KeySteps at JC 賽馬會童亮計劃

KeySteps at JC 賽馬會童亮計劃 「賽馬會童亮計劃」採用醫護、教育、社福的跨專業協作模式，及透過設立「賽馬會童亮館」，為基層幼童提供全面關鍵支援。

有關香港賽馬會，請瀏覽：https://corporate.hkjc.com

從醫學角度，0至5歲是腦部發展最急速的時期。許多研究顯示，適切照顧、養育環境、生活資源等對兒童發展相當重要。兒童在成長路上各方面的匱乏，會影響其入學準備，以至長遠發展。 「賽馬會童亮計劃」由香港賽馬會慈善信託基金策劃及捐助，並由香港城市大學、香港教育大學、香港大學、香港小童群益會、香港基督教服務處、基督教香港崇真會社會服務部及東華三院聯合策動。

計劃自2017年啟動，採用「醫護、教育、社福」的跨專業協作模式，透過增強家長親職能力、改善學校環境及設立「賽馬會童亮館」以提升社區參與度，為基層幼童提供全面關鍵支援。 秉承過往的經驗， 計劃於2022年起動的第二階段以「賽馬會童亮館」作為平台，擴展其跨專業支援至五個地區，包括九龍城、深水埗、沙田、屯門及元朗，目標在於整合一個全方位支援模式以鞏固基層幼童成長發展基礎。

計劃冀望於2027年讓70,000名幼稚園學生及其家庭、約280所幼稚園及超過900名幼兒教育人士得到支援，並建立以社區和兒童為本的獨特服務模式供業界採用及為長遠政策提供參考。

更多計劃詳情，請瀏覽：http://keysteps.hk。 如有任何有關「賽馬會童亮計劃」查詢，歡迎發送電郵至 [email protected] 與我們聯絡。
_________________________________________________________________________________________________
香港賽馬會（「馬會」）是致力建設更美好社會的世界級賽馬機構。 馬會於1884年成立，當時是以推廣賽馬及策騎活動為宗旨的會員制會所。時至今日，馬會透過獨特的綜合營運模式，結合世界級賽馬及馬場娛樂、會員事務、有節制體育博彩及獎券，以及慈善與社區貢獻，創造經濟及社會價值。 https://corporate.hkjc.com/corporate/chinese/who-we-are/index.aspx

【 #童亮健康資訊—開學護脊小貼士🎒】 「媽媽，我好攰呀，幫我孭書包啦！」放學後呢一幕係咪好熟口面？想培養小朋友嘅自理能力，鼓勵佢自己孭書包外，亦要先留意個書包係咪太重！ 小朋友骨骼同脊柱仲係發育階段，書包過重／孭得唔啱，容易增加肩頸、脊柱...
23/09/2026

