惠家慈善基金 Well Family

Home
Hong Kong
Hong Kong
惠家慈善基金 Well Family

惠澤社羣，積善之家

23/07/2026

上一個post我哋提到喺「惠澤雷特家」活動上有一位神秘嘉賓隔空為全場送上驚喜 —— 冇錯呀！佢就係人靚歌甜心善嘅容祖兒喇！🎤💕

喺《反斗奇兵5》入邊聲演翠絲嘅Joey，唔單止錄製咗一段窩心說話為雷特女孩、家人同照顧者打氣💪🏻，更為每一位雷特女孩送上代表佢自己嘅翠絲公仔🤠，希望翠絲嘅開朗同勇敢一直陪伴住佢哋❤️。

喺影片嘅最後，Joey仲高歌一句🎶，憑歌寄意 —— 快d開聲睇片啦！

再次衷心多謝Joey以及
JOEY YUNG Charitable Foundation 容祖兒慈善基金！

#惠澤雷特家 #惠家慈善基金 #容祖兒 #容祖兒慈善基金 #反斗奇兵5 #翠絲 #愛從不罕見 #雷特氏症 #神秘嘉賓 #陪伴同行

21/07/2026

【惠澤雷特家 - 《反斗奇兵5》電影包場暨午宴】

啱啱過去嘅星期六，我哋同十幾個雷特家庭、以及一眾惠家義工朋友一齊度過咗充滿歡樂同溫暖嘅時光🧡

當日我哋有接近100人齊齊入戲院包場睇《反斗奇兵 5》🎬🍿。雷特女孩們都睇得非常開心投入，有位媽媽分享話：「我未見過個囡咁投入專注㗎！」。

觀影後嘅午宴，亦滿載溫馨和意義。因為雷特女孩多數行動不便，雷特家庭出行一啲都唔容易。今次係超過一年後，19個家庭難得再次咁齊人相聚，現場歡聲笑語不斷。我哋仲邀請咗一位神秘嘉賓透過錄影為全場送上驚喜 - 想知係邊個？記得留意我哋下個 post，到時同大家分享呢份心意！🎥💌

衷心感謝參加嘅各位惠家義工！你哋個個自動波，幫手打點大小事務 🙌，午餐時同雷特家庭同枱有講有笑，完美演繹《反斗奇兵》嗰句 “You’ve Got a Friend in Me”呀 🎵🎸！

我哋仲想特別鳴謝JOEY YUNG Charitable Foundation 容祖兒慈善基金同佢哋嘅義工朋友，特別喺觀影前為雷特女孩送上翠絲公仔 🧸，為佢哋帶嚟一份代表樂觀同勇敢嘅祝福。

罕見病好需要社會上更多嘅認識同支持，我哋誠邀大家分享呢個 post 📤，亦可以瀏覽香港雷特氏症協會嘅專頁，以及分享佢哋嘅短片(link: https://youtu.be/NqlxTvBEWC0?feature=sharedv)，令更多人了解雷特氏症呢個罕見病。

惠家慈善基金好開心可以全力支持今次活動，嚟緊我哋會繼續以唔同方式支持社會上有需要嘅群體 🤝。記得繼續留意我哋嘅專頁，一齊期待更多有意義嘅活動啦！🙌😊

#惠澤雷特家 #惠家慈善基金 #香港雷特氏症協會 #容祖兒慈善基金 #反斗奇兵5 #愛從不罕見 #罕見病 #雷特氏症 #義工 #陪伴同行

14/06/2026

【🧸 You've Got a Friend in Me！3分鐘神速爆滿嘅夏日之約 🎬🍿】

最近天氣經常陰晴不定🌧️，但係我哋惠家義工嘅愛心同熱情就始終咁熱烈呀！🔥

日前我哋為即將於 7月同香港雷特氏症協會合辦嘅✨「惠澤雷特家」《反斗奇兵5》電影包場暨交流午宴✨招募義工，估唔到短短 3 分鐘內名額已經極速爆滿！好多義工仲帶埋朋友一齊報名，見到大家咁一呼百應，我哋真係超級感動呀！衷心多謝大家嘅支持！❤️🙏🏼

《反斗奇兵》有一首好經典嘅主題曲叫🎼「You've got a friend in me」🎶，呢句說話，正正係我哋想藉住今次活動帶畀雷特家庭嘅心意。

💡點解對雷特氏症患者及其照顧者家庭嘅支持咁重要？
「雷特氏症」（Rett Syndrome）是一種由先天基因突變所致的罕見神經系統疾病，患者幾乎全為女孩。因為肢體同言語障礙，雷特女孩平時要出一次門其實一啲都唔容易，更莫講話係多個照顧者家庭聚埋一齊。

今次活動會有17個雷特氏症患者家庭參與，加埋義工，預計總參加人數將會突破 100 人！💯 當日我哋嘅義工朋友會全程陪伴，為雷特女孩提供最貼心嘅出入協助，等佢哋同屋企人可以舒舒服服咁睇戲🍿、歎住冷氣食飯傾偈🍽️。我哋希望用最實在嘅陪伴話畀佢哋知：喺呢條路上，你哋絕對唔孤單，因為 You've got a friend in me！🤝

