民社服務中心 People Service Centre

03/07/2026

民社｜教大與心寶合作：服務學習！🌟

話說心寶前排有一班好有心、好有活力嘅哥哥姐姐陪我哋玩😎

佢哋除咗日常陪小朋友玩遊戲、做功課之外，仲喺心寶精心籌辦了一次攤位活動！活動設計得又好玩又有創意，包括有刺激的「盲盒大猜想」、精美的「手工及摺紙」，還有考驗默契的「你畫我猜」等 。除此之外， 同學們更陪家長同小朋友一齊出街買餸、買心頭好玩具，每個人都滿載而歸，笑聲不斷！❤️

而在剛過去的星期六（27號）， 哥哥姐姐更邀請我們到香港教育大學參觀，包括校園遊覽、圖書館參觀、趣味親子遊戲同手工環節，都令大家樂在其中。活動結束後，家長及小朋友都話「超鍾意」當天活動，仲話期待下次再參加同樣活動！🫶🏻

由衷感謝教大各位老師及同學仔嘅付出同用心！🙏
整個服務計劃安排得非常貼心周到 💯
相信您們今次為小朋友留下了好難忘、好開心嘅回憶😍
亦祝願每一位哥哥姐姐在未來的學習和生活中發光發熱！💪🏻

#民社服務中心 #香港教育大學 #心寶 #服務學習 #陪伴成長 #社區有情 #親子活動

29/06/2026

留一天與你喘息❤️
照顧者喘息站：微觀盆景製作🌱

日常嘅照顧工作，係咪令你忙到透唔過氣？😮‍💨
每日圍繞住起居飲食、接送、小朋友功課？🤯
你又有幾耐無好好靜落嚟，享受屬於自己嘅時間？🥹

中心嘅「照顧者喘息站」，直接將個大自然搬咗入嚟！🪴
由街坊做導師帶領大家專注喺玻璃球內，將一片片青苔、一粒粒小石，砌成一個獨一無二嘅微型世界！✨

雖然盆景細細，但裡面裝滿咗大家對自己嘅溫柔💖，同埋街坊之間嘅支持！🫂

各位照顧者，記得攰嘅時候望吓個盆景，提醒自己再忙，都要為自己留一點喘息嘅空間！❤️

#兒童照顧者 #照顧者 #照顧者支援 #社區互助 #喘息站 #喘息空間 #盆景工作坊

09/06/2026

【照顧者都要開生日派對！】 🎂🎊

你對上一次慶祝生日係幾時？
原來好多照顧者生完之後都只係買蛋糕比屋企人而無再慶祝自己生日！🥹

所以，早前我哋就同一眾照顧者開生日派對！提醒他們要重拾自己！

平時佢哋帶小朋友去慶祝生日就去得多，今日有照顧者帶埋媽媽嚟一齊慶祝！除咗重拾自己，仲重拾女兒身份！

一齊嚟睇吓佢哋想要嘅生日禮物係咩！👇🏻
👩🏻‍🦱：「我想係照顧上每星期有一日假！」
👩🏻：「我想唔使做家務！」
👩🏻‍🦰：「我想有人幫我湊小朋友！」

祝願天下照顧者，有得抖、有得揀！

*特別鳴謝營養大使親力親為煮咗九大簋嘅美食！😋🤤
*超級鳴謝白田浸信會愛鄰中心借出舒適寬闊嘅場地 🫶🏻
*仲有大大鳴謝付出過努力整蛋糕同幫手大小事務的街坊！♥️

#照顧者都要開生日派對 #生日快樂 #兒童照顧者 #三代同堂

19/05/2026

【共融貴誠，耆青互通】

不同年代的成長經驗，造就不同的世界觀和生活習慣。香港邁向高齡化社會，消除世代隔閡，促進互相理解，變得愈來愈重要。

上一個學期，一班中大同學參加了民社與新亞書院合辦的服務學習課程，設計了不同活動與民社街坊參與。其中一組同學為深水埗南昌邨的長者，籌備了一場名為「重拾書香・漫遊中大」的校園導賞，暢遊未圓湖，共攬天人合一亭。

最初同學感到自己與長者之間存在一道無形的牆，擔心找不到共同話題，沒想到街坊對同學的大學生活非常好奇。同學分享大學的「Dem Beat 文化」與「蒙文偉樓鬼故」時，街坊聽得津津有味，甚至反過來分享年輕時的類似經歷。

「共同話題並非預先存在，而是透過真誠交流與相互好奇創造出來的。」事後同學反思，人生經驗的差異並非溝通障礙，反而心態轉變才是關鍵。銀髮與青絲無須彩鳳雙飛翼，溝通貴乎真誠，自然能夠心有靈犀一點通。

#中大 #新亞書院 #民社 #服務學習 #跨代共融 #南昌邨 #社區參與

31/12/2025

17/12/2025

【「社區戶互撐」兒童照顧者應援團｜讓照顧者被看見 💛】 留言會send 你九龍城區參與小店列表！

喺每個有小朋友嘅家庭入面，總有一位默默付出嘅照顧者。佢哋天未光就開始忙碌🌅，一邊照顧孩子嘅需要，一邊處理生活裡大大小小嘅事情；感到攰嘅時候，只能深呼吸一下，再繼續向前。

