賽馬會「家長聊闊空間」計劃 JC “Parent Chat” Project

賽馬會「家長聊闊空間」計劃 JC “Parent Chat” Project Contact information, map and directions, contact form, opening hours, services, ratings, photos, videos and announcements from 賽馬會「家長聊闊空間」計劃 JC “Parent Chat” Project, Non-Governmental Organization (NGO), 荔枝角道838號勵豐中心201室, Hong Kong.

賽馬會｢家長聊闊空間｣計劃是一個全方位支援計劃，為家長在育兒路上建立更強大的支援。計劃以培力為核心基礎，為每位家長度身訂造轉化式學習體驗，讓家長以新角度及方向反思親職歷程。透過線上線下多種渠道，為家長提供靈活而方便的支援服務，提升及培養其個人能力及信心，照顧不同處境下的家庭需要。​

計劃致力促進家長心靈健康，啟發其潛力與韌性，透過互相支持感受被關懷的力量。透過計劃，希望能讓家長重拾育兒的喜悅與意義。育兒之路從不孤單，讓我們與你同行，陪你走過每一步。

【家長心事知唔知｜點樣讚小朋友先唔會「讚壞」？】暑假過咗一半，日日同小朋友喺屋企相處，先發現佢真係大個咗。有時見到佢主動掃地、抹枱、摺衫，唔再係乜都等大人幫手，其實心入面好欣慰。我都想即刻同佢講：「你幫手做家務，做得好好呀！」但每次想講出口...
07/08/2026

【家長心事知唔知｜點樣讚小朋友先唔會「讚壞」？】
暑假過咗一半，日日同小朋友喺屋企相處，先發現佢真係大個咗。

有時見到佢主動掃地、抹枱、摺衫，唔再係乜都等大人幫手，其實心入面好欣慰。

我都想即刻同佢講：「你幫手做家務，做得好好呀！」

但每次想講出口，又會停一停。唔係唔想讚，只係唔知點樣讚先叫自然, 又擔心一讚小朋友，小朋友又會飄飄然。

講「你好叻！好彩有你幫手咋！」，又覺得有啲肉麻；想講多兩句，話到嘴邊又唔知點講，又唔想比小朋友覺得比人讚先肯做家務。

最後好多時，只係望一眼，講句「嗯」，就算。

但其實，佢做嘅每一樣，我都有見到，有默默地感動。

喺育兒路上有情緒需要？不如搵我哋傾下啦💬
你講嘅每一句都係真人回覆。
無論你係爸爸定媽媽，我哋都一樣歡迎👏
WhatsApp wa.me/85268005086
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜ 🕘 9am-9pm
#賽馬會家長聊闊空間計劃 #香港賽馬會慈善信託基金

#家長聊闊齊參加 | 畫出我Style！親子創意T恤工作坊「開學喺即，孩子又係淨係得個制服——今次，不如親手整一件專屬戰衣？」升小一、小二係好大嘅轉變，緊張係正常嘅。今次我哋想幫你同孩子，喺開學前一齊留低一份甜蜜回憶 🎨親子一齊喺白色純棉...
05/08/2026

#家長聊闊齊參加 | 畫出我Style！親子創意T恤工作坊

「開學喺即，孩子又係淨係得個制服——今次，不如親手整一件專屬戰衣？」

升小一、小二係好大嘅轉變，緊張係正常嘅。今次我哋想幫你同孩子，喺開學前一齊留低一份甜蜜回憶 🎨

親子一齊喺白色純棉T恤上布料彩繪，設計專屬圖案，由諗款到落筆，全部自己話事 🖌️

畫嘅過程入面，自然就傾埋偈、合埋作，穿住自己親手畫嘅T恤返學，自信都多咗 💪

📅 日期： 14/8/2026（星期五）
🕙 時間： 上午10:00 – 下午12:30
🎯 對象： 升小一至小二親子（必須親子出席）
👥 名額： 8個家庭｜免費
📍 地點： 勵豐中心2樓201室（荔枝角站 D2出口）
📱 查詢： 陳姑娘 6162 6486（歡迎 WhatsApp）
🔗 即刻報名： https://www.jcparentchat.hk/activity/1044

