綠惜地球 The Green Earth

Call Website Contact the organization

綠惜地球 The Green Earth 改變路難行，孤身走我路，不如每人行多步。綠惜地球與你走遍香港每個角落，推動綠惜正能量，為地球發聲。

現今過度虛耗資源的生活形態，可能給我們短暫滿足，長遠卻帶來環境敗壞。垃圾圍城、氣候變化、健康風險….. 我們真的只追求眼前物欲，不為自己的未來和下一代著想？

環保團體「綠惜地球」深信，大家都可以成為綠色公民，共同發揮零浪費的綠色正能量，及時扭轉環境敗壞，讓健康和綠色生活延續下去。

現在就行動吧！

23/10/2026

【綠惜地球十周年聚會暨互動展覽 活動回顧短片📹】
#綠惜十載點滴成林

綠惜地球喺9月16日舉行「綠惜地球十周年聚會暨互動展覽」，有超過200位來賓一同慶祝綠惜地球十周年的里程碑🎉！

我哋預備咗一條回顧影片，一齊睇吓當日有咩精彩內容！你又見唔見到自己呢？
感謝各位來賓支持，我哋期待喺下一個活動再同大家見面！😍

#綠惜地球10周年

綠惜地球收嘅第一張支票💵兩間企業一撐就係十年？【十載點滴。綠惜人綠惜事 第七回】 #綠惜地球10周年 綠惜地球成立時聲名未響，開初點樣說服企業贊助支持，仲要一直撐足十年咁耐？創辦人Edwin 比喻：「締結企業夥伴，唔單限於贊助，仲有真誠。就...
22/10/2026

綠惜地球收嘅第一張支票💵
兩間企業一撐就係十年？

【十載點滴。綠惜人綠惜事 第七回】 #綠惜地球10周年

綠惜地球成立時聲名未響，開初點樣說服企業贊助支持，仲要一直撐足十年咁耐？

創辦人Edwin 比喻：「締結企業夥伴，唔單限於贊助，仲有真誠。就好比一枝萬能膠，將企業同環境保護緊緊黏合起來。」

#真誠打動
#還是覺得你最好💚
佳能香港企業傳訊總監繆凱甄(Candy)，早於綠惜地球成立之前已認識創辦人 Edwin，笑言對佢第一印象竟然係：「呢個人瘦成咁，點搞呀？」但認識愈深，愈發現 Edwin 做嘢出心出力，絕唔係「得個講字」，於是每年都響應植林、護林、淨灘等項目，仲一撐就撐足十年。

綠惜地球帶過 Canon 一百名義工去東龍島，一隊拉繩下降到無人石灘，執起幾十袋垃圾，再搬上兩三層樓高嘅斜坡。「同事覺得『攞命』，但做完又好有成就感。」Candy 參加過唔同團體嘅淨灘，最後覺得綠惜地球對問題源頭、生態衝擊及環境教育有深刻反思：「還是覺得你最好。」

#第一張企業支票
#來自植林優化計劃🌳
綠惜地球第一張企業支票來自香港中華煤氣有限公司（煤氣公司），當初由贊助一個環保講座開始，期後展開往後十年嘅合作。

煤氣公司助理總經理—集團環境、社會及管治暨主任 – 集團知識管理辦公室黃俊璋(Bien)，人生第一次植樹就係參加綠惜地球嘅「植林優化計劃」。當你以為植樹係挖個氹、埋棵樹，但事實係由選址、揀樹種到樹苗角度深度、記錄樹苗成長、撰寫詳細報告等，全部都經過精心策劃。「唔落手參與，係唔會知道嘅。」

#由贊助到雙贏伙伴
#十年來友共情不變🤝
Candy提及其企業理念是Kyosei（共生）， Bien就強調「雙贏」，都同綠惜地球嘅用心、專業環保工作互為回應，大家一拍即合。所以喺過去十載，與綠惜地球合作無間斷。

企業與環團點樣由合作伙伴昇華成為朋友？ 即睇全文：https://greenearth.org.hk/anniversarynews/top-collection-of-us/681 .tab=0
(link in bio)

