鄰舍輔導會 NAAC

25/09/2026

【鄰舍祝你】中秋節快樂🌕

中秋節最珍貴嘅，從來唔係食月餅或玩燈籠🏮
而係過程中同屋企人＆朋友嘅互動🫶🏻

趁住今日人月兩團圓🥮
大家不妨暫且擺低工作，同親朋好友食下飯、傾下偈～
打個電話簡單問候亦可以好窩心🥰

又或者分享下圖，將祝福送畀你哋重視嘅人啦🧡


#鄰舍輔導會 #鄰舍祝你 #中秋節快樂 #中秋節 #月餅 #人月兩團圓

24/09/2026

傳承愛「深」關懷探訪　中秋探訪2026

中秋臨近🍂
鄰舍輔導會深水埗康齡社區服務中心又再出動🏃🏻
一連2個周末聯同35個政、商、民間團體上門探老友記🫶🏻
其中入境事務處義工隊就超過150人～
並由副處長(管制、簽證及證件) 程和木先生，IDSM＆助理處長（個人證件）楊素英女士，IDSM帶隊！
-


呢次探訪主題係「中秋美滿，『悅』見平安」🧡
為咗加強老友記嘅防騙意識🚨
特別送上由中心同事設計嘅「陽衝頭」防騙宣傳抹手巾～
寓意「掛住你」＆「幫到手」💪🏻
手巾背面亦印上懷疑受騙求助熱線＆中心電話📞
幫老友記應對層出不窮嘅騙案！
-

探訪期間義工們亦關心老友記近況同生活需要～
透過送福袋＆應節月餅🥮
令區內長者感受到節日暖意🫂
-

中心能夠持續28年舉辦千人探訪活動，全賴各位義工參與🥰
再次感謝超過1,300名義工嘅付出！

期望未來有更多朋友成為鄰舍嘅伙伴，將更多愛帶到社區❣️
-

#鄰舍輔導會 #深水埗康齡社區服務中心 #義工 #長者探訪 #傳承愛深關懷探訪計劃 #中秋節

22/09/2026

「跨代歡聚時光」 中秋月餅派發活動 🌕

有人話「三年一個Gap」🤔
但呢日一班義工同老友記就完美示範：年紀唔同，一樣玩得埋～
-

呢日就有2位特別嘉賓同我哋走入深水埗，同老友記提早過節：
🥮南順集團港澳地區家居護理和食用油業務商務負責人郭慧敏女士
🥮鄰舍輔導會總幹事彭桓基先生

除咗送出我哋社企coffee bunnies同南順聯乘嘅慈善月餅咖啡禮盒，
義工們又同老友記一齊唱歌玩遊戲🎉
現場嘅笑聲話比我哋知跨代都咁Fun！
-

跨代同樂精彩時刻——
🏮 燒腦猜燈謎：老友記＆義工齊齊腦筋急轉彎，合力解開一個個謎語
🎈 共融互動遊戲：打破年齡界限，義工＆老友記打成一片
-

透過呢次嘅活動，我哋唔止係想傳遞一個節日祝福，
更希望營造一個跨代歡聚嘅機會＆時光🧡
睇到老友記接過福袋時嘅笑容，就係今年中秋最溫暖嘅畫面📸
-

#鄰舍輔導會 #南順香港集團 #社企 #中秋節 #跨代共融 #義工服務

21/09/2026

「定格美好．愛不忘」分享會

當自己所愛嘅人記憶慢慢消失，
彼此嘅愛亦都會因而遺忘嗎？
-

藉住9月21日「世界認知障礙症日」📆
我哋好榮幸邀請到香港資深傳媒人及唱片騎師周國豐先生擔任嘉賓～
同大家細訴照顧患有認知障礙症媽媽嘅心路歷程，
兼為一眾喺照顧路上默默付出嘅照顧者打氣💪🏻
-

