香港聖公會福利協會

香港聖公會福利協會 (簡稱福利協會)於1966年成立，為香港領先的社會服務機構之一。 Our comprehensive network ensures that we can cater to the diverse needs of our community, from infants to the elderly.

福利協會自1966年成立以來，一直致力為不同年齡和社會階層人士提供「個別關懷‧全面照顧」的服務，並致力建立公義、和平、愛心和關懷的社會。福利協會轄下設有逾250個服務單位及會員機構，擁有超過3,000名專業同工，為嬰兒至長者提供各式多元化服務，以滿足社會的不同需求。服務包括政府資助及自負盈虧兩類，讓各服務對象能「轉化生命‧活出豐盛」。

Hong Kong Sheng Kung Hui Welfare Council operates over 250 service units and member agencies, employing more than 3,000 professionals. We offer a wide range of multi-disciplinary services that are either government-funded or self-

financed, allowing us to make a meaningful difference in the lives of those we serve.

[**香港聖公會福利協會有限公司對本面書所載之留言內容(包括其真實性、完整性及立場等)不負上任何法律責任，而一切留言之言論只代表留言者的個人意見，並非本福利協會之立場。由於本面書受到「即時上載留言」運作方式所規限，故不能完全監察所有留言，若使用者發現有留言出現問題，請聯絡我們(電話: 2533 3457)。
留言者切勿撰寫粗言穢語、誹謗、渲染色情暴力或人身攻擊的言論。香港聖公會福利協會有限公司保留刪除任何留言及拒絕任何人士上載留言的權利。本網站保留一切法律權利。]

【衍紙藝術】一捲一摺 捲出生活色彩早前 香港聖公會黃大仙長者綜合服務中心 嘅衍紙班接受傳媒訪問，分享「雋雅創作 S.Graceful Art」一班老友記點樣由一條條紙條開始，捲出屬於自己嘅藝術作品，同時捲出滿足感同生活新樂趣。衍紙係一種介乎...
31/07/2026

【衍紙藝術】一捲一摺 捲出生活色彩

早前 香港聖公會黃大仙長者綜合服務中心 嘅衍紙班接受傳媒訪問，分享「雋雅創作 S.Graceful Art」一班老友記點樣由一條條紙條開始，捲出屬於自己嘅藝術作品，同時捲出滿足感同生活新樂趣。

衍紙係一種介乎平面同立體之間嘅紙藝創作，作品由捲、摺、塑形等基本步驟慢慢組合而成，可以訓練手指靈活，幫助放慢腳步，平靜心境。對一班老友記嚟講，完成作品後得到導師同朋友欣賞，已經帶來好大滿足感。有人更由護老者變成導師，將技巧教返其他長者，實踐老有所為；亦有夫婦因為一齊學衍紙，建立共同興趣，多咗話題同相處時間。對照顧者而言，色彩繽紛嘅創作過程，亦好似一個治癒空間，幫助佢哋暫時放低壓力，重新整理心情。

一條紙條，可以慢慢捲成一件作品；一個興趣，亦可以連繫人與人，為生活增添色彩。想睇吓老友記點樣捲出精彩作品，即刻去重溫訪問啦！

【攜手各界】中銀人壽第11屆黃金時代展覽暨高峰會福利協會榮幸成為「中銀人壽第11屆黃金時代展覽暨高峰會」其中一個支持伙伴，繼續同各界攜手關注人口老化議題，推動智齡化發展。今屆展會以「黃金時代+ 智匯．智合．智創」為主題，聚焦最新樂齡科技、產...
28/07/2026

【攜手各界】中銀人壽第11屆黃金時代展覽暨高峰會

福利協會榮幸成為「中銀人壽第11屆黃金時代展覽暨高峰會」其中一個支持伙伴，繼續同各界攜手關注人口老化議題，推動智齡化發展。今屆展會以「黃金時代+ 智匯．智合．智創」為主題，聚焦最新樂齡科技、產品同服務，鼓勵各界發揮協作精神，以新角度迎接未來挑戰。

