明愛賽馬會「源．點」家校心靈支援服務

24/01/2025

【「源．點」服務正式完結 —— Facebook、Instagram專頁及網站停止更新及管理】

明愛賽馬會「源・點」家校心靈支援服務完成三年計劃了！「源．點」承蒙香港賽馬會慈善信託基金的捐助，由 2022年2月起，於中、小學及社區推展一系列身心靈的活動。計劃以「創傷知情正向教育」理論為基礎，揉合「創傷知情照顧」和正向心理學的「品格優勢」框架，旨在提昇大家對自己情緒的認識以學懂調節情緒的方法，及發掘自己的品格優勢與內在資源，最終達致強化面對逆境的適應能力及盛載能力。轉眼3年過去，我們很高興能與超過 100間中、小學及社福單位合作，為超過30,000名服務使用者提供服務。

聚散有時，「源．點」計劃將於2025年1月31日結束服務，多謝各位一直以來對我們服務及同工的支持，你們的各種意見及讚賞，推動著我們努力進步，及堅持明愛「以愛服務，締造希望」的服務精神。雖然本計劃即將結束，但香港明愛家庭服務提供各類型的社會服務，歡迎大家繼續使用及支持我們！
詳情可瀏覽明愛家庭服務網頁：
https://family.caritas.org.hk/

提提大家，「源．點」計劃的Facebook、Instagram專頁及網站由2025年2月1日起停止更新及管理，於太子始創中心的服務單位亦會關閉。

最後，小編謹代表「源．點」仝人恭祝大家蛇年進步、身心靈健康常滿！有緣再見！


#明愛賽馬會源點家校心靈支援服務 #香港賽馬會慈善信託基金 #香港明愛 #源點 #放鬆 #療癒 #為自己打氣 #擁抱自己 #繼續前行

16/01/2025

【「擁抱自己」－ 計劃閉幕禮暨成果分享會】

時光似箭，霎眼間「源．點」陪伴大家已經三年啦！

由2022年2月開始，我哋聯同不同嘅中、小學、綜合家庭服務中心、社區中心等，舉辦講座、工作坊及小組，為家庭營造一個關愛與正向氛圍；喺「源．點」中心又舉辦咗好多唔同類型嘅活動，比大家療癒身心；走入社區，我哋亦舉辦過多次社區教育活動及展覽，提醒大家「多接納自己，就算不完美也可以！」。三年嘅計劃相信為大家帶嚟唔少珍貴嘅學習及回憶。

喺2025年1月4日，我哋舉行咗計劃閉幕禮暨成果分享會，邀請捐助機構 #香港賽馬會慈善信託基金 以及唔同學校嘅代表、公眾人士，見證我哋嘅成果，讓我哋用相片去回顧活動啦～

當日場外有「擁抱不完美的自己」展覽，提醒大家喺跌宕起伏的人生中，要先照顧好自己、尋回並擁抱未必係咁完美嘅自己。

典禮除咗向合作學校表達感謝之外，亦多謝唔同義工支援我哋嘅服務， #有你哋真係好！ 除咗學生同中心嘅服務使用者有錄影訪問之外，更加有兩位家長到現場分享，講吓佢哋對於學習品格優勢嘅得着，同埋與小朋友相處之間嘅各種點滴。

最後，全場一齊完成一個藝術體驗：每人用一種有生命力嘅植物去代表此時此刻嘅自己。希望我哋嘅服務亦有喺你心入面埋下種子，為你嘅植物提供過一啲嘅養分，更加重要嘅係，希望你見到自己嘅獨特性、睇到自己嘅努力，擁抱唔同部份嘅自己！

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #擁抱不完美的自己 #展覽 #閉幕禮 #放鬆 #療癒 #為自己打氣 #擁抱自己

04/10/2024

【擁抱不完美的自己展覽】

有冇諗過，好似無論自己做咩、無論幾努力，結果總係比人哋差？
我哋嘅社會充斥著不必要嘅比較，喺生活當中，或許會漸漸失去咗自我……
願你喺呢個展覽中，可以一齊試吓安定自己、尋回並擁抱未係咁完美嘅自己。

📅 日期：2024年10月12日（星期六）
📍 地點：銅鑼灣勿地臣街1號 時代廣場地下有蓋廣場
⏰ 開放時間：中午12時 - 下午6時
展覽內容包括：
- 五感療癒區
- 互動心聲牆
- Memes 網路迷因圖

*睇完展覽後，你可以將「療癒小練習」帶返屋企，將療癒力量融入生活之中。（先到先得，送完即止）

有關「療癒小練習」介紹：
https://youtu.be/OkFwN-k8zTI

無論情況幾糟糕，我哋都可以好好照顧自己，接納同欣賞不完美嘅自己！

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #擁抱不完美的自己 #展覽 #療癒小練習 #放鬆 #療癒 #與自己相處 #為自己打氣