但喺呢啲日常出現嘅耐心、堅持，其實都藏住一份十分真實嘅需要——被理解、被看見、被支撐💭。

幸好，區內已經有不同小店加入了「照顧者應援團」，透過少少的支持已經給予照顧者們大大的鼓勵！

例如「韓正屋韓國料理」設立兒童餐、準備兒童餐具同遊戲紙，讓照顧者可以安心食一餐；「青禾」（菜檔）借出買餸車同環保袋，減輕照顧者買餸時嘅負擔；「孖寶五金」提供維修工具借用，願意喺生活難題上出一分力；「肥媽豆品」亦以行動支持，喺繁忙裡留下一點可以喘息嘅空間。🍃

呢啲細膩又貼心嘅心意，成為照顧者能夠接得住嘅一份溫柔。願每位照顧者，都可以喺社區裡感受到：「你嘅努力，一直有人看見。」

「兒童照顧者應援團」計劃由周大福慈善基金資助，以「社區互撐」為核心，希望喺黃大仙同九龍城建立一個支援兒童照顧者嘅友善網絡，一同推動更關懷照顧者的社區環境。

#兒童照顧者應援團 #民社服務中心 #兒童照顧者關注日 #心理健康 #九龍城 #社區同行

23/08/2025

🔥【民社｜Chill +嘩 夏令營】🏕️

上個星期帶住一班小朋友衝出市區，去到長洲玩轉大自然！🌊 呢3日2夜同大家揮灑青春既汗水💦依家同大家重溫啲精彩瞬間👇

🍳 *野外小廚神*
小朋友第一次自己下廚🔥由自己決定食咩，再合力去買餸。家長話平時係屋企唔洗做既佢地，唔知原來煮起上黎咁有板有眼，自己整嘅食物點都好味啲😋

🏖️ *沙灘送水fight*
係沙灘玩躲避盤、水戰🌊小朋友最開心就係可以拎住枝水槍掃射大人們🔫💦

🕸️*歷奇大挑戰*
我地玩左巨人梯🪜同高疊盤📦
睇住大家腳震震一步一步上去，「我⋯唔⋯得⋯呀」，最終多得隊友們既鼓勵，先有足夠勇氣完成挑戰🔥

🌌 *夜遊拯救大行動*
燒燒下野食，羊羊姐姐被「綁架」了，大家同心協力做任務拎線索，營救羊羊姐姐👧🏻

✨呢啲有血有汗嘅畫面，就係夏令營最珍貴既回憶！

📸 滑向左邊睇更多相片
#兒童照顧者 #揮灑青春汗水 #腳仔軟但心口硬 #相片會出聲系列 #冇電話玩都好快樂 #用盡全力拔河贏咗全部大人

04/08/2025

🚩2025年8月土瓜灣社區導賞團 (親子活動) 🚩
🔅導賞團活動對象為6歲以上🔅
📌網上報名：https://forms.gle/Rhg3FV51vWoMf6Vk6
民社邀請大家一齊走訪土瓜灣，跟隨街坊導賞員到街市買餸、到訪劏房單位，了解基層的生活需要及困難💕
🔺活動日期
第一場：2025年8月14日 (四) 上午9點30分至12點30分
第二場：2025年8月23日 (六) 下午2點30分至5點30分

🔺集合地點
土瓜灣馬頭圍道272-274號福裕樓1C室(7-11便利店旁)

🔺活動對象
6歲或以上人士

🔺活動流程
09:30-10:00
集合、機構職員講解背景及注意事項
10:00-12:00
1️⃣跟隨導賞員到區內店舖及街市以港幣$30購買餸菜，以有限資源購買三餸一湯
2️⃣導賞員分享地區的環境及民生配套、自身於劏房的居住情況
12:00-12:30
返回集合點，分享活動感想及討論

🔺活動收費
$400 (一位成人+一位小朋友)
上述費用已包括$30買餸費用
活動所收取之經費，將用於本中心扶貧工作

🔺報名方法
填妥並提交網上報名表，成功提交報名表者，3日內會於WhatsApp收到確認報名及付款方法的通知
💡溫馨提示：完成報名後不設退款，請於填寫報名表時留意所選擇的日期及時間

🔺查詢
WhatsApp 9437 3325

31/07/2025

【台灣學界朋友到訪——守望相助的兒童照顧者社區】👩🏫👨🎓

早前一班來自台灣國立東華大學的學者和學生一行十五人走訪竹園街市及中心的協作單位。大家與計劃街坊及同事、街市商戶傾談交流，認識「社區戶互撐」兒童照顧者應援團計劃在本區的推行成果與故事。🤝

計劃於黃大仙和九龍城編織兒童照顧者自助與互助網絡，促進大家關心社區有需要的鄰里，更連結黃大仙和九龍城區的小店，邀請小店為兒童照顧者提供優惠和貼心服務。定期舉辦分享會、喘息小組及義工活動，讓照顧者減輕壓力，強化身心健康、彼此支持、擴闊社交圈子。兒童照顧者組織社區義工組和小店探索隊，令商戶和照顧者建立起緊密的互助網絡，攜手打造可持續發展的社區支援平台。🏪💬💞

每份關心和交流🌱，都在推動社區成長。感謝大家的支持與肯定👏，期待我們的社區能持續成為對照顧者更加友善的地方！✨

#社區戶互撐 #周大福慈善基金 #竹園故事 #照顧者同行 #小店力量 #溫暖社區