賽馬會智家樂計劃

賽馬會智家樂計劃 「賽馬會智家樂計劃」
Jockey Club SMART Family-Link Project

有關香港賽馬會及其綜合營運模式，請瀏覽：https://bit.ly/HKJCWhoWeAre

30/09/2025

【賽馬會智家樂計劃｜引領家庭💡 融入數碼新時代🛜】

賽馬會智家樂計劃自2018年起，聯同非政府機構及學術界，一齊推動香港家庭服務邁向數碼化👏🏻。其中，我哋希望透過呢個專頁📲，分享點樣善用資訊科技同社交媒體嚟提升家庭關係，包括促進家庭溝通🗣️、改善夫妻相處技巧💕、增進不同家庭成員間嘅關係✨，內容多元化，例如 #智趣小百科 、 及 #家家有話兒 等，藉此幫助更多家庭輕鬆面對生活變化，邁向家庭和諧幸福，並且逐步融入數碼新時代。

過去七年間，計劃亦利用資訊科技及數據，協助非政府機構營運嘅綜合家庭服務中心同綜合服務中心提升家庭服務效能，鼓勵服務創新。計劃亦提供培訓及服務數據分析，以提升業界回應各種家庭變化及需要嘅能力，達致促進家庭和諧嘅目標。

計劃已經接近尾聲，但呢一刻唔係終點，而係新篇章嘅開始🌟。我哋期待每個家庭都能夠喺數碼時代下繼續善用科技，加深彼此聯繫，共享屬於自己同家庭嘅和諧及幸福，迎接更加美好嘅未來✨。

小編喺度要同大家講聲再見😆👋🏻，不如一齊睇片重溫下計劃嘅點滴及成果啦👏🏻🌟﹗

​​ #香港賽馬會慈善信託基金 #賽馬會智家樂計劃

🌟 賽馬會智家樂計劃成果分享暨國際研討會：引領家庭融入數碼時代 🌟「賽馬會智家樂計劃」於2025年8月26至28日一連三日，喺香港大學醫學院學術樓舉行成果分享暨國際研討會，主題為「引領家庭融入數碼時代」。活動匯聚咗本地同國際專家、專業人士、...
29/09/2025

🌟 賽馬會智家樂計劃成果分享暨國際研討會：引領家庭融入數碼時代 🌟

「賽馬會智家樂計劃」於2025年8月26至28日一連三日，喺香港大學醫學院學術樓舉行成果分享暨國際研討會，主題為「引領家庭融入數碼時代」。活動匯聚咗本地同國際專家、專業人士、非政府組織同學術界人士，透過主題論壇及專題演講展示「賽馬會智家樂計劃」嘅良好案例及香港經驗，並進行跨界別深度交流，探討點樣運用科技同數據建構創新高效嘅家庭服務，促進知識傳遞同分享，為未來合作同可持續發展建立網絡同平台。

研討會嘅開幕典禮由香港特別行政區勞工及福利局局長孫玉菡先生、香港賽馬會董事胡家驃先生、香港浸會大學校長衞炳江教授，以及香港大學副校長（大學拓展）汪揚教授擔任主禮嘉賓，與會者包括本地同國際專家以及計劃合作夥伴嘅代表。

大家同我哋一齊慶祝呢個運用科技同數據賦能家庭服務嘅里程碑！🚀

想重溫講者嘅精彩分享及更多詳情，請瀏覽研討會網站：https://conf.jcsmartfamilylink.hk
#香港賽馬會慈善信託基金 #賽馬會智家樂計劃 #數碼轉型 #家庭服務

【 ｜從小培養小朋友理財習慣：由遊戲開始💲👛】培養小朋友正確嘅理財觀念，對唔少家長嚟講絕對係一大挑戰。想小朋友養成理財習慣，第一步要教佢哋分清楚「需要」同「想要」嘅分別。家長可以透過以下有趣又簡單嘅小遊戲，幫助佢哋逐步建立理財觀念。遊戲前...
28/09/2025

【 ｜從小培養小朋友理財習慣：由遊戲開始💲👛】

培養小朋友正確嘅理財觀念，對唔少家長嚟講絕對係一大挑戰。想小朋友養成理財習慣，第一步要教佢哋分清楚「需要」同「想要」嘅分別。家長可以透過以下有趣又簡單嘅小遊戲，幫助佢哋逐步建立理財觀念。