27/09/2024

❤️最後一季－2024年10-12月活動❤️
－次輪抽籤結果－

多謝各位踴躍報名，第二輪報名結果已經有啦！請大家按以下連結自行查閱～
抽籤結果：https://drive.google.com/file/d/103guDdOMbTUB1SeBbKURRuFYK6eUjQDl/view?usp=sharing
(*小組及特別活動已於第一輪報名時額滿)

↪️如有意查看第一輪抽籤結果，請前往 https://www.facebook.com/JCFSMW/posts/pfbid02LHXKG965x5ZnShkJH4xw32mkE8K97Vi11e3caqn12gnY2qX5wN1yBktZCJ3uYbDKl

留意返，喺活動第一節開始前3-5個工作天，參加者會收到Whatsapp溫馨提醒。而不中籤者將不獲通知。

❗❗️本季新安排❗❗️➡️為讓更多服務使用者受惠，參加者請預留時間出席，以免浪費活動名額。如參加者於本季缺席活動一次，本中心將暫停該參加者參與其他活動的權利(如適用)。如有任何爭議，本中心保留最終決定權。

如有查詢，歡迎致電31571517或Whatsapp 66591132。

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #療癒 #情緒健康 #照顧自己 #免費活動 #體驗活動

20/09/2024

❤️最後一季－2024年10-12月活動❤️
－首輪抽籤結果 及 次輪餘額報名－

多謝各位踴躍報名，第一輪報名結果已經有啦！請大家按以下連結自行查閱～
體驗工作坊抽籤結果：https://drive.google.com/file/d/1KEsuAcYmm-aTCtfglV8soKG6SHT60kJX/view?usp=drive_link
小組／特別活動抽籤結果：https://drive.google.com/file/d/15hT3Aj-ltruI5T_qeKIZZrJnRUoDW-Gp/view?usp=drive_link

留意返，社工將個別聯絡小組或部分特別活動參加者進行評估。另外，喺活動第一節開始前3-5個工作天，參加者會收到Whatsapp溫馨提醒。而不中籤者將不獲通知。

次輪剩餘名額亦都開始接受報名：
▶️餘額報名連結：https://forms.gle/GgiYuvCNs9dkfBbY6
▶️餘額報名截止日期：9月24日(二)中午12時

⏰若報名人數超過餘額，名額將同樣以抽籤方式決定。結果將於9月26日(四)在中心網頁及社交媒體專頁公佈，請參加者自行查閱。

❗❗️本季新安排❗❗️➡️為讓更多服務使用者受惠，參加者報名時請先預留時間出席，以免浪費活動名額。如參加者於本季缺席活動一次，本中心將暫停該參加者參與其他活動的權利(如適用)。如有任何爭議，本中心保留最終決定權。更多相關詳情請參閱報名表格。

如有查詢，歡迎致電31571517或Whatsapp 66591132。

06/09/2024

❤️最後一季－2024年10-12月活動❤️
！現正接受報名！

為期三年嘅「源・點」計劃將於明年一月完成使命，要同大家告別啦！不過，即使 「源・點」 完結，「照顧自己」嘅生活態度係點都唔會完嘅～嚟到最後一季，歡迎你報名參加體驗工作坊、特別活動或小組，給予自己me-time，繼續學習好好關懷同療癒自己身心呀!

▶️地點：九龍太子始創中心18樓1801室 (部分活動除外)
▶️報名連結：https://forms.gle/SjUjhu3N5R4t2YHMA
▶️報名截止日期：9月17日(二)中午12時

❗報名設有截止日期，大家記得把握機會！由於活動名額有限，每位參加者本季只可報選三項體驗工作坊 或 一項特別活動 或 一項4節小組。其他詳情請留意報名連結內的細則。
⏰若活動的報名人數超過限額，將以抽籤形式決定參加者。結果將於9月20日(五) 在中心網頁及社交媒體專頁公佈，請參加者自行查閱。
⏰如結果公佈後仍有剩餘名額，有興趣之參加者可於9月24日(二)中午12時前再報名，報選活動數目不限。若餘額報名人數超過限額，將同樣以抽籤形式決定參加者，並於9月26日(四)公佈結果。
❗❗️本季新安排❗❗️➡️為讓更多服務使用者受惠，參加者報名時請先預留時間出席，以免浪費活動名額。如參加者於本季缺席活動一次，本中心將暫停該參加者參與其他活動的權利(如適用)。如有任何爭議，本中心保留最終決定權。

如有查詢，歡迎致電31571517或Whatsapp 66591132。

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #療癒 #情緒健康 #照顧自己 #免費活動 #體驗活動

06/09/2024

【八號風球現正懸掛 – 中心暫停開放】

特別天氣報告！八號風球現正懸掛，中心暫停開放！如八號風球信號在辦公時間內除下，中心將於兩小時後恢復正常運作。

大家記得留喺安全地方啦～或者留在家中畫吓畫，慢慢品嚐杯茶，享受一下ME TIME先啦！

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #尋找風雨中的寧靜 #與自己相處

04/09/2024

多謝各位參與
【與自己相處、為自己打氣 - 「療癒小練習」活動】
💪🏻我哋收集咗各位「一句聽過最有療癒力量的說話」，
並且陸續發送「療癒小練習」禮物俾首60位得獎者～