名額得8個家庭，開學前留返呢份回憶 🎨

#賽馬會家長聊闊空間計劃 #香港賽馬會慈善信託基金

#家長聊闊齊參加 | 家長色彩解碼：活出我專屬的育兒「色」彩「點解我同孩子咁難溝通？係咪我做錯咗咩？」有時候唔係你唔夠用心，係你可能從來唔了解自己——自己嘅核心價值、壓力來源、同孩子相處嘅模式，其實都係有迹可尋嘅 🎨今次工作坊，透過加拿大...
04/08/2026

#家長聊闊齊參加 | 家長色彩解碼：活出我專屬的育兒「色」彩

「點解我同孩子咁難溝通？係咪我做錯咗咩？」

有時候唔係你唔夠用心，係你可能從來唔了解自己——自己嘅核心價值、壓力來源、同孩子相處嘅模式，其實都係有迹可尋嘅 🎨

今次工作坊，透過加拿大專業個性分析工具「性格透視®️」，幫你找出自己嘅主導顏色 🌈

綠色探究型、橙色多謀型、藍色真我型、金色組織型——你係邊款？了解自己，先能夠更好噉明白孩子，增加育兒信心 💪

📅 日期： 15/8/2026（星期六）
🕙 時間： 下午1:30 – 下午5:30
🎯 對象： 育有升小一至中三子女之家長
📍 地點： 勵豐中心2樓201室（荔枝角站 D2出口）
🔗 即刻報名： https://www.jcparentchat.hk/activity/1053/register

你係咩顏色？嚟搵返自己先 🎨

#賽馬會家長聊闊空間計劃 #香港賽馬會慈善信託基金

#聊闊育兒觀 | 「你應該攬住我」佢六個字,叫醒咗我 🫂「唔准喊！再喊就自己留喺度！」呢句一講完,我就後悔。大聲鬧完,自己先喺度驚返轉頭。文字分享：仔仔今日經過玩具店,扭計要買玩具,瞓喺地喊到拆天。我情急之下大聲喝：「唔准喊！再喊就自己留...
04/08/2026

#聊闊育兒觀 | 「你應該攬住我」佢六個字,叫醒咗我 🫂
「唔准喊！再喊就自己留喺度！」呢句一講完,我就後悔。
大聲鬧完,自己先喺度驚返轉頭。
文字分享：
仔仔今日經過玩具店,扭計要買玩具,瞓喺地喊到拆天。我情急之下大聲喝：「唔准喊！再喊就自己留喺度！」佢即刻嚇到收咗聲,嗰種驚恐嘅眼神,我一路返屋企都喺腦海度揮之不去。
夜晚仔仔好似已經忘記咗呢件事,臨瞓前我同佢傾偈問佢：「今日爸爸好大聲,係咪嚇親你？」佢一早放開懷抱咁點頭,我再問佢如果下次都係咁,佢想爸爸點樣做。
「你應該攬住我囉。」仔仔清楚咁回答。
做父母，就係一個不斷做錯決定嘅過程。冇人一出世就識得點樣做個好爸爸好媽媽，重點從來唔係「唔准錯」，而係願意承認、道歉、改善。每一次「對唔住」，都係喺度教緊孩子——原來犯錯唔可怕，可怕嘅係唔肯改。
父母嘅成長，就係由無數個「下次我會做好啲」砌出嚟。
無論你係爸爸定媽媽，我哋都一樣歡迎 👏
你講嘅每一句都係真人回覆 🫂
👆 WhatsApp wa.me/85268005086
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜🕘 9am-9pm
#賽馬會家長聊闊空間計劃 #香港賽馬會慈善信託基金

#家長聊闊齊參加 | 爸爸的桌遊時光：將「勞氣」變「樂趣」「收工返到屋企想陪仔女，教吓桌遊規則，點知搞到火藥味重，大家都勞氣收場。」以為一齊玩就自然開心，點知期望同現實有落差——今次就係要帶你同仔女「玩住學」，玩到大家都笑住收場 🎲掌握同...
29/07/2026

#家長聊闊齊參加 | 爸爸的桌遊時光：將「勞氣」變「樂趣」

「收工返到屋企想陪仔女，教吓桌遊規則，點知搞到火藥味重，大家都勞氣收場。」

以為一齊玩就自然開心，點知期望同現實有落差——今次就係要帶你同仔女「玩住學」，玩到大家都笑住收場 🎲

掌握同仔女溝通同引導嘅技巧，將衝突變歡笑，建立屬於你哋家庭嘅獨特互動模式 💪

仲有驚喜——成功出席兩節，即可免費獲贈全新精美桌遊一份 🎁，帶返屋企繼續 family game night！

📅 日期： 9/8、30/8（逢星期日）
🕙 時間： 上午11:00 – 下午12:30
🎯 對象： 爸爸及其家庭
👥 名額： 免費
📍 地點： 賽馬會天平綜合青少年服務中心（上水天平邨天明樓地下105-113室）
🔗 即刻報名： https://www.jcparentchat.hk/activity/1047/register