義工名額雖然已經火速爆滿，但大家都請密切留意我哋嘅 Page，之後會為大家送上滿滿嘅精彩畫面！📸

#惠家慈善基金 #惠澤雷特家 #反斗奇兵5 #義工精神 #3分鐘爆滿 #罕見病關注 #風雨不改 #陪伴同行

20/11/2025

《惠家秋日西貢遊》

好耐無見啦~~
惠家慈善基金縱使正於轉型當中，我地仍會繼續服務本港有需要人士~~

我地今次再度與失明人士互聯會合作，帶失明人士享用海鮮午餐及暢遊西貢👴🏻🧓🏻

當日天公造美，天氣極佳，大家都玩得好開心☺️

惠家將繼續與您同行，請密切留意惠家FB專頁啦~~
我地一齊為有需要人士努力💪🏻💪🏻
#好耐無見 #惠家旅行團 #惠家 #惠家慈善基金 #義工 #義工活動

08/07/2024

各位sisters收完工可以過嚟'girls talk'放鬆心情 👭，,暫時遠離工作同家庭嘅煩惱，識下其他姊妹，一齊吹水減壓🥰。快啲一齊嚟玩，認識自己同其他人！

日子: 2024年7月10日(星期三)
時間: 晚上7:00pm-10:00pm
費用: 全免 (由婦女自強基金資助)
地點: 佐敦彌敦道206號LOFT206閣樓
活動對象: 18歲以上女性
報名表格📝：https://docs.google.com/forms/d/e/1FAIpQLSc1Rh2LdZyldHaxarl4gkNg6FKxCE2_qGbC_7xrE8KMhLGdNQ/viewform?usp=sf_link

📣有興趣嘅快啲嚟報名啦！🎉😙

#婦女自強基金 #自我探索 #創意探索 #分享內心世界 #思考和溝通 #樂高治療

16/07/2023

《端午長幼樂遊素食團》

惠家慈善基金再度與香港新啟德獅子會合作，帶石硤尾的獨居雙老長者👴🏻🧓🏻出外旅遊。

當天因為天氣不太好，我地轉左去香港歷史博物館遊玩☺️中午到粉嶺雲泉仙館並享用豐富素食午宴🍚🌽🥕🍠一同渡過一個喜悅的端午週末！

當天午宴過後下起大雨🌧️🌧️感謝香港新啟德獅子會義工朋友於是次活動出錢出力🙏🏻🙏🏻令各位老友記都能安全歸家~~☺️

惠家義工活動將陸續有黎，請密切留意惠家FD專頁啦~~
我地一齊為有需要人士努力💪🏻💪🏻

#香港新啟德獅子會 #惠家旅行團 #惠家 #惠家慈善基金 #義工 #義工活動

05/07/2023

《惠家探訪活動》

惠家義工活動雖然已經復常，但已有好一段時間未有大規模探訪活動。今次好高興我地再同香港兔蘆術數學會合作👏🏻👏🏻👏🏻一齊探訪100戶石硤尾嘅獨居及雙老長者👴🏻🧓🏻

感謝香港兔蘆術數學會既送出豐富禮物🍪🍜🍪🍵，又派出大量義工👨‍👩‍👦‍👦👨‍👩‍👧‍👦參與活動，感謝感謝🙏🏻🙏🏻

大家請密切留意惠家FB，我地將會有更多不同形式嘅義工活動，需要大家支持🙏🏻🙏🏻💪🏻💪🏻

#感謝一直還在堅持的人
#香港兔蘆術數學會 #探訪 #惠家 #惠家慈善基金 #義工 #義工活動

10/05/2023

《惠家旅行團》

惠家慈善基金義工活動已復常左一段日子💪🏻💪🏻💪🏻，我地而家每個月都有1-2次活動。

較早前，我地聯同深水埗惠家飯堂嘅合作伙伴香港樂心會合辦惠家旅行團活動，由一眾惠家義工帶領深水埗惠家飯堂嘅老友記到林村許願樹、沙田車公廟遊玩，亦有到雲泉仙館享用齋菜午餐🍚🌽🥕🍠
惠家義工活動將陸續有黎，請密切留意惠家FD專頁啦~~
我地一齊為有需要人士努力💪🏻💪🏻

#惠家旅行團 #惠家 #惠家慈善基金 #香港樂心會 #義工 #義工活動 #惠家飯堂

01/05/2023

惠家慈善基金的慈善服務已逐漸回復正常，於上周惠家慈善基金及香港新啟德獅子會合辦探訪活動，經合作伙伴循道衞理亞斯理社會服務處安排下，探訪及送贈福袋物資俾40戶基層家庭。

由香港新啟德獅子會送出的福袋非常豐富，有日本米🍚、水果🍎🍊、餅乾🍪等~~大人小朋友收到都十分開心🥰感謝香港新啟德獅子會🙏🏻🙏🏻

惠家義工活動將陸續有黎，請大家密切留意惠家FD專頁啦~~💪🏻💪🏻

#感謝一直還在堅持的人
#香港新啟德獅子會 #探訪 #惠家 #惠家慈善基金 #循道衞理亞斯理社會服務處 #義工 #義工活動

23/04/2023

惠家慈善基金一直努力不懈，於疫情期間一直服務有需要人士💪🏻💪🏻惠家飯堂於疫情期間一路服務長者及有需要人士，惠家亦與其他善長及合作伙伴為有需要人士提供抗疫物資😷🍎🍅🥕🥬🥖🍚；於適合時間再次外出活動~~

近日，惠家慈善基金首次與再生會合作，一聚惠家義工出動帶會友們飲茶及到沙頭角旅遊~~大家都十分開心~~

我地會陸續恢復義工活動，大家請密切留意惠家FD專頁啦~~

我地一齊為有需要人士努力💪🏻💪🏻

#感謝一直還在堅持的人
#惠家旅行團 #最緊要身體健康 #惠家 #惠家慈善基金 #再生會 #義工 #義工活動

Address

Hong Kong

Telephone

+85224410441

Website

http://www.wellfamily.org/

Alerts

Be the first to know and let us send you an email when 惠家慈善基金 Well Family posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 惠家慈善基金 Well Family:

Want your organization to be the top-listed non profit organization in Hong Kong?