長洲愛護動物小組 - CCAC Cheung Chau Animal Care

11/08/2026

11/8/2026 原本，沙田動物管理中心，有一批貓狗，睇吓CCAC可否幫忙接收，哩隻柴犬係其中之一，將相片分享俾義工幫手搵暫托，戲劇性地竟然有人認出，即刻通知狗主朋友，柴犬已經走失幾個月，雖然有報漁護署及出post，奈何狗主已經唔係香港，無法取得聯絡，另一邊狗主朋又好努力去搵柴犬，原來，狗主離港，已安排朋友照，因意外走失，又因狗主資料冇更新，所以狗主朋友亦收唔到訊息，中心職員得到提供嘅証明，都了解清楚後，以最簡單快捷嘅方法，由CCAC簽紙，狗主朋友亦即時接走，兜兜轉轉，最後，大團圓結局，所以，如果飼養人資料有變，記得通知漁護署更改資料呀！

#漁護署動物福利機構 #政府認可慈善機構

#

11/08/2026

11/8/2026 又有倉鼠，不過，已經由義工接走，送去領養人屋企，展開新生話喇！

#漁護署動物福利機構 #政府認可慈善機構 #九龍動物管理中心 #讓愛延續下去 #請支持領養

10/08/2026

【狗狗主人請注意📢「陪您走到老」免費講座】

🐶 您屋企隻狗狗今年幾多歲？有冇發現佢行路慢咗？或者聞到個口有陣異味？原來「牙齒」同「關節」問題係老年犬嘅兩大 無 聲 殺 手❗️但透過適當護理，就可以提升佢地嘅生活質素⤴️

我地好高興能夠同 #郭慧文區議員 合辦呢次講座🥳由獸醫護士同大家拆解：
✅️ 基本照顧狗狗🐶
✅️ 正確刷牙5部曲🦷
✅️ 免麻醉洗牙致命危機🚨
✅️ 關節退化早期警號🦴

活動詳情
📅 日期：2026年8月15日 (Sat)
⏰️ 時間：下午3-5時
📍 地點：長洲社區會堂 (長洲西堤道11號)
💰 費用全免！仲有紀念品送比您！

📌 報名方法：
直接 WhatsApp 68849092 郭慧文區議員辦事處
留低姓名、人數、聯絡電話號碼
如有查詢，歡迎致電 29818499 ☎️

⚠️ 溫馨提示：狗狗唔能夠進入講座場地，敬請見諒🙇🏻‍♂️🙇🏻‍♀️但主人學完返去，受惠就係佢地~✌🏻

快啲tag您身邊養狗嘅朋友，叫佢地報名🥰
順便入長洲食大魚蛋、睇日落🤩嚟個週末小旅行

#長洲愛護動物小組 #郭慧文區議員
#獸醫護士 #動物福利 #教育活動 #免費講座
#狗狗健康 #年老狗狗 #老狗照顧 #陪您走到老

--------------------🙆🏻‍♂️我是分隔線🙆🏻‍♀️--------------------

講者簡介🔎Victor Wong｜獸醫護士▪︎動物義工

🔬 持續進修
• 修畢動物護理等相關課程，包括American College of Veterinary Emergency and Critical Care 基本生命支援術(BLS) 及 高級生命支援術(ALS) Rescuer 認證
• 完成英國「兩棲及爬行動物護理高級課程」，現正攻讀「動物園動物護理高級課程」，包括靈長類、鯨豚、大象等物種，專精異寵醫療護理

🩺 前線實戰經驗
• 多年來在各個動物單位累積豐富經驗，包括貓狗收容所、珍禽異獸收容所、野生動物拯救中心
• 曾義務擔任領養部幹事，運用自身經驗照顧被遺棄的傷病動物，並配對合適領養家庭，落實「以生命影響生命」理念

📢 推廣動物福利
• 2018年起參與60+場教育活動，對象涵蓋幼童/長者等多元群體，當中包括獸醫學生
• 擅長將救援案例轉化為教學素材，提升公眾愛護動物的意識

30/07/2026

香港青年協會家長全動網 『關愛動物‧從認識開始』講座
鳴謝受訪機構： 香港青年協會家長全動網
服務對象: 24位小學生及家長
衷心感謝本會義工：Ida, Loretta, Carmen, Wing, 樂樂媽, Karen & Eric;
感謝動物大使: Jacob (Wire Fox Terrier), Yoda (芝娃娃), 布甸 (唐狗) & 樂樂 (鸚鵡)


