琵鷺漁產 Catch for Spoonbill, Hong Kong (2026)

24/04/2026

【隆重推出】「Fish Friday 周五魚嚐」本地魚餐飲夥伴計劃🐟🍴

“Happy Friday食咩好？不如食本地魚啦！”

Hong Kong Bird Watching Society 香港觀鳥會聯同本地餐飲業，正式推出「Fish Friday 周五魚嚐」社區餐飲夥伴計劃！我哋想邀請你，透過每一餐「本地魚」，一齊喺「餐桌上實現魚塘保育」。

🦆 點解「本地淡水魚」同保育雀鳥有關？
香港嘅傳統魚塘唔單止係本地淡水漁業嘅產地，更加係后海灣濕地系統不可或缺嘅一部分。每逢冬日，黑臉琵鷺等候鳥由遠方飛抵，正正係依靠魚塘提供嘅食物同棲息空間，嚟補充能量安心過冬。透過支持本地養殖業，我哋先能夠維持魚塘嘅生態活力，為雀鳥守護呢片珍貴家園！💪

🍥 「Fish Friday」計劃係點㗎？
我哋聯同全港夥伴餐廳，希望將「食本地魚」變成日常習慣：
每逢星期五，參與計劃嘅夥伴餐廳會推出以本地塘魚（如烏頭，鯇魚等）入饌嘅特色菜式，讓大家喺享受健康、新鮮食材嘅同時，透過日常飲食支持魚塘漁民生計、可持續漁業，以及雀鳥保育。唔少餐廳仲會全星期用本地魚做食材，讓選擇本地魚成為更方便嘅習慣。

🚩 點樣搵到「Fish Friday」餐廳？
1️⃣ 認住貼紙：夥伴餐廳門外會張貼專屬嘅計劃貼紙
2️⃣ 瀏覽名單：點擊下方連結，即睇最新夥伴名單及地圖（持續更新）

🙌 我哋需要你嘅參與！
📍 報料：屋企附近餐廳有本地淡水魚食？即刻留言或DM報料！
📍 加入：如果你係餐廳老細，誠邀你加入成為「Fish Friday」夥伴，歡迎聯絡我哋！

⭐ 瀏覽餐廳名單 / 成為合作夥伴：
https://cms.hkbws.org.hk/cms/en/work-tw/catch-for-spoonbill/fish-friday-partner-list

由今個星期五起，約埋朋友去幫襯「Fish Friday」夥伴餐廳，食住撐本地漁業同生態！

｜餐桌上實現魚塘保育 Dine LOCAL, for BIRDs Tomorrow!｜

#香港觀鳥會 #周五魚嚐 #餐桌上實現魚塘保育 #本地淡水魚 #魚塘保育 #鳥類保育 #濕地保育 #可持續飲食

24/04/2026

【突發：本會正式更名為「香港觀『烏』會」🐟】
（更多圖見留言）

經過多年研究，我哋深信，要保育雀鳥，當務之急就係保育魚塘！

因為採取生態友善作業嘅傳統魚塘，能夠為無數候鳥提供關鍵嘅覓食同棲息地。而「烏頭」同其他本地淡水魚，就係構成整個魚塘濕地嘅重要角色。

🫡 爲咗向「烏頭」致敬，本會宣佈由即日起，正式刪除「鳥」字入面嗰一橫，更名為「香港觀『烏』會」！

我哋亦會委任「魚塘生態代言人——烏頭君」作爲首席顧問，協助「香港觀『烏』會」重組業務，將推廣「烏頭」同其他本地淡水魚作爲首要任務。

除咗早前已經推出嘅「琵鷺漁產」、「琵鷺友善認證」，我哋即將推出更多相關項目，敬請期待！

#香港觀鳥會 #香港觀烏會 #愚人節快樂 #魚人節快樂 #魚人烏頭君 #烏頭君

=========
#琵鷺漁產
「琵鷺漁產」是香港觀鳥會旗下的生態友善品牌，始於「米埔內后海灣拉姆薩爾濕地」的傳統魚塘，以生態友善的方式養殖塘魚及塘蝦，期盼推動本港生態保育及社會經濟價值兼容的漁業生產模式，為傳統塘魚養殖業增值。