遊戲前準備💭：
🌟製作唔同物件嘅卡片，分為「需要」類及「想要」類，各5張。「需要」類例子：校服、白飯、清水、課本、返學皮鞋等；「想要」類例子：遊戲機、零食、汽水、雪糕、毛公仔等。
🌟準備兩個容器，分別貼上「需要」同「想要」標籤。

遊戲玩法：
1️⃣先同小朋友解釋何謂「需要」同「想要」：
💭「需要」：維持生活不可或缺嘅物品，例如食物同水。
💭「想要」：用嚟滿足物質同心理需要嘅物品，例如零食同玩具。
2️⃣請小朋友將卡片分類，放入對應嘅容器。
3️⃣遊戲後同小朋友一齊檢視分類結果，讓佢哋加深理解兩者嘅分別。

理財小貼士：
💰分清「需要」同「想要」💰
學識理性判斷，教小朋友要優先滿足日常生活同學習嘅需要，避免不必要嘅開支，培養正確嘅消費觀念。

💰量入為出💰
根據零用錢計劃支出，唔好超過預算。可以用記事簿或者手機應用程式記錄每筆開支，清楚掌握金錢用咗喺邊度，培養健康嘅理財習慣。

💰為目標儲錢💰
設定小目標，可以用錢罌或者開個儲蓄戶口，逐步培養儲蓄嘅好習慣。

從小培養正確嘅理財觀念同習慣，不但幫小朋友學識管理金錢，更可以為佢哋未來奠定穩固同有規劃嘅基礎。

#香港賽馬會慈善信託基金 #賽馬會智家樂計劃 #智趣小百科

【 #智趣小百科｜散步可以解決小分歧💕？】即使你同另一半感情再好，一齊生活難免會有小磨擦；想有效化解矛盾，就要揀啱場合好好傾下。有研究發現，散步係一個處理衝突嘅好機會。美國臨床心理學家 Christine E. Webb 喺2017年就話過...
26/09/2025

【 #智趣小百科｜散步可以解決小分歧💕？】

即使你同另一半感情再好，一齊生活難免會有小磨擦；想有效化解矛盾，就要揀啱場合好好傾下。有研究發現，散步係一個處理衝突嘅好機會。美國臨床心理學家 Christine E. Webb 喺2017年就話過，當兩個人肩並肩散步，會自然地調整步伐配合對方；當步伐同步，就會促進情感同認知上嘅連繫💡。

🌿 散步溝通小貼士 🌿
1.選擇合適嘅散步環境 🌳
揀一個寧靜舒適嘅地方散步，例如公園或海濱長廊，可以幫助放鬆心情，更容易敞開心扉同對方交流。記住要避開人多嘈雜嘅地方，以免干擾你哋嘅溝通節奏。

2.運用肢體語言傳遞愛意 🫂
《愛之語》（The Five Love Languages）提到，身體接觸係表達愛意嘅重要方式。散步時，適當嘅動作可以拉近彼此距離，例如輕輕拖住對方嘅手或者送上一個擁抱，都會令對方感到溫暖同被愛。

3.建立散步習慣 🩶
情侶、夫婦不妨一齊安排固定嘅散步時間，將散步變成你哋嘅專屬活動。咁樣唔單止可以增加彼此溝通嘅機會，亦有助培養健康嘅交流習慣，長遠令感情基礎更加穩固。

下次同另一半有磨擦時，不妨提議一齊落街散散步，用共同嘅節奏及步伐，輕鬆溝通、解決生活中嘅小問題💕！

*溫馨提示：外出散步前，請先留意天氣報告。如遇惡劣天氣，應留喺室內安全地方。

#香港賽馬會慈善信託基金 #賽馬會智家樂計劃 #智趣小百科 #散步

【給予足夠耐性及時間幫助子女改善社交技巧✨｜家家有話兒Q&A】 孩子學習適應社交嘅過程中，家長嘅耐性同身邊人嘅支持尤其重要。今次「家家有話兒Q&A」收到好多朋友分享小朋友嘅社交經歷！想幫小朋友適應，記得要俾足夠耐性同時間🌟，鼓勵佢哋勇敢嘗試...
25/09/2025

【給予足夠耐性及時間幫助子女改善社交技巧✨｜家家有話兒Q&A】

孩子學習適應社交嘅過程中，家長嘅耐性同身邊人嘅支持尤其重要。今次「家家有話兒Q&A」收到好多朋友分享小朋友嘅社交經歷！想幫小朋友適應，記得要俾足夠耐性同時間🌟，鼓勵佢哋勇敢嘗試。最重要嘅係，提醒小朋友唔使勉強自己變得外向，每個人嘅性格都有所不同，如果佢哋真係鍾意獨處，可以學識接納自己，享受獨處嘅快樂😆。


