NPV動物權益教育 - ARE by NPV

Home
Hong Kong
Hong Kong
NPV動物權益教育 - ARE by NPV

AREbyNPV (Animal Rights Education by NPV) 動物權益教育小組致力推廣動物權益教育工作，透過不同的文章、短片… 讓市民認識、了解和反思，我們應該如何對待動物。

05/10/2026

過去20年，NPV 在醫療、動物權益及動物福利的路上從未停步。適逢今年是NPV 20周年，希望聚集大家力量，化身為「愛動物戰隊」的一員，在往後的路一齊加入這個行列，為動物齊齊努力！❤

愛動物戰隊系列推出去街街袋，空間夠大布料又堅挺，拎出街做嘢放電腦又得，行街又得，放狗當出街袋都仲得！

每售出一個布袋，將全數捐至「流浪動物醫療基金」，支援社區流浪貓狗的緊急醫療、絕育等等免費服務。🐶🐱🙏🏻

購買網址：https://shop.npv.org.hk/products/npv-20anniversary-bag

04/10/2026

10月11日，我哋將會喺 @茲曼尼 Giormani 舉辦貓狗領養日🐶🐱！

今日係世界動物日，率先為大家介紹8隻待領養狗仔！每隻狗狗都值得被人愛的，大家都不妨嚟探下佢哋呀！ ❤

《AREbyNPV X 茲曼尼貓狗領養日》
日期：2026年10月11日 (星期日)
時間：13:00-18:00
地點：茲曼尼旺角旗艦店 | 旺角奶路臣街38號麥花臣匯地下 (旺角港鐵站E2出口)

Tan Tan、Tofu 、Taro、Truffle、Taro、Tapas、Tyla、Ting Ting🐶🐶 故事：有個阿叔霸咗觀音山上一個豬欄，用嚟養狗，又冇做絕育，搞到變咗10幾隻，之後豬欄俾人告佢非法盜用，政府要佢清場，所以求助義工接走所有狗狗。

再次感謝茲曼尼GIORMANI，再度借出場地俾我哋舉行領養日，讓貓狗們有更多機會曝光！ 🎊

02/10/2026

10月11日，我哋將會喺茲曼尼 Giormani 舉辦貓狗領養日🐶🐱！當日有超過30隻待領養貓狗出現，大家不妨襯今次活動，嚟探下待領養貓狗，有興趣嘅都可以了解下佢哋！💓

感謝茲曼尼GIORMANI，再度借出場地俾我哋舉行領養日，讓貓狗們有更多機會曝光！ 🎊

《AREbyNPV X 茲曼尼貓狗領養日》
日期：2026年10月11日 (星期日)
時間：13:00-18:00
地點：茲曼尼旺角旗艦店 | 旺角奶路臣街38號麥花臣匯地下 (旺角港鐵站E2出口)

⭐GIORMANI茲曼尼品牌介紹
- 寵毛孩梳化首選🐱🐶: 皇牌功能布及星級功能布*
- 防水、防污、防油、耐磨、耐刮、耐抓🐾、防靜電
*通過國際機構測試
- 🔨梳化可訂造不同尺寸 / 物料 / 顏色/ 軟硬度
- 10年保養、品質保證
- 超過25年香港梳化品牌
💬想了解更多? 同茲曼尼梳化專員真人對話啦：https://bit.ly/3PHsw9p
📍仲有多款尺寸、顏色選擇，即刻嚟門市試坐吓啦: https://bit.ly/3JP0jJu
▶️仲有更多梳化任你揀：https://bit.ly/3r68RXf
▶️現場仲有b-MOLA 多款產品🩷‼️有寵物空氣清新機、護理產品、驅蚊蟲機🫶🏻歡迎大家嚟試吓呀
#茲曼尼 #領養日

28/09/2026

過去20年，NPV 在醫療、動物權益及動物福利的路上從未停步。適逢今年是NPV 20周年，希望聚集大家力量，化身為「愛動物戰隊」的一員，在往後的路一齊加入這個行列，為動物齊齊努力！🐱🐶

新推出的愛動物戰隊襪🧦，一共有黑白兩個款式。每售出一雙襪子，將全數捐至「NPV流浪動物醫療基金」，支援社區流浪貓狗的緊急醫療、絕育等等免費服務。🫶

愛動物戰隊襪
售價：$50/對，$88/兩對

購買網址：
https://shop.npv.org.hk/products/npv-20anniversary-socks

25/09/2026

祝大家中秋節快樂。🌕

願大家都能與動物們團團圓圓，一起過節。❤

23/09/2026

昨晚11時，AREbyNPV小組成員前往壆圍南路一帶進行現場視察。

小組成員巡視壆圍南路及壆圍西路期間，觀察到現場仍有市民騎單車及駕駛私家車出入，沿途亦見貓隻的蹤影，但路上沒有見到狗隻出沒。

走至壆圍西路，倉庫林立，小組成員開始聽見狗隻吠聲。現場觀察所得，有倉庫內的狗隻在有人靠近時吠叫，離開一定距離後即恢復平靜；另有疑似倉庫狗隻在倉庫外活動，雖未繫上繩圈或採取防範措施，但未有對途人出現追趕或其他行為。此外，部分倉庫設有加固設施，包括在鐵門最底位置加裝鐵絲網，估計用作防止動物進出。

