賽馬會齡活城巿計劃 Jockey Club Age-friendly City Project

30/07/2025

【齡活貼士】夏日消暑食譜 - 話梅番茄仔🍅

夏日炎炎☀️，有時真係熱到冇乜胃口🔥。雪糕凍飲含糖量高，都不宜多食！大家不妨動手整返道酸甜冰涼嘅開胃小吃🍅，一齊消炎解暑啦！

材料🍴：
話梅肉 7粒
熱水 50 毫升
番茄仔 230克
天然蜜糖 1茶匙
檸檬汁 3茶匙

製作步驟✨：
第一步：用熱水浸泡話梅肉至水溫變涼🌀，倒去熱水。
第二步：用刀尖喺番茄仔上輕輕畫一條線🔪，放入滾水淥10秒。
第三步：撈起立即浸冰水🧊。
第四步：將番茄皮同椗摵走，放喺碗或密封容器內🫙。
第五步：加入話梅連水、天然蜜糖🧉及檸檬汁🍋。
第六步：放入於雪櫃冷藏最少6個鐘⛄️。

*話梅鈉含量高，長者只適宜淺嚐、適量進食。
*長者入廚時需注意安全；如有需要，照顧者可在旁陪同長者煮食。
*個人體質不同，切勿一次進食過量。

#賽馬會齡活城市計劃 #齡活城市 #長者及年齡友善 #齡活貼士

24/07/2025

【長者住好啲🥰】政府制定長者友善樓宇設計🏘

政府日前公布將落實長者友善樓宇設計方案🏢，將由今年中起分批落實。當中涵蓋4個範疇，包括16項強制規定，例如住宅樓宇正門提供自動門、較闊嘅公用走廊同住宅單位入口大門🚪、洗手間同廚房採用防滑地板、規範升降機機廂大小等等；同時亦提出鼓勵性設計，建議透過喺休憩空間提供健身設施等，提升長者幸福感🩷，以及善用樂齡科技同物聯網，例如提供高速穩定嘅互聯網📱，支援安裝智慧卡系統、活動感應器等等。

此外，政府仲推出「長者友善樓宇」認證計劃📝，推動業界採用長者友善樓宇設計。

希望以上措施幫到長者居家安老👵👴，令我哋有更安全、更舒適嘅居住環境，實現「住好啲」嘅心願👍

#賽馬會齡活城市計劃 #齡活城市 #長者及年齡友善 #長者友善樓宇

政府「推動長者友善樓宇設計」工作組完成制訂長者友善樓宇設計的方案，由今年中起分批落實。對比11月的方案，加入了多項新建議，包括室內公用地方門口設自動門。黃偉綸領導的「推動長者友善樓宇設計」工作組去年1

16/07/2025

【公眾投票即將截止】立即投選你最喜愛的長者及年齡友善措施🗳

為咗便利長者生活同締造適合任何年齡人士生活嘅環境，各行各業都積極實施長者及年齡友善措施，衣食住行梗有一項喺你左近！今屆賽馬會齡活城市「全城．長者友善」計劃 就有超過300間公司/機構報名，競逐各項大獎🏆

呢啲有溫度、有創意嘅「齡活」措施，需要你嘅支持同表揚❤️「我最喜愛的全城 ‧ 長者友善計劃大獎」現正進行公眾投票，大家快啲投票選出你嘅最愛🗳️鼓勵表現傑出嘅公司及機構，今個星期五就截止喇!

🔗投票網站：https://jccitypartnership.hk/2025-vote

📍公眾投票：即日起至2025年7月18日23:59

#賽馬會齡活城市計劃 #齡活城市 #長者及年齡友善 #全城長者友善計劃 #我最喜愛的全城長者友善計劃大獎 #公眾投票

08/07/2025

【我嘅心水係佢！】分享你最喜愛的長者及年齡友善措施🥰

賽馬會齡活城市「全城．長者友善」計劃 2024/2025嘅「我最喜愛的全城．長者友善計劃大獎」公眾投票已經展開。主辦機構香港理工大學樂齡與家庭研究中心現正舉辦【 #我要讚佢】留言活動💌！大家除咗去網站投票(https://jccitypartnership.hk/2025-vote)，仲可以喺 賽馬會齡活共創計劃專頁分享您支持該公司／機構嘅原因或親身經歷，最有感染力嘅留言有機會獲得價值50元嘅購物現金券㗎🎁參加活動及了解有關活動詳情，請瀏覽以下專頁嘅貼文。