#琵鷺友善認證
「琵鷺友善認證」是全港首個結合「支持本地漁業」和「保育濕地雀鳥」的認證計劃。所有獲得認證的漁場，都通過本會設立的標準與審核，確保兼顧環境保育與生態平衡。計劃期望為水鳥提供更多安全的棲息地，也讓漁業活動更具可持續性。

17/04/2026

【魚塘守護者】朱生：怕天氣突變多過怕雀仔！

本地漁農美食嘉年華同田嘢新年共購嘅蝦係來自邊度架呢？同大家隆重介紹，我哋嘅合作漁民——朱生！

🦐 養蝦十餘年更理解自然
朱生專注養蝦超過十年，由下白泥來到豐樂圍，「山旮旯養殖場」多個魚塘全數養蝦，持續供應緊緻鮮甜的南美白對蝦。

雖有雀鳥在他的塘內捉蝦飽餐，朱生仍很包容雀鳥，說雀鳥在塘上的行為反而提醒魚塘的養殖情況。例如，如果有大量紅嘴鷗在塘面盤旋俯衝捕食，可能是蝦在缺氧情況下「蒲面」，反映水質和蝦的健康，「啲蝦唔應該蒲面嘅，蒲面證明塘水唔掂，快啲搞掂佢」

塘內有小鸊鷉常潛水追蝦，朱生仍笑著說「不過反正蝦長大後牠們都『食唔落』，不打緊吧！」
朱生笑言「你捉佢唔到，管佢唔到，你埋去佢又潛落去，再行埋啲又飛兩下，由佢啦。怕天氣突變多過怕雀仔！」

🌿 讓生態價值被看見
漁民默默守護魚塘，雀鳥亦以另類方式協助漁戶觀察，同樣也是漁塘的守護者。

我哋透過「琵鷺友善認證」，爲認證魚塘出產嘅漁產貼上標籤，讓消費者都可以爲生態保育出一分力。每一次選擇，都係對本地漁民嘅一份肯定，亦係對濕地生態嘅一份支持。💪

認住「琵鷺友善認證」標籤，下次買漁產就知點揀！
—————————
【琵鷺漁產｜品牌理念】

香港觀鳥會旗下的生態友善品牌「琵鷺漁產」積極推動「琵鷺友善認證」，鼓勵並確保魚塘符合一系列良好的生態管理準則：
✅ 對雀鳥友善：每年須定期「降水」讓水鳥覓食，並承諾「零傷害」雀鳥。
✅ 對健康友善：嚴禁使用有害藥物與激素，漁產須通過食安測試。

「琵鷺友善認證」的漁產品標示漁場資訊，肯定漁民的努力，亦讓消費者能明確選擇產地，提升對漁產品的信賴。同時，籍品牌推廣為漁民增加市場曝光，讓本地傳統魚塘的生態價值「被看見」，推動生態保育及社會經濟價值兼容的漁業生產模式。

#香港觀鳥會 #琵鷺漁產 #琵鷺友善認證 #山旮旯養殖場

10/04/2026

【魚塘守護者】明哥：雀鳥都係漁民嘅好幫手

仲記唔記得 1月本地漁農美食嘉年華，我哋推出反應超熱烈嘅「一夜干」、「西京燒」等漁產品？究竟飽滿肉厚嘅黃油烏頭係來自邊度呢？同大家隆重介紹，我哋「琵鷺友善認證」嘅合作漁民——明哥！

👨‍🌾 「啊解漁場」第三代漁民：明哥
明哥嘅家族由 60 年代基圍做起，後期改成魚塘同養鴨。明哥細細個就跟住媽咪養魚，雖然曾經出外闖蕩，但退休後都決定返去土生土長嘅大生圍，接手呢片家傳魚塘。