💡 Click #家家有話兒 同大家一齊交流心得啦💬

​​ #香港賽馬會慈善信託基金 #賽馬會智家樂計劃

【 #智趣小百科｜輕鬆入眠小貼士​🌟👏🏻】 ​​​​都市人生活節奏急促，​唔少人都有失眠問題。試過無數方法效果都唔太理想？想瞓得安穩又香甜，不妨參考以下幾個簡單又實用嘅小貼士啦💤！ 1️⃣ 控制晚餐時間⏰ ​​晚餐最好同睡眠時間相隔...
19/09/2025

【 #智趣小百科｜輕鬆入眠小貼士​🌟👏🏻】

​​​​都市人生活節奏急促，​唔少人都有失眠問題。試過無數方法效果都唔太理想？想瞓得安穩又香甜，不妨參考以下幾個簡單又實用嘅小貼士啦💤！

1️⃣ 控制晚餐時間⏰
​​晚餐最好同睡眠時間相隔2至3小時，俾腸胃有足夠時間消化。​

2️⃣ 謹慎選擇晚餐菜式🥗
​​避免進食太濃味或刺激嘅食物，例如​煎​炸食物、碳酸飲品或甜品等，而且份量要適中，避免引致腸胃不適。​

3️⃣ 增加色胺酸攝取🥚
​​色胺酸有助人體製造血清素，再轉化成褪黑激素​，協助調節生理時鐘​。建議食多啲含色胺酸嘅食物，例如魚類、蛋類同豆製品。​

4️⃣ 適量運動🏃🏻‍♀️
​​運動可提升血清素水平，促進褪黑激素分泌，助你更容易入睡。建議由輕至中強度運動開始​建立運動習慣​，例如游水、慢跑或散步。​

5️⃣ 營造優質睡眠環境🛌
​​良好嘅睡眠環境有助入睡，​例如保持昏暗​、安靜嘅​環境​，選擇舒適嘅床單、被舖同睡衣。​

6️⃣ 規律作息💪🏻
​​保持規律作息時間比追求睡眠時​數​更重要！穩定嘅作息有助維持生理時鐘​正常運作​，例如​以晚上​12點前入睡​為目標​，​喺​11點半至12點半內入睡​都​屬於可接受範圍。​


​​只要喺日常生活習慣上稍作調整，就有​助入睡㗎喇！🌙

​​ #香港賽馬會慈善信託基金 #賽馬會智家樂計劃 #智趣小百科

【 #智趣小百科｜設計理想學習空間🏠助孩子健康快樂成長💪🏻】 ​​孩子需要一個合適嘅學習空間​，其實只要略為用心設計，就可以大大提升佢哋嘅專注力同學習效率😆。不妨參考以下幾個簡單實用嘅佈置小貼士，​為孩子​營​造一個舒適又實用嘅居家學習環...
16/09/2025

【 #智趣小百科｜設計理想學習空間🏠助孩子健康快樂成長💪🏻】

​​孩子需要一個合適嘅學習空間​，其實只要略為用心設計，就可以大大提升佢哋嘅專注力同學習效率😆。不妨參考以下幾個簡單實用嘅佈置小貼士，​為孩子​營​造一個舒適又實用嘅居家學習環境​啦👏🏻！

1️⃣光線明亮充足💡
光線會影響小朋友嘅眼睛健康。要保護佢哋嘅「靈魂之窗」👁️，明亮均勻嘅照明好重要。家長揀枱燈時，可以選擇照射範圍夠廣、而且最好有種多種色溫選擇(白光、自然光同黃光等)嘅款式。

2️⃣可升降式書枱📖
​​書枱高度可以按照孩子嘅​身高​自由調整​，更靈活貼合佢哋嘅成長及需要​。​

3️⃣充足收納空間📇
​​學習空間​需要規劃​收納設計，讓孩子可以妥善整理​課本​同課餘讀物，以​及相關用具​。充足嘅收納空間有助保持環境整潔有序，從而提升孩子嘅專注力。​