名額有限，爸爸今次帶埋仔女嚟，玩個痛快 🎲

#賽馬會家長聊闊空間計劃 #香港賽馬會慈善信託基金

#聊闊育兒觀 | 有時候，孩子令我哋看見自己的童年 🪞「你有冇試過，話咗句嘢出口，突然發現——呢句，係你爸媽當年對你講嘅？」我哋以為自己係在保護孩子。但有時候，我哋只係在重複一個熟悉的聲音。文字分享：搭電梯時，我聽到一位家長大聲責備孩子：...
27/07/2026

#聊闊育兒觀 | 有時候，孩子令我哋看見自己的童年 🪞

「你有冇試過，話咗句嘢出口，突然發現——呢句，係你爸媽當年對你講嘅？」
我哋以為自己係在保護孩子。但有時候，我哋只係在重複一個熟悉的聲音。

文字分享：
搭電梯時，我聽到一位家長大聲責備孩子：
「唔好執啦！跌親點算呀！」
「啲垃圾執嚟做乜呀！」
小朋友眼泛淚光，緊緊握住手中的貼紙。
嗰一刻，我突然想起好多年前——細個嘅我，係咪都曾經因為好奇而被喝止？係咪都試過興高采烈拎住自己珍惜嘅嘢，換嚟一句「冇用」、「垃圾嚟啫」？
呢個，就係教養入面嘅「傳承」。
我哋唔只傳承愛，也會傳承焦慮；唔只傳承關心，也可能傳承傷害。
當孩子蹲低執起一張貼紙，佢睇到嘅未必係垃圾，而係一份珍惜、一份好奇，甚至係一份小小嘅成就感。
下一次，當我哋忍唔住想責備時，不妨先停一停。
問問自己：呢句話，係我真心想送俾孩子嘅？定係我只係重複緊上一代曾經對我說過嘅話？

當父母開始覺察，教養嘅傳承，就有機會由複製變成改變。因為每一代嘅成長，都可以由一句被理解嘅說話開始。🪞

你有冇發現自己講過一句，同爸媽當年對你講嘅一模一樣嘅話？歡迎分享
你講嘅每一句都係真人回覆 🫂
👆 WhatsApp wa.me/85268005086
🌐 www.jcparentchat.hk
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜🕘 9am-9pm
#賽馬會家長聊闊空間計劃 #香港賽馬會慈善信託基金

#家長聊闊齊參加 | 親親孩子4大元素——指導式遊戲治療（下）「上次學咗元素，今次係點用喺真實陪伴入面？」掌握咗理論，但係實際同孩子互動嘅時候，仲係唔知點拿捏——今次下集，直接帶你落手落腳練習 🎲今次由羅冠權先生繼續帶領，深入實踐指導式遊...
25/07/2026

#家長聊闊齊參加 | 親親孩子4大元素——指導式遊戲治療（下）

「上次學咗元素，今次係點用喺真實陪伴入面？」
掌握咗理論，但係實際同孩子互動嘅時候，仲係唔知點拿捏——今次下集，直接帶你落手落腳練習 🎲

今次由羅冠權先生繼續帶領，深入實踐指導式遊戲治療嘅四大元素 🌈
學習實用互動技巧，建立親子安全感同連結，提升對家庭動態嘅覺察力，讓愛喺遊戲中自然流動 💞

📅 日期： 31/7/2026（星期五）
🕙 時間： 上午10:30 – 上午11:30
🎯 形式： 網上 Webinar
👥 名額： 免費
🔗 即刻報名： https://docs.google.com/forms/d/e/1FAIpQLSd2ePG2vtScylYcTEFtWtTUKMJW5rzmn8B5_hw1LHF_YR1vRg/viewform

#賽馬會家長聊闊空間計劃 #香港賽馬會慈善信託基金

#家長心事知唔知｜好唔容易等到暑假，點知都一樣要催催催平時返學，日日催做功課已經夠曬攰。好唔容易等到暑假，諗住可以唞吓，結果？放咗成個月，本暑期功課連個名都未寫，每日淨係識得同你講：「仲有大把時間，唔使急啦～」「聽日唔出街，我保證留喺屋企...
24/07/2026

