恒基x博愛中環慈善跑

09/02/2026

係時候check吓成績啦🏃‍♂️🏃‍♀️

相信參加完「恒基ｘ博愛中環海濱慈善跑2026」嘅朋友，梗係好想知道自己嘅跑步成績係點呢。

大會已經將3公里、10公里「個人賽」以及「企業及團體組」成績，上載到慈善跑專頁，大家只要瀏覽「最新消息」一欄，就可以查閱自己嘅成績！https://pokoirun.hk/zh-hant/latest-news

提提大家，2026年2月22日（星期日）將會係額外捐款嘅截止日期，我地將會喺當日停止收取額外捐款，並會關閉「參加者管理系統」中的「更新贊助人」功能。

同時，參加者可以喺呢一日於慈善跑專頁下載參加者證書！📜✨
博愛醫院再次多謝各路跑手鼎力參與，希望大家繼續支持我地。

#博愛醫院 #恒基 #博施濟眾 #慈善仁愛 #跑步 #慈善跑

23/01/2026

「恒基ｘ博愛中環海濱慈善跑2026」特別交通安排

為配合賽事進行，運輸署將在中區干諾道中、夏慤道及龍和道等路段分階段實施臨時交通封路及改道；下述道路將於1月25日以下時間封閉，禁止所有車輛進入：

封路時間：02:00 - 09:00
* 干諾道中東行最右線 及 右二線 (包括畢打街行車隧道東行 及 夏愨道天橋東行)
* 夏愨道東行 (紅棉道 至 添美道一段)
* 添美道北行
* 龍匯道東行
* 立法會道 (龍匯道 至 立法會綜合大樓一段)
* 紅棉路北行 (琳寶徑 至 夏愨道一段)

封路時間：02:00 - 12:00
* 龍和道 (民耀街 至 龍達徑一段)
* 耀星街
* 博覽道 (龍和道 至 中環-灣仔繞道 灣仔入口 一段)
* 愛丁堡廣場北行 (展城館 至 龍和道一段)
* 立法會道 (立法會綜合大樓 至 龍和道一段)
* ⁠龍合街
* ⁠龍達徑北行

當日早上，多條巴士及小巴路線需要改道。為免造成交通擠塞，大會建議參加者避免乘坐的士或私家車前往中環。詳情請參閱運輸署網頁（網址:https://www.td.gov.hk/filemanager/tc/content_13/260124%20-%20Pok%20Oi%20Run%20TDN%20chi.pdf )

🌟請參加者按大會安排各組別時間起步，唔好遲到呀! 🌟

星期日中環見！

#博愛醫院 #恒基 #博施濟眾 #慈善仁愛 #跑步 #慈善跑

22/01/2026

各位選手，今個星期日就係「恒基x博愛中環海濱慈善跑2026」，好期待喺現場見到你地呀！順帶一提，參加者手冊已經上載至慈善跑專頁，記得留意活動詳情及更多商戶優惠資訊。

參加者手冊﹕
https://pokoirun.hk/sites/default/files/2026-01/e-book_260122.pdf

今朝留意香港天文台最新消息：「未來一兩日華南沿岸大致多雲，天氣持續寒冷。預料季候風會在週末期間被一股清勁至強風程度的偏東氣流取代，廣東沿岸氣溫逐步回升，但早上仍然清涼。」各位選手記得注意保暖，出門前要留意天氣情況，做好一切準備，咁就自然跑得開心同放心啦。

惡劣天氣安排

🔴如香港天文台於活動前一天上午8時或之後懸掛八號或以上颱風訊號，活動將會取消，報名費將不獲退還，並不設後補日期。
🔴如香港天文台於活動當日凌晨2時或之後懸掛紅色或黑色暴雨警告訊號、八號或以上颱風訊號，活動將會取消，報名費將不獲退還，並不設後補日期。
🔴 如比賽進行中遇上惡劣天氣或懸掛上述任何警告，賽事總監有權將比賽賽程改變或取消正在進行中的比賽。報名費將不獲退還。
🔴請在活動當日早上致電香港天文台（電話：1878200）查詢有關天氣情況。

#博愛醫院 #恒基 #博施濟眾 #慈善仁愛 #跑步 #慈善跑

15/01/2026

唔經唔覺，「恒基x博愛中環海濱慈善跑2026」已經進入倒數階段，一眾工作人員日以繼夜地為活動進行各項籌備工作。

小編都溫馨提示各位健兒，大家記得留意電郵信箱，由大會電郵寄出嘅「賽事選手包領取通知及參加者須知」；細心核對入面嘅參賽及活動資料，並按指示領取賽事選手包，留意領取日期係由今日開始直至1月19日號！

如有任何查詢，請致電+852 2117 1650，WhatsApp 6087 6795或電郵至[email protected] 與我們聯絡。
(辦公時間: 星期一至五 10:00am - 6:00pm，公眾假期除外)

