明愛連線Teen地 Infinity Teens - 網上青年支援隊

明愛連線Teen地 Infinity Teens - 網上青年支援隊 但願我們能在這裡好好相遇，
一起探索，一起創造，成為你想成為的那個你。

生於網絡世代的我們，
因為網絡走近，亦因為網絡而疏遠。

在這裡，我們可以看見不同人的喜怒哀樂，
探索人與人之間的關係和故事。
或許你會因此更關心身邊的一切，
或許你會因此而變得冷漠。
漸漸地，線上線下的自己會否變得模糊？

而我們是一群遊走於網上的社工，
關心螢幕內外的每一個你，
亦想去了解那些未被關心的需要。
因為我們相信，
每一位年青人都值得被關顧，
每一份需要都值得被好好看待。

但願我們能在這裡好好相遇，
一起探索，一起創造，成為你想成為的那個你。

服務宗旨
- 強化青少年於線上及線下之人際網絡、生活滿意度及情緒健康
- 回應青少年的各種成長需要，協助發展多方面興趣及潛能，提升自信心及能力感
- 透過線上及線下服務之結合，提供更全面及更適切之服務
- 透過跨界別合作，提升服務質素及多樣性

外間機構協作地區
- 東九龍：黃大仙、觀塘、西貢及將軍澳

網站：https://it.caritas.org.hk
Email：[email protected]
Telegram：https://t.me/caritasinfinityteens
WhatsApp：+852 93773666

如有任何查詢或意見，歡迎電郵至 [email protected] 與我們聯絡。


(2023年3月1日更新)

畢業左幾年係好尷尬嘅年紀你唔夠老去放棄夢想但又唔夠後生去唔理生活成本見到身邊嘅人開始結婚 生仔 升職 買樓要開始承擔責任但自己仲喺度返緊冇前途嘅工朝早8點逼地鐵夜晚10點攰到一攤落張床就瞓著開始冇咗對生活嘅熱誠當你自己都養唔掂自己嘅時候你阿...
29/09/2026

畢業左幾年係好尷尬嘅年紀
你唔夠老去放棄夢想
但又唔夠後生去唔理生活成本
見到身邊嘅人開始結婚 生仔 升職 買樓
要開始承擔責任
但自己仲喺度返緊冇前途嘅工
朝早8點逼地鐵
夜晚10點攰到一攤落張床就瞓著
開始冇咗對生活嘅熱誠
當你自己都養唔掂自己嘅時候
你阿媽仲問 ：幾時生孫俾我？
屋企人當你係小朋友 公司當你係勞工
朋友各有各忙 感情開始現實得滯
最難學嘅一課 係 撐住做人
有時你情緒爆煲 但你連喊嘅時間同力都冇
因為冇人幫你執手尾 只有你自己可以幫到自己
但你要記住：
你捱過咁多夜晚 唔係為咗放棄
係為咗終有一日 你會成為自己想變成嗰個人

國際獨立等級表LV1：一個人行街LV2：一個人去餐廳食飯LV3：一個人睇電影LV4：一個人睇醫生LV5：一個人打邊爐/放題LV6：一個人唱KLV7：一個人去主題樂園LV8：一個人出國旅行LV9：一個人搬屋LV10：一個人做手術你們可以做到第...
24/09/2026

國際獨立等級表
LV1：一個人行街
LV2：一個人去餐廳食飯
LV3：一個人睇電影
LV4：一個人睇醫生
LV5：一個人打邊爐/放題
LV6：一個人唱K
LV7：一個人去主題樂園
LV8：一個人出國旅行
LV9：一個人搬屋
LV10：一個人做手術
你們可以做到第幾級？

小編之國際獨立等級表
LV1：一個人行街✅
LV2：一個人去餐廳食飯✅
LV3：一個人睇電影✅
LV4：一個人睇醫生✅
LV5：一個人打邊爐/放題✅
LV6：一個人唱K （純粹小編對唱K冇興趣🤣）
LV7：一個人去主題樂園✅
LV8：一個人出國旅行（未夠膽住🥹）
LV9：一個人搬屋（未有機會搬屋～）
LV10：一個人做手術 （自己面對真係會有啲孤獨同驚，最後都係想人陪🤣）

