25/09/2024
【聲明 - 🐱蝦毛事件】
首先由發現🐱蝦毛有事睇過3次醫生，分別係
28/07 博愛醫療費＄280
11/08 新墟醫療費＄880
20/08 NPV診金+MRI＄17225
25/08 NPV標靶藥 ＄415
28/08 NPV配止痾藥+ 褐藻糖膠＄368
而以上所有費用係一亳子都無問佢哋拎過，如果佢哋有比過錢，就算只係1仙而提供到証明，我可以直播跪地道歉
事件牽涉人仕（以下簡稱）
早前Post內稱為【暫托】係有2位，佢哋嘅關係 係數個月前已分手嘅過氣情侶，其中一位係一位義工嚟，所以以下簡稱做【義工】另一位以下簡稱做【Ex】
何解會一直稱呼為「暫托」？
因為Way To Home的確有兩隻貓由當初尚未分手嘅佢哋幫忙暫托中，但並非🐱蝦毛🙅♀️而係🐱蝦膠🐱蝦餅
義工於過去數年亦有轉介不同求助case到🏡Way To Home，包括最大單、醫療費用得最多錢嘅收地case、2個月前嘅早產b等等……
過往經由義工轉介嘅case不論糧食、醫療費用咗幾多都從無問過義工拎一分一亳，因為呢d case係🏡Way To Home確實話接收的
🐱蝦毛來歷
🐱蝦毛於2023年6月被「義工＆Ex」發現出現喺馬路上，地點係本人居所附近，義工話已經第二次見到🐱蝦毛亂過馬路，怕佢會車死，所以就叫本人拎捕貓籠出去捉
2022年尾至2023年中🏡Way To Home正處理由義工轉介嘅收地case，該處好多🐱🐱因為流浪時嘅環境、食物、水源而引致身體有各種疾病需要醫治，同一時間更有3隻🐱🐱患上FIP需要接受高昂費用治療（可以於page內查找）
🏡Way To Home當時正處於極艱難階段。所以拒絕咗接收🐱蝦毛，義工話佢哋收🐱，🏡Way To Home 幫助出領養
所以由始至終🏡Way To Home只係幫手出領養
https://www.facebook.com/share/p/nbJuC5GvxDDAh9bx/?mibextid=WC7FNe
及後義工定期都會update🐱蝦餅🐱蝦膠🐱蝦毛嘅相比🏡Way To Home出post，直至數月前義工告知已經同Ex分開咗，將會搬出昔日愛巢💔
問暫托中🐱🐱介唔介意喺不需要搬遷下由Ex繼續照顧，因為平時都係由Ex照顧開🐱🐱
為🐱著想只要定期有update下，不轉換環境比轉換環境理想而答應
12/06 Ex第一次同本人聯絡
Ex通知🐱蝦膠懷疑患上異食症食咗窗簾需要求醫，本人立即book診所帶🐱蝦膠照x-ray，當中醫療費用亦都無叫過義工＆Ex支付過一分一亳，因為🐱蝦膠係屬於Way To Home嘅🐱🐱
https://www.facebook.com/share/p/gfPouVmC1SAQfLmH/?mibextid=oFDknk
🐱蝦毛發現有病
13/07
Ex話🐱蝦毛有時抖氣有d鼻寒聲，比咗d 養氣supplement佢食都無好轉，查詢有咩方法可以幫到佢，本人即時提供蟲草予🐱蝦毛食用
一盒蟲草需要＄5××（都唔記得當時係比1盒定幾排蟲草）一心只係想幫呢個小朋友嘅本人，亦完全係無收過一分一亳（附圖）
～ 中途呢段時間Ex曾向本人講因為某些原因，
佢而家生活困難，無曬錢 ～
（ 我應承過你唔會講，呢一刻就算你哋咁對我，我都未會想講住）
26/07
Ex話🐱蝦毛未有好轉，心知Ex呢一刻拎唔出醫療費
⭐️本人即時話帶🐱蝦毛睇醫生及支付相關醫療費用，並未有向義工＆Ex收取過一分一亳
https://www.facebook.com/share/p/fZdMhBQ12VEQy1Ln/?mibextid=oFDknk
06/08
Ex再告知🐱蝦毛用藥後情況未有好轉，胃口亦轉差，詢問情況後，本人覺得🐱蝦毛有需要再度求醫，遂配合Ex時間後即時再book診所（附圖）
11/08
見完醫生後，本人、Ex、義工均知道🐱蝦毛情況並不簡單，需要照CT/MRI確認病因
⭐️此次相關醫療費用，並未有向義工＆Ex收取過一分一亳
https://www.facebook.com/share/p/gJvKVoKVEsQyvGsa/?mibextid=oFDknk
由於照CT/MRI費用需要＄15000～＄20000，義工及Ex均未有任何意欲負上責任，有感🐱蝦毛係由義工及Ex接收，理應佢哋都需要負上責任
所以當時已向義工及Ex提出需要大家一齊諗掂呢畢錢（附圖）
12/08
EX於蝦毛病發後一直求助，聲稱自己冇錢🏡Way To Home 基於道義以及想幫助蝦毛，於是幫忙出post求支援
https://www.facebook.com/share/p/gJvKVoKVEsQyvGsa/?mibextid=oFDknk
https://www.facebook.com/share/p/ftpzfhHvEtfYMuKH/?mibextid=oFDknk
由12～17/08期間，收到嘅支援都未夠需要預計支付嘅檢查費用一半，期間亦有再次向義工提出需要佢諗辦法，無可能只由本人承擔，亦親耳聽到一番由義工講出令人失望嘅說話