#講座
#關愛動物從認識開始
#動物大使

30/07/2026

路德會呂君博幼兒園 『關愛動物‧從認識開始』講座
鳴謝受訪機構： 路德會呂君博幼兒園
服務對象: 20位N1, K1, K2 & K3學生
衷心感謝本會義工：Ida, Loretta, Wing& Helena;
感謝動物大使: Jacob (Wire Fox Terrier), 丁丁 (Poodle)


#講座
#關愛動物從認識開始
#動物大使 顯示較少

26/07/2026

狗如其名，狗b時期擁有一身好似绵羊的皮毛，黑到發亮，性格亦好似绵羊般溫馴，狗媽已經到彩虹橋幾年喇，現在，你也要去同狗媽團聚了，那天，你吃完飯就走到這兒休息，靜靜地望著大海，似是在向生活了十二年的船廠告別，看著你的身影，我千般無奈，萬般不捨，謝謝讓我可以有照顧你們的機會，你真的好乖，好聽話，留在船廠等我做完講座，趕回來帶你去診所，為你做最後一件事，不要害怕，我會帶你回家，這是一個承諾，你是有家的寶寶，今天暫別，他朝再見，等我 ………

19/07/2026

19/7/2026 收到通知，龍貓同倉鼠需要幫手接走，哩個星期已經由義工接走照顧，安排領養，相信好快可以有愛錫佢哋嘅主人🙏🏻

#漁護署動物福利機構 #政府認可慈善機構 #九龍動物管理中心 #請支持領養 #讓愛延續下去

08/07/2026

12/7. 又有領養日！今次陣容鼎盛，有新成員加入，各自都有自己嘅故事，全部由義工救返嚟，再悉心照顧及教導，識得基本指令，幼犬可愛，成犬穩定，無論有經驗定新手，相信都有啱心水嘅。實在太多狗狗等入屋嘅機會，有幸運兒被領養，義工先可以救下一隻，讓愛延續下去，請支持領養！
麻煩大家幫手分享，到時見啦。
==============================

有意請WhatsApp Irene 6375 8067

1. 烏龍，兩歲大女仔，親人親狗，18kg, 不破壞不亂吠，外出大小便，合新手家庭。

2. 三生，五個月大女仔，活潑可愛，超級為食，親人親狗，尿板及外出大小便。

3. 有幸，五個月大女仔，活潑可愛，親人親狗，超級為食，尿板及外出大小便。

4. Rosa，五歲大女仔，斯文乖巧，夾到貓狗，不破壞，不亂吠，外出大小便，合新手家庭。
==============================

有意請WhatsApp Kay 9030 3908

1. Oppa，兩歲大男仔，愛笑噯男、慢熱、細膽、驚青、唔會亂叫、可夾狗、唔搶繩。

2. 龍仔，兩歲大男仔，平靜，行街平穏，為食，唔搶繩，出街笑容滿面。

3. 玄雪，六歲大女仔，似乎係 i 型狗比較安靜，可夾狗但不愛互動，對人慢熱，須要被耐心溫柔對待。

4. Twinkle，七個月大男仔，先天只有1顆眼珠，2個月大時被漁護處救起；性格超級樂觀、溫馴，見到人總是搖頭擺尾，好想錫人，對世界充滿好奇，任何狗隻都可以夾，隨行好好。
==============================

有意請WhatsApp Emma 5969 2441

1. 柔柔，三個月大女仔，親人活潑，懂定點大小便.
==============================

#漁護署動物福利機構 #政府認可慈善機構 #讓愛延續下去 #請支持領養

27/06/2026

27/6/2026 求助個案：

收到義工求助，希望CCAC可以幫忙，入紙申請接收兩隻虎皮鸚鵡、一隻芝娃娃、一隻豹紋守宮，既然義工都咁努力，CCAC當然樂意啦，程序簡單又順利，25/6已經全部接走由義工照顧，安排領養，希望多啲人支持領養，支持大家嘅救援工作🙏🏻

#漁護署動物福利機構 #政府認可慈善機構 #九龍動物管理中心 #讓愛延續下去 #請支持領養

17/06/2026