01/09/2026
প্ৰেছ বিবৃতি
মুছলিম ছাত্ৰ সন্থা, অসম (MSUA)
কেন্দ্ৰীয় কাৰ্যনিৰ্বাহক সভা সভাপতি জালাল উদ্দিন চাহাবৰ সভাপতিত্বত অনুষ্ঠিত হয়।
তাৰিখ: ৩১ আগষ্ট, ২০২৬
স্থান: মুখ্য কাৰ্যালয়, হাতীগাঁও চাৰিআলি, গুৱাহাটী
ভূমিহীন লোকক ভূমিৰ অধিকাৰ, Census-ত যোগ্য নাগৰিকৰ গণনা নিশ্চিতকৰণ আৰু শিক্ষাৰ ক্ষতি পূৰণৰ দাবী
গুৱাহাটী, ৩১ আগষ্ট: মুছলিম ছাত্ৰ সন্থা, অসমৰ কেন্দ্ৰীয় কাৰ্যনিৰ্বাহক সভা আজি সংগঠনৰ মুখ্য কাৰ্যালয়, হাতীগাঁও চাৰিআলি, গুৱাহাটীত অনুষ্ঠিত হয়। সভাত অসমৰ ভূমিহীন লোকসকলৰ ভূমিৰ অধিকাৰ, উচ্ছেদিত লোকসকলৰ পুনৰ্বাসন, Census আৰু Special Revision (SR), লগতে Censusৰ কামত শিক্ষকসকলক নিয়োজিত কৰাৰ ফলত বিদ্যালয়সমূহত সৃষ্টি হোৱা শৈক্ষিক ব্যাঘাতৰ দৰে গুৰুত্বপূৰ্ণ বিষয়সমূহৰ ওপৰত বিস্তৃতভাৱে আলোচনা কৰা হয়।
সভাই জনসাধাৰণৰ স্বাৰ্থৰ সৈতে জড়িত উক্ত বিষয়সমূহৰ ওপৰত সৰ্বসন্মতিক্ৰমে কেইবাটাও গুৰুত্বপূৰ্ণ প্ৰস্তাৱ গ্ৰহণ কৰে।
১. প্ৰকৃত ভাৰতীয় ভূমিহীন লোকক ভূমিৰ পট্টা প্ৰদানৰ দাবী
অসমৰ মুখ্যমন্ত্ৰীয়ে ঘোষণা কৰা অনুসৰি ১৯৭১ চনৰ পূৰ্বৰ প্ৰকৃত ভাৰতীয় ভূমিহীন লোকসকলক অতি শীঘ্ৰে ভূমিৰ পট্টা/আবণ্টন প্ৰদানৰ প্ৰক্ৰিয়া আৰম্ভ কৰিবলৈ MSUA-ই দাবী জনায়।
উচ্ছেদৰ ফলত ভূমিহীন হোৱা যোগ্য ভাৰতীয় নাগৰিকসকলক অগ্ৰাধিকাৰ প্ৰদান কৰাৰ দাবী মুছলিম ছাত্ৰ সন্থা, অসমৰ দীৰ্ঘদিনীয়া দাবী বুলি উল্লেখ কৰি সভাই মুখ্যমন্ত্ৰীৰ ঘোষণাক আদৰণি জনায়। লগতে ঘোষণাটো যাতে কেৱল ঘোষণাতে সীমাবদ্ধ নাথাকে, তাৰ বাবে শীঘ্ৰে কাৰ্যকৰী পদক্ষেপ গ্ৰহণ কৰিবলৈ চৰকাৰক আহ্বান জনোৱা হয়।
২. Special Revision (SR), ভোটাৰ তালিকা আৰু Census
Special Revision (SR)-ৰ নামত উচ্ছেদিত বা স্থানান্তৰিত লোকসকলৰ নাম ভোটাৰ তালিকাৰ পৰা কৰ্তন কৰাৰ ক্ষেত্ৰত যথাযথ সাৱধানতা অৱলম্বন কৰাৰ দাবী জনোৱা হয়।
যোগ্য ভাৰতীয় নাগৰিকসকলৰ নাম যাতে ভুলবশতঃ ভোটাৰ তালিকাৰ পৰা বাদ নপৰে আৰু তেওঁলোকৰ নাগৰিক তথা গণতান্ত্ৰিক অধিকাৰ সুৰক্ষিত থাকে, তাৰ বাবে সংশ্লিষ্ট কৰ্তৃপক্ষক প্ৰয়োজনীয় ব্যৱস্থা গ্ৰহণ কৰিবলৈ আহ্বান জনোৱা হয়।
লগতে যোগ্য প্ৰতিজন নাগৰিকৰ Census-ত গণনা সুনিশ্চিত কৰাৰ দাবী উত্থাপন কৰা হয়।
৩. Censusৰ কামত শিক্ষক নিয়োগৰ বিকল্প ব্যৱস্থা
বিদ্যালয়ৰ শিক্ষকসকলক Censusৰ কামত নিয়োজিত কৰাৰ ফলত বিদ্যালয়সমূহৰ নিয়মীয়া পাঠদান ব্যাহত হোৱা বুলি সভাই গভীৰ উদ্বেগ প্ৰকাশ কৰে।
সেয়ে Censusৰ কামৰ বাবে নিবনুৱা শিক্ষিত যুৱক-যুৱতী অথবা অন্যান্য উপযুক্ত চৰকাৰী কৰ্মচাৰীক বিকল্পভাৱে নিয়োগ কৰাৰ ব্যৱস্থা কৰিবলৈ চৰকাৰক দাবী জনোৱা হয়।