🗳公眾投票及有獎活動日期：即日起至2025年7月18日23:59

#賽馬會齡活城市計劃 #齡活城市 #長者及年齡友善 #全城長者友善計劃 #我最喜愛的全城長者友善計劃大獎 #公眾投票

【 #我要讚佢 💬】分享您心中的「全城．長者友善」故事，贏取 HK$50購物現金券 ！

您的一票，不只是一個數字，更是一份肯定！❤️

由香港理工大學樂齡與家庭研究中心主辦、香港賽馬會慈善信託基金捐助的「賽馬會齡活城市『全城．長者友善』計劃」現正舉行「我最喜愛的全城．長者友善計劃大獎」公眾投票，誠邀您為用心服務社區的公司／機構投下寶貴一票！

為鼓勵大家分享令您感動／欣賞的公司／機構所推行的長者及年齡友善措施，我們特別舉辦【 #我要讚佢】留言活動！參與者將憑實力角逐，由團隊選出40個最用心、最有感染力的留言，每位得獎者將獲得 HK$50購物現金券 ！

👇 參加方法（只需二步！）：
第1步：讚好、追蹤 + 截圖
讚好及追蹤我們的Facebook專頁，並將顯示「已讚好/追蹤中」的畫面截圖備用。

第2步：投票 + 留言分享 + 標籤朋友
前往投票網站，為您支持的公司／機構投票。然後回到本帖留言區，完成以下任務：
1️⃣ 寫出您投票支持的公司／機構名稱
2️⃣ 分享您支持該公司／機構的原因或親身經歷（例如：他們的產品如何方便家中長者？您曾見過他們前線員工如何體貼地幫助長者？）內容越詳細越有機會獲獎！
3️⃣ 在其留言中標籤3位朋友一起參加，將這份支持傳遞出去！

🏆 評選標準：
團隊將根據留言內容的感染力及創意選出40位得獎者。您的選擇，我們用心聆聽！

🗓 活動日期：
即日起至2025年7月18日23:59（活動結束內兩星期內會以PM 形式通知得獎者）

📣 結果公佈：
「我最喜愛的全城．長者友善計劃大獎」 得獎名單將於9月下旬在頒獎禮公布，敬請留意。
一個小小的讚賞，可以成為各公司/機構做得更好的最大動力！快來留言，用文字分享您的支持吧！

#賽馬會齡活共創計劃 #賽馬會齡活城市全城長者及年齡友善計劃 #香港理工大學樂齡與家庭研究中心 #長者及年齡友善 #香港賽馬會慈善信託基金 #我最喜愛的全城長者友善計劃大獎 #我要讚佢 #留言分享 #立即投票

26/06/2025

【公眾投票現已開始】選出你最喜愛的長者及年齡友善措施🥰

賽馬會齡活城市「全城．長者友善」計劃 2024/2025反應熱烈，共有超過300間來自政府部門、銀行金融、醫療保健、資訊科技、餐飲、零售、物業管理、交通等多個行業嘅公司／機構報名，競逐本屆各項大獎！👏

其中「我最喜愛的全城．長者友善計劃大獎」係由公眾投票同評審團共同選出，公眾網上投票已經開始，誠邀全港市民投下神聖一票🗳選出你心目中最喜愛、最窩心、最貼心嘅長者及年齡友善措施、活動、產品或服務！

由即日至7月18日，大家可以透過以下網站投票，你嘅每一票都代表住對長者及年齡友善理念嘅支持，同時鼓勵更多公司／機構加入「齡活」行列，一齊建構香港成為適合任何年齡人士生活嘅城市。👴👵🫰

投票方法：
1️⃣投票網站 jccitypartnership.hk/2025-vote
2️⃣為支持嘅計劃投票，每人可為多間公司／機構投票，但每間公司／機構限投一票
⏳投票截止日期：2025年7月18日