🦅 雀鳥唔係「不速之客」，係「好幫手」？
每朝起來，明哥都會見到鷺鳥喺佢嘅魚塘遊走。當降水清塘捉魚、露出大片塘底嘅時候，都會引嚟大批雀鳥食細魚，變相幫忙清塘。

「食咗啲漁民唔想要嘅魚仔，等漁民慳返啲工夫，連茶籽粉都慳埋」

朝夕相對，明哥可以輕鬆數到十幾種塘內常見雀鳥，仲話雀鳥都係漁民嘅好幫手，「有時冬天太凍會有福壽魚凍死浮面，會有一大群鷗過嚟，又叫又飛，整群盤旋，飛走了隔一段時間又返嚟」

「麻鷹都係，浮上嚟嘅魚，（麻鷹）滑翔一低飛就抓住飛走，幫助清理死魚」，係明哥喜歡見到嘅一幕。

🌿 讓生態價值被看見
漁民默默守護魚塘，而雀鳥以另類方式回饋，協助漁民管理魚塘，同樣都係漁塘嘅守護者。

我哋透過「琵鷺友善認證」，爲認證魚塘出產嘅漁產貼上標籤，讓消費者都可以爲生態保育出一分力。每一次選擇，都係對本地漁民嘅一份肯定，亦係對濕地生態嘅一份支持。💪

認住「琵鷺友善認證」標籤，下次買漁產就知點揀！
—————————
【 #琵鷺漁產｜品牌理念】

香港觀鳥會旗下的生態友善品牌「琵鷺漁產」積極推動「琵鷺友善認證」魚塘，支持小型漁戶及社區，並從源頭為消費者追蹤，在漁產品上鑑定及標示產地，肯定漁民的努力及心血，讓魚塘生態及傳統漁業的價值「被看見」，並讓消費者能明確選擇產地，提升對漁產品的信賴。

27/03/2026

【🐟🥢人人有魚食】「Fish for All——愛心魚計劃」嚟到2025/26年度💪🏻

今年我哋繼續將本地漁民飼養嘅塘魚，送到受惠機構手中，讓基層市民及長者同享健康、低碳嘅本地生態魚🫶

感謝 CLP 中電嘅大力支持，贊助200條由「琵鷺友善認證」魚塘出產嘅烏頭。呢啲烏頭唔單止肥美，背後仲代表住對濕地雀鳥保育嘅一份心意💕

✨ 今年計劃嘅受惠機構包括：
・銀杏冰室：將120條生態烏頭製成菜式，供應畀基層食客。
・青衣柏景護理中心：將80條烏頭製成110份膳餐，讓中心長者們食得開心又健康

見到一班老友記食完之後紛紛畀「讚」👍，就係對本地漁業同保育工作嘅一大鼓勵！

每條本地生態魚背後，都係一份對守護濕地、雀鳥以及傳統養殖業嘅堅持💪🏻
希望更多香港人可以食香港魚、揀香港魚、推香港魚！🐟✨

=======
🦆 關於 #琵鷺漁產
「琵鷺漁產」以生態友善的方式養殖塘魚及塘蝦，期盼成為本港生態保育及社會經濟價值兼容的漁業生產模式，為傳統塘魚養殖業增值。透過推出「琵鷺友善認證」，支持小型漁戶、結合社區參與及教育活動，讓魚塘生態及傳統漁業的價值「被看見」，喚醒大眾關心雀鳥保育及魚塘濕地，帶動大眾關懷土地環境，從社區凝聚更多支持。

#香港觀鳥會 #鳥類保育 #琵鷺漁產 #琵鷺友善認證

12/03/2026

【跟住鳥會去魚塘】「魚塘到餐桌」導賞團 🐟🍴
#魚塘到餐桌 #魚塘保育

想捉緊鳥季嘅尾巴？
趁初春時分，鳥會帶大家行入元朗大生圍，參觀獲「 #琵鷺友善認證」嘅魚塘，一邊細看雀鳥覓食嘅動人身姿，一邊由導賞員分享魚塘「看得見的生態價值」！💚