#家長心事知唔知｜好唔容易等到暑假，點知都一樣要催催催
平時返學，日日催做功課已經夠曬攰。

好唔容易等到暑假，諗住可以唞吓，結果？

放咗成個月，本暑期功課連個名都未寫，每日淨係識得同你講：

「仲有大把時間，唔使急啦～」

「聽日唔出街，我保證留喺屋企做！」

「我玩多陣就去做啦……」

由放假忍到今日，你由溫馨提示，到日日催，就算返埋位都係發夢。
明明每日做兩頁就搞掂嘅事，點解仲辛苦過平時陪讀？

喺育兒路上有情緒需要？不如搵我哋傾下啦💬
你講嘅每一句都係真人回覆。
無論你係爸爸定媽媽，我哋都一樣歡迎👏
WhatsApp wa.me/85268005086
🌐 www.jcparentchat.hk
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜ 🕘 9am-9pm
#賽馬會家長聊闊空間計劃 #香港賽馬會慈善信託基金

#聊闊育兒糗事多｜你話小朋友，長輩加把口放工返到屋企，眼見就嚟開飯，但小朋友食緊零食，你忍唔住開口：「食咁多零食，一陣點食飯？」話口未完，身後奶奶立即發功👵：「食少少零食冇事㗎」你深呼吸 😮‍💨，繼續：「但都唔好臨食飯之前先俾，食飯時間食...
23/07/2026

#聊闊育兒糗事多｜你話小朋友，長輩加把口
放工返到屋企，眼見就嚟開飯，但小朋友食緊零食，你忍唔住開口：「食咁多零食，一陣點食飯？」
話口未完，身後奶奶立即發功👵：「食少少零食冇事㗎」
你深呼吸 😮‍💨，繼續：「但都唔好臨食飯之前先俾，食飯時間食唔落點算……」
👵：「得啦！乜都要問過你先！」

呢個情況換作係你，你會點做？👇
A. 啞忍，之後自己慢慢教返
B. 據理力爭，就算氣氛變尷尬都要講清楚
C. 事後搵另一半投訴洩憤

喺育兒路上有情緒需要？不如搵我哋傾下啦💬
你講嘅每一句都係真人回覆。
無論你係爸爸定媽媽，我哋都一樣歡迎👏
WhatsApp wa.me/85268005086
🌐 www.jcparentchat.hk
🚀 賽馬會「家長聊闊空間」計劃，線上線下全面支援你嘅情緒需要
📅 逢星期一到六｜ 🕘 9am-9pm
#賽馬會家長聊闊空間計劃 #香港賽馬會慈善信託基金

#家長聊闊齊參加 | 暑期Messy樂——親子感官藝術體驗「你有幾耐無同孩子一齊『污糟』玩過？」成日叫孩子唔好弄污衫、唔好搞得四周都係——今次，我哋特登請你哋一齊嚟玩個痛快 🎨今次活動，親子一齊透過感官探索藝術，用粉漿畫盡情創作，弄污咗都...
22/07/2026

#家長聊闊齊參加 | 暑期Messy樂——親子感官藝術體驗

「你有幾耐無同孩子一齊『污糟』玩過？」
成日叫孩子唔好弄污衫、唔好搞得四周都係——今次，我哋特登請你哋一齊嚟玩個痛快 🎨

今次活動，親子一齊透過感官探索藝術，用粉漿畫盡情創作，弄污咗都唔緊要！喺玩樂同創作之間，自然流露出最真實嘅親子連結 🖌️
唔需要任何藝術底子，帶埋孩子嚟放肆玩就得 🫶

📅 日期： 7/8/2026（星期五）
🕙 時間： 上午10:30 – 下午12:00
🎯 對象： 小學生及其家長（必須親子出席）
👥 名額： 6–8個家庭
📍 地點： 勵豐中心201室（荔枝角站 D2出口）
🔗 即刻報名： https://www.jcparentchat.hk/activity/987/register
#賽馬會家長聊闊空間計劃 #香港賽馬會慈善信託基金

Address

荔枝角道838號勵豐中心201室
Hong Kong

Telephone

+85239051071

Website

Alerts

Be the first to know and let us send you an email when 賽馬會「家長聊闊空間」計劃 JC “Parent Chat” Project posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 賽馬會「家長聊闊空間」計劃 JC “Parent Chat” Project:

Shortcuts

Share

Category