綠惜地球今年十歲啦！Follow 我哋，緊貼更多「十載點滴．綠惜人綠惜事」。

🌱 綠惜十載，有賴各方同行及支持，見證點滴成林。🌳
💚捐款支持綠惜地球工作 https://shorturl.at/ua3ZS
#綠惜地球10周年 #植林優化計劃 #企業合作

🌍 綠惜地球 10 周年 🎂｜綠惜之最-可持續山徑篇綠惜地球一直推動「可持續山徑」教育，並將「手作步道」及 「無痕山林」--- 呢２種人類與大自然共融嘅方法畀大家認識。趁著綠惜地球10 周年，立即帶你回顧 4 個「山徑工作之最」！🏆最「也文...
21/10/2026

🌍 綠惜地球 10 周年 🎂｜綠惜之最-可持續山徑篇

綠惜地球一直推動「可持續山徑」教育，並將「手作步道」及 「無痕山林」--- 呢２種人類與大自然共融嘅方法畀大家認識。
趁著綠惜地球10 周年，立即帶你回顧 4 個「山徑工作之最」！

🏆最「也文也武」嘅 ——「 #自己山徑自己修」義工隊
你以為修山徑只靠💪體力搬石抬木？更需要🧠腦力同👀觀察力
經專業訓練嘅義工，均可解鎖更多技能：🔍 山徑問題調查 🛠️ 手作步道嘅工法 🌿 永續山徑知識
感謝一班文武雙全，與我們並肩同行嘅「山徑守護者」！💚

📌 順便透露：新一期山徑義工培訓，即將接受報名！密切留意 📣📣
關於「自己山徑自己修」義工隊：https://bit.ly/3VSN6qk
————————————————
🏆 最代表性嘅「山徑節日」——「⛰️ #香港山徑日」
「⛰️香港山徑日」由綠惜地球於2019年發起，藉10月26日麥理浩徑成立日，推動山徑保育及無痕山林教育，每年均以不同嘅主題公眾活動，建立「惜山林」文化 💚，促進香港嘅天然山徑可持續發展。
📌關於香港山徑日：https://bit.ly/4dv1Q7D
————————————————
🏆 最有感情嘅「山徑書」——《看不見的山徑：香港可持續山徑之初探》
我哋嘅第一本山徑出版物，就係2023年出版嘅📚《看不見的山徑》。大家見證書本誕生嘅感動，至今仍記憶猶新！小編們整合多年手作步道經驗，收錄多個「山徑上的人」和山徑歷史故事，當時更喺深水埗合舍舉行為期２星期嘅新書展覽，首次將 #可持續山徑 嘅理念，以公眾展覽形式呈現，引起公眾嘅熱烈迴響！

🔎 購買《看不見的山徑》： http://bit.ly/4vu3Q6A 實體本市面只餘少量存貨，歡迎購買電子書！
————————————————
🏆 最受歡迎嘅紀念品 —「🎖️山徑紀念襟章」
為推廣自然步道之美，我哋2024年推出「自然步道集章挑戰」活動，並編製《自然步道指南🗺️》，帶領公眾賞識香港多條古道及手作步道，吸引了超過 1,800 人參加！參加者大讚山徑紀念襟章設計精美 💖 極具收藏價值，更有朋友專程來港參加！

👉 瀏覽《自然步道指南》： https://hktrailsday.greenearth.org.hk/guideline/

大家嘅熱烈支持，就係我哋持續推動「可持續山徑」嘅最大動力 😤
我哋即將喺2027年初推出全新山林慈善活動，為綠惜地球嘅山林教育工作籌募經費！主題先賣個關子 🤫 敬請期待！
======================================
山林保育及教育工作嘅背後，係需要好多嘅人力物力。綠惜地球需要你嘅支持，一齊為香港嘅大自然出心又出力！

💚 【捐款支持綠惜山林工作】https://shorturl.at/ua3ZS
善款將支持包括「自己山徑自己修」義工隊 與 山林保育工作 日常開支（包括：工具器材添置、交通物流、義工培訓資源等）

【極荒謬嘅過度包裝：一次網購送嚟240個紙箱📦？每個箱得一件貨？】網購過度包裝問題值得關注，喺美國就有顧客體會到一世難忘嘅經歷。事源係顧客 Matthew Bright 喺零售商 Walmart 網購咗 240 條游水浮條，點知送貨嘅時候令...
20/10/2026