#賽馬會齡活城市計劃 #齡活城市 #長者及年齡友善 #全城長者友善計劃 #我最喜愛的全城長者友善計劃大獎 #公眾投票

11/06/2025

【齡活樂遊團】回味城寨時光⌛️

「入得城寨，你幫人，人幫你。」舊年，隨著香港電影《九龍城寨之圍城》上映，香港甚至海外都掀起一股城寨熱潮🌪️。片中嘅城寨故事，唔單止令新一代著迷🥰，更勾起年長一輩對上世紀時光嘅懷念🎞️。

「九龍城寨光影之旅」電影場景展於5月尾正式開幕🕺🏻，重現多個《九龍城寨之圍城》嘅經典電影場景。精心打造嘅場景唔單止令你仿如置身城寨，更透過沉浸式設計，例如喺啤膠廠加入氣味裝置👃🏻，並首次結合大型投影，讓參觀者親身感受當年飛機掠過城寨嘅震撼聲效同畫面✈️。快啲約埋屋企人、朋友一齊嚟九龍寨城公園「穿越時空」，一面欣賞本土傳統工藝，一面探索半世紀以前嘅香港啦👀！

📆日期：2025年5月24日起，為期3年
⏰時間：2025年5月至8月 每天上午9:00至下午7:00
(2025年9月起 每天上午9:00至下午6:00)
📍地點：九龍寨城公園衙門
🎫票價：免費入場
*圖片來源：香港旅遊發展局網站

#賽馬會齡活城市計劃 #齡活城市 #長者及年齡友善 #齡活樂遊團 #九龍城寨

29/05/2025

【齡活貼士】三大藥物管理小工具

人口老化意味著慢性疾病個案上升，醫療同照顧需要日增。根據政府統計，2020/21年度約有220萬人患有慢性疾病，當中近一半為65歲或以上人士，數字有上升趨勢📈高血壓、糖尿病等疾病喺長者中尤為常見，藥物管理亦變得至關重要。今日就推介以下三個小工具俾大家💡

1️⃣分格藥盒⭐️
選擇有分格設計嘅藥盒，例如可按早餐、午餐、晚餐、每日時段、甚至7天分配藥物，而有大字標籤或顏色區分嘅設計，更可方便長者及照顧者分辨同整理不同藥物💊

2️⃣智能提示軟件(適用於照顧者及使用智能手機嘅長者）⭐️
部分手機應用程式可設定服藥提示，同時記錄食藥情況，仲可以同屋企人共享資料，照顧者可以確保長者按時食藥，有啲應用程式更可以添加藥物照片同劑量說明，有需要嘅長者可以下載使用📱

3️⃣藥丸切割器/粉碎器⭐️
藥丸切割器可輕鬆將藥丸切細成適當劑量；粉碎器就可以將難吞嚥嘅大粒藥物磨成粉末，方便有吞嚥困難嘅長者食藥。部分工具可能會有鋒利邊緣，使用時須注意安全，避免利器傷手！

📌小貼士
💡注意服藥指示與儲存方式：
覆診後仔細聆聽醫護人員對藥物嘅說明，大部分藥物宜存放於陰涼乾爽處，少數藥物則需冷藏。避免將藥物暴露於陽光或潮濕環境。

💡簡化藥物種類：
若藥物種類繁多，可諮詢社區藥劑師或醫生，評估是否可合併或停用部分重複藥物（如止痛藥、胃藥等），以減低服藥錯誤或相互作用風險。

「賽馬會藥健同心藥物支援網絡」於2024年開始，以先導形式喺多區設立社區藥房，藥健同心社區藥房設有藥物管理服務，由社區藥劑師提供個人化建議，協助整理藥物、解釋服藥指示，並優化整體用藥方案，讓長者更安心，照顧者更放心🥰詳情可瀏覽 https://www.jcpharmplus.hk/