同時，大家仲可以同漁民深度交流、了解傳統漁業現況。我哋亦邀請漁民即場拋網，將漁穫新鮮即時烹調，一齊品嚐本地黃油烏頭滋味，絕對係難忘嘅本地生態美食體驗！🤤

📅 活動詳情
日期｜2026年3月28日（星期六）
時間｜14:00-17:30
地點｜元朗大生圍魚塘
名額｜20位（名額有限，先到先得）
語言｜廣東話

💰 費用
早鳥優惠價｜$188/位*
原價｜$320/位
*於 2026年3月19日 23:59 前報名可享早鳥優惠

🌟 立即報名
https://forms.gle/Kt34tx9DTJMxPQZbA (link in bio)

查詢 | 23774387 / [email protected]

#元朗 #大生圍 #黃油烏頭 #本地漁農產品 #生態美食 #食魚教育

12/02/2026

【漁農美食嘉年華】生態烏頭一夜干！🥳
一年一度嘅「漁農美食嘉年華」返嚟喇，將於1月9至11日舉辦！

今年鳥會產品非常豐富，其中包括
由鳥會旗下生態友善品牌 #琵鷺漁產推出嘅...... 🤩

🐟 #生態烏頭一夜干（醬油漬）
｜特選元朗黃油烏頭，由本地漁民悉心培養、「琵鷺友善認證」魚塘出品。結合北海道傳統一夜干技法，以醬油漬製入味並風乾熟成一晚，保留魚肉的鮮甜與彈嫩口感，帶來濃郁香氣與細膩滋味，在家品嚐在地與日式合璧風味。

🔥 數量有限，售完即止
一齊支持本地生態友善產品啦～
————————————————————————
🎊 本地漁農美食嘉年華
日期｜2026年1月9至11日（五至日）
時間｜上午10時 – 晚上8時
地點｜旺角花墟公園
攤位編號｜F80
————————————————————————
【 #琵鷺漁產｜品牌理念】

「琵鷺漁產」是香港觀鳥會旗下的生態友善品牌，始於「米埔內后海灣拉姆薩爾濕地」的傳統魚塘，以生態友善的方式養殖塘魚及塘蝦，期盼成為本港生態保育及社會經濟價值兼容的漁業生產模式，為傳統塘魚養殖業增值。

透過推出「琵鷺友善認證」，支持小型漁戶、結合社區參與及教育活動，讓魚塘生態及傳統漁業的價值「被看見」，喚醒大眾對雀鳥保育及魚塘濕地的關心，帶動大眾對土地環境的關懷，從而得到更大的社區支持。

2025年，「琵鷺漁產」與后海灣小型漁戶展開新嘗試，計劃推出一系列漁產品，並提供市場推廣支援，水產經檢測食用安全，將於2026年「本地漁農美食嘉年華」首度亮相及公售，讓漁民的努力被看見，讓大眾支持本土味道、支持生態友善、支持濕地保育。

#香港觀鳥會 #鳥類保育 #魚塘保育
#本地漁農美食嘉年華 #漁農美食嘉年華 #黃油烏頭 #一夜干

12/02/2026

【限定試食】Another Level嘅烏頭！🐟

一年一度嘅本地漁農美食嘉年華今日開幕！

為咗比大家一嘗由鳥會旗下生態品牌 @琵鷺漁產推出，another level嘅烏頭！我哋特別增設會場限定嘅「試食環節」，即煮即試！

📅 試食時間表（10-11/1 兩日）
12:00｜烏頭西京燒
15:00｜烏頭一夜干

📍 數量有限，mark定時間嚟啦！

⭐️ 點解係another level？
除咗味道之外，我哋烏頭嘅保育價值都係another level！因為我哋嚴選來自「琵鷺友善認證」魚塘嘅黃油烏頭，魚塘採取有利雀鳥棲息覓食嘅措施，保育雀鳥所依賴嘅魚塘濕地💚

