01/07/2026
കണ്ണുകൾ നനയിപ്പിച്ചു ,
ശിഹാബിൻ്റെ മടക്കം.
വിഖായ ആക്ടീവ് അംഗം ശിഹാബ് വെള്ളേരി, ഇന്നലെ രാത്രി 11 മണിക്ക് അല്ലാഹുവിലേക്ക് യാത്രയായി. SKSSF ൻ്റെ 36500 അംഗങ്ങളുള്ള നീല പട്ടാളത്തറിൽ 2948 പേർ ആണ് "ആക്ടീവ് അംഗങ്ങൾ"
മഞ്ചേരി മെഡിക്കൽ കോളേജിൽ സേവനം ചെയ്യുന്ന ആ ഗ്രൂപ്പിൽ ശിഹാബും ഉണ്ടായിരുന്നു.
ഹോസ്പിറ്റലിൽ ഇവരെ കൊണ്ട് സാധാരണക്കാർക്ക് കിട്ടുന്ന സേവനം വിലമതിക്കാനാവാത്തതാണ്. എൻ്റെ സ്വന്തം അനുജന്റെ മോനും കൂട്ടുകാരനും ഇന്നലെ ആക്സിഡന്റിൽ പെട്ടപ്പോൾ മഞ്ചേരി മെഡിക്കൽ കോളജിലേക്ക് കൊണ്ടുപോകേണ്ടി വന്നു. വിഷയം ശ്രദ്ധയിൽപ്പെടുത്താൻ വേണ്ടി അവിടെ ഡ്യൂട്ടിയിലുള്ള വിഖായ വളണ്ടിയർമാര പെട്ടന്ന് ഫോണിൽ ബന്ധപ്പെട്ടു. വേണ്ടത് ചെയ്യണമെന്ന് പറയാനായിരുന്നു ബന്ധപ്പെട്ടത്. ഞങ്ങൾ രക്ഷിതാക്കൾ ഹോസ്പിറ്റലിൽ എത്തണമെങ്കിൽ ഒരു മണിക്കൂർ എന്തായാലും വേണ്ടിവരും. ഫോൺ അറ്റൻഡ് ചെയ്ത വളണ്ടിയർ പറഞ്ഞത് ഇപ്രകാരം: ഹാ,ഞങ്ങൾ അതിൻറെ പിറകിലാണ് അവൻ്റെ എക്സ്-റേ എടുത്തു കഴിഞ്ഞു. വലിയ ഗൗരവമില്ല, ഞങ്ങൾ എല്ലാം നോക്കുന്നുണ്ട്.
എന്തൊരു ആശ്വാസം! ഇങ്ങനെ സേവനം ചെയ്തിരുന്ന സജീവ പ്രവർത്തകനാണ് കേവലം ഓട്ടോ ഡ്രൈവർ ആയ ശിഹാബ്. ബാങ്ക് വിളിച്ചാൽ ഉടൻ പള്ളിയിൽ കയറി ജമാഅത്തിൽ പങ്കെടുക്കുന്ന ശിഹാബ് അഞ്ചു ദിവസത്തിനകം രോഗം വരികയും കോഴിക്കോട് മിംസിൽ വെച്ച് മരണപ്പെടുകയും ചെയ്തു.
അഞ്ച് യത്തീം കുട്ടികളെയും, 35 വയസ്സുള്ള ഭാര്യയെയും ഇട്ടേച്ചു കൊണ്ടാണ് ശിഹാബ് യാത്രയായത്. നാലു പെൺകുട്ടികളും ഒരേ ഒരു ആൺകുട്ടിയും. ആൺകുട്ടിക്ക് മൂന്ന് വയസ്സ് മാത്രം. മൂത്ത മോൾക്ക് 14 വയസ്സ്. ശിഹാബിന് സ്വന്തമായി ഒരു കൊച്ചു വീടുണ്ട്. മറ്റൊന്നുമില്ല. ഹോസ്പിറ്റലിൽ മാത്രം നാലര ലക്ഷത്തിന്റെ ബില്ല് ആയി.
ദയാനിധിയായ നാഥൻ ശിഹാബിന് സ്വർഗ്ഗം നൽകുകയും വിധവയായ തൻ്റെ പത്നിക്കും, ഈ പിഞ്ചു മക്കൾക്കും, തൻ്റെ മാതാ പിതാക്കൾക്കും ക്ഷമയും, സമാധാനവും നൽകി അനുഗ്രഹിക്കട്ടെ, ആമീൻ.
അബ്ദുൽ ഹമീദ് ഫൈസി
അമ്പലക്കടവ്
01.07.2026