MSUA-ৰ মতে, শিক্ষকসকলৰ মূল দায়িত্ব হৈছে ছাত্ৰ-ছাত্ৰীক গুণগত শিক্ষা প্ৰদান কৰা। সেয়ে Censusৰ দৰে অতিৰিক্ত দায়িত্বৰ বাবে বিদ্যালয়ৰ পাঠদান যাতে ব্যাহত নহয়, তাৰ বাবে চৰকাৰে স্থায়ী আৰু ফলপ্ৰসূ বিকল্প ব্যৱস্থা গ্ৰহণ কৰা উচিত।
৪. ছাত্ৰ-ছাত্ৰীৰ শৈক্ষিক ক্ষতি পূৰণৰ বাবে বিশেষ ক্লাছ
Censusৰ কামত শিক্ষকসকল ব্যস্ত থকাৰ ফলত বহু বিদ্যালয়ত নিয়মীয়া পাঠদান ব্যাহত হোৱা বুলি সভাই উল্লেখ কৰে। বিশেষকৈ আগন্তুক মেট্ৰিক পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীসকলৰ পাঠদানত যথেষ্ট ক্ষতি হৈছে আৰু বহু দিনত মাত্ৰ ১–২টা ক্লাছহে অনুষ্ঠিত হৈছে।
এই শৈক্ষিক ক্ষতি পূৰণৰ বাবে বিদ্যালয়সমূহত বিশেষ/অতিৰিক্ত ক্লাছৰ ব্যৱস্থা কৰিবলৈ শিক্ষা বিভাগক প্ৰয়োজনীয় নিৰ্দেশনা জাৰি কৰাৰ দাবী জনোৱা হয়।
৩ দিনৰ ভিতৰত স্মাৰক পত্ৰ প্ৰদান
উক্ত দাবীসমূহৰ সন্দৰ্ভত অহা ৩ দিনৰ ভিতৰত শিক্ষা মন্ত্ৰী আৰু সংশ্লিষ্ট জিলা আয়ুক্তসকলক স্মাৰক পত্ৰ প্ৰদান কৰাৰ সিদ্ধান্ত কেন্দ্ৰীয় কাৰ্যনিৰ্বাহক সভাই গ্ৰহণ কৰে।
MSUA-ই আশা প্ৰকাশ কৰে যে চৰকাৰ আৰু সংশ্লিষ্ট প্ৰশাসনে উত্থাপিত বিষয়সমূহক গুৰুত্বসহকাৰে বিবেচনা কৰি শীঘ্ৰে ইতিবাচক পদক্ষেপ গ্ৰহণ কৰিব।
⸻
সাংগঠনিক ক্ষেত্ৰত গুৰুত্বপূৰ্ণ সিদ্ধান্ত
আজিৰ কেন্দ্ৰীয় কাৰ্যনিৰ্বাহক সভাত সংগঠনৰ সাংগঠনিক শক্তি বৃদ্ধি আৰু অধিক সুসংগঠিতভাৱে কাম কৰাৰ উদ্দেশ্যে কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়।
সভাৰ সৰ্বসন্মতিক্ৰমে মুখ্য সাংগঠনিক সম্পাদক ছাহিদুল ইছলামক সাধাৰণ সম্পাদক পদলৈ পদোন্নতি দিয়াৰ সিদ্ধান্ত গ্ৰহণ কৰা হয়।
একেদৰে পাৰভেজ আহমেদক কেন্দ্ৰীয় সমিতিৰ শিক্ষা সম্পাদক হিচাপে পদোন্নতি দিয়াৰ সিদ্ধান্ত গ্ৰহণ কৰা হয়।
তিনিখন জিলা সমিতি ভংগ
কেন্দ্ৰীয় কাৰ্যনিৰ্বাহক সভাই সাংগঠনিক পৰ্যালোচনাৰ ভিত্তিত ওদালগুৰি, বৰপেটা আৰু নগাঁও জিলা সমিতি ভংগ কৰাৰ সিদ্ধান্ত গ্ৰহণ কৰে।
পৰৱৰ্তী সময়ত সংগঠনৰ সাংগঠনিক নীতি আৰু নিয়ম অনুসৰি উক্ত জিলাসমূহত নতুন আৰু অধিক সক্ৰিয় জিলা সমিতি গঠন কৰাৰ বাবে কেন্দ্ৰীয় সমিতিয়ে প্ৰয়োজনীয় ব্যৱস্থা গ্ৰহণ কৰিব।
মুছলিম ছাত্ৰ সন্থা, অসমে জনসাধাৰণৰ ন্যায়সংগত অধিকাৰ, শিক্ষাৰ স্বাৰ্থ আৰু সামাজিক উন্নয়নৰ ক্ষেত্ৰত গণতান্ত্ৰিক আৰু শান্তিপূৰ্ণভাৱে নিজৰ ভূমিকা অব্যাহত ৰাখিব বুলি সভাই পুনৰ দৃঢ়তা প্ৰকাশ কৰে।
ধন্যবাদেৰে,
মিয়াৰুল ইছলাম
সাধাৰণ সম্পাদক
মুছলিম ছাত্ৰ সন্থা, অসম (MSUA)
যোগাযোগ: ৬০০০১৩৭৯৫৭
