Vivekananda Sevasramam

17/03/2026

సంస్థ చేస్తున్న సేవలకు ప్రత్యక్షంగా,
పరోక్షంగా సహాయం అందిస్తున్న
ప్రతి ఒక్కరికీ ధన్యవాదములు..

26/02/2026

15/01/2026

నిరాశ్రయులకు దుప్పట్లు పంపిణీ చేసే కార్యక్రమం...

14/01/2026

ఆశ్రయం, ఆహారం, ఆనందం అందిస్తున్న ఆశ్రమమే... మన వివేకానంద సేవాశ్రమం

10/01/2026

స్వామి వివేకానందుడి జయంతి వేడుకలకు మీరందరూ వివేకానంద సేవాశ్రమాన్నికి వస్తారని ఆకాంక్షిస్తున్నాము...

08/10/2025

గుట్టలను, గూడెంను వదిలి ఆశ్రమానికి వచ్చిన లక్షుమ్మ అవ్వ

*************

అక్కడి నుంచే నల్లమల అడవి మొదలవుతుంది...

ఆ అడవిని నమ్ముకునే ముప్పై పైగా గిరిజన కుటుంబాలు కొండకింద గుడిసెల్లో నివాసం ఉంటున్నారు.

ఆ గుడిసెలకు కాస్త దూరంలో ఉంటుంది లక్ష్మమ్మ అవ్వకు చెందిన చిన్న గుడిసె.

భర్త, పిల్లలు లేరు. వయసులో ఉన్నప్పుడు అడవికి వెళ్ళి కష్టం చేసేది.

తన ఆహారాన్ని తానే సంపాదించుకునేది.
తన ఆవాసాన్ని తానే శుభ్రం చేసుకునేది.

కాలక్రమంలో
వయసు పెరిగింది, శక్తి తగ్గింది.

మెతుకు కోసం, బతుకు కోసం
అందరిమీదా ఆధారపడవలసిన పరిస్థితి వచ్చింది.

ఇంతకాలం గూడెం వాసులు పెడితే తినేది లేకపోతే లేదు.

ఈ గూడెం వారంతా ఉదయాన్నే కూలి పనులకు వెళ్లిపోయి ఎప్పుడో సాయంత్రం వస్తారు. వారు వచ్చాక ఈమెకు ఎవరో ఒకరు నాలుగు మెతుకులు పెడితే తినేది.

దసరా పండుగ సందర్భంగా గూడెం వాసులకు కొత్త బట్టలు పంపిణీ చేద్దామని వెళ్ళినప్పుడు వారి ద్వారా అవ్వ పరిస్థితి తెలుసుకున్న ఆమె దగ్గరకు వెళ్ళి వస్తావా ఆశ్రమానికి అని అడిగాను.

అన్నం ఉంటుందా రోజూ అని ప్రశ్నించింది ... అన్నం, ఆనందం, ఆరోగ్యం అన్నీ ఉంటాయి నువ్వు సిద్ధంగా ఉండు వీలైనంత త్వరగా వస్తానని చెప్పి వచ్చాను.

ఈరోజు వరికుంట్ల దగ్గర గా ఉన్న ఆ గూడెం కు తీసుకెళ్లి అవ్వను ఆశ్రమానికి తీసుకుని వచ్చాను.

ఆశ్రమంలో అయినవారిని, అనుబంధాలను ఇవ్వలేము కానీ, ఉన్నన్నాళ్లు ఆహారాన్ని, ఆప్యాయతను, ఆనందాన్ని మాత్రం ఖచ్చితంగా ఇవ్వగలం.

మీ..
పాపిజెన్ని రామకృష్ణారెడ్డి
వివేకానంద సేవాశ్రమం
8897292237