरो सुबुं सानखोआव हायेनारि जन'जाति लिरनो मोननाय आरो बेनि आबुं लामाखौ मोजाङै मावफुंनायनि सुबुरुनि थाखाय गुवारै सावरायनाय जायो।
हाबाफारियाव जिल्ला बर' फरायसा आफादनि आफादगिरि कल्यान राभा ब्रह्म , गाहाइ नेहाथारी रन्जित खाख्लारी, बोसोनगिरि एन्तनि बसुमतारी, दमन बसुमतारी आरो दुलाराय बर' हारिमु आफादनि बोसोनगिरि थानेस्वर गयारी बिथांमोनहा बाहागो लाहैयो।

20/07/2026

लांहिन: 20 जुलाइ, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि
कार्बि आंलं जिल्ला दुलाराय बर' फरायसा आफादनि मानगोनां आफादगिरि कल्यान राभा ब्रह्म बिथांनि मेलनि मासि लानानै सामलायनायाव जिल्ला बर' फरायसा आफादनि गाहाइ मावख'वाव हाजोआरि जिल्लायाव थानाय बर'फोरानि बायदि रोखोमनि जेंना आरो फैबाय थानाय 2026-27 मायथाइनि भारत हादोरनि सुबुं साननायाव बर'फोरनि गोबांथार जेंनाखौ लानानै दिनै गुवारै सावरायनाय जायो।
मेलाव जिल्ला बर' मोखां आफादनि मानगोनां आफादगिरि गाहाइ नेहाथारि बिथांमोनजों लोगोसे जिल्लानि सिङाव थानाय गोबां मेलेमजिबि बिथांमोनहाबो बाहागो लानायनि गेजेरजों मोजांनि थाखाय सुबुरुन होयो।

16/07/2026

लांहिन: 15 जुलाइ, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि
दुलाराय बर' फरायसा आफादनि दैदेन्नायाव दिनै गुवाहाटी नोगोरमानि आमिनगावाव थानाय Directors of Census Operation, Assam नि मानिनां Director गेदेमा बिस्वजित पेगु, आइ.ए.एस. बिथांखौ लोगो हमनानै फैबाय थानाय 2026-2027 मायथाइनि सुबुं सानखोनि गाहायै हाजोआरि जिल्लायाव थानाय बर'फोरानि जेंनाखौ लानानै सावरायनाय जायो।
हाबाफारियाव मिरु बर' फरायसा आफादनि मानगोनां आफादगिरि खोरोमदाव औवारी, गाहाइ नेहाथारी खनिन्द्र बसुमतारी, सोलोंथाइ नेहाथारी सोमावसार बसुमतारि बिथांमोनजों लोगोसे जिल्ला बर' फरायसा आफादनि मानगोनां आफादगिरि कल्यान राभा ब्रह्म, लेङाइ आफादगिरि खोदोम बसुमतारी, गाहाइ नेहाथारी रन्जित खाख्लारी, नेहाथारी बिष्टिराम दैमारी, रांगिरि अशक ब्रह्म आरो लांहिन दख'रा एबसुनि गाहाइ नेहाथारी राहुल खाख्लारी बिथांमोनहा बाहागो लायो ।

04/07/2026

लांहिन: 4 जुलाइ, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

कार्बि आंलं जिल्ला दुलाराय बर' फरायसा आफादनि मानगोनां आफादगिरि कल्यान राभा ब्रह्म आरो गाहाइ नेहाथारि रन्जित खाख्लारी बिथांमोननि दैदेननायाव मोनसे हान्जाया मैया 3 जुलाइ खालार खालि दिफुआव जिल्ला बेंगिरि गेदेमा बिथांखौ लोगो हमो। मख'नो गोनांदि हाजोआरि जिल्लायाव थानाय बर'फोरा 2026-2027 मायथाइनि Census आव जाहाते जेबो जेंनाजों मोगा मोगि जानाङा बेफोर बायदि बिथिंखौ लानानै सावरायलायो आरो गोसोखां बिलाइ गथायो।

30/06/2026

लांहिन: 30 जुन, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

बिबारि दख'रानि सिङाव थानाय फुदुमफुखुरि गोजौसिन फरायसालिनि बान्जायनायाव दिनै जिसे थाखोनि गोदान फरायसा बरायनाय आरो जिनै थाखौ उथ्रिसार जानाय फरायसाफोरखौ बिदाय होनाय मेहेरगोनां हाबाफारि लानाय जायो।
बे हाबाफारियाव कार्बि आंलं जिल्ला दुलाराय बर' फरायसा आफादनि मानगोनां आफादगिरि कल्यान राभा ब्रह्म बिथाङा गाहाइ आलासि महरै बाहागो लानानै फरायसाफोरजों सोलोंथाइयारि आरो थुलुंगा खांहोनायजों लोगोसे जिउ राहा दानाय आयदानि सायाव मेहेर गोनां बिबुंथि लाखियो।
हाबाफारियाव बाहागो लाफायो बुंथिगिरि सबिन बसुमतारी, नेहाथारि दावहारु खाख्लारी आरो लांहिन दख'रा एबसुनि गाहाइ नेहाथारि राहुल खाख्लारी बिथांमोनहा बाहागो लायो।

