14/08/2026
৮০ সংখ্যক স্বাধীনতা দিৱসৰ প্ৰাকক্ষণত ‘বন্দে মাতৰম্’ৰ ১৫০ বছৰীয়া জয়ন্তী উদযাপন
আজি অখিল ভাৰতীয় বিদ্যাৰ্থী পৰিষদ, বিহপুৰীয়া শাখাৰ উদ্যোগত আৰু বৰবালি উচ্চতৰ মাধ্যমিক বিদ্যালয়ৰ সহযোগত ৮০ সংখ্যক স্বাধীনতা দিৱসৰ প্ৰাকক্ষণত দেশপ্ৰেমৰ অমৰ প্ৰতীক ‘বন্দে মাতৰম্’ৰ ১৫০ বছৰীয়া জয়ন্তী শ্ৰদ্ধা আৰু গৌৰৱৰ সৈতে উদযাপন কৰা হয়।
অনুষ্ঠানটোৰ জৰিয়তে শিক্ষাৰ্থীসকলৰ মাজত দেশপ্ৰেম, ৰাষ্ট্ৰীয় চেতনা, একতা আৰু সামাজিক দায়বদ্ধতাৰ ভাবধাৰা অধিক সুদৃঢ় কৰাৰ প্ৰয়াস কৰা হয়। অনুষ্ঠানৰ লগতে শিক্ষাৰ্থীসকলৰ মাজত অখিল ভাৰতীয় বিদ্যাৰ্থী পৰিষদৰ সদস্যতা অভিযানও অনুষ্ঠিত কৰা হয়।
দেশৰ স্বাধীনতা সংগ্ৰামৰ অনুপ্ৰেৰণাৰ সৈতে জড়িত ‘বন্দে মাতৰম্’ৰ চেতনাক সন্মান জনাই নতুন প্ৰজন্মক ৰাষ্ট্ৰ নিৰ্মাণৰ প্ৰতি দায়বদ্ধ কৰি তোলাৰ এই প্ৰচেষ্টা এক তাৎপৰ্যপূৰ্ণ পদক্ষেপ।
বন্দে মাতৰম্। 🇮🇳
