SEED Foundation

20/08/2026

【🔐 收到 SMS 驗證碼 = 以為好安全？其實唔係】

你有冇試過登入時等足一分鐘先收到驗證碼？
等到頸都長……但更大問題係，呢個方式其實唔係咁安全。

🚨 點解 SMS 驗證碼咁危險？
黑客只要用「SIM 卡交換攻擊」（SIM Swapping），就可以誘騙電訊商將你個電話號碼轉去佢哋部機，從而截取你所有驗證碼，隨時唔使密碼就直接攞走你個帳戶！今年連 Microsoft 亦宣佈將分階段停止向個人帳戶發送短訊（SMS）驗證碼，改用Passkey 通行密鑰。

🛡️ Passkey 有咩咁勁？
🔐 私鑰不離身
Passkey 採用頂尖加密技術，私鑰只會儲存喺你部手機或電腦嘅安全晶片入面，根本唔會經過網絡傳輸，黑客想截取都無辦法！

👁️ 生物識別把關
登入時只需要用你嘅指紋、臉部識別（Face ID）或者裝置 PIN 碼，比起傳統密碼或 SMS，更方便、亦更安全。

🎣 釣魚攻擊殺手
Passkey 會同正確網站綁定。 即使黑客製作假登入網站，Passkey 亦唔會喺該網站有效， 可以大幅降低釣魚攻擊風險。

💡 宜家唔少平台都已經支援 Passkey 登入，包括 Google 同 Apple。

今日抽 3 分鐘，入去常用帳戶設定將登入方式轉做 Passkey⚡

即刻 Share 俾身邊有嘅朋友同屋企人，
一齊令黑客入侵風險減到最低！🔁

#網絡安全

17/08/2026

《WXP 真實工作場境體驗計劃 2026》同學仔去咗邊 👀🔥

近 60 位同學仔，第一次以「職場新鮮人」嘅身份走入真實工作環境，親身體驗唔同行業嘅運作方式，提早裝備未來所需技能！💻

呢個為期一個月嘅職場體驗計劃，同學唔單止可以第一身感受職場文化，仲可以參與真實工作任務。由會議觀察、資料整理，到內容製作、用戶體驗分析，每一個環節都係書本入面搵唔到嘅真實體驗！📊🧠

📸 加油呀同學們！帶住好奇心出發、帶住滿滿收穫回來，喺職場上找到屬於自己嘅位置同方向 💼💡

#工作場境體驗 #職前培訓 .com

05/08/2026

【暑期搵快錢？邊有咁容易！🧠 小心呢啲陷阱！🚨】
暑假一到，想賺零用？騙徒都知道！😤
佢哋最鍾意搵「求職心切」嘅學生落手，
一唔小心，隨時唔止賺唔到錢，仲惹禍上身😰

騙徒最常喺呢度出沒 👇
Threads、Instagram、Telegram……
Post 通常係咁寫嘅：
「無需經驗 ✨ 高薪即日出糧 💸 在家工作 🏠」

聽落好吸引？其實都係大陷阱 🚩

🏦 非法工作/洗黑錢： 叫你「借」銀行戶口收款，隨時觸犯法律
📸 騙財星探： 假借招聘模特兒或演員，要求先交攝影費，甚至要求拍私密照
💸 層壓式推銷： 要求你先俾錢購買貨品或繳付「培訓費」
📈 投資陷阱： 誘騙你參與高回報嘅虛假投資
✈️ 海外工作騙案： 以高薪包吃包住誘騙到海外，結果被扣押證件，甚至被逼從事不法勾當

要避免掉入求職陷阱，當見到「無需條件、報酬異常高」嘅暑期工時，記得即刻停一停，諗一諗🧠
主動向大人查詢意見，千祈唔好俾一時嘅貪念蓋過你嘅理智！

世界上冇咁大隻蛤乸隨街跳 😥
見到「無條件高薪」，第一個反應應該係懷疑，唔係心動
你身邊有冇諗住暑假搵錢嘅朋友？記得 share 畀佢睇 💡

#網絡安全

29/07/2026

IdeaPOP! 2026 與香港大學攜手，一步一個原型，共同培育年輕創新力 🎓

在 IdeaPOP! 2026 賽後工作坊的同一天，十強隊伍於下午來到香港大學，展開了一段充滿創意能量的學習旅程。

活動以校園導覽揭開序幕，短短的導賞，卻讓大家對這裡留下深刻印象。這不只是一次觀光，更是一次走進以好奇心為根基的學術社群的邀請。同學們近距離認識了香港大學創新學院，一個專注培育跨學科創意思維、讓想法真正落地生根的學習空間。