【極荒謬嘅過度包裝：一次網購送嚟240個紙箱📦？每個箱得一件貨？】

網購過度包裝問題值得關注，喺美國就有顧客體會到一世難忘嘅經歷。事源係顧客 Matthew Bright 喺零售商 Walmart 網購咗 240 條游水浮條，點知送貨嘅時候令佢好震驚😱！商家竟然「一箱裝一條」📦，分兩日送咗合共 240 個巨型紙箱去佢屋企🚚。

佢原本想像，商家會將浮條合併，放落幾個紙箱送貨，估唔到結果係一個「惡夢」。佢打開每個紙箱，入面只係放咗一條浮條，完全冇善用其他空間😳。雖然今次係「免運費」，但送貨員花費咗幾個鐘，逐一對每個包裹進行掃描、卸貨、搬運同影相記錄。

Matthew Bright 表示，佢從事古董廚具維修，買浮條原意係切碎並作為防撞材料，將維修品寄返畀顧客；但而家反而接收咗一大堆包裝廢物🙈。

佢指商家過往強調會積極減少產品包裝，但言行並唔一致。佢向商家嚴正反映送貨流程嘅問題，對方願意全數接收紙箱。

綠惜地球一直關注網購過度包裝問題 🛒，我哋喺今年6月發表咗《網購貨品過度包裝調查》，發現超過七成受訪者處理包裝時感到困擾。我哋鼓勵更多自提點加入環保署推出嘅「自提點即場回收計劃」，可回收包裝嘅自提點由 8 個增加至而家嘅 20 個📈。

綠惜地球亦鼓勵電商及物流商簽署環保署嘅《減少使用包裝約章》，而家「菜鳥」同「京東」已經簽署🖌️。另外，我哋建議電商使用「可重用包裝」。現時國家標準有限制包裝嘅使用，相信香港亦可以考慮相關措施。

即睇調查詳細內容：https://greenearth.org.hk/news/663 .tab=0

未來我哋會繼續推動減少網購包裝嘅措施，希望從源頭做起！

#網購過度包裝 #網購 #包裝 #紙箱 #浮條

香港郊野有匠人默默修路義工計劃點樣令山徑使用者變守護者？⚒️ 【十載點滴。綠惜人綠惜事 第六回】 #綠惜地球10周年每年過千萬人次走入香港郊野，山徑默默承載無數腳印，但好少人停低問：呢條山徑係邊個鋪設同維修？一張相片揭開山徑傷疤👩‍🔧 2...
17/10/2026

香港郊野有匠人默默修路
義工計劃點樣令山徑使用者變守護者？⚒️

【十載點滴。綠惜人綠惜事 第六回】 #綠惜地球10周年

每年過千萬人次走入香港郊野，山徑默默承載無數腳印，但好少人停低問：呢條山徑係邊個鋪設同維修？

一張相片揭開山徑傷疤👩‍🔧
2009 年，Vivien 操練毅行者，喺麥理浩徑影低一片綠油油草坡。九年後重遊舊地，草被已變成黃泥碎石，步道開始鬆散。「如果我哋唔做啲嘢，咁靚嘅郊野會損耗得好快。」2019 年，綠惜地球成立全港首支以山徑維護為主責嘅「自己山徑自己修」義工隊，至今培訓超過 200 位義工。

修山徑學識「聆聽」山野心聲👂
義工隊嘅核心，唔止係教工法，而係令背景各異嘅人但同樣熱愛郊野嘅人，由使用者變守護者。義工Ellen 以前最憎行梯級，總兜去旁邊小徑；加入後先明白行捷徑會侵蝕山坡，連路邊礙眼嘅擋水石，原來都係排水缺一不可嘅部分。而家佢行山好似開咗「天眼」，總留意邊度排水塞咗、邊度山坡鬆動。

義工 Ivan 就學識「聽」山：師傅教佢取石前用棍輕敲——聲沉冇回音，即係石頭卡實咗；聲清亮有餘音，先可以取出嚟砌梯級。「強行搬走唔啱嘅石，可能令另一面山坡傾瀉。」