#賽馬會齡活城市計劃 #齡活城市 #長者及年齡友善 #齡活貼士 #藥物管理 #社區藥房

14/05/2025

【齡活樂遊團】首屆「香港非遺月」即將於下月舉行✨ 與你探索非遺精華遊蹤🪅

香港雖然係彈丸之地，但係擁有唔少非物質文化遺產！康樂及文化事務署即將喺6月舉辦首屆「香港非遺月」🎊，到時會有超過80場非遺表演、60個非遺互動體驗攤位同20個「非遺精華遊蹤」導賞團，等你可以深入探索👀！想親身感受？快啲報名參加考察團，探索六區傳統手工技藝嘅特色非遺。此外，仲有唔同類型嘅非遺活動，例如各區都有龍舟競渡🚣🏻‍♀️、大埔三門仔更有端午遊夜龍🐉；鍾意演藝節目嘅可以欣賞神功戲、京劇、越調🎭；想了解宗教文化，適逢車公誕可以去沙田車公古廟酬神🪷，或者參與龍母誕！

想一次過體驗更多非遺項目？咁你就更加唔可以錯過喺荃灣三棟屋博物館舉辦嘅「非遺無限∞」同樂日，同埋沙田大會堂嘅「躍動非遺」，除咗有表演仲有互動攤位活動。今個6月，老友記一於同屋企人好朋友一齊感受非遺文化嘅獨特魅力啦🥰！

✨🪅「非遺精華遊蹤」導賞團將於5月16日開始報名，有關活動詳情及報名，請瀏覽網頁: https://tinyurl.com/3t68rbfz

*圖片來源：非物質文化遺產辦事處網站

#賽馬會齡活城市計劃 #齡活城市 #長者及年齡友善 #齡活樂遊團 #香港非遺月

30/04/2025

【齡活貼士】假牙護理知多啲🦷

有唔少老友記需要戴假牙，妥善護理假牙，可以有效減少患上口腔疾病嘅機會。今次同大家分享以下幾個簡單又實用嘅假牙護理貼士，有助保持口腔健康，笑得健康又自信😁

🪥 每日清潔假牙，乾淨又衞生
• 🌞 日間：每次食完嘢記得攞出假牙洗乾淨，再用清水漱口
• 🌙 夜晚：將假牙浸泡喺清水中，用獨立軟毛牙刷同清潔劑仔細清洗假牙托每個部份(亦可以用假牙清潔片浸泡同刷洗)，之後用清水沖乾淨，浸喺清水過夜。❗️記得浸泡假牙唔可以用熱水，因為熱水會容易令假牙變形
🪥 夜晚唔好戴假牙瞓覺�
🪥 新假牙需要慢慢適應，長者喺佩戴假牙初期可能有啲唔慣或唔舒服，畀啲耐性逐步適應；如果戴咗6個月仲係感覺不適，記得搵牙醫檢查同調校
🪥 每年檢查口腔，定期睇牙醫，及早發現同處理牙患，保持口腔衞生

*如有其他關於口腔健康或口腔衞生疑問，應盡快請教專業醫護人員。

#賽馬會齡活城市計劃 #齡活城市 #長者及年齡友善 #齡活貼士 #假牙護理

16/04/2025

【齡活貼士】強化肌肉 保護關節🦵🏻
一般人關節柔軟度每10年就會下降7%，因此隨著年紀增長，容易出現關節疼痛嘅情況。此外，因回南天嘅氣壓轉變，容易增加關節壓力，有機會誘發甚至加劇痛症😫

想舒緩關節痛症嘅其中一個方法，就係進行適量肌力訓練，增強肌肉力量以降低關節壓力。大家可以參考圖中動作，進行低強度運動，記住要量力而為。若過程中出現痛楚，應立即停止，有需要時向醫生求診。

💡請使用有椅背且穩固嘅椅子🪑完成以下三組動作，每邊腳做30次，之後換邊重覆動作💡
1️⃣鍛煉臀中肌及臀側肌
做法：企起身，手扶椅背，腳向外側提高，停留3至5秒，回到原位。

2️⃣鍛煉臀大肌
做法：企起身，手扶椅背，腳向後伸直，停留3至5秒，回到原位。

3️⃣鍛煉大腿前肌
做法：坐低，腳向前伸，盡量伸直，停留3至5秒，回到原位。

如果大家想進一步訓練上肢肌肉、腹部肌肉同下肢肌肉，不妨參考以下「十式小錦囊」，每日練習，提升肌肉質量同活動能力~
👉https://tinyurl.com/56bf45ed

