MGM kerala

23/09/2026

22/09/2026

MGM സംസ്ഥാന കമ്മിറ്റിയുടെ നേതൃത്വത്തിൽ നടപ്പിലാക്കുന്ന 'കൂടൊരുക്കാൻ കൂടെനിൽക്കാം' ഭവന നിർമ്മാണ പദ്ധതിയുടെ ഭാഗമായി ഒറ്റപ്പാലത്ത് നിർമ്മിച്ച വീടിന്റെ താക്കോൽദാന ചടങ്ങ്

22/09/2026

സ്ത്രീകളുടെ സാമൂഹിക സ്വാതന്ത്ര്യവും പങ്കാളിത്തവും തടയരുത്: സി.പി. ഉമർ സുല്ലമി

ഒറ്റപ്പാലം: സമൂഹത്തിൽ സ്ത്രീകൾക്ക് അർഹമായ സ്വാതന്ത്ര്യവും അവകാശങ്ങളും നിഷേധിക്കാൻ ആർക്കും അവകാശമില്ലെന്നും, വ്യക്തിത്വവും ധാർമികതയും നിലനിർത്തിക്കൊണ്ട് സ്ത്രീകൾ സാമൂഹ്യ മുന്നേറ്റങ്ങളുടെ ഭാഗമാകണമെന്നും മർക്കസുദ്ദഅ്വ സംസ്ഥാന പ്രസിഡന്റ് സി.പി. ഉമർ സുല്ലമി പ്രസ്താവിച്ചു. എം.ജി.എം (MGM) സംസ്ഥാന കമ്മിറ്റിയുടെ നേതൃത്വത്തിൽ നടപ്പിലാക്കുന്ന 'കൂടൊരുക്കാൻ കൂടെനിൽക്കാം' ഭവന നിർമ്മാണ പദ്ധതിയുടെ ഭാഗമായി ഒറ്റപ്പാലത്ത് നിർമ്മിച്ച വീടിന്റെ താക്കോൽദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സ്ത്രീ ശാക്തീകരണവും പാർശ്വവൽക്കരിക്കപ്പെട്ടവർക്ക് തണലേകുന്ന ജീവകാരുണ്യ പ്രവർത്തനങ്ങളും സാമൂഹിക പുരോഗതിക്ക് അത്യന്താപേക്ഷിതമാണെന്ന് അദ്ദേഹം കൂട്ടിച്ചേർത്തു.
ചടങ്ങിൽ എം.ജി.എം സംസ്ഥാന പ്രസിഡന്റ് സൽമ അൻവാരിയ അധ്യക്ഷത വഹിച്ചു. പൊതുപ്രവർത്തന രംഗത്തും ജീവകാരുണ്യ മേഖലയിലും സ്ത്രീകളുടെ സജീവ പങ്കാളിത്തം കൂടുതൽ ശക്തിപ്പെടുത്തേണ്ടതിന്റെ ആവശ്യകതയെക്കുറിച്ച് ചടങ്ങിൽ സംസാരിച്ചവർ വ്യക്തമാക്കി.
ജനറൽ സെക്രട്ടറി ആയിഷ ടീച്ചർ, ട്രഷറർ റുക്സാന വാഴക്കാട്, വൈസ് പ്രസിഡന്റ് മറിയക്കുട്ടി സുല്ലമിയ്യ, കെ.എൻ.എം. സ്റ്റേറ്റ് ഓർഗനൈസിംഗ് സെക്രട്ടറി അബ്ദുൽ ജലീൽ മാസ്റ്റർ, ഒറ്റപ്പാലം നഗരസഭ കൗൺസിലർ ഉമർ ഫാറൂഖ്, കെ.എൻ.എം പ്രസിഡന്റ് അബ്ദുൽ റഷീദ് ചതുരാല, സെക്രട്ടറി യൂസഫ് തോട്ടശ്ശേരി, മണ്ഡലം സെക്രട്ടറി അയ്യൂബ് ഖാൻ, ഐ.എസ്.എം ഭാരവാഹി സലീം ചളവറ, എം.എസ്.എം സെക്രട്ടറിയേറ്റ് അംഗം മുഹ്സിൻ, ഐ.ജി.എം ജില്ലാ ട്രഷറർ ഫസ്ന ഷെറിൻ, സൈനബ ഷറഫിയ്യ, ആയിഷ പാലക്കാട് എന്നിവർ സംസാരിച്ചു.

20/09/2026

24/08/2026

അൽഹംദുലില്ലാഹ് ....