25/06/2026
Alex嘅生日月黎到尾聲啦！🎉今次特意訂咗銅鑼灣超人氣海鮮居酒屋《家賀屋》。呢度最近推出超多驚喜特價優惠，性價比極高，絕對係慶生首選！
一早訂枱時就已經預訂咗今日嘅主角🦞「活伊勢龍蝦刺身」！龍蝦由日本空運到港，即撈即劏，新鮮度爆燈。依家竟然有6折優惠，398元就可以品嚐到鮮甜爽彈嘅龍蝦肉，真係超划算！
黎得居酒屋，點可以唔啤一啤佢！🍻 麒麟一番榨生啤，半價大滿足，一大杯都只係34元！呢度仲有出面少見嘅黑白啤，簡直係酒友嘅天堂！
有酒自然要配惹味小食，我哋點咗：
炸軟殼蟹：外皮酥脆，蟹膏香濃。
海苔脆醬魷魚：口感煙韌，海苔香氣令人一條接一條，停唔到口！
🍲 主食強烈推介「煙燻月見左口魚邊鐵鍋飯」新発売！左口魚邊充滿油香，入口即化，伴埋日本生雞蛋黃撈飯，煙燻香氣層次豐富，大讚！
最後嘅重頭戲當然係生日畫碟甜品啦！！我哋揀咗「巴斯克芝士蛋糕配挪威焦糖芝士」同「東京芝士蛋糕」。
最驚喜嘅係店家精心準備嘅免費畫碟服務，今次預訂咗小熊維尼公仔，拿著紅色心型氣球，真係超級可愛，打卡一流🍯！
💡 小貼士：想親身體驗咁窩心嘅慶生驚喜？生日免費畫碟服務記得需要提前兩日前經 WhatsApp 預訂啊！
#日本菜 #銅鑼灣美食 #香港美食 #居酒屋
