06/08/2026
خون عطیہ بیداری کی تنظیم الفلاح فاؤنڈیشن اپنا یومِ تاسیس دھوم دھام سے منائے گی
الفلاح کا کام ڈونر دینا نہیں بلکہ خون ڈونیٹ کرنے میں لوگوں کے اندر موجود ڈر کو ختم کرنا ہے:الفلاح
رپورٹ:ابراہیم خان مستقیمی اصلاحی
اعظم گڑھ،6 اگست (نامہ نگار) لگ بھگ 9 سو مریضوں کو بالکل مفت خون دلانے والی تنظیم الفلاح فائونڈیشن (بلڈ ڈونیٹ گروپ) امسال اپنا یوم تاسیس دھوم دھام سے منائے گی۔تنظیم کے قومی ترجمان معراج خان نے آج میڈیا کیلئے جاری ایک بیان میں کہا کہ تنظیم کے سرپرست ذاکر حسین قومی صدر اسماعیل شیخ،ابو شحمہ ماہلی،معاذ سنجری،یاسر پٹھان،محفوظ اعظمی،محمد ارمان،یاسر نواز،عادل شیخ،عامر اعظمی،عثمان ہاشمی ماہلی سمیت تنظیم کے اہم زمہ داران سے مشورہ کے بعد تنظیم جلد فیصلہ لے گی کہ اس بار کا یوم تاسیس کا موضوع کیا ہو،تنظیم "یوم والدین یا" یوم ماحولیات "کے موضوع پر غور کر رہی ہے۔واضح رہے کہ سماجی کارکن ذاکر حسین نے ستمبر،2019 کو غریب مریضوں کو مفت خون مہیا کرانے کیلئے الفلاح بلڈ گروپ کا قیام کیا تھا،جس کے بعد سے لگاتار ضرورتمند مریض الفلاح سے مستفید ہو رہے ہیں۔اس موقع پر مفت خون عطیہ تحریک کے روح رواں ذاکر حسین نے اپنے پیغام میں واضح کیا کہ الفلاح صرف غریب مریضوں کو اب خون مہیا کرائے گی،جن مریضوں کے گھروں میں خون دینے والے ہوں،وہ خود بلڈ ڈونیٹ کیا کریں۔تنظیم صرف غریب،مجبور،لاچار اور سماج کے دبے کچلے طبقات کیلئے خون کا انتظام کرے گی۔اس موقع پر الفلاح کے معاذ سنجری،ابو شحمہ ماہلی،عثمان ہاشمی،اسمعیل شیخ ،یاسر نواز،یاسر پٹھان اور محمد ارمان سمیت دیگر نے عوام سے اپیل کی ہے کہ الفلاح کو بلڈ کیلئے فون کرنے سے پہلے خود بلڈ ڈونیٹ کیا کریں،الفلاح کا کام ڈونر دینا نہیں بلکہ خون ڈونیٹ کرنے میں لوگوں کے اندر موجود ڈر کو ختم کرنا ہے۔لوگ خود بلڈ دینے سے بچتے ہیں اور چاہتے ہیں کہ الفلاح کے لوگ ہی صرف بلڈ ڈونیٹ کریں،جو کہ اخلاقی اعتبار سے بہت غلط ہے،عوام اس کا خیال رکھے۔