照顧認知障礙症家人，從來都唔係一條容易行嘅路🫶🏻
周國豐先生除咗分享呢段照顧旅程嘅酸甜苦辣，
仲分享佢照顧媽媽時嘅實用秘訣～
-

佢喺照顧過程當中亦有所體悟：
❣️更懂得珍惜親情
❣️不再執着爭辯輸贏
❣️珍惜當下，將愛定格📸
-

分享會上，不但播出「留住愛，定格美好」計劃嘅花絮短片
亦有簡單而隆重嘅「為照顧者打氣」儀式為照顧者打氣📣
-

希望在場照顧者從中可以得到力量🔋
同時亦想同社區中嘅照顧者講——
我哋好樂意做你哋強大嘅後盾，一齊撐住你哋🤜🏻🤛🏻


#鄰舍輔導會 #深水埗康齡社區服務中心 #安老服務部 #認知障礙症 #世界認知障礙症日

18/09/2026

16/09/2026

中秋節燈籠創作🏮

一年容易又中秋🌕
係時候諗定去邊賞月～
-

推介大家去饒宗頤文化館（饒館）打卡，欣賞我哋康復服務部會員＆家長有份創作＆繪畫嘅燈籠🏮
佢哋分別嚟自7間中心：
🖍️黃大仙展能中心
🖍️黃大仙下邨展能中心暨宿舍
🖍️黃大仙康盛支援中心
🖍️怡樂居
🖍️順天宿舍
🖍️怡晴居
🖍️悠然．欣然居庭
-

其實今年已經係一班會員第2年參加，呢次畫咗190個獨一無二嘅燈籠😚
有會員最喜愛嘅卡通公仔、各式美食，有啲就充分展現佢哋無限創意＆想像力～
每一筆每一劃都睇到獨特嘅個人風格＆滿滿創意！
-

特別鳴謝每一位嘅巧思＆用心，創作出咁出色嘅作品！
衷心感謝饒館提供寶貴嘅平台與機會，讓我哋嘅會員能夠發揮天賦＆展能成果～
同公眾分享中秋節喜悅，推動社區共融🧡
-

依家先分享少少會員嘅製作花絮～
現場仲有其他團體&街坊畫嘅燈籠～總共1,500個花燈等大家去發掘😎

++++++++++++++++++++++++++++++++++++++++++
唔止有花燈睇，仲有市集行！約定大家👇🏻
地點：饒宗頤文化館（饒館）
亮燈：9月19號
中秋市集：9月19-20；25-26日｜14:00-21:00⁣

#鄰舍輔導會 #康復服務部 #黃大仙展能中心 #黃大仙下邨展能中心暨宿舍 #黃大仙康盛支援中心 #怡樂居 #順天宿舍 #怡晴居 #悠然．欣然居庭 #中秋節 #饒館 #共融藝術 #香港好去處 #假日好去處 #打卡景點

14/09/2026

ℝ𝕖𝕋𝕙𝕚𝕟𝕜 ℍ𝕂 𝟚𝟘𝟚𝟞

鄰舍輔導會好榮幸參與呢次活動，同來自商界、政府、學術界＆非政府組織嘅持份者交流，共同探索可持續發展及 ESG 實踐方案～
-

作為扎根香港嘅NGO，我哋一直相信 ESG 唔止係企業責任，更需要社會各界攜手合作，共建更共融＆可持續嘅未來🌏
-

藉着ReThinkHK平台，我哋向各界介紹鄰舍輔導會嘅 ESG 方案，將社會共融、職業康復＆環境關懷融入企業文化與員工體驗🧡
-

🤝🏻 社會（Social）
由服務使用者參與製作產品＆推行服務：
• 咖啡/ 陶瓷 / 手工香皂
• NGO Days 及企業攤位活動
• Inclusive Workshops (如🪴培苗工作坊、陶瓷共融班)
• 義工服務計劃

🌱 環境（Environmental）
透過培苗及盆栽培植，結合環保元素＆職業康復訓練，讓服務使用者發揮所長💪🏻
相關植物產品可用於綠化辦公環境，亦可結合綠色主題 Team Building Workshop，讓員工以輕鬆互動嘅方式認識可持續發展＆社會共融🫶🏻
-

ESG 可以由日常採購、員工活動＆跨界協作開始，期待各企業同我哋攜手探索合作方案，共創社會＆環境價值！
-

#鄰舍輔導會

10/09/2026

賽馬會平行心間節2026 ❣️

由全港45個「平行心間」嘅年青人聯手策劃，設置咗19個好Chill嘅體驗攤位＆展覽。
推動大家關注身心靈健康🍎

我哋東涌綜合服務中心亦設有「平行心間」，
中心嘅年青人都有份參與當日「賽馬會平行心間節」～
-

🍹「PUNCH 解憂吧」
即場為大家沖調超過300杯以情緒為主題嘅特飲，
分享夏日一點甜🍬同時幫大腦＆心靈叉叉電⚡️
好開心大家大讚情緒特飲好正好消暑～
仲有喺留言卡留言嘅朋友仔😚多謝你哋超warm嘅支持＆鼓勵！
大家嘅愛～我哋東涌中心嘅年青人都收到晒🥰
-