現場設有超過200個業界攤位、一系列論壇及表演、多元互動專區同智齡運動體驗等豐富節目，歡迎各界踴躍參與。

立即登記免費入場 👉https://bit.ly/4okErdl

📅 活動詳情
日期：2026年7月30日 – 8月1日（星期四至六）
時間：上午11時 – 下午7時
地點：香港會議展覽中心 3FG廳 🏛️

【閱見美好】用繪本打開長者心窗長者入住院舍後，都會想同人傾下計、都渴望被聆聽。💬 香港聖公會保羅長者之家王佩琪院長早前接受訪問，分享福利協會屬下9間安老院舍共同推展嘅「閱見美好」長者悅讀計劃。計劃打破傳統閱讀模式，以繪本故事為媒介，透過共讀...
23/07/2026

【閱見美好】用繪本打開長者心窗

長者入住院舍後，都會想同人傾下計、都渴望被聆聽。💬 香港聖公會保羅長者之家王佩琪院長早前接受訪問，分享福利協會屬下9間安老院舍共同推展嘅「閱見美好」長者悅讀計劃。

計劃打破傳統閱讀模式，以繪本故事為媒介，透過共讀同提問引起長者互動交流；更結合多元延伸活動，將書中畫面化為真實體驗。例如同院友一齊喺公園共讀繪本，感受微風與陽光☀️；或配合繪本內容，一齊拔蘿蔔、煎糕🥕。唔少院友喺過程中打開心扉，積極分享感受。

持續嘅閱讀同分享唔單止有效改善認知能力，仲幫助佢哋重拾社交活力，大大提升生活幸福感！❤️想了解更多？記得去留言區睇完整訪問片段啦！👇

22/07/2026

【「雙膝掌門人2」應用程式】帶你邊打機邊護膝🎮

膝痛問題困擾唔少長者，有無諗過打機都可以鬆返對腳？ 賽馬會「無痛e世代」膝痛管理成效擴展計劃 推出免費App「雙膝掌門人2」，集運動、遊戲、治療於一身，等你喺屋企都可以輕鬆護膝！

✨ AI助攻：動作由專業物理治療師設計，畫面有「AI骨架線」跟住你郁，動作係咪正確都一清二楚！
✨ 老友對戰：設有雙人對戰模式，約埋老友記一齊玩，一齊進步！
✨ 貼身跟進：專職人員會喺後台睇住進度，為你調整練習計劃同埋活動難度！

快啲叫埋身邊老友記一齊玩，建立運動習慣，同膝痛講Bye Bye，上落樓梯唔再驚！🚶‍♂️🚶‍♀️

🚀 立即下載
Apple Store (Apple 產品適用):
https://apps.apple.com/hk/app/%E9%9B%99%E8%86%9D%E6%8E%8C%E9%96%80%E4%BA%BA2/id6736379266

Google Play (Android 產品適用):
https://play.google.com/store/apps/details?id=com.skh.painmanagement&pcampaignid=web_share

【戒毒支援】跨過90日後 重建生活喺現行戒毒服務入面，連續90日無吸毒就算係「初步成功戒毒」，但第91日其實往往係另一個考驗嘅開始。當生活壓力、空虛感同心癮再次出現，戒毒人士更需要持續支援，避免復吸。香港聖公會福利協會新念坊 一直推行戒毒服...
21/07/2026

【戒毒支援】跨過90日後 重建生活

喺現行戒毒服務入面，連續90日無吸毒就算係「初步成功戒毒」，但第91日其實往往係另一個考驗嘅開始。當生活壓力、空虛感同心癮再次出現，戒毒人士更需要持續支援，避免復吸。

香港聖公會福利協會新念坊 一直推行戒毒服務，其中社工許樂行獲賽馬會社工創新力量支持，發起「賽馬會社工創新力量：90日後」計劃，陪伴完成90日戒毒期嘅人士繼續鞏固成果、重建生活方向。計劃透過中醫及相關身心健康支援、生活技能訓練同社區服務等，協助參加者重建生活節奏，再由受助者轉化成助人者。

