香港交易所慈善基金 HKEX Foundation

02/10/2026

【照顧 · 故事｜由被看見，到照亮路人】

作為有特殊教育需要 (SEN) 孩子嘅媽媽，Angel 過去一直獨自撐過照顧路上嘅難題，覺得身邊嘅人未必明白佢嘅辛酸，累積嘅無力同疲累只能默默承受……

直到喺 #香港交易所慈善基金 #照顧者關懷計劃 支援下，Angel加入咗由 循道衛理觀塘社會服務處 營運嘅互助小組。喺一場烹飪工作坊，佢同家長們交流煮食、傾吓偈，慢慢打開咗討論照顧孩子心得嘅大門。Angel 因此明白自己唔再孤軍作戰，深深體會到身邊有人願意聆聽同體諒，慢慢釋放積壓多年嘅情緒。

呢次被聽見嘅經歷，啟發佢成為家長義工嘅契機。以「過來人」身份陪伴新加入嘅 SEN 家庭，打造家長互相交流學習嘅平台，將同路人嘅支持「一個傳一個」，彼此療癒同成長。

日常照顧 SEN 孩子要面對訓練、情緒同外界眼光等龐大壓力，好需要喘息空間。 #照顧者關懷計劃 透過 循道衛理觀塘社會服務處 提供互助小組同喘息支援，幫助社區內嘅SEN照顧者。親身體會到計劃帶來嘅支持，Angel 寄語其他家長：「照顧別人嘅同時，要記得善待自己。你唔需要一個人撐起所有，你嘅感受同辛勞，都值得被看見。」

10月係香港「照顧者月」， #香港交易所慈善基金 會透過 #照顧者關懷計劃，聯同合作夥伴喺社區為照顧者提供支援。密切留意更多消息！

圖片及資料來源由循道衛理觀塘社會服務處提供。

#照顧者關懷計劃

18/09/2026

【照顧 · 故事｜重新出發，記錄新風景】

79歲嘅梁伯以前係攝影愛好者，最鍾意同太太周圍去記錄風景。可惜一次意外跌倒骨折後需要坐輪椅，生活圈子一下子縮細咗。

照顧梁伯嘅重任落喺太太身上。「以老護老」從來唔容易，隨住太太體力大不如前，推輪椅出行變成考驗。梁伯又怕「麻煩別人」，慢慢連想出門嘅願望都唔敢再提。

後來，喺 #香港交易所慈善基金 #照顧者關懷計劃 支援下，CFSC 基督教家庭服務中心 照顧者社區支援隊安排咗替假護老者陪伴接送。梁伯同太太終於可以放鬆心情踏出家門，一齊去海旁吹風、搭摩天輪，甚至去主題樂園一日遊，記錄人生下半場嘅新風景；而一直默默承受壓力嘅太太，亦終於可以喺照顧路上喘一口氣。

下個月係香港「照顧者月」，密切留意 #香港交易所慈善基金 將透過 #照顧者關懷計劃，聯同合作夥伴喺社區為照顧者提供支援。

圖片及資料來源由基督教家庭服務中心提供。

#照顧者關懷計劃

07/09/2026

上次同大家見過成個 #關懷家族，今次輪到佢哋逐個自我介紹👋 每個成員都各有專長，隨時準備陪伴照顧者面對唔同挑戰

🩵 隊長擔當 #關愛：統籌計劃，貼心陪伴你每一步
💛 親善擔當 #關心：連結社區，用同理心拉近距離
💙 全能擔當 #關照：聯繫企業機構支援，細心為你打點所需
🩷 智慧擔當 #關顧：推動政策及文化，與你並肩前行

之後記得留意住佢哋分享 #照顧者關懷計劃 嘅服務資訊、實用貼士，關懷家族同大家一齊同行 💙

01/09/2026

28/08/2026

照顧路上，每一份陪伴都能帶來力量。透過呢段短片， #關懷家族 以親切形象帶出照顧者的需要，並成為照顧者路上嘅同行夥伴。

緊貼 #香港交易所慈善基金 Facebook 專頁，了解 #照顧者關懷計劃 如何連繫社區資源，與身邊嘅照顧者一起並肩而行。

26/08/2026

【HKEX FAMILY義工行動｜走入社區陪伴照顧者】

對於默默付出嘅照顧者，簡單一句問候、一個下午嘅陪伴，可能係最好嘅支持。由香港交易所同事自發組成嘅員工網絡 HKEX FAMILY， 早前帶同家人去到順利邨，聯同 香港基督教服務處 舉行「護老者喘息日」，為大家打氣！