#博愛醫院 #恒基 #博施濟眾 #慈善仁愛 #跑步 #慈善跑

11/01/2026

11/01/2026

【🏃‍♂️最後召集！聽日截止報名🔥】
「恒基 X 博愛中環海濱慈善跑2026」準備起跑啦～💨
早前舉辦咗「領跑初體驗」工作坊，邀請視障跑手同領跑員一齊積極備戰，透過牽繩與默契訓練，為賽事做好準備💪
呢場訓練唔只係體能練習，更係展現博愛醫院共融關愛精神💛一齊將跑步節奏變成信任嘅橋樑 ✨

🌟 三公里組別尚餘少量名額！
想以輕鬆步伐欣賞中環美麗風景，感受慈善跑氣氛，就要把握最後機會報名啦～！

📅截止日期：1 月 11 日（星期日）
🌐報名及活動詳情：www.pokoirun.hk

一齊用雙腳傳遞溫度，用行動實踐關愛💗

#博愛醫院 #恒基 #博施濟眾 #慈善仁愛 #跑步 #慈善跑

02/01/2026

【🎉新一年 · 新挑戰 · 新體驗💪】

祝大家新年進步！🥳
「恒基 X 博愛中環海濱慈善跑2026」報名反應熱烈🔥 唔少朋友都同小編反映，希望要多啲時間約多幾個朋友一齊參加！我地決定將報名日期延長至 1 月 11 日（星期日）！
未報名嘅朋友唔好錯過啦～

🏃‍♀️ 如果你想輕鬆跑一場？3 公里賽程就啱晒你！
途經多個中環地標，氣氛又好🥳零壓力完成仲超有成就感💥係最好嘅入門體驗！

👨‍👩‍👧‍👦 想一家大小動起來？
1公里繽紛跑最啱親子家庭～
沿住美麗嘅中環海濱，欣賞美景之後齊齊衝線、共享珍貴時光❤️ 讓孩子從笑聲中感受運動嘅樂趣！

🎁 每位參加者都會收到精美選手包✨ 包括主題跑步衫、毛巾、收納袋，仲有多款禮品及禮券，型格與實用兼備！

📅 報名及活動詳情：www.pokoirun.hk

新一年，跑出活力笑容😄，跑出博愛精神❤️！

24/12/2025

聖誕將至，小編首先祝願各位平安喜樂、身體健康。

喺呢個滿載愛與關懷嘅節日之中，作爲親子達人兼博愛慈善跑嘅「親子愛心之星」麥雅緻Angie，時刻以身作則，培養小朋友懷有行善之心❤️。佢將會帶同仔仔女女支持「恒基x博愛中環海濱慈善跑2026」，活動善款將用作興建「博愛醫院屯門藍地長者護理及護養安老院舍項目」及「大埔火災重建及支援項目」，透過參與，可以讓小朋友明白「施比受更有福」，教育佢地關心社會上有需要嘅人💌。

活動設有1️⃣公里親子組(不計時)，歡迎家長同小朋友落場跑步，齊齊用行動跑出愛心。記得參加埋喺添馬公園舉辦嘅「活力健康嘉年華」，咁有意義嘅活動，仲有咁精美嘅選手包禮品，大家點可以錯過？快D同小朋友嚟報名，創造難忘親子體驗啦！

📆日期：2026年1月25日（星期日）
📍地點：中環添馬公園
👫組別：10公里 (個人、企業及團體組)｜3公里 (個人、企業及團體組)｜1公里繽紛跑 (個人、親子組及輪椅體驗組)
🌐網站： www.pokoirun.hk

活動報名日期至2026年1月4日（星期日）

#博愛醫院 #恒基 #博施濟眾 #慈善仁愛 #跑步 #慈善跑 #麥雅緻

17/12/2025

🏃🏻‍♀️‍➡️跑步一向係Mandy黃智雯平衡工作同生活嘅良方，而Mandy 都大力支持新一屆慈善跑💪🏻，為活動擔任「慈善動力之星」。🌟
恆常活動既可以保持身體健康，又可以紓緩壓力，而參加1月份舉行嘅博愛慈善跑，仲可以欣賞中環建築美景🏙️，絕對係一個唔錯嘅體驗；除咗參加賽事，同樣歡迎大家參與特別舉辦嘅「社區體驗工作坊」，你地都快d報名啦～

📆日期：2026年1月25日（星期日）
📍地點：中環添馬公園
👫組別：10公里 (個人、企業及團體組)｜3公里 (個人、企業及團體組)｜1公里繽紛跑 (個人、親子組及輪椅體驗組)
🌐網站： www.pokoirun.hk

👉 立即報名社區體驗工作坊：https://docs.google.com/....../1FAIpQLScQM8Xo....../viewform
一齊動起來，為慈善起跑💜！

#博愛醫院 #恒基 #博施濟眾 #慈善仁愛 #跑步 #慈善跑 #黃智雯

14/12/2025

快啲搵埋親朋好友，把握最後機會報名👉 www.pokoirun.hk
📆日期：2026年1月25日（星期日）
📍地點：中環添馬公園
👫組別：10公里 (個人、企業及團體組)｜3公里 (個人、企業及團體組)｜1公里繽紛跑 (個人、親子組及輪椅體驗組)
🌐網站： www.pokoirun.hk