04/09/2026
【👴🏻👵🏻 長者學苑 ─ 頤年智滙理財課程 2025/26學年圓滿結束】🎉✨
老友記，由 The Hongkong Bank Foundation 滙豐銀行慈善基金滙豐銀行慈善基金 全力支持嘅「頤年智滙理財課程」已圓滿完成第二個學年👏！今年課程全面升級，好開心見證住長者學員順利畢業，成為理財、防騙達人，大家一齊「退而不惑、活得精彩」！💪🏻
❤️💡【四大重點 精彩回顧】
🌻【退休規劃・退而不惑】
認清退休生活期望，計算個人開支，學識善用公共年金、安老按揭計劃等「自製長糧」穩健產品；仲有「理財當戶對」等互動遊戲同「天書」筆記，幫大家做好預算，安心過理想退休生活！
🛍️【消費・智慧型消費】
拆解「限時優惠」同情緒性消費陷阱，學識用消委會「網上價格一覽通」格價，同「破唱片法」堅定拒絕硬銷，做個精明消費者！
📱【認識網購及電子支付・與時代接軌】
玩住「支付賓果樂」認識支付工具，了解二手及跨境購物平台注意事項；同時學識用積金局「樂享退休GPS」同投委會「收支管家」App 輕鬆記帳，與時並進！
🛡️【網上安全與防範詐騙・防騙高手】
透過投委會「反呃組測試遊戲」同「人生交叉點」拆解釣魚訊息，善用網上「多重驗證」同警方「防騙視伏器」，提高對可疑連結嘅警覺，全方位築起防騙防線！
🎮【互動遊戲＋實戰演練 學習原來咁好玩】
今年課堂加入咗更多遊戲同實踐！
✨ 互動遊戲包括「理財當戶對」、「支付賓果樂」等，老友記動手又動腦，邊玩邊學，加深學習記憶！
✨實踐練習包括試用「防騙視伏器」，老友記輕鬆掌握理財、防騙嘅實用工具技巧！
✨ 「天書」學習筆記，方便老友記隨手查閱，重溫課堂重點同延伸資訊！
🤝【長幼共融 助人助己】
特別鳴謝「香港年金有限公司」、「香港按揭證券有限公司」、「消費者委員會」以及警務處「商業罪案調查科反詐騙協調中心」嘅專家及嘉賓講師，同時感謝一班熱心嘅學生以及長者義工全程支援，跨代互相扶持！長者義工亦藉機會分享理財經驗，服務社區，為退休生活增添意義同精彩！
🎬【精華影片 精彩重溫】
想重溫過去一年嘅課堂點滴？即刻點擊下面嘅回顧影片🎥，感受大家齊齊學習、齊齊進步嘅正能量啦！
🎓【新一年 精彩課程等緊你！】
想學理財、做義工、認識新朋友，展開精彩銀齡新生活？快啲聯絡各區長者學苑聯網報名參加新一年嘅課程啦！
📲 更多課程詳情及報名：https://www.elderacademy.org.hk/tc/financial-literacy-course/
#頤年智滙理財課程 #長者學苑 #勞工及福利局 #安老事務委員會 Hongkong Bank Foundation 滙豐銀行慈善基金 #家福會理財教育中心 #積極樂頤年 #老有所為 #終身學習 #長幼共融 #網上購物 #消費陷阱 #精明消費 #理財教育 #長者理財