---------------
本地漁農美食嘉年華
日期｜2026年1月9至11日（五至日）
時間｜上午10時 – 晚上8時
地點｜旺角花墟公園
攤位編號｜F80

---------------
【 #琵鷺漁產｜品牌理念】

「琵鷺漁產」是香港觀鳥會旗下的生態友善品牌，始於「米埔內后海灣拉姆薩爾濕地」的傳統魚塘，以生態友善的方式養殖塘魚及塘蝦，期盼成為本港生態保育及社會經濟價值兼容的漁業生產模式，為傳統塘魚養殖業增值。

透過推出「琵鷺友善認證」，支持小型漁戶、結合社區參與及教育活動，讓魚塘生態及傳統漁業的價值「被看見」，喚醒大眾對雀鳥保育及魚塘濕地的關心，帶動大眾對土地環境的關懷，從而得到更大的社區支持。

2025年，「琵鷺漁產」與后海灣小型漁戶展開新嘗試，計劃推出一系列漁產品，並提供市場推廣支援，水產經檢測食用安全，將於2026年「本地漁農美食嘉年華」首度亮相及公售，讓漁民的努力被看見，讓大眾支持本土味道、支持生態友善、支持濕地保育。

💡 了解更多【琵鷺漁產】：
https://cms.hkbws.org.hk/cms/work-tw/catch-for-spoonbill (link in bio)

#香港觀鳥會 #鳥類保育 #魚塘保育
#本地漁農美食嘉年華 #漁農美食嘉年華 #黃油烏頭 #急凍烏頭 #生態烏頭 #西京燒 #一夜干

12/02/2026

【全港首創🐟】認住「琵鷺友善認證」買漁產！

｜原來食本地魚，都可以守護黑臉琵鷺？🤩

香港觀鳥會旗下生態友善品牌「琵鷺漁產」正式推出「 #琵鷺友善認證」，係全港第一個結合 #支持本地漁業同 #保育濕地雀鳥嘅認證計劃！

所有獲得認證嘅漁場，都經過本會設立嘅標準與審核，兼顧環境保育與生態平衡～

⭐⭐⭐每一個認證，都代表咗3個承諾：
✅ 對雀鳥友善：
・魚塘每年最少降水 7 日，爲水鳥提供覓食棲息地🍴
・承諾「零傷害雀鳥」，不設置捕獸器、魚鈎或垂直掛網等裝置

✅ 對健康友善：
・魚塘嚴禁使用有害農藥、抗生素及激素等藥物
・漁產須經食物安全測試，確保沒有孔雀石綠、藥物及重金屬殘留

✅ 對漁民友善：
・漁產品標示漁場及漁民資訊，讓漁民嘅努力及心血被看見
・為漁民開拓多元銷售渠道，籍品牌推廣增加市場曝光
・以合理、有尊嚴價錢出售漁產，提高本地漁業認受性和可持續性
・爲本地漁產增值，讓大眾看見魚塘嘅生態價值

💡 點知有冇獲得認證？
認住包裝上嘅「認證徽章」，有「藍色魚仔」配上兩旁嘅琵琵腳印，代表雀鳥用腳投票！
亦象徵漁民經過耕耘努力，終會收獲豐盛嘅成果及榮譽。

下次見到呢個「琵鷺友善認證」Logo，
記得用行動撐本地漁民，一齊守護濕地！守護雀鳥！

我哋將會陸續公佈銷售消息，想支持記得follow 琵鷺漁產 Catch for Spoonbill 啦！
--------------
了解更多「琵鷺友善認證」與合作漁民💙：
👉 https://cms.hkbws.org.hk/cms/work-tw/catch-for-spoonbill
--------------
關於 #琵鷺漁產：
「琵鷺漁產」是香港觀鳥會旗下的生態友善品牌，始於「米埔內后海灣拉姆薩爾濕地」的傳統魚塘，以生態友善的方式養殖塘魚及塘蝦，期盼推動本港生態保育及社會經濟價值兼容的漁業生產模式，為傳統塘魚養殖業增值。