#賽馬會齡活城市計劃 #齡活城市 #長者及年齡友善 #齡活貼士

31/03/2025

【誠邀公眾提名公司或機構角逐「友善人情大獎」🥰】

為咗鼓勵社會各界共同建構長者及年齡友善城市，「賽馬會齡活城市『全城．長者友善』計劃2024/25」現已接受報名，歡迎唔同行業嘅公司、政府部門同公營機構報名參加 ！

計劃設有「友善人情大獎」，表揚公司或機構以長者及年齡友善措施譜出勵志動人故事🫶有關大獎現正接受公眾提名，如果你知道有公司、政府部門或公營機構實施嘅長者及年齡友善措施造就咗一啲感人、勵志嘅故事，或為社會帶嚟正能量👍，歡迎你提名佢哋角逐「友善人情大獎」。值得稱讚嘅事梗係要開心分享🥳！記得把握機會透過以下連結提名你嘅心水公司或機構將「齡活」好事公諸同好👏
✍️立即提名：https://jccitypartnership.hk/page/nomination
❗️截止提名日期：2025年4月11日

#賽馬會齡活城市計劃 #齡活城市 #長者及年齡友善 #全城長者友善計劃 #友善人情大獎

【Call For Action ! 你身邊有長者及年齡友善的暖心故事嗎？】

為鼓勵各界為長者積極創造更美好的生活，推行長者及年齡友善措施，我們現正招募友善人情故事，嘉許這些公司和機構，令他們的努力和愛心被看見！💖

「賽馬會齡活城市『全城．長者友善』計劃」現正開放予公眾提名為香港長者及年齡友善文化帶來正能量的勵志故事，以促進社區支援和跨代聯繫。被提名的公司／機構有機會角逐「友善人情大獎」和「我最喜愛的全城．長者友善計劃大獎」。

如果你發現身邊有公司或機構推行「齡活」的窩心措施，立即留言提名他們角逐大獎，為社區注入溫暖及正能量✨🥰 ！

你只需進行以下簡單兩個步驟：
1️⃣寫出／Tag 公司／機構名稱
2️⃣簡短分享提名公司/機構如何推行具人情味或窩心的長者及年齡友善措施
截止提名日期：2025年4月11日

您的提名，就是對他們最大的鼓舞，期待大家分享您最愛的長者及年齡友善措施，讓我們一起發掘城中窩心故事！🗳️

公眾提名網上表格及細則：https://jccitypartnership.hk/page/nomination

#賽馬會齡活共創計劃 #賽馬會齡活城市全城長者友善計劃 #香港理工大學樂齡與家庭研究中心 #長者及年齡友善措施 #香港賽馬會慈善信託基金 #友善人情大獎 #我最喜愛的全城長者友善計劃大獎

26/03/2025

【齡活樂遊團】與畢加索「對話」👨🏻‍🎨🖼

二十世紀歐洲大師巴勃羅・畢加索對藝術發展有深遠嘅影響，相信大家都對佢稍有認識，但大家有冇試過親眼鑑賞佢嘅真跡呢👀✨？

「香港賽馬會呈獻系列：畢加索──與亞洲對話」由M+與巴黎國立畢加索藝術館共同主辦，係首個喺香港舉辦嘅大型畢加索展覽，並與多名當代亞洲藝術家作品一同展出，嚟一場跨文化、跨世代嘅「對話」。對藝術有興趣嘅你，不妨近距離欣賞畢加索嘅鉅作啦🤩！

👨🏻‍🎨香港賽馬會呈獻系列：畢加索──與亞洲對話👨🏻‍🎨
🗓️展覽日期：2025年3月15日至7月13日
📍地點：M+博物館二樓西展廳
🎟️門票：
·正價門票：港幣240元
·特惠門票*：港幣120元
·大小同樂 - 二人同行（一位成人及一位小童） #：港幣300元
·大小同樂 - 三人同行（兩位成人及一位小童） #：港幣480元

*特惠門票適用於60歲或以上長者、全日制學生、7至11歲兒童、殘疾人士（與一名陪同者）以及綜合社會保障援助受助人。

# 大小同樂套票適用於成人及7至11歲小童，使用大小同樂套票的成人及小童必須同時入場。

🔗了解活動及購票詳情，請參閱： https://bit.ly/4gfJkPk

#賽馬會齡活城市計劃 #齡活城市 #長者及年齡友善 #齡活樂遊團