山中匠人終於被看見🌟
以往山路多條木就有人打 1823 投訴，遇到修路師傅亦掂行掂過，連師傅都慣咗自稱「工人」。直到義工計劃令佢哋嘅工藝上咗新聞——有師傅嘅女兒睇到報道，先驚覺爸爸原來係眾人敬佩嘅師傅，對佢完全改觀。

一條手作步道，需要師傅嘅工藝、義工嘅參與、管理者嘅投入、使用者嘅自覺，缺一環都難以持續。雖然山野依然有傷痕，但「自己山徑自己修」計劃吸引愈嚟愈多人成為守護者，即睇全文：https://greenearth.org.hk/anniversarynews/top-collection-of-us/707 .tab=0

綠惜地球今年十歲啦！Follow 我哋，緊貼更多「十載點滴．綠惜人綠惜事」。

🌱 綠惜十載，有賴各方同行及支持，見證點滴成林。🌳
💚捐款支持綠惜地球工作 https://shorturl.at/ua3ZS
#綠惜地球10周年 #自己山徑自己修 #可持續山徑

【新加坡按樽制正式實施🇸🇬 半年收集逾4千萬個飲品容器】香港將於下年實施膠樽同紙包飲品盒嘅生產者責任計劃，不過運作細節尚待公佈。而新加坡喺今年 4 月展開按樽制嘅過渡期，並喺 10 月 1 日正式實施。市民退還一個膠樽，就可以拎返港幣 6 ...
16/10/2026

【新加坡按樽制正式實施🇸🇬 半年收集逾4千萬個飲品容器】

香港將於下年實施膠樽同紙包飲品盒嘅生產者責任計劃，不過運作細節尚待公佈。而新加坡喺今年 4 月展開按樽制嘅過渡期，並喺 10 月 1 日正式實施。市民退還一個膠樽，就可以拎返港幣 6 毫按金。當地喺半年嘅過渡期中，實施情況如何，香港有咩可以參考？

1️⃣ 成功收集 4,800 萬個飲品容器
由過渡期至今，半年間共收集 4800 萬個飲品容器，當中五成半係膠樽、四成半係鋁罐。

2️⃣ 居民行 5 分鐘就搵到入樽機
當地設置咗超過 1,300 部入樽機，逾九成嘅公共房屋居民🏠，由屋企行 5 分鐘就可以到達。

3️⃣ 超過 300 次教學示範
環境局同營運商喺半年間，一共舉辦咗 360 次教學示範，等市民更熟悉入樽機運作。另外，佢哋亦喺長者中心🧓🏻舉辦工作坊，教導超過 650 名長者使用入樽機。

4️⃣ 每次平均退還容器數目上升 4 倍
今年 4 月措施試行時，市民每次平均退還 2.8 個容器；至 9 月，平均退還數目已升至 8.2 個。

5️⃣ 周末夜晚最多人用入樽機
數據顯示，最多人會喺周末夜晚至星期一早上使用入樽機，所以計劃營運商鼓勵市民盡量喺平日使用，減輕負荷。

6️⃣ 小型零售商獲更長寬限期清存貨
有部份小型零售商，未能喺過渡期清晒冇標籤嘅飲品，當局允許多一個月俾佢哋清存貨。而非牟利組織可以接收存貨，再分發畀有需要嘅市民。

香港可以汲取各地推行生產者責任制嘅經驗，日後實施嘅時候就更完善，方便市民回收。

#生產者責任計劃 #膠樽 #紙包飲品盒 #香港 #新加坡 #按樽制 #按金 #入樽機

灘岸彎腰執起數萬個膠樽點樣查源頭推動政府企業減廢？🫗【十載點滴。綠惜人綠惜事 第五回】 #綠惜地球10周年一個膠樽，生命周期得幾分鐘，但喺大自然可以留足幾百年。綠惜地球前環境事務總監朱仔叫佢哋做「短命膠」——「你化佢都未化。」記者會現場鋪滿...
15/10/2026