為咗俾照顧者可以放鬆一下，當日義工們不單止陪長者飲茶食點心、玩互動遊戲，仲舉辦咗鬱金香小夜燈工作坊，等照顧者可以喺呢段時間舒緩日常嘅照顧壓力。

陪伴，就係最實在嘅力量。 #香港交易所慈善基金 會繼續透過不同行動，希望藉住真誠嘅陪伴，令照顧者知道佢哋嘅付出一直被看見。

請緊貼香港交易所慈善基金 Facebook 專頁，了解更多 #照顧者關懷計劃 嘅最新資訊。

#照顧者關懷計劃

25/08/2026

推動共融醫療，讓不同人士都能及早規劃醫療決定，讓自己嘅意願被尊重 。

對不少 LGBTQ+ 人士而言，晚期規劃及醫療決策過程中仍可能面對誤解、歧視或制度障礙。而香港社會對預設醫療指示（AMD）嘅認識亦相對有限，令唔少人未能及早為未來醫療安排作準備。

透過香港交易所慈善基金 HKEX Foundation設立嘅「 #香港交易所社區項目資助計劃」，Alongside 同行以「終生自主：共融醫療與預設醫療指示」項目透過模擬工作坊、研討會、真人圖書館及電影分享等活動，推動共融醫療及自主晚期規劃，促進公眾對多元社群需要嘅理解。

項目亦透過促進同理心同跨界別對話，協助建立更尊重個人意願、以人為本嘅醫療文化。

了解更多關於「香港交易所社區項目資助計劃」：https://www.hkexgroup.com/sustainability/hkex-foundation/hkex-impact-funding-scheme?sc_lang=zh-HK

21/08/2026

【香港交易所慈善基金 x 領展｜照顧者關懷站正式啟動】

照顧者關懷站試行兩個月以嚟，唔少街坊都會入嚟坐吓、傾吓偈、參與活動，慢慢將呢度變成社區裏面一個屬於照顧者嘅喘息空間。

日前， #香港交易所慈善基金 聯同領展喺順利商場舉行「跨代共融設施啟用禮」。香港交易所集團總法律顧問兼集團首席可持續發展總監周冠英先生、領展資產管理有限公司資產管理及區域中心董事總經理范世牧先生、HKCSS 香港社會服務聯會 業務總監譚穎茜博士，以及一眾嘉賓親臨現場，為設施主持啟用儀式，並參觀場內服務，了解社區點樣為照顧者提供更多支持。

計劃夥伴 CFSC 基督教家庭服務中心 同 香港基督教服務處 亦向嘉賓展示為照顧者及長者提供嘅多元活動同服務，包括新興運動「芬蘭木柱」及健康檢查等互動體驗。

我哋會喺度陸續舉行更多活動，歡迎各位照顧者路過嘅時候，入嚟睇吓、坐吓，俾自己唞唞氣。

#香港交易所慈善基金 嚟緊亦會繼續同夥伴攜手合作，將更多「照顧者關懷站」帶到唔同社區，一步步建立對照顧者更友善嘅環境。

請緊貼香港交易所慈善基金 Facebook 專頁，了解更多 #照顧者關懷計劃 嘅最新資訊。

#照顧者關懷計劃 領展 愛‧匯聚計劃

14/08/2026

【 #照顧者喘息站｜停一停，再出發】

照顧家人嘅路，有時就好似行迷宮咁，難免會覺得疲累，甚至一時搵唔到方向。但唔緊要，照顧路上你並唔孤單。

不如用短短幾秒鐘，暫時放低手上嘅忙碌，同關懷家族 CarePals 成員 #關愛 🩵 一齊走出迷宮，俾自己鬆一鬆、充充電，再慢慢向前行。

#香港交易所慈善基金 會繼續透過 #照顧者關懷計劃，為照顧者提供更多實用資源同支援，陪大家一齊行落去。