4️⃣高度適中嘅書架📚
​​建議放置高度適中嘅書架，​唔好高過孩子嘅頭部​，​方便佢哋自己攞書，​有助​培養​閱讀自主性。​

不妨同小朋友討論下，聽下佢哋嘅意見，一齊改善居家學習空間啦👍🏻！

​​ #香港賽馬會慈善信託基金 #賽馬會智家樂計劃 #智趣小百科

【 #智趣小百科｜某啲聲音可以幫助減壓👂🏻？ 】都市人普遍都面對住唔同嘅壓力，「減壓」成為唔少人生活中其中一個重要課題，原來某啲聲音係可以幫助紓緩情緒㗎👏🏻！以下有幾種適合減壓嘅聲音同音樂介紹俾大家：1️⃣白噪音🌊白噪音係指持續而且均勻嘅...
11/09/2025

【 #智趣小百科｜某啲聲音可以幫助減壓👂🏻？ 】

都市人普遍都面對住唔同嘅壓力，「減壓」成為唔少人生活中其中一個重要課題，原來某啲聲音係可以幫助紓緩情緒㗎👏🏻！以下有幾種適合減壓嘅聲音同音樂介紹俾大家：

1️⃣白噪音🌊
白噪音係指持續而且均勻嘅聲音，例如雨聲、海浪聲等。呢啲聲音有助掩蓋環境突發嘅聲音，從而令人更容易放鬆入睡，提升睡眠質素，進而紓緩壓力。

搜尋關鍵字🌟：白噪音、白噪音咖啡廳、白噪音下雨、白噪音流水

2️⃣Lo-Fi（低傳真音樂）✨
Lo-Fi音樂嘅特色係以重複嘅鼓聲節拍為基礎，仲會收錄環境聲等元素。喺聽音樂時，人嘅心跳同呼吸節奏容易跟隨音樂而調整。Lo-Fi音樂嘅柔和節奏有助放鬆肌肉，釋放生活壓力。

搜尋關鍵字🌟：lofi music、lofi guitar、lofi jazz

3️⃣ASMR（自主性感官經絡反應）👂🏻
ASMR透過聽覺同視覺刺激令人感到放鬆，從而紓壓。呢類聲音通常係重複而輕柔，例如紙張翻動聲、進食聲音等。不過，家長要提醒小朋友，唔好模仿部分「吃播ASMR」一次進食過量食物嘅行為。​

搜尋關鍵字🌟：ASMR whispering、ASMR tapping

當你感到有壓力時，不妨試聽吓以上嘅聲音，可能會有意想不到嘅放鬆效果㗎！如果你有其他減壓方法或貼士，歡迎留言分享。

#香港賽馬會慈善信託基金 #賽馬會智家樂計劃 #智趣小百科

【智Fun家庭樂｜週末參觀展城館✨】​ 香港地貌獨特⛰️，一個鐘內就可以由繁華嘅市區🏙️走進郊外🧳。呢種特色都反映咗香港城市規劃別具心思。嚟緊週末，不如一齊去展城館，體驗同探索香港城市規劃背後嘅故事啦😆！ ​​展城館​設有多個​互動展品​，...
07/09/2025

【智Fun家庭樂｜週末參觀展城館✨】​

香港地貌獨特⛰️，一個鐘內就可以由繁華嘅市區🏙️走進郊外🧳。呢種特色都反映咗香港城市規劃別具心思。嚟緊週末，不如一齊去展城館，體驗同探索香港城市規劃背後嘅故事啦😆！

​​展城館​設有多個​互動展品​，​例如270度LED 動態追蹤互動地圖、​模擬駕駛無人機高空探索北部都會區等✈️，透過沉浸式體驗讓大家更深入認識香港城市規劃嘅理念🌟​。​

另外，展城館最近亦推出全新展覽🌳「綠適都市 Green Liveable City」🏗️，推廣可持續發展概念。展覽設有三大展區包括「綠色生活」、「氣候應變」同「環境保育」，透過生動有趣嘅動畫🎬、城市排水互動模型等裝置，讓大家輕鬆學習如何實踐綠色生活。



開放時間🕰️：星期一、三、四 上午10時至下午6時
星期五、六、日及公眾假期 上午10時至下午7時
逢星期二（公眾假期除外）及農曆新年初一及初二休館
地點📍：香港中環愛丁堡廣場3號（近大會堂低座）
費用🎫：免費

官方網站🔗：https://www.citygallery.gov.hk

​​ #香港賽馬會慈善信託基金 #賽馬會智家樂計劃

【麻煩給我的愛人來一杯Mojito（無酒精版）🎶】 想喺平凡嘅日子為另一半增添儀式感？不如試吓整一杯打卡-able嘅無酒精Mojito俾對方啦🍸！大家可以輕鬆Chill一Chill之餘，仲可以一齊歎住Mocktail，享受屬於兩個人嘅溫...
05/09/2025