23歲嘅豐仔係計劃參加者之一。佢因為曾經吸毒導致下肢癱瘓，需要以輪椅代步；參加計劃後，豐仔更了解自己喺衝動、情緒波動同壓力下嘅復吸風險，學習用健康方式處理情緒；同時接受中醫及復康支援，現已開始由輪椅過渡，用拐杖練習行路。佢亦學習音樂同打字，成功找到文職工作，並走入校園分享經歷，提醒學生遠離毒品，亦提醒自己繼續向前行。

想了解我哋點樣陪伴戒毒人士跨過「90日後」嘅考驗，即刻去留言區重溫報道啦！

20/07/2026

【「輪」到你揀】度身訂造 讓輪椅長者穿出自信
你有無諗過，長者坐輪椅出門原來處處限制？落雨無合身雨衣、隨身物品無處收納，甚至連口水肩都只有小朋友款式，忽略咗長者嘅尊嚴同需要。

聖公會聖匠堂長者地區中心早前聯同香港理工大學時裝及紡織學院，舉辦「輪到你揀」傷健服裝及配件訂製活動，由學生親身了解長者嘅故事、喜好與需要，將關懷融入設計，度身訂造美觀又實用嘅防水圍兜、坐墊、西裝造型口水肩等服飾配件。

其中，同學為先民婆婆設計嘅雨衣可摺疊收納，採用黏合縫線防止入水，方便出行。設計更貼心印上水仙花圖案——呢個係婆婆與亡夫結婚61年、每逢新春一齊栽種水仙花嘅珍貴回憶。婆婆收到雨衣後感動表示：「真係由內到外都好溫暖💛」。

由款式到功能，長者唔再只係「被照顧」，而係「有得揀」。社工Shirley認為，衣著得體直接影響長者嘅自尊與自我形象，能夠親自選擇顏色款式，正正係賦權長者嘅重要一步🧓👵。

14/07/2026

【化身真人圖書】復元經歷成為別人的光

升中派位同DSE放榜相繼來臨，由小六到中六，唔同年齡嘅青少年都經歷緊忐忑心情。但對好多年輕人嚟講，令佢哋最喘唔過氣嘅，從來唔只係一個分數——而是果句「你點解做得唔夠好？」

庭鋒從小喺否定中成長。由全級倒數第十三名躍升到前十六名，父親拎住成績單，只係問一句「點解英文只有八十幾分？」長期得唔到認同，但身邊無可以傾訴嘅對象，佢選擇將情緒深深埋藏，後嚟因為失眠問題求醫，先至知道自己原來係患上抑鬱症。

加入 香港聖公會屯門精神健康綜合社區中心 - 樂喜聚之後，庭鋒參與過不同公眾分享活動，化身真人圖書分享自己嘅復元經歷，第一次感受到有人願意真正聆聽。透過中心為會員定期舉辦嘅真人圖書分享會，佢慢慢變成鼓勵他人嘅角色，更學識咗從另一個角度看待自己走過嘅路——原來復元經歷，可以成為其他人嘅光。

成長路上，好多青少年都喺「做得唔夠好」嘅聲音中掙扎前行。如果你身邊有人正承受住呢份壓力，一句「辛苦了，好好休息」，陪伴聆聽，已經係最好嘅支持🫶

【情緒就像衣服】「EMO間」陪伴青年整理內心成長路上困難重重，青少年往往唔知點樣疏理內心雜亂嘅情緒。「賽馬會平行心間 JC LevelMind」由香港賽馬會慈善信託基金策劃及捐助， 香港聖公會馬鞍山青少年綜合服務 承接計劃嘅核心價值，打造咗...
09/07/2026

【情緒就像衣服】「EMO間」陪伴青年整理內心

成長路上困難重重，青少年往往唔知點樣疏理內心雜亂嘅情緒。「賽馬會平行心間 JC LevelMind」由香港賽馬會慈善信託基金策劃及捐助， 香港聖公會馬鞍山青少年綜合服務 承接計劃嘅核心價值，打造咗專屬年輕人嘅情緒避風港「EMO間」，將流行語「EMO」諧音化為生活中嘅「衣帽間」。透過情緒工作坊、社區展覽，以及青年主導嘅Fashion Show，一步步陪伴佢哋探索、整理同表達內心嘅情緒。