歡迎大家透過連結：https://drive.google.com/file/d/1jHLL26SdfsAxHdjwHK2foK2SqodjjjcS/view?usp=sharing
了解得獎者嘅不同分享，可能你會喺當中搵到一啲共鳴😊

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #療癒小練習 #放鬆 #療癒 #與自己相處 #為自己打氣

15/08/2024

【與自己相處、為自己打氣 - 送你「療癒小練習」活動】
喺生活當中，我哋或多或少會經歷唔同嘅困擾或挫折，此時我哋更加需要時間去同自己相處、為自己打氣。「療癒小練習」正正係一套自助圖卡工具，透過細望圖卡上嘅插畫或完成當中嘅小練習，俾大家可以慢落嚟去照顧自己，將小練習融入生活當中。

而家大家只需要參加以下有獎遊戲，就有機會收到我哋精美嘅「療癒小練習」啦～俾自己身處一個舒適嘅地方，好好照顧情緒！
你只需要完成以下步驟就可以參與：
1️⃣Like我哋嘅Facebook/Instagram專頁
2️⃣Like此post
3️⃣於此post分享：😌「一句你過去曾聽過最有療癒力量的說話 (字數須介乎在10至50字，字數不足或過多會被取消資格)」

首60則符合主題嘅分享 (FB及IG兩邊總計) 可免費獲贈「療癒小練習」一份。如有任何爭議，本中心保留最終決定權。活動截止時間為2024年8月21日(三) 23:59 或額滿即止。如有查詢，請致電3157 1517或Whatsapp 6659 1132與我們聯絡。

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #療癒小練習 #放鬆 #療癒 #與自己相處 #為自己打氣

注意事項：
1.⁠ ⁠每位參加者只限在「源・點」所有社交平台專頁參加一次，重覆參與只以其首次參加的答案內容為準。
2.⁠ ⁠本次活動的獎品將以郵寄寄出，並只限郵寄至香港境內。
3.⁠ ⁠如發現任何人士之張貼內容帶有非法、恐嚇、粗穢、誹謗、侵犯私隱權或宣傳權、鄙俗、淫褻或其他不良性質，本專頁有權即時刪除相關的資料而不作另行通知，並有權取消該參加者的參加資格。
4.⁠ ⁠參加內容若涉及抄襲，本專頁有權取消該參加者資格。如發現相同的留言，會以首名遞交的參加者為原創者，後者有機會被取消資格。
5.⁠ ⁠得獎名單將於2024年8月26日(一)於本中心專頁公佈，得獎者會獲我們專人聯絡。
6. 得獎者所分享之內容，或會作「源・點」公眾教育用途之用。

18/07/2024

發展潛能，走向更豐盛人生！🌟✨✨

‼️免費‼️ 品格優勢測試 ＋ 專業社工講解結果

唔經唔覺小編已經同大家分享晒 24項品格優勢，相信大家對佢哋都有初步認識😎 唔知有無街坊同小編一樣係「愛學習」寶寶🤭，想知多啲自己有咩突顯品格優勢(即排頭 5項品格優勢)，同點樣運用呢啲優勢去設定目標，令生活更幸福更滿意呢？

機會嚟喇！！！！「源．點」會為 ‼️40名‼️參加者提供免費🆓的品格優勢測試及講解結果服務，有興趣嘅朋友仔請留意以下詳情：

參加資格：
- 年滿 16歲或以上人士 (18歲以下需得到父母同意）

參加方法：
- 於這個post下留名 (小編稍後會PM你取得聯絡方法)
- 名額 40位，先到先得 (如反應熱烈會安排後補名單，若有人退出會安排補上）
- 截止報名日期： 31/7/2024 或 額滿即止！

服務內容：
1. 每位參加者可獲⭐️ 2節免費ZOOM服務，每節30分鐘。⭐️
2. 由專業社工協助參加者完成網上問卷，得出品格優勢排序結果。
3. 社工會講解結果內容及意義，並協助參加者將突顯品格優勢扣連到日常生活中，設立個人目標，達致更滿意的生活狀態。

#明愛賽馬會源點家校心靈支援服務 #香港賽馬會慈善信託基金 #香港明愛 #源點 #品格優勢 #免費性格測試 #認識自己 #豐盛人生

本服務獲香港賽馬會慈善信託基金捐助，開展3年的明愛賽馬會源點家校心靈支援服務，為中小學學生及家長強化面對逆境的適應力，讓大家可以重新連繫自己及家(他) 人，更好地接納自己。