【麻煩給我的愛人來一杯Mojito（無酒精版）🎶】

想喺平凡嘅日子為另一半增添儀式感？不如試吓整一杯打卡-able嘅無酒精Mojito俾對方啦🍸！大家可以輕鬆Chill一Chill之餘，仲可以一齊歎住Mocktail，享受屬於兩個人嘅溫馨時光💕。做法好簡單，只要準備🧑🏻‍🍳：

​​材料（1杯份​量​）​
​​砂糖 3​克
​​薄荷葉 3​至​5片​
​​檸檬片 3​至​5片​
​​新鮮檸檬汁 30毫升​
​​原味氣泡水 330毫升​
​​冷粒 適量​

​​步驟：​
1) 首先將新鮮檸檬汁同砂糖倒入杯入面均勻攪拌，甜度同酸度都可以按個人喜好調整🍋。
2) 加入薄荷葉，輕輕搗碎🌿。
3) 加入檸檬片同冰粒，最後倒入原味氣泡水即可💧。

​​小貼士：​想更有儀式感，可以​揀一個靚靚嘅高腳玻璃杯，先用檸檬片抹勻杯邊，然後將杯口倒轉放喺幼鹽盤中，輕輕一轉就輕鬆整到一個啱哂打卡嘅鹽邊杯！想再加分？不妨喺杯邊放一片新鮮檸檬片，或者加一小片薄荷葉，視覺同味道即刻升級，格調滿分✨！​


​​ #香港賽馬會慈善信託基金 #賽馬會智家樂計劃

【家家有話兒Q&A💬｜正面引導子女走出社交舒適圈✨】話咁快又到開學啦🏫！新學年開始，子女唔單止要應對學業挑戰✏️，仲可能要迎接全新嘅社交圈子。面對新環境，子女或多或少可能會感到緊張。作為家長，你有冇見過子女喺社交場合顯得「唔自在」或「驚青」...
01/09/2025

【家家有話兒Q&A💬｜正面引導子女走出社交舒適圈✨】

話咁快又到開學啦🏫！新學年開始，子女唔單止要應對學業挑戰✏️，仲可能要迎接全新嘅社交圈子。面對新環境，子女或多或少可能會感到緊張。作為家長，你有冇見過子女喺社交場合顯得「唔自在」或「驚青」？又或者，當你想幫子女走出社交舒適圈時，有冇遇過乜嘢挑戰呢👀？

今個月嘅「家家有話兒Q&A」主題係「提升子女社交技巧」，快啲喺15號之前，喺帖文下留言分享吓你哋嘅睇法或者疑難啦🥰，我哋會逐一為大家解答！

💡 Click #家家有話兒 同大家一齊交流心得啦💬

​​ #香港賽馬會慈善信託基金 #賽馬會智家樂計劃 #社交

【家長與同子女一同擁抱情緒☺️🫂｜家家有話兒Q&A】 每個人都會經歷唔同嘅情緒，而小朋友有時因為唔識清楚表達，可能會用咗唔太合適嘅方法去表達感受。作為父母，其實我哋都曾經經歷由唔了解自己嘅情緒、到學識與情緒相處嘅過程💐。因此，當孩子出現各...
31/08/2025

【家長與同子女一同擁抱情緒☺️🫂｜家家有話兒Q&A】

每個人都會經歷唔同嘅情緒，而小朋友有時因為唔識清楚表達，可能會用咗唔太合適嘅方法去表達感受。作為父母，其實我哋都曾經經歷由唔了解自己嘅情緒、到學識與情緒相處嘅過程💐。因此，當孩子出現各種情緒反應時，家長可以與孩子並肩，一齊守護佢哋嘅情緒健康💞。

今次「家家有話兒Q&A」收到唔少朋友分享面對子女情緒時嘅經歷同感受👀。只要家長願意多啲給予支持同鼓勵，孩子就可以逐步理解自己不同嘅情緒，，更懂得健康地表達自己嘅感受💪🏻！


💡 Click #家家有話兒 同大家一齊交流心得啦💬
#香港賽馬會慈善信託基金 #賽馬會智家樂計劃

Address

香港薄扶林沙宣道3號 學術樓5/F香港大學護理學院
Hong Kong

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+85239103122

Website

Alerts

Be the first to know and let us send you an email when 賽馬會智家樂計劃 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 賽馬會智家樂計劃:

Shortcuts

Share

Category