🎸「心林舞台」Live Show
我哋一班熱愛音樂嘅年青人組成Band隊出Show 🤘🏻
隔住熒幕又感唔感受到佢哋滿滿嘅熱誠＆活力呢？
-

🎁「蒲蒲」同「英英」周邊
譬如「蒲蒲」同「英英」嘅打氣貼紙＆公仔～
2個角色完全由年青人原創，寓意將關注精神健康嘅信息好似蒲公英咁散播到社區不同角落🌬️
-

再次多謝每一位當日嚟到嘅朋友，多謝你哋欣賞年青人嘅創意同努力🧡
願未來我哋繼續結伴同行🤗一齊照顧好自己嘅身心靈💪
-

關於「賽馬會平行心間計劃」
👉🏻 https://levelmind.hk/tc

#鄰舍輔導會 #東涌綜合服務中心 #平行心間 #青年為本心理支援 #賽馬會平行心間

07/09/2026

coffee bunnies相聚日～Ciao

🎼說了再見，約定再見，就會再見🎵
Coffee bunnies位於大坑嘅Café即將完成歷史使命🍀
感恩每一位曾經到訪嘅你🧡
-

喺coffee bunnies正式開展新旅程之前，
特別舉行咗一個感恩聚會～
我哋鄰舍輔導會副會長、執行委員會＆管理團隊聚首一堂，包括：
🔅副會長嚴元浩先生、區幸兒先生
🔅執行委員會主席戴健文生
🔅執行委員會副主席張國華博士
🔅社企及籌款委員會主席黃仰芳女士
🔅預算及財務委員會主席李潔如女士
🔅社企及籌款委員會委員劉富強先生、曾鳳珠女士
🔅總幹事彭桓基先生
🔅高級執行幹事馮麗女士
🔅執行幹事周子祥先生
🔅執行幹事王小慧女士
-

多位嘉賓分享coffee bunnies喺大坑過去5年嘅成果、成長點滴、歷程＆未來發展🔥
亦鼓勵coffee bunnies嘅青年咖啡師＆團隊～
-

過去累積嘅經驗為coffee bunnies嘅未來建立穩固基礎🪨
coffee bunnies嘅故事🔸未完待續🔸⏭️
未來將逐步以嶄新嘅Coffee Training Hub及流動咖啡工作坊到會嘅模式發展～
製作更多元化嘅咖啡☕相關產品、持續培育人才、推動社會共融！
將coffee bunnies嘅影響力帶到更多社區＆服務場景🫶🏻

喺度都請大家繼續支持我哋嘅coffee bunnies 😘

#鄰舍輔導會 #社企 #轉型升級

04/09/2026

「離島 感官 藝術之旅」收筆禮🖌️

隨住嘉賓喺壁畫上畫上心心圖案，象徵呢次嘅創作正式完成✨
-

收筆禮由我哋康復服務部嘅會員代表聯同以下嘉賓主禮，包括：
👩🏻‍🎨離島區議員劉舜婷女士
👩🏻‍🎨港九小輪有限公司總經理林惠玲女士
👩🏻‍🎨香港本地藝術家陳浠楠小姐
🧑🏻‍🎨Green Enviro Limited 創辦人葉競華先生
🧑🏻‍🎨鄰舍輔導會總幹事彭桓基先生
-

歷經個幾月嘅構思、創作、繪畫，仲有啲會員嘅想像～
我哋將南丫島嘅人情風貌搬到中環4號碼頭🛥️
-

喺陳浠楠小姐嘅引導＆協作下，
我哋「不一樣嘅藝術家」為簡樸嘅牆壁增添不一樣嘅南丫風景🏝️
-

收筆禮後，參與共融壁畫嘅會員亦親身出發到南丫島探索🛥️
用📸記錄所見所感，為下一階段嘅藝術創作做準備～
-

由想像👉🏻繪畫👉🏻走入真實嘅南丫島社區，
看似平凡嘅壁畫藴藏「不一樣的藝術家」獨特嘅視角🌟
邀請大家親身嚟到中環4號碼頭，
近距離欣賞呢幅「不一樣」嘅畫作
-

再次多謝我哋咁多位嘉賓、合作夥伴、參加者到場支持！
特別鳴謝温楊堅先生＆「離島遊計劃」贊助😊
-

#鄰舍輔導會 #康復服務部 #不一樣的藝術家 #離島感官藝術之旅 ＃共融藝術 ＃中環4號碼頭 #南丫島 #本地創作 ＃藝術無界限 #以藝術說故事 #藝術連結社區 #香港好去處 #假日好去處