大家又係點呢～快啲share俾我哋知啦！

小方法幫自己充電🔋唔使天涯海角只需要喺日常入面偷返幾分鐘屬於自己嘅時間1.⁠ ⁠搭叮叮上層，漫無目的坐到總站2.⁠ ⁠煲劇到煲四點當係渡假3.⁠ ⁠將手機校靜音，完整地放喺袋一個鐘4.⁠ 瞓喺張床玩電話玩到瞓覺5.⁠ ⁠坐一程天星小輪來回，...
22/09/2026

小方法幫自己充電🔋

唔使天涯海角
只需要喺日常入面
偷返幾分鐘屬於自己嘅時間

1.⁠ ⁠搭叮叮上層，漫無目的坐到總站
2.⁠ ⁠煲劇到煲四點當係渡假
3.⁠ ⁠將手機校靜音，完整地放喺袋一個鐘
4.⁠ 瞓喺張床玩電話玩到瞓覺
5.⁠ ⁠坐一程天星小輪來回，淨係吹海風
6.⁠ ⁠買M記加大個餐當晚餐無罪惡感
7.⁠ ⁠⁠IG DM一個好耐冇見嘅舊同學
8.⁠ ⁠凌晨行入便利店，食個熱辣辣嘅杯麵
9.⁠ ⁠放工放學自己一個人去睇電影，享受me time
10.⁠ 戴上降噪耳機，喺鬧市聽一首純音樂
11.⁠ ⁠日落時間專登搭經東區走廊嘅巴士，全程睇海
12.⁠ ⁠去睇一個有興趣嘅展覽
13.⁠ ⁠嘗試約人飲個早茶傾吓人生
14.⁠ ⁠沖涼嗰陣熄燈，淨係感受水溫
15.⁠ ⁠臨瞓前唔睇手機，睇下窗外嘅風景
16.⁠ ⁠將收工路線，轉成未行過嘅道路
17.⁠ ⁠去公共圖書館，泡喺書嘅世界入面
18.⁠ ⁠漫步海濱長廊，感受海風
19. 食返個甜甜地嘅蛋糕
然後，返到屋企...
20.⁠ ⁠對住鏡入面嘅自己講聲「辛苦晒」

知道聽日又要重新嚟過。
但今日，你撐住咗

如果唔靠壓力活著，咁我仲剩低咩？已經習慣咗用壓力去推動自己甚至覺得壓力係生活嘅唯一驅動力當壓力消失會突然失去方向好似冇咗目標同動力呢種感覺其實係因為你未習慣用另一種方式去生活比如熱情、興趣或者純粹為自己而活壓力唔係唯一嘅存在當你學識放下壓力...
19/09/2026

如果唔靠壓力活著，咁我仲剩低咩？
已經習慣咗用壓力去推動自己
甚至覺得壓力係生活嘅唯一驅動力
當壓力消失
會突然失去方向
好似冇咗目標同動力
呢種感覺其實係因為你未習慣用另一種方式去生活
比如熱情、興趣或者純粹為自己而活
壓力唔係唯一嘅存在
當你學識放下壓力
先會發現生活仲有好多值得追求嘅嘢
唔一定要靠逼自己先至可以前行

明愛連線Teen地 - 爆旋陀螺X 比賽2.0 諗唔到中秋夜晚食完飯有咩好做？年年都係賞月、玩月餅同食燈籠，不如拉埋你老Best一齊上嚟參加比賽啦!中場休息仲有食餅大會，嬴咗仲有神秘小禮物! 另外，今次特別推出【2人隊制賽】！輸咗都有隊友同...
16/09/2026

明愛連線Teen地 - 爆旋陀螺X 比賽2.0

諗唔到中秋夜晚食完飯有咩好做？年年都係賞月、玩月餅同食燈籠，不如拉埋你老Best一齊上嚟參加比賽啦!

