14/06/2024
உண்மை கலைஞர்களுக்கு என்று சில அடிப்படையான இயல்புகள் அமைந்திருக்கின்றன. இத இயற்கையின் நியதி என்றே தோன்றுகிறது.
அவர்களிடம் எந்த மன இருளும் இருப்பதில்லை. கலை என்னும் பெரும் வெளிச்சத்தில் அவர்கள் இரண்டறக் கலந்த விடுகிறார்கள்.
இவர்கள் உள்ளொன்று வைத்து புறம் ஒன்று பேசத் தெரியாதவர்கள். தனக்கென வாழத் தெரியாதவர்கள். பிறருக்கு வாழக் கூடியவர்கள். ஆழ்மனமும் மேல் மனமும் அவர்களுக்கு ஒன்றாகவே இருக்கிறது.
அறந்தை பாவா ஓர் உண்மை கலைஞன்.
அவர் பிறப்பிலேயேலே கலைஞனாகப் பிறப்பெடுத்தவர். எந்த நேரத்திலும் அவரால் எந்த பாடலையும் எழுத முடியும். எந்தப் பாடலுக்கும் இசையமைக்க முடியும். எந்தப் பாடலையும் உணர்வுபூர்வமாக பாட முடியும்
அவர் கலையின் மீது கொண்ட உண்மைத் தன்மையால், இத்தகைய அபூர்வ இயல்புகள் அவருடன் வாழ்நாள் பயணமாக சென்று கொண்டிருக்கிறது.
மனிதரில் புனிதரான அறந்தை பாவா இன்னமும் நலமும் மன வலிமையும் கொண்டு வாழ வேண்டும் என்று வாழ்த்துகிறேன்.