28/06/2026

लांहिन: 28 जुन, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

कार्बि आंलं जिल्ला दुलाराय बर' फरायसा आफादनि गाहाइ मावख' लांहिन आव दिनै मानगोनां आफादगिरि कल्यान राभा ब्रह्म बिथांनि मेलनि मासि लानानै सामलायनायाव जिल्ला बर' फरायसा आफादनि मावफुं मेल जानानै थाङो।
मेलनि गेजेरजों सावरायना थांखि लानाय बादियै बर' फरायसाफोरखौ गुन गोनां सोलोंथाइ होनाय आरो गोजौ थाखोनि सोलोंथाइ मोनहोनांगौनि बागै लोगोसे मिरुनि बिथोन बादियै मोनफ्रोमबो दख'रा आफादफोरखौ थाखो गु आरो जि नि इंराजी, सानखान्थि आरो बिगायान आयदायाव बेसेन नाङै लासे जुलाइ दाननि गेजेराव फोरोंथाइ होनो थाखाय थांखि लानाय जायो।

21/06/2026

लांहिन: 21 जुन, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

दिनै कार्बि आंलं जिल्ला दुलाराय बर' फरायसा आफाद आरो कार्बि आंलं जिल्ला बर' थुनलाइ आफादनि जथायै बान्जायनायनि गेजेरजों लांहिन टिनिआलि Sports Auditorium आव Sahitya Akademi Bodo Advisory Board नि सोद्रोमाफोर मुस्रिमा जैस्रि बर' आरो साधना ब्रह्म गेदेमा बिथांमोननि बाहागो लायजों जोबोद मेहेरगोनां थुनलाइयारि हाबाफारि जानानै थाङो।
हाबाफारियाव बर' आरो कार्बि गागि आरो गोदान लिरगिरि बिथांमोजों लोगोसे मावफुं सोद्रोमा बिलि महन खाख्लारी, कार्बि आंलं जिल्ला दुलाराय बर' फरायसा आफादनि आफादगिरि कल्यान राभा ब्रह्म, गाहाइ नेहाथारी रन्जित खाख्लारी आरो जिल्ला बर' मोखां आफादनि मानगोनां गेदेमा बिथांमोननि बाहागो लानायनि गेजेरजों हाबाफारिया जोबोद मेहेरगोनांङैनो खुंफुं जालाङो।

12/06/2026

लांहिन: 12 जुन, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

चेलाबर दख'रा दुलाराय बर' आइजो अनसाइ आफादनि मददजों कार्बि आंलं जिल्ला दुलाराय बर' फरायसा आफाद आरो कार्बि आंलं जिल्ला दुलाराय बर' आइजो अनसाइ आफादनि बान्जायनायाव दिनै चेलाबर दख'रानि सिङाव थानाय रुंसारि रमा कान्ट गयारी नब्लाङाव, आइजो सांग्रांथि, सोलोंथाइ आरो समाजारि आयदानि सायाव मेहेर गोनां मेल खुंनाय जायो।
हाबाफारियाव कार्बि आंलं जिल्ला दुलाराय बर' फरायसा आफाद आरो कार्बि आंलं जिल्ला दुलाराय बर' आइजो अनसाइ आफादनि मानगोनां आफादगिरि कल्यान राभा ब्रह्म आरो फुलमनि ब्रह्म बिथांमोनजों लोगोसे मोननै जिल्ला आफादनि गाहाइ नेहाथारि आरो सोद्रोमाफोरा बाहागो लानो हायो।

05/06/2026

लांहिन : 5 जुन, 2026

कार्बि आंलं जिल्ला दुलाराय बर' फरायसा आफाद, गाहाइ मावख' लांहिन टिनिआलि

चेलाबर दख'रा दुलाराय बर' फरायसा आफादनि हेफाजाबै दिनै कार्बि आंलं जिल्ला दुलाराय बर' फरायसा आफादा दुलाराय बर' फरायसा आफादनि बिथोन बादियै सामागुरि हिरिम्बा बर' बिजों गोजौ फरायसालिआव हिरिम्बा बर' बिजों गोजौ फरायसालिनि गाहाइ फोरोंगिरि महिराम बसुमतारी बिथाङा बिफां फुलि गायजेननायजों 5 जुन मुलुगनां आबहावा सान फालिनायखौ मेहेर गोनां खालामो लोगोसे फरायसालिनि फरायसा फोरखौ लानानै मोनसे सोलोंथाइयारि सांग्रांथि मेलबो सानसेनि मेहेरगोनां हाबाफारिजों खुंफुंनाय जायो।
हाबाफारि बादियै लेङाइ आफादगिरि खोदोम बसुमतारी बिथांनि मेलनि मासि लानानै सामलायनायाव हाबाफारिखौ बेखेवनानै होयो जिल्ला बर' फरायसा आफादनि गाहाइ नेहाथारि रन्जित खाख्लारी बिथाङा आरो गाहाइ बुंथिगिरि महरै बाहागो लायो आफादगिरि कल्यान राभा ब्रह्म बिथाङा। आरो बाहागो लानो हायो चेलाबर दख'रा एबसु, लांहिन दख'रा एबसुनि गोख्रों बिबानगिरि, हिरिम्बा बर' बिजों फरायसालि फोरोंगिरि, चेलाबर दख'रा बर' मोखां आफादनि मानगोनां बिबानगिरि बिथांमोनहा बाहागो लानानै हाबाफारिखौ मेहेरगोनां खालामो।

Karbi Anglong District Committee, All Bodo Students Union

27/07/2026

26/07/2026

20/07/2026

16/07/2026

04/07/2026

30/06/2026

28/06/2026

21/06/2026

12/06/2026

05/06/2026

Address

Website

Alerts

Contact The Organization

Shortcuts

Share

Category

Listing takedown request