中場休息仲有食餅大會，嬴咗仲有神秘小禮物! 另外，今次特別推出【2人隊制賽】！輸咗都有隊友同你一齊分擔！搵唔到隊友，都可以幫你配對，但唔寫包單幫你配到。

📅活動詳情:
活動日期: 25/9/2026 (星期五)
活動時間: 2100-2300
活動地點: 海濱道123號 NEO綠景大廈1602室 (牛頭角站B6出口)
對象: 15-24歲以下的青少年
名額: 12隊 ，名額有限，先到先得
費用: $20，每隊
👉 報名方法（一個人填寫就可以）： https://forms.gle/m2WTA51nxKQv6K1X7

賽制 :
【2人隊際賽 】
1. 每隊共2名選手，每人準備1個陀螺，2個陀螺零件均不能相同
2. 依次決定出賽順序，將陀螺交給裁判檢查。
3. 比賽採用 BX-10 極限陀螺盤
4. 正版限定！ 只限使用 Beyblade X 世代正版陀螺。

初賽
◾ 12 隊抽籤分成 A、B、C ，3 個小組（每組 4 隊），進行組內單循環賽。
◾ 兩名選手進行對決，率先取得 2 勝（2-0 或 2-1）者，即成功淘汰對方該名選手。
◾ 勝者留低、比分重置：勝方選手留在場上；敗方選手退場由隊友接替。新對手登場時，比分重新由 0 : 0 計算，同樣進行搶 2 勝。
◾ 隊伍勝負：率先將對手 2 名隊員全部淘汰的隊伍勝出。

小組賽計分方法:
1. ( 2-0 勝）：得 +2 分
2. ( 2-1 勝）：得 +1 分
3. ( 1-2 落敗）：得 -1 分
4. ( 0-2 落敗）：得 -2 分
* 若小組內出現總積分相同的隊伍，依序比較：1. 兩隊對賽成績 ➔ 2. 極限勝利 Xtreme Finish 累積次數 ➔ 3. 各派一名代表進行單陀螺一勝定勝負

◾各組第 1 名（小組積分最高者，共 3 隊）：直接晉級 4 強！
◾復活隊伍（共 1 隊）：各小組第 2 名（共 3 隊）進行「復活戰」，積分最高者奪得最後 1 個 4 強席位。

決賽
◾淘汰制，決定冠亞季三甲。
◾初賽總積分最高隊伍 vs 初賽總積分最低（復活隊）隊伍 ，其餘兩隊互相對決

獎品：
🥇 UX-21 地獄幽冥三陀螺套組+ 月餅
🥈 BX-49 翔龍突擊 + 月餅
🥉 UX-02 英仙幽冥 + 月餅
本次比賽之冠、亞、季軍獎品將採取「依序自選」方式進行。
將由冠軍優先挑選，其後由亞軍選擇，最後由季軍獲得相應獎品

中場休息: 食餅大會
1. 各選手互相對戰，每人一開始會有4個 水泡餅，勝出對戰就比一粒對手，最快派曬4個 水泡餅就勝利，最後一齊食餅。

主辦及合辦單位： 明愛連線Teen地－網上青年支援隊
聯絡及查詢：21170321 / 93773666 (社工shawn)

三十而立，四十而不惑，五十而知天命我哋成日都話幾多歲要做到啲咩要有咩好勁嘅成就要成家立業要賺到幾多錢要兒孫滿堂但孔子係2500年以前嘅人當時成年人嘅平均壽命、社會習慣，產業結構都同現代完全唔同用當時佢對自己一生嘅總結當成框架綁架2500年後...
14/09/2026

三十而立，四十而不惑，五十而知天命
我哋成日都話幾多歲要做到啲咩
要有咩好勁嘅成就
要成家立業
要賺到幾多錢
要兒孫滿堂
但孔子係2500年以前嘅人
當時成年人嘅平均壽命、社會習慣，產業結構都同現代完全唔同
用當時佢對自己一生嘅總結當成框架綁架2500年後嘅我哋
咁樣真係合理咩？
無論幾歲，其實好好活著就已經好足夠啦～

真正適合你嘅人，唔會令你成日覺得要用力去維繫、去證明。佢哋嘅靠近係穩定嘅、係自然嘅，你唔需要每一秒都緊張、都試探、都怕做錯。真正嘅愛唔會令人焦慮；唔會令你反覆懷疑自己嘅價值、懷疑自己係唔係唔夠好。你應該可以放心呼吸，覺得自己被接住，而唔係一...
09/09/2026