透過推出「琵鷺友善認證」，支持小型漁戶、結合社區參與及教育活動，讓魚塘生態及傳統漁業的價值「被看見」，喚醒大眾對雀鳥保育及魚塘濕地的關心，帶動大眾對土地環境的關懷，從而得到更大的社區支持。

06/01/2026

【雙蝦臨門】你揀「黃酒煮蝦」定「原隻生態白蝦」？🦐🦐

一年一度嘅「漁農美食嘉年華」返嚟喇，將於1月9至11日舉辦！

今年鳥會產品非常豐富，其中包括
由鳥會旗下生態友善品牌 #琵鷺漁產推出嘅...... 🤩

🦐 #黃酒煮蝦
來自元朗的白蝦，由本地漁民悉心培養、「琵鷺友善認證」魚塘出品。
白蝦收成後立即迅速急凍，鎖緊鮮甜滋味。搭配秘製醬汁與黃酒精心烹調，2分鐘快速烹煮即可享用。鮮甜的蝦肉帶出黃酒的淡淡香氣，在家品嚐地道香港風味。

🤤 建議煮法：保留真空包，解凍至蝦身變軟，把餸包放入沸水中2-3分鐘煮熟即可。冷熱食皆可，冷卻後食用酒味更濃郁。
------------
🦐 #原隻生態白蝦
｜來自元朗的白蝦，由本地漁民悉心培養、「琵鷺友善認證」魚塘出品。白蝦收成後立即迅速急凍，鎖緊鮮甜滋味，蝦身肉質飽滿，無論是水煮、清蒸、爆炒還是鹽焗，都能展現其自然鮮美，在家品嚐地道香港風味。

🤤 建議煮法：清蒸/鹽焗
清蒸 | 解凍後，白蝦鋪上薑與蔥段，隔水蒸至蝦身轉紅熟透，並彎曲呈 C 字即可。
鹽焗 | 先將鹽、八角、花椒輕炒，再鋪上白蝦，加入少量白酒，蓋上焗至蝦身轉紅熟透，並彎曲呈 C 字即可。

🔥 數量有限，售完即止
一齊支持本地生態友善產品啦～
——————————
🎊 本地漁農美食嘉年華
日期｜2026年1月9至11日（五至日）
時間｜上午10時 – 晚上8時
地點｜旺角花墟公園
攤位編號｜F80
——————————
【 #琵鷺漁產｜品牌理念】

「琵鷺漁產」是香港觀鳥會旗下的生態友善品牌，始於「米埔內后海灣拉姆薩爾濕地」的傳統魚塘，以生態友善的方式養殖塘魚及塘蝦，期盼成為本港生態保育及社會經濟價值兼容的漁業生產模式，為傳統塘魚養殖業增值。

透過推出「琵鷺友善認證」，支持小型漁戶、結合社區參與及教育活動，讓魚塘生態及傳統漁業的價值「被看見」，喚醒大眾對雀鳥保育及魚塘濕地的關心，帶動大眾對土地環境的關懷，從而得到更大的社區支持。

2025年，「琵鷺漁產」與后海灣小型漁戶展開新嘗試，計劃推出一系列漁產品，並提供市場推廣支援，水產經檢測食用安全，將於2026年「本地漁農美食嘉年華」首度亮相及公售，讓漁民的努力被看見，讓大眾支持本土味道、支持生態友善、支持濕地保育。

#香港觀鳥會 #鳥類保育 #魚塘保育
#本地漁農美食嘉年華 #漁農美食嘉年華 #白蝦 #醉蝦 #黃酒煮蝦 #蝦蝦蝦

琵鷺漁產 Catch for Spoonbill

24/04/2026

24/04/2026

17/04/2026

10/04/2026

27/03/2026

12/03/2026

12/02/2026

12/02/2026

12/02/2026

06/01/2026

Address

Website

Alerts

Contact The Organization

Shortcuts

Share

Category