其後，張博士帶領同學們體驗兩項別具挑戰的活動，啟發他們思考、建構與重新想像：

棉花糖挑戰將快速原型的精神帶入現場。同學們即場以棉花糖搭建高塔原型，親身體驗「不過度計劃、不等待完美」的創新思維。建構、測試、學習、迭代，正是 IdeaPOP! 的核心精神所在。

工作坊最後以「如何重振香港電影院及電影業」為題，邀請同學們在便條紙上自由寫下想法，為這個正處於轉捩點的創意產業，勾勒出大膽而嶄新的可能。

我們衷心感謝張博士及 I-School 團隊精心統籌這次校園導覽及各項活動。感謝李教授慷慨抽出時間，與每一位同學真誠交流，讓他們感到被重視、被聆聽。

特別感謝創新學院院長蘇教授在 IdeaPOP! 2026 決賽擔任評審，以及促成今次工作坊，並親自抽出寶貴時間與同學們分享真知灼見。何教授話語中流露的智慧與真誠，以及對同學們的鼓勵，相信已在每一位年輕創新者心中留下深刻的印記。

我們深感榮幸今次工作坊得到香港大學創新學院一眾充滿熱忱的教育者與創新者的鼎力支持。將年輕創新者與世界級學術環境連結，是我們一直以來的使命，而今天再次印證了這些珍貴經歷對同學們的深遠意義。

我們期待繼續深化這份夥伴關係，為年輕人創造更多學習、大膽思考、從頂尖環境中汲取靈感的難忘時刻。

#香港大學 #初創計劃匯報 #中學生比賽 #點燃創新傳承

28/07/2026

從 Citi 呈獻 IdeaPOP! 2026 比賽舞台延伸｜決賽隊伍賽後工作坊

近日，IdeaPOP! 2026 的決賽隊伍齊聚一堂，參與賽後工作坊，而早上的環節由 Citi 於其香港辦公室舉行。

雖然比賽已經落幕，但學習的旅程並未停止。在工作坊中，學生透過互動討論及導師指導，進一步完善構思、挑戰既有思維，並探索更多嶄新的可能性。

特別感謝 Citi 的 AI 大使及嘉賓講者，與各隊伍分享寶貴的時間、經驗和專業見解。

我們衷心感謝 Citi 一直以來對青年發展及 AI 教育的支持。這次工作坊再次提醒我們：舞台只是旅程中的一個瞬間，而真正的成長，來自比賽之後的持續學習與不斷探索。

閱讀全文：https://www.thestandard.com.hk/finance/article/337521/Citi-hosts-AI-Day-for-secondary-school-students-in-Hong-Kong

#初創計劃匯報 #中學生比賽 #點燃創新傳承

09/07/2026

【 #活動回顧｜SEED Centre 網絡夥伴計劃正式啟航 🚀】

上週四（7月2日），SEED Foundation 聯同香港中文中學聯會 HKCMS ，於阿里巴巴香港辦公室舉辦了 SEED Centre 網絡夥伴計劃簡介會，迎來了來自全港各區的校長、老師及各界夥伴，共同見證香港數字教育發展的重要一步。

活動當日，首先由教育局(創新科技教育及質素保證)首席教育主任林威廉博士講述了數字教育藍圖的願景及科技教育對下一代的重要性。 緊接著，SEED Foundation 代表向在場嘉賓介紹 SEED Foundation 的工作及 SEED Centre 網絡夥伴計劃的詳情。隨後進入「與 CEO 對話」環節，阿里巴巴香港創業者基金執行董事兼行政總裁 Ms Cindy Chow、利希慎基金總裁 Ms Cecilia Ho，與香港中文中學聯會主席簡偉鴻校長及副主席梁冠芬校長，從企業、基金會及教育界的不同角度，深入探討數字經濟下的人才需求，以及學校、企業與 NGO 攜手培育未來人才的重要性。

其後，SEED Foundation 與香港中文中學聯會正式簽署合作備忘錄。這份備忘錄標誌著 SEED Centre 計劃將正式走入香港 18 區，透過「共享校園」模式，將學校打造成區內便捷的學習樞紐，讓每一位學生，無論來自什麼背景、身處哪個地區，都能接觸高階數碼技能培訓，真正實踐「區區有SEED」的願景。

我們衷心感謝阿里巴巴香港創業者基金、利希慎基金及 Contempo 一直以來對 SEED Foundation 的鼎力支持，令我們得以持續為香港中學生創造更多接觸數碼科技的機會。我們期待與更多學校攜手，透過 SEED Centre 網絡，幫助年輕一代裝備好自己，迎接未來數字經濟時代的挑戰與機遇。

