06/06/2026
हिंदवी स्वराज्याचे स्वप्न साकार करत रयतेच्या कल्याणासाठी, न्याय आणि स्वाभिमानावर आधारित आदर्श शासनव्यवस्था उभी करणारे युगपुरुष छत्रपती शिवाजी महाराज यांचा शिवराज्याभिषेक हा इतिहासातील एक युगांतरकारी क्षण ठरला. हा केवळ एका राजाचा राज्यारोहण सोहळा नव्हता, तर रयतेच्या आत्मसन्मानाचा, स्वातंत्र्याचा आणि हिंदवी स्वराज्याच्या अधिकृत उदयाचा सुवर्णक्षण होता.
आजच्या दिवशी सर्वशस्त्रशास्त्रपारंगत, न्यायनिष्ठ आणि रयतेचे पंचप्राण असणारे छत्रपती शिवाजी महाराज सुवर्णसिंहासनावर विराजमान झाले आणि इतिहासाने एक नवे पर्व अनुभवले. त्या तेजस्वी क्षणाने अवघ्या मुलुखाचे डोळे दिपले, शत्रूंना नमवले आणि स्वराज्याची पताका अभिमानाने फडकवली. श्री शिवराज्याभिषेक दिनानिमित्त छत्रपती शिवाजी महाराजांच्या पवित्र स्मृतीस विनम्र अभिवादन व तमाम जनतेस हार्दिक शुभेच्छा!
