「抗毒同盟站」（Beat Drugs Alliance）是全港第一個以社工及已成功戒毒的「過來人」一同攜手建立的網站，並創立了一個真情流露的網上互動社群。
在這網站中，透過方便、迅速的網上平台，我們會亳不保留地與大家分享過去的經歷及心路歷程，向吸毒青少年提供朋輩式的輔導。因為吸毒青少年在掙扎的過程中需要扶持，而「過來人」正好明白大家的心理需要，理解他們的矛盾，亦可透過「過來人」的經歷，讓吸毒青少年知道「我都可以番轉頭」，從而鼓勵他們重新尋找目標，擺脫毒癮。
如果你正受到毒品的纏繞，我們希望你能打開內心世界，發表意見，分享對毒品及對自己的看法。一切資料，絕對保密。
服務對象:
正面對吸毒問題的人士
對禁毒資訊有興趣的人士
社工及家長
服務介紹
即時對話:
我哋嘅「抗毒同盟」會有當值時間，只要你想同「抗毒同盟」傾計，一click「即時對話」，就會有朋輩輔導員同你分享心底話；就
算一時間無人回應、或者你唔知點開口講，都可以寄個電郵比我哋，我哋嘅朋輩輔導員會喺辦工時間內覆返你！
互動講場:
有時上網悶悶地，可以上嚟睇下啟蒙故事，多個渠道打發下時間，又可以拎到嘢走，何樂而不為？
過來人分享:
成為過來人一d都唔容易，佢哋嘅經歷更難能可貴。想知佢哋經歷過d咩，同埋點樣重拾健康生活，堅守自己，就即刻入嚟睇啦！
專家分享:
其實毒品對身體嘅傷害有幾深？治療同康復嘅階段要留意d乜？呢度有醫生、護士同職業治療師等嘅專業人士為你作詳盡講解。
網上健康評估:
一個比身體檢查更快更方便嘅健康評估，只要花幾分鐘完成問卷，就可以得到一個初步嘅健康評估分數，測試毒品對自己嘅影響，睇下有幾深。
轉介免費身體檢查服務
身體上嘅痛楚係無時無刻咁影響日常生活，我哋嘅「抗毒同盟」深深明白呢種痛楚嘅威力。所以網站設有免費轉介身體檢查服務。只要喺登記頁面寫上希望檢查內容同聯絡方法，我哋就會同你聯絡，提供身體檢查服務。
法律研究所:
想知朋友呢個情況會唔會「有事」？我哋可以解答你嘅疑問，將你嘅個案簡單咁形容並留低你嘅聯絡方法，朋輩輔導員就會同你聯絡，同你分享有可能嘅處理方法。
