洪蘋果辦館

26/09/2025

洪水橋農產豐收祭
開放佐啦
歡迎大家過黎買農產又猜下燈謎啦🫰🏻

19/09/2025

今個中秋🏮🥮洪水橋仍然有唔少開放公眾參與既活動丫
總有一個岩你玩😎🥸

特別推介辦館活動
農產豐收祭
當日2點有高手(刀手)🔪即開大樹菠蘿
歡迎大家再發現下洪水橋可愛既農產🌿🍋同故事啦

ps 希望洪水橋既人同農產經過兩個風🌬都安好🙏

16/09/2025

辦館係個「試驗空間」🤩🤌🏿去睇下仲有咩可能性可以在洪水橋玩！

但正正好多可能性，有時都唔知玩咩先😞

一於跳離🧞‍♂️「少做少錯，多做多錯，唔做唔錯」
試佐先算！💪🔥🔥

辦館9月26日會收集下洪水橋出產嘅產品🍋🌿🐝展示/ 賣。
尼兩個星期希望洪水橋既畫師唔好收收埋埋幫個忙畫下燈籠🏮，
26號行開辦館又望下洪水橋原來仲有好多未為意既故事/ 產品。
認識下自己生活既社區！

08/09/2025

各位街坊/ 地區伙伴可好嗎～😇
洪孩兒有幸獲💰社區投資共享基金💪資助佐6年，去到2025年6月30日經已正式完結佐….
雖然現時未有資助計劃在洪水橋延續💸，但小編相信尼6年儲佐落黎大家既關係🤝、社區資源係⛪💪唔會無佐！所以尼個專頁隨佐洪孩兒完結會正式改名做「洪蘋果辦館」🍎，未來依然會不定期發放社區資訊，希望辦館仍然繼續可以係一個平台🙌，連結洪水橋嘅人同事。

30/06/2025

📢 重要消息 📣💬

不知不覺我地 洪孩兒 响洪水橋服務已經6年了🥂~
由初代同工入洪福邨🔎探索服務，
到喺唔同互委會🏛️、協作伙伴場地🤝🏻合作建立聚腳點⛱️，
然後經歷互委會解散🚶🏻‍♀️🚶🏼...
之後大部分服務走到洪水橋唔同角落。
當中都真係靠3歲到80歲嘅街坊幫忙👯🏻👯🏽‍♂️、
地區伙伴既包容🤝🏻先走過到。

不過所有事都總有完結嘅一日🥲...
2025年6月30日，洪孩兒計劃就正式完結🙏🏻 。
未來洪水橋可能有住翻天覆地既發展🗜️⚒️🚧🏗，
願大家繼續互相守望走過各種變化，
家庭一切安好 🙌🏻🙌🏻！

#兒童友善
#家庭社區友善
#社區參與

12/06/2025

由今個星期五(即係聽日！)開始，孩兒喺洪福邨嘅街頭挑戰站將會搬去 洪恩堂 試辦🥰😆歡迎大家過來洪恩堂一齊繼續玩😝
(不過若明日天氣惡劣，挑戰站將暫停一次，請注意)

另外！聽日洪恩堂有父親節熱縮膠活動，歡迎大家有興趣既話過來參加啊😆

18/05/2025

孩兒不知不覺間原來已經同大家同行咗六個年頭，但同時繼續喺洪水橋同大家玩活動、發夢嘅時間都已經得返好少......😱

所以！！！

5月25號，孩兒最後一個大型活動，我哋全程由兒童義工嚟主導，發大個夢佢🤩！
佢哋希望今次能夠總結下過去玩過嘅活動，所以今次準備咗區報展覽，同大家跨時空咁回顧過去洪水橋區舉辦過嘅兒童友善活動同元素📰💭
除此之外，亦都有唔同嘅工作坊👩‍👧‍👧同攤位遊戲🤹🏻‍♀️，大部份都係由兒童義工同家長義工負責，希望展現到佢哋喺唔同活動中學到嘅經驗同技巧比大家睇❤️‍🔥😆
然後重點之一，係攤位遊戲🤹🏻‍♀️同最尾嘅攻防戰🤼‍♂️其中一個元素就係班兒童義工一直發咗好耐嘅夢——玩水😝！！！

有展覽、工作坊，仲有攤位遊戲同水攻防戰！
內容豐富到咁，約定大家 5月25號（日）下午3：00-5：00，鍾屋村田廈路遊樂場(5人足球場)見啦！！！

作為最後一個大型活動，希望可以同大家留低難忘嘅回憶！
不論男女老少，歡迎大家一齊嚟玩啦🤩🤩🤩！！！

*請注意：當日所有攤位都可自由入場參加，但最後半個鐘嘅水攻防戰需要報名，請透過報名連結或whatsapp 9728 5348(焦)報名*

09/05/2025

地區活動推介～
聽日洪福街市有pop up墟丫
街坊有時間都可以落樓趁下墟🥳

【洪水橋母親節Pop Up墟】🎪🎪😍😍

//成日都有話，偏遠地區的居民無咩消費選擇，跨區購物又浪費時間；街坊習慣了跨區消費，打擊本區消費意慾，令區內小店做唔住，惡性循環導致社區了無生氣…😣😣

其實街坊最熟悉自己社區，最清楚街坊有咩需要！所以趁著臨近母親節走入屋邨街市「洪福街市」舉辦Pop up 墟，除了有區內街坊「自家製」的手作及特色民生產品、亦有DIY工作坊及禮品換領活動。今次活動除了讓到多才多藝嘅街坊可以展現自己手藝，同時亦為居民提供多個消費選擇及活動；更可以善用就近街坊的街市空間資源、一齊建立充滿人情味嘅社區！//💪💪

🔸【洪水橋母親節Pop Up墟】﹕
🗓️日期﹕2025年5月10日 (六)
⏰時間﹕中午12時至下午6時
📍地點﹕洪福邨619街市
🎪活動內容﹕
1️⃣ Pop up墟﹕6個街坊「自家製」的手作及特色產品攤檔，包括﹕鉤織產品、布藝飾物、 擴香石、環保再造產品......
2️⃣ 母親節襟章工作坊 (免費)﹕@759對開巴士站
3️⃣ 禮品換領﹕凡於Pop up墟攤檔有任何消費，即免費獲贈母親節康乃馨香皂花乙支

#社區墟市 #自家手作 #洪福街市 #母親節 #婦女手藝 #多元消費選擇

24/04/2025

上星期🎞️回顧佐兒童參與喺洪孩兒計劃既部分片段📺
其實只要用心聽👂🏻小朋友發夢💭
然後一齊試🛠️
兒童友善嘅社區其實有好多可能👼🏻

今星期就同大家回顧下兒童以外
其他照顧者💃🏻🕺🏼既參與啦