灘岸彎腰執起數萬個膠樽
點樣查源頭推動政府企業減廢？🫗

【十載點滴。綠惜人綠惜事 第五回】 #綠惜地球10周年

一個膠樽，生命周期得幾分鐘，但喺大自然可以留足幾百年。綠惜地球前環境事務總監朱仔叫佢哋做「短命膠」——「你化佢都未化。」

記者會現場鋪滿600個膠樽📷
2016 年綠惜地球成立之初，就視膠樽減廢為第一場「戰役」。但朱仔認為「硬道理講咗廿年，市民都聽厭，最缺嘅係視覺衝擊。」於是佢哋借咗 600 個膠樽，洗乾淨，喺記者會全部倒喺地上——記者採訪好似行「膠樽障礙賽」，仲登上各大報章要聞，政府亦喺 2017 年回應民間，承諾研究引入生產者責任制。

品牌調查與淨灘社群同壯大✊
為咗維持議題熱度，綠惜地球喺灘岸逐個膠樽認品牌、做統計，因為知道邊個牌子最多，先追查到源頭，向生產商問責，呢個就係「品牌調查」。

十年嚟，朱仔同年輕同事 Antipas，帶住數以千計嘅同路人，喺灘岸彎腰過萬次，執起數以萬計嘅膠樽。Antipas 記得同「大便妹」去鹹田灣，半個鐘暴雨中執起 2400 個，腰都痛埋。佢喺嗰一刻明白新聞相入面「膠樽淹埋灘岸」一啲都冇誇張。

眾志成城未竟全功⛔
彎腰追查多年，綠惜地球倡議嘅「按樽一元」（八成幾市民支持），敵唔過飲品商遊說，政府最終改用「回贈一毫」。

雖然品牌調查未竟全功，但每個彎腰執起嘅膠樽，都揭示膠樽污染嘅整個系統，一步一步推動政府同企業承諾減廢。即睇全文：https://greenearth.org.hk/anniversarynews/top-collection-of-us/706 .tab=0

綠惜地球今年十歲啦！Follow 我哋，緊貼更多「十載點滴．綠惜人綠惜事」。

🌱 綠惜十載，有賴各方同行及支持，見證點滴成林。🌳
💚捐款支持綠惜地球工作：https://shorturl.at/ua3ZS
#綠惜地球10周年 #品牌調查 #膠樽生產者責任制

14/10/2026

【綠惜地球 十周年誌慶短片】🎉📹 #綠惜十載點滴成林

到底綠惜地球十年嚟，綠惜種籽、成果散佈喺邊度？😆

自 2016 年成立以嚟，綠惜地球一直秉持「珍惜」的信念，由小團隊一步一腳印，喺政策研究、公眾教育及企業協作三個範疇上慢慢累積成果。感恩有您一路同行，見證呢棵小樹逐漸成長，同我們並肩同行，栽種成林。🌲

我哋特意製作咗一段誌慶短片，帶大家重溫「綠惜十載」嘅重要里程碑，記載我哋同各位一齊將綠惜種籽，散播到每一個角落嘅精彩時刻。你喺短片入面，又有冇揾到你參與嘅活動呢？

立即重温：https://www.youtube.com/watch?v=SShdFdBbAJQ

環境問題依然嚴峻，我們需要更多智慧、更大決心、更多堅持、更多人的力量。綠惜地球期望繼續得到你嘅支持，一齊將綠惜種籽灌溉成林。

捐款支持綠惜地球工作：https://greenearth.org.hk/support-us/donate .tab=0

鳴謝：短片旁白 陳海恆

【The Green Earth 10th Anniversary Commemorative Video】

Since its establishment in 2016, The Green Earth has upheld the belief in 'cherishing'. Beginning as a small team, we have steadily advanced in three key areas: policy research, public education, and corporate partnerships. We are deeply grateful to our partners for walking alongside us and witnessing this seedling has grown to become a flourishing tree.

We have produced a video recapped our important milestones in the past decades and the moments that we spread the seedlings to every corner of our community. Did you spot yourself in any of the events featured in the video?

Watch it here: https://www.youtube.com/watch?v=SShdFdBbAJQ

Environmental challenges remain severe. We need more wisdom, determination, persistence, and hands. The Green Earth hopes to continue earning your support, nurturing these green seeds into a thriving forest.

