11/05/2026
पश्चिम बंगालको पहिलो मन्त्रिपरिषद् बैठकका मुख्य निर्णयहरू
पश्चिम बंगालका मुख्यमन्त्री सुवेन्दु अधिकारीको अध्यक्षतामा आज पहिलो मन्त्रिपरिषद् बैठक सम्पन्न भयो। बैठकमा निम्न छवटा महत्त्वपूर्ण निर्णयहरू लिइए:
१. निर्वाचन आयोग, पर्यवेक्षकहरू, कोलकाता पुलिस तथा पश्चिम बंगाल पुलिसले निर्वाचनमा पुर्याएको योगदानको प्रशंसा गरियो।
२. चुनावी हिंसामा मारिएका ३२१ जना BJP कार्यकर्ताहरूप्रति मन्त्रिपरिषद्ले श्रद्धाञ्जलि अर्पण गर्यो र उनीहरूका परिवारको सम्पूर्ण जिम्मेवारी राज्य सरकारले वहन गर्ने निर्णय गरियो।
३. भारत–बंगलादेश सीमामा तारबार लगाउन BSF लाई जग्गा हस्तान्तरण गर्ने प्रक्रिया ४५ दिनभित्र पूरा गरिने निर्णय भयो।
४. आयुष्मान भारत, PM जन आरोग्य योजना, फसल योजना, PM विश्वकर्मा, बेटी बचाओ बेटी पढाओ तथा उज्जवला योजनालगायत सबै केन्द्रीय योजनाहरू राज्यमा चाँडै लागू गरिने घोषणा गरियो।
५. IAS र IPS अधिकारीहरूलाई केन्द्रीय तालिममा पठाइने र अहिलेसम्म लागू नभएको भारतीय न्याय संहिता (BNS) तुरुन्त कार्यान्वयन गरिने निर्णय भयो।
६. राज्य सरकारी जागिरमा पाँच वर्षको थप विस्तार गरिने निर्णय गरियो।