小組成員隨後途徑村民所住地方，村民飼養的狗隻安放於室內，並在成員經過時發出吠叫。

小組成員於壆圍南路一帶逗留約4小時後離開。

20/09/2026

法國 Marineland Antibes 水族館停業之後，留低咗虎鯨「Wikie」、「Keijo」以及 12 隻海豚。上年年頭有航拍拍到兩條虎鯨孤獨咁表演，令大眾好關注佢哋嘅安置問題。法國政府本來表過態，話今年會將兩條虎鯨搬去加拿大嘅半開放式海洋保護區，但最近竟然反口，有意將佢哋送去西班牙嘅海洋公園。呢樣嘢不禁令人思考，喺法國訂立「禁止鯨豚娛樂性表演」條例之後，點解仲要將佢哋剩下嘅生命，送到另一個繼續娛樂大眾嘅公園？

據了解，洛羅公園（Loro Parque）園區內已有4條虎鯨，到底再將「Wikie」及「Keijo」運到公園，環境上係咪能容納多2條成年虎鯨？再者，「Wikie」及「Keijo」可唔可以融洽加入「新虎鯨家庭」，亦係令人擔憂。洛羅公園官網上亦顯示設有「虎鯨教育演示」，以教育之名，實以表演為目的，相信「Wikie」及「Keijo」被運園區後，亦難逃需要再度表演嘅可能。

法國政府本來以加強保護野生動物為由，立法禁止圈養鯨豚，但竟然完全冇做好安置方案，仲要將「被遺棄」嘅鯨豚送去一個同法律初衷背道而馳嘅地方，此舉實在令人非常失望。

圈養動物嘅下場，好多年嚟都係死喺園內、被遺棄，或者成為商業交易嘅籌碼。如果大家想真正幫到被圈養嘅動物，就請唔好再去動物園同水族館，唔好再助長呢個產業嘅發展。

19/09/2026

今日係「狗主人責任日」，旨在宣揚全方位的飼主照護責任。🫶

養狗狗並不是一件易事，除了平時嘅基本照料以及陪伴外，身為一個盡責又能保護狗狗的主人，亦應遵守法例規定 ; 在養狗狗前，亦要深入了解佢哋性格、天性，遇上任何事都不要放棄。

只要我們願意多走一步，才是給牠們真正幸福的開始。❤️

16/09/2026

政府於今年施政報告中，在「愛護及管束動物」一項，提及將會在今年年底就加強打擊殘酷對待動物，以及非法管有或使用狩獵器具等的立法建議諮詢立法會，並爭取在2027年完成修例工作。同時亦會檢視《危險狗隻規例》等有關飼養和管束寵物的規定，進一步完善監管制度；並加強對飼養者「妥善照顧動物」的宣傳和教育。

有消息人士指，政府在修例上大約有三大方向，當中包括賦予權利讓漁護署人員進入私人處所執法、禁止因美觀而為寵物剪耳或剪尾，以及增強罰則。

同時，施政報告亦有提及修訂《野生動物保護條例》，加強保護於香港水域出現的鯨豚類動物。據消息指，政府或會將《觀豚指引》的相關規定加入《野生動物保護條例》，亦會賦權漁護署署長劃定臨時保護區，對公眾及船隻等施加指引及限制。

14/09/2026

冰島政府計劃明年2月向議會提交議案，如議案通過，冰島將永久禁止商業捕鯨！🐋

縱使鯨魚的商業需求減少，但冰島依舊捕鯨，而且捕鯨手法亦非常殘忍。冰島狩獵的方法，是用「爆炸性魚叉(Explosive harpoon)」射殺鯨魚。在2023年，有報告指出鯨魚被爆炸性魚叉刺中後，近40%在死亡前掙扎了大約11分半鐘，而有鯨魚更痛苦掙扎2小時才死亡。當時報告一出，冰島當局已經交給動物福利專家委員會，檢討相關捕鯨狩獵規定。相隔3年，冰島政府終於決心要禁止殘忍捕鯨了！

挪威以及日本一樣是商業捕鯨國家之一，如今冰島即將退出這個行列，到底佢哋又幾時先會停止捕鯨？😣

Address

Hong Kong

Website

https://www.npv.org.hk/

Alerts

Be the first to know and let us send you an email when NPV動物權益教育 - ARE by NPV posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to NPV動物權益教育 - ARE by NPV:

Want your organization to be the top-listed non profit organization in Hong Kong?