26/06/2026
অম্বুবাচী মহাযোগত আনন্দ নিকেতন ট্ৰাষ্টৰ সেৱাৰ উজ্জ্বল নিদৰ্শন : পাঁচ দিনীয়া বিনামূলীয়া খাদ্য আৰু পানীয় বিতৰণ কাৰ্যসূচীৰ সফল সমাপ্তি
গুৱাহাটী, ২৬ জুন : পবিত্ৰ অম্বুবাচী মহাযোগ উপলক্ষে দেশ-বিদেশৰ পৰা কামাখ্যা ধামলৈ অহা লাখ লাখ ভক্ত, সাধু-সন্ত আৰু তীৰ্থযাত্ৰীসকলৰ সেৱাৰ উদ্দেশ্যে আনন্দ নিকেতন ট্ৰাষ্ট, কালিপুৰৰ সৌজন্যত আনন্দ নিকেতন আশ্ৰমত ২২ জুনৰ পৰা ২৬ জুন, ২০২৬লৈকে অনুষ্ঠিত বিনামূলীয়া খাদ্য সামগ্ৰী আৰু পানীয় বিতৰণ কাৰ্যসূচী সফলভাৱে সমাপ্ত হয়।
পাঁচ দিন ধৰি চলা এই সেৱামূলক কাৰ্যসূচীত প্ৰতিদিনে অসংখ্য ভক্ত, সাধু-সন্ত, তীৰ্থযাত্ৰী আৰু পথচাৰীক বিনামূলীয়াকৈ পুষ্টিকৰ খাদ্য, বিশুদ্ধ খোৱাপানী আৰু অন্যান্য প্ৰয়োজনীয় পানীয় সামগ্ৰী বিতৰণ কৰা হয়। আশ্ৰম চৌহদত ভক্তসকলৰ বাবে সুশৃংখল ব্যৱস্থা গ্ৰহণ কৰা হৈছিল আৰু ট্ৰাষ্টৰ কৰ্মকৰ্তা, স্বে
নীলাচল বেদ বিদ্যাপীঠৰ সমুহ বটুকো ,আশ্ৰমৰ ভক্তসকলে নিষ্ঠা আৰু আন্তৰিকতাৰে এই সেৱা আগবঢ়ায়। ভক্তসকলেও এই মহৎ পদক্ষেপৰ শলাগ লয় আৰু আনন্দ নিকেতন ট্ৰাষ্টৰ মানৱসেৱামূলক প্ৰচেষ্টাক প্ৰশংসা কৰে।
কাৰ্যসূচীৰ অনুষ্ঠানত বিদ্যা ভাৰতী পূৰ্বোত্তৰ ক্ষেত্ৰৰ সংগঠন মন্ত্ৰী ড. পৱন তিৱাৰী, বিশিষ্ট সমাজসেৱক অজয় পোৰ্ডাৰ, আনন্দ নিকেতন ট্ৰাষ্ট, কালিপুৰৰ প্ৰকল্প প্ৰমুখ মনোজ কলিতা, নীলাচল বেদ বিদ্যালয়ৰ প্ৰধান আচাৰ্য নৱিন অধিকাৰী, নীলাচল বেদ বিদ্যালয়ৰ কাৰ্যকাৰিণী সদস্য অৰিন্দম বৰুৱা, বিজেপি কিষাণ মৰ্চাৰ নেতা পংকজ বৰুৱা , বিদ্যা ভাৰতীৰ বিনয় শৰ্মাৰ লগতে বহুতো সমাজসেৱক, আশ্ৰমৰ ভক্ত আৰু শুভাকাঙ্ক্ষী উপস্থিত থাকে।
এই উপলক্ষে বক্তব্য ৰাখি মনোজ কলিতাই কয় যে, অম্বুবাচী মহাযোগত আগতীয়া বছৰৰ দৰেই এইবাৰো আগন্তুক ভক্তসকলৰ সেৱাৰ বাবে আনন্দ নিকেতন ট্ৰাষ্টে আন্তৰিকতাৰে এই কাৰ্যসূচী ৰূপায়ণ কৰিছে। তেওঁ এই মহৎ উদ্যোগ সফল কৰি তুলিবলৈ আৰ্থিক সহায়, খাদ্য সামগ্ৰী, শ্ৰম আৰু অন্যান্য দিশত সহযোগিতা আগবঢ়োৱা সকলো দাতা, শুভানুধ্যায়ী, স্বেচ্ছাসেৱক আৰু আশ্ৰমৰ ভক্তসকললৈ আন্তৰিক কৃতজ্ঞতা জ্ঞাপন কৰে।
তেওঁ লগতে কয় যে, “মানৱ সেৱাই হৈছে প্ৰকৃত ঈশ্বৰ সেৱা”—এই আদৰ্শক সন্মুখত ৰাখি আনন্দ নিকেতন ট্ৰাষ্টে ভৱিষ্যতেও সমাজৰ দৰিদ্ৰ, অসহায় আৰু প্ৰয়োজনীয় লোকসকলৰ কল্যাণৰ বাবে বিভিন্ন সমাজসেৱামূলক আৰু জনহিতকৰ কাৰ্যসূচী অব্যাহত ৰাখিব।
অম্বুবাচী মহাযোগৰ দৰে এক বৃহৎ আধ্যাত্মিক সমাৱেশত আনন্দ নিকেতন ট্ৰাষ্টৰ এই নিঃস্বাৰ্থ সেৱাই সমাজত মানৱতা, সহমৰ্মিতা আৰু সেৱাৰ এক উজ্জ্বল নিদৰ্শন স্থাপন কৰিছে।