【其實幫蝦毛check完，跟著都無錢醫佢㗎啦】
聽到此番說話已認清事實（附圖）
P.S.其實14/08已經拜託朋友幫手Book NPV張醫生（附圖）本人一心諗住如果真係最終收唔到足夠檢查費用支援的話，最多8月份下旬需要食用嘅罐罐就唔買住，唔日日開罐，隔日先開，都要比咗🐱蝦毛去檢查先
18/08
諗住再開post試試，睇下大家會唔會可以幫手🙇♀️
今次得到大家幫手，終於收到足夠嘅檢查費用
https://www.facebook.com/share/p/EJrWUwfuixi3tNqJ/?mibextid=oFDknk
https://www.facebook.com/share/p/Wcqx71tEazvX6xyW/?mibextid=oFDknk
20/08
到NPV見張醫生，並安排照MRI
⭐️此次相關醫療費用，並未有向義工＆Ex收取過一分一亳
https://www.facebook.com/share/p/ycLtYZ9ra1eHh6Zy/?mibextid=oFDknk
25/08
到NPV聽取MRI報告，確診頭部內有2個腫瘤😭
由於未諗到治療方向，醫生開咗標靶藥比🐱蝦毛食住先，姑娘話食完標靶藥後有可能會肚痾，要影低佢d便便＆留意精神狀態再update醫生，睇下隻標靶藥啱唔啱佢食，同時約覆診日期，當時本人有疑問🤔覆診會係睇d咩？因為🐱蝦毛嘅瘤喺腦內，面對面無嘢睇到㗎喎🤔喺本人立場如果唔係有檢查要做就唔想🐱再出去驚
姑娘……um咗一聲，話約咗先啦～到時如果想見醫生都可以見到，之後先約就約到好遲先有得睇，可以覆診日前再自行決定帶唔帶🐱蝦毛出去，同埋決定治療方向，標靶藥隔日食，份量食到覆診前
姑娘告知醫生放大假至10/09，可以約10/09，但由於原本人需要到外地工作至10/09先返港，所以當日即時約覆診日期為11/09，期間並未有致電診所更改原定之覆診日子
⭐️此次相關醫療費用，並未有向義工＆Ex收取過一分一亳
https://www.facebook.com/share/p/1NNTq4v6DUbLoojA/?mibextid=oFDknk
聽完醫生講解後，本人因為唔想決定錯治療方向，於是不停打比好多人詢問意見，有義工、有養貓朋友、有捐贈者等等……得出結論係開刀做手術成功率太低，其他治療方向可能會更理想，幫手book醫生嘅朋友建議食褐藻醣膠都會有幫助，所以即刻再幫手叫張醫生開褐藻醣膠
26/08
本人向義工及Ex提出約時間傾🐱蝦毛治療方向
Ex向本人表達想比🐱蝦毛開刀做手術，表明做手術嘅錢呢一刻佢比唔到出嚟，並想以🏡Way To home為🐱蝦毛籌錢，如果籌唔到就搵人出住先，佢比5萬（附錄音👇）
https://youtube.com/shorts/zcD0D9A0lHM?si=yL3LW70UxazuaMcQ
28/08
到NPV取褐藻醣膠時見到負責幫張醫生嘅姑娘，因🐱蝦毛有肚痾情況，即時詢問詳情，原來食標靶藥係需要每個月都要驗血及照腫瘤情況，如果呢隻標靶藥唔啱佢就需要轉藥，同時開咗止痾藥睇下幫唔幫到🐱蝦毛，如果想繼續食標靶藥試效果又唔想原定覆診日帶🐱過去，配藥可以4日前通知＆update最新情況比醫生知再決定係咪可以繼續食呢隻標靶藥
⭐️此次相關醫療費用，並未有向義工＆Ex收取過一分一亳（附圖）
🌟🌟因為呢個post已經太多字，同埋工作繁重已經超過36個鐘無瞓過😴28/08後發生嘅事及收到支援嘅餘額去向有需要出part 2先再講
【總括而言】
🐱蝦毛並不是🏡Way To Home嘅🐱🐱基於痛心🐱蝦毛未能得到即時治療，所以先出手幫助，收到嘅支援金額亦有用於🐱蝦毛醫療費上
本人從未收過義工及Ex 1️⃣亳，如果有拎過佢哋任何金錢，歡迎拎出證據對質
咁何來要義工及Ex出一半醫療費？
本人向義工及Ex提出嘅「出一半醫療費」係講緊28/08之後🐱蝦毛嘅醫療費用，基於本來🐱蝦毛從來都唔屬於🏡Way To Home，係義工及Ex自行想救起
本人考慮到佢哋2位有經濟困難，有機會未能全額支付醫療費，令🐱蝦毛得唔到適當治療，所以先提出餘下治療佢哋需要負返一部份責任。亦已通知2位用完收到支援餘額後，不會再出post為🐱蝦毛收集任何支援
⭐️⭐️⭐️再次重申截至28/08🐱蝦毛醫療費已接近$20000，義工及Ex係一分一毫都無出過
致義工＆Ex
Whatsapp 記錄大家都有，講過d乜、打字打過d乜全有記錄
你哋喺IG上話「絕對係事實，但可惜無對話內容，因為係當面講」
忘記通知你哋😅好好彩31/08零晨當日當面嘅對話，為怕你哋唔記得自己講過乜，所以全程已經由同行朋友幫手錄曬音
後話：
若然本人咁樣幫助🐱蝦毛都係錯果個，咁點做先係啱？本人只是獨立義工並不是億萬富翁，未有能力所有動物都可以幫，再加上🏡Way To Home所有大小事情只能本人1腳踢去做，無暇一直被此事困擾
之前有個post已經講過有錢落袋嘅叫【員工】出錢、出力、出時間嘅先叫【義工】
由開始至今絕對能大聲講【我係義工】