一班青年喺「EMO間」盡情發揮創意，將抽象嘅心情轉化為一件件具象嘅「情緒衣物」；喺展覽公開展示自己嘅作品，嚟緊佢哋仲會參與籌辦一場大型嘅『EMO間 Fashion Show』！🧥💪

想知呢班年輕人點樣喺過程中學習同成長？記得去留言區睇完整訪問片段啦！

【國際研究交流】極端天氣與弱勢社群支援 福利協會早前接待隸屬世界氣象組織（WMO）「Urban-PREDICT」研究項目嘅國際研究團隊，一齊交流極端天氣對弱勢社群嘅影響，以及前線服務嘅應對經驗。 交流期間，總幹事劉冼靜儀向團隊介紹協會多元化...
07/07/2026

【國際研究交流】極端天氣與弱勢社群支援

福利協會早前接待隸屬世界氣象組織（WMO）「Urban-PREDICT」研究項目嘅國際研究團隊，一齊交流極端天氣對弱勢社群嘅影響，以及前線服務嘅應對經驗。

交流期間，總幹事劉冼靜儀向團隊介紹協會多元化服務。多位同工亦分享獨居長者、基層家庭、劏房住戶等喺酷熱、暴雨同颱風下所面對嘅身心同生活挑戰，並交流風險資訊傳遞、應急準備、社區支援同前線服務經驗。

研究團隊其後到訪劏房家庭，了解極端天氣下嘅實際生活情況，並參觀紅磡社區客廳，認識社區支援設施如何協助居民改善生活環境、加強面對天氣風險嘅支援。

感謝香港科技大學 The Hong Kong University of Science and Technology - HKUST 協調是次交流，令協會有機會向國際研究團隊分享服務經驗。面對日益頻繁嘅極端天氣，福利協會將繼續連繫不同界別，攜手提升社區嘅應對能力。

03/07/2026

【賽馬會樂齡同行計劃】留港長者走出孤獨

喺香港，每十位長者就有一位出現抑鬱症狀，喺移民潮之下，獨留喺香港嘅長者更加係首當其衝。呢部由「賽馬會樂齡同行計劃 JC JoyAge」真實個案改編嘅微電影，正正道出咗呢班長者嘅心聲，亦見證咗計劃團隊以及接受過精神健康培訓嘅「樂齡之友」朋輩工作員，點樣一齊守護社區入面有需要嘅長者。

故事主角蘭姐獨自留港，兒子移民之後，佢嘅生活重心就剩返等待遠洋來電。佢表面上若無其事，但其實夜夜失眠，甚至連原本好積極參與嘅義工服務都慢慢淡出。社工察覺到蘭姐嘅轉變之後，主動關懷並鼓勵佢參加計劃入面嘅睡眠小組。社工又特別安排同樣係留港母親嘅「樂齡之友」玉琴同蘭姐配對。玉琴透過訊息默默陪伴 ，以過來人經歷真誠分享，漸漸打開蘭姐嘅心防，幫佢踏出改變嘅第一步。

團隊早前喺大館順利舉辦咗「樂齡之友」嘉許禮暨微電影發佈會，嘉許60位「樂齡之友」嘅無私付出。福利協會董事會主席李國棟醫生喺活動上分享：「情緒病其實像感冒一樣平常」，只要有適當嘅介入、陪伴同理解，最終亦會慢慢康復。我哋期望透過呢部微電影，鼓勵大眾覺察並接納情緒需要，亦將「樂齡之友」呢份關懷持續傳開去，攜手共建守望相助嘅關愛社區 ！

🔥 即刻觀看影片，一齊見證蘭姐的蛻變歷程！ 👇

#賽馬會樂齡同行計劃 #香港賽馬會慈善信託基金

Address

香港灣仔堅尼地道112號12樓
Hong Kong

Telephone

25213457

Website

Alerts

Be the first to know and let us send you an email when 香港聖公會福利協會 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category