想了解更多 SEED Centre 計劃詳情？立即 DM 我們！

#香港中文中學聯會 #數字教育 #未來人才 #香港教育

08/07/2026

【由「唔啱教書」到成為同學最強後盾 🌱｜SEED 雲計算 TA 阿齊嘅自信成長之旅 👨‍🏫】

讀緊理大香港專上學院工程系 Year 2 嘅阿齊，曾經係 SEED 雲計算課程嘅學生 ☁️💻 完成課程後，佢抱住「試吓無妨」嘅心態，以截然不同嘅身份重返課室，成為課程嘅教學助理（TA）。

雖然佢一直覺得自己唔係教書嘅材料，但呢個偶然嘅決定，徹底改變咗佢對自己嘅睇法 🚀

🤝 做同學嘅得力助手
學習節奏人人唔同，一大班人上堂未必個個跟得上。而阿齊就係填補呢個空隙嘅人。幫落後嘅同學補漏，仲會主動提出幫同學安排補課，務求令每一位同學都可以跟得上學習進度 💡

🧠 踏出舒適圈，自信大升級
自認內向嘅阿齊，做 TA 嘅方式都同人唔同。佢唔係嗰種高高在上嘅大師兄，而係以「一齊重新學過」嘅心態陪住同學一步一步 walk through 整個課程，遇到唔識嘅就一齊搞掂，令同學覺得更易親近、更敢開口 💡 見到有同學遇到困難都唔敢舉手，佢更會主動出擊，搵有需要幫忙嘅學生了解佢哋嘅難處。就係呢份主動，令佢意外地收穫滿滿自信 💪

🎬 阿齊仲有咩得著？即刻去片！

#學生助教 #校友社群

25/06/2026

【網絡威脅持續升級，點樣教學生自保？🛡️】

AI同科技急速發展，網絡威脅同樣與時俱進🤖
詐騙、駭客、Deepfake⋯⋯
青少年每日上網，隨時係下一個目標😰

作為老師或家長，你有冇信心教識佢哋：
✅ 點樣保護好自己嘅設備？
✅ 點樣強化帳戶安全？
✅ 點樣識別網絡詐騙？
✅ 點樣防範Deepfake攻擊？

唔知點入手？我哋幫你準備好晒！

📖 香港中學網絡安全教學完全指南 2026
專為老師、家長、校長而設

立即睇全文👇
🔗 https://www.seedfoundation.hk/blog/數碼宇宙守護者-香港中學網絡安全教學指南-2026%C2%A0

Share俾身邊老師同家長，一齊守護下一代🔒

#網絡安全 #網絡安全教育

由 SEED Foundation 聯同 AlipayHK αdvice 及香港青年協會（HKFYG）合辦的大專生用戶體驗設計比賽現已圓滿結束！上午準決賽競爭激烈，從眾多參賽隊伍中選出六強；下午決賽更是高手雲集，六支決賽隊伍在陣容鼎盛的評審團前，展示.....

24/06/2026

🎨【 AlipayHK 𝛂dvice 青年科創 UX 設計比賽暨工作影子計劃 2026｜中學生組別火熱招募中 🔥】

中學生都可以設計改變日常生活嘅 App？由 AlipayHK ✕ SEED Foundation ✕ 香港青年協會聯合舉辦嘅 UX 設計比賽暨工作影子計劃，現邀請全港中學生以 AlipayHK Super App 為舞台，結合科研思維與創意設計，打造一項融入 AI 元素嘅全新功能，向公眾展示你對未來科技嘅想像 🌟

🏆 獎品
冠、亞、季軍得主將獲頒「AlipayHK 初級首席創想官」頭銜、參與螞蟻集團杭州總部交流團及工作影子計劃，得獎設計更將於 AlipayHK 正式上架，供全港用戶下載使用。

🗓️ 重要日期
📌 報名截止：9 月 11 日（五）晚上 11:59
🔔 線上簡介會：9 月 18 日（五）
🎨 免費工作坊：10 月 10 日（六）
📐 作品提交截止：11 月 13 日（五）
🎤 準決賽 & 決賽暨頒獎典禮：12 月 12 日（六）

👥 參加資格
香港教育局註冊本地全日制中學生及指定大灣區中學的學生，可個人或最多 4 人組隊參賽。

✍🏻 報名方法
打開 AlipayHK App，搜尋「advice」，喺活動頁點擊「立即申請」！
📩 查詢：WhatsApp 5597 8144 / [email protected]

名額有限，把握機會，你嘅設計生涯由呢度開始！

#青協 #中學生比賽