真正適合你嘅人，唔會令你成日覺得要用力去維繫、去證明。佢哋嘅靠近係穩定嘅、係自然嘅，你唔需要每一秒都緊張、都試探、都怕做錯。

真正嘅愛唔會令人焦慮；唔會令你反覆懷疑自己嘅價值、懷疑自己係唔係唔夠好。你應該可以放心呼吸，覺得自己被接住，而唔係一邊付出一邊受傷。

如果你總係要承受過多嘅不安，或者需要不斷「調整」自己先換到一點點回應——咁就值得停一停，問問自己：你而家所遇到嘅，究竟係愛，定係壓力。你值得更溫柔、更安心嘅互相。

已經開咗學幾日啦大家過成點？相信大家面對好多挑戰成績、朋友、家人、成就......我哋呢一生好似總喺學緊「爭取」彷彿人生如果少咗啲咩就好似係一種失敗或者一種缺憾於是，我哋不自覺卯足咗勁往前跑死命抓住啲得唔到嘅執念深怕一鬆手幸福就會從指縫間溜...
08/09/2026

已經開咗學幾日啦
大家過成點？
相信大家面對好多挑戰

成績、朋友、家人、成就......
我哋呢一生好似總喺學緊「爭取」
彷彿人生如果少咗啲咩
就好似係一種失敗
或者一種缺憾
於是，我哋不自覺卯足咗勁往前跑
死命抓住啲得唔到嘅執念
深怕一鬆手
幸福就會從指縫間溜走

但係你越捉得緊，掌心就越容易覺得痛
越逼自己，心就越難喘過氣

所以，如果你最近開始覺得好累、好唔舒服、甚至撐唔住
請你先停一停。你唔需要用「硬撐」去證明你值得被幸福對待

當一個人開始學識安放自己
慢慢唔再將快樂只寄託喺某個固定嘅結果上
就算未必係完美、就算未必係你想像中嘅方向
當下都仍然可以係值得被好好對待

有也很好，沒有也很好
你自己先係最重要
願你能夠用最柔軟嘅方式
去接納生活嘅每一個現狀
你唔需要一個人扛
如果你而家好難捱
請記得搵一個你信任嘅人
或者專業人士
陪你一齊處理
求助係勇敢
也係你應得嘅支持

你接受咩，嗰樣就會慢慢消失。唔係因為你放低，而係你終於學識面對，情緒唔再被你推開，就冇咗再纏住嘅力。相反，你對抗咩，嗰樣就會變得更堅固、更清晰。你越想將佢壓住佢就越大聲。當你肯接住自己、容許一切慢慢流過，你會發現，輕一點嘅你反而更容易走向自...
07/09/2026

你接受咩，嗰樣就會慢慢消失。唔係因為你放低，而係你終於學識面對，情緒唔再被你推開，就冇咗再纏住嘅力。相反，你對抗咩，嗰樣就會變得更堅固、更清晰。你越想將佢壓住佢就越大聲。當你肯接住自己、容許一切慢慢流過，你會發現，輕一點嘅你反而更容易走向自由。

逃離全部人的孤獨讓你感到安心了嗎？有另一種安穩更像把自己抱緊你學會同自己相處一個人也可以散步慢慢吃飯聽歌到入夜容許情緒在心裡慢慢安放你開始為自己劃出界線遠離不適合的人與事替生活留出空白與喘息的空間當你把時間還給自己孤獨便不再是困局而是一種選...
04/09/2026

逃離全部人的孤獨
讓你感到安心了嗎？

有另一種安穩更像把自己抱緊
你學會同自己相處
一個人也可以散步
慢慢吃飯
聽歌到入夜
容許情緒在心裡慢慢安放
你開始為自己劃出界線
遠離不適合的人與事
替生活留出空白與喘息的空間
當你把時間還給自己
孤獨便不再是困局
而是一種選擇
讓你更自在、更完整

Address

九龍觀塘海濱道123號NEO 16樓1602室
Hong Kong

Opening Hours

Monday 10:00 - 18:00
Tuesday 10:00 - 18:00
Wednesday 14:00 - 22:00
Thursday 14:00 - 22:00
Friday 18:00 - 02:00
Saturday 18:00 - 02:00

Telephone

+85293773666

Website

Alerts

Be the first to know and let us send you an email when 明愛連線Teen地 Infinity Teens - 網上青年支援隊 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 明愛連線Teen地 Infinity Teens - 網上青年支援隊:

Shortcuts

Share

Category