Support Our Work: https://greenearth.org.hk/en-GB/support-us/donate .tab=0

13/10/2026

#林超英 X #梁榮武 力推「AI」救地球，對抗全球暖化 #綠惜棟篤笑 ＃最終回

兩位環保界前輩 武哥 ( ) 同 林超英 Lam Chiu Ying 喺「綠惜地球十周年聚會暨互動展覽」中，笑談氣候變化，更合力推廣「AI救地球 」！
不過超英哥講嘅「此AI (🤖人工智能) ；不同彼 AI 」啵，快啲睇下乜嘢 AI 秘技啦❗

多謝兩位前輩嘅分享，綠惜地球收到晒🫶更承諾大家繼續用「愛(ài)」推動【 #惜資源 🌏、 #惜山林 🌳】工作，培養綠惜公民，一齊愛心救地球！💚

【綠惜棟篤笑 – 林超英 x 梁榮武】足本版YouTube上架喇　 🥳
📌立即收看：https://youtu.be/2t5eQTmH2go?si=o71P1ZkU-bIjdlZd (link in bio)

🌱想支持綠惜地球❓歡迎捐款支持綠惜地球推動環保工作：
💰 https://greenearth.org.hk/support-us/donate .tab=0
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
#綠惜十載點滴成林 #綠惜地球10周年 #係愛啊

大家等咗好耐嘅「綠惜夜行 2026」正式回歸啦！每年嘅綠惜夜行，參加者都話玩得好開心，仲可以搵埋親朋好友同同事一齊參與！好多朋友都問我哋：「今年會幾時搞啊？」答案公佈——今年我哋會喺 12月12日 喺 大潭郊野公園 同大家見面！今年主題係「...
12/10/2026

大家等咗好耐嘅「綠惜夜行 2026」正式回歸啦！

每年嘅綠惜夜行，參加者都話玩得好開心，仲可以搵埋親朋好友同同事一齊參與！好多朋友都問我哋：「今年會幾時搞啊？」

答案公佈——今年我哋會喺 12月12日 喺 大潭郊野公園 同大家見面！

今年主題係「綠悠山野，惜伴同行」。我哋加入了好多親親大自然嘅體驗，綠惜身心靈，俾大家邊行邊放鬆身心。知道大家最鍾意睇星星，所以今年都有觀星攤位，俾大家用望遠鏡欣賞下浩瀚嘅夜空！

精彩活動亮點:
🧘‍♂️ 正念五感研究所｜探索喺大自然深度休息嘅方法
🐾 自然鄰居工作坊｜交換人同動物嘅共同故事
🎨 自然創藝坊｜將大自然繪製成獨一無二嘅明信片
🎵 綠動心弦｜聆聽溫柔簡約嘅音樂，舒緩疲憊身心
🔭 夜空觀星體驗｜透過望遠鏡探索星空

ℹ️ 活動資訊
📅 日期： 2026年12月12日 (六)
⏰ 時間： 15:30 – 21:00
📍 地點： 大潭郊野公園
👥 組別： 個人｜二人同行｜四人同行｜親子組
🗺️ 路線： 大潭童軍中心 ➔ 大潭副水塘 ➔ 大潭上水塘 (折返) ➔ 大潭副水塘 ➔ 大潭童軍中心 (共6.2公里，全程約需1.5 – 2小時)

更多活動詳情: https://greenearth.org.hk/night-walk/event-details .tab=0
立即報名： https://greenearth.org.hk/night-walk/join-now .tab=0

名額有限，快啲 Tag 埋身邊想一齊放鬆嘅朋友參加啦！

#綠惜夜行 #身心靈 #大潭郊野公園 #夜行 #觀星 #深度休息 #親親大自然 #假日好去處 #行山 #大自然音樂 #大自然藝術

Address

Hong Kong

Opening Hours

Monday 10:00 - 18:00
Tuesday 10:00 - 18:00
Wednesday 10:00 - 18:00
Thursday 10:00 - 18:00
Friday 10:00 - 18:00

Telephone

+85237088380

Website

Alerts

Be the first to know and let us send you an email when 綠惜地球 The Green Earth posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 綠惜地球 The Green Earth:

Shortcuts

Share

Category