【 #童亮健康資訊—開學護脊小貼士🎒】

「媽媽，我好攰呀，幫我孭書包啦！」放學後呢一幕係咪好熟口面？想培養小朋友嘅自理能力，鼓勵佢自己孭書包外，亦要先留意個書包係咪太重！

小朋友骨骼同脊柱仲係發育階段，書包過重／孭得唔啱，容易增加肩頸、脊柱同背部肌肉負荷。 即睇以下 2 個護脊小貼士，今晚就同小朋友一齊試下做啦！👇

1️⃣ 孭得啱，減輕身體負擔
✅ 肩帶寬闊、有厚墊、可調校長度
✅ 書包貼近背部
✅ 書包底部唔低過腰
✅ 如用單邊袋／單手拎書包，記得左右手、兩邊肩膀交替用

2️⃣ 執得啱，書包減減磅
🌟 減重黃金法則 ：書包重量唔超過小朋友體重嘅10%
📦 重物靠背：將較重嘅書放近背部，減低脊柱向後扯嘅負擔

🔎 化身「減重偵探」：
家長可以陪小朋友跟住每日時間表逐樣檢查：
📚 今日需要帶邊幾本書？
✏️ 文具係咪全部都要帶？
💧 水樽容量會唔會太大？

你屋企嘅「減重偵探」今日出動未？歡迎留言同我哋分享你哋嘅護脊妙招啦！

#香港賽馬會慈善信託基金 #賽馬會童亮計劃

【 #童你講—新學年趣事分享：陪伴小朋友迎接新挑戰】新學年開始啦，小朋友要重新適應番學嘅生活節奏，心情難免會有啲起伏—有啲期待、有啲緊張。家長可以用不同活動引導小朋友分享趣事同心情，幫助佢哋投入同期待呢一年嘅校園生活，例如透過以下嘅小手工✂...
22/09/2026

【 #童你講—新學年趣事分享：陪伴小朋友迎接新挑戰】

新學年開始啦，小朋友要重新適應番學嘅生活節奏，心情難免會有啲起伏—有啲期待、有啲緊張。家長可以用不同活動引導小朋友分享趣事同心情，幫助佢哋投入同期待呢一年嘅校園生活，例如透過以下嘅小手工✂️：

💡小手工活動貼士：
1️⃣ 鼓勵小朋友自己揀材料，剪成喜愛嘅形狀
2️⃣ 寫低或畫低新學年開心事 ，例如識新朋友、學校有趣活動等
3️⃣ 作品可以掛喺屋企嘅 「開心分享角」 ，家長用鼓勵性嘅說話 同問題，例如「你好有創意！」、「新朋友係點㗎？」，同小朋友打開校園生活話題。

💡好處：
🌈 透過畫畫同手工，小朋友將唔識講嘅感受變做顏色同圖案，表達情感🌈 完成簡單手工，建立「我做得到」嘅自信
🌈 親子一齊創作、聆聽，令佢哋感受到被支持，更有安全感迎接新挑戰 🎯

除咗呢個活動，你仲諗到有咩活動呢💪😆？歡迎留言分享你嘅諗法！

#賽馬會童亮計劃 #香港賽馬會慈善信託基金

【 #童你說晚安 — 🌙睡眠解「睏」（四）】最後一集都係好多家長覺得棘手嘅難題之一 ，家長可以參考以下嘅回應方法：🔍情境：小朋友夜晚瞓著咗之後突然半夜扎醒💕先安撫情緒✅了解小朋友係咪發惡夢，可以俾佢知道「爸爸／媽媽理解你嘅感受，屋企好安全」...
18/09/2026

【 #童你說晚安 — 🌙睡眠解「睏」（四）】

最後一集都係好多家長覺得棘手嘅難題之一 ，家長可以參考以下嘅回應方法：

🔍情境：小朋友夜晚瞓著咗之後突然半夜扎醒

💕先安撫情緒
✅了解小朋友係咪發惡夢，可以俾佢知道「爸爸／媽媽理解你嘅感受，屋企好安全」

2. 🫂提供安全感
✅攬住小朋友、輕拍背脊，俾佢知道爸爸媽媽喺身邊

3. 🛌重新過渡到睡眠狀態
✅記得唔好開大燈，因為光線會驅走睡意。如有需要，開小夜燈就夠
✅俾小朋友攬住熟悉嘅安撫物（例如學習包入面嘅月亮安睡小玩偶 、毛巾），協助佢慢慢放鬆入睡

回顧呢一連四集嘅情境，可以睇到小朋友嘅睡眠挑戰，背後往往涉及生理、情感同行為三個層面。不論上述挑戰定其他情況 ，只要家長願意耐心從多角度去理解，就可以搵到問題根源，對症下藥💪🏻。如仍有其他困擾，建議諮詢醫生意見。讓我哋一齊守護小朋友嘅優質睡眠🌙！

#賽馬會童亮計劃 #香港賽馬會慈善信託基金 #童你說晚安

【 #童你說晚安 — 🌙睡眠解「睏」（三）】童亮學習包（六）入面嘅「『「童』你說晚安表」提及親子睡前要完成5小步嘅流程，例如刷牙梳洗、親子時間、房間通風要充足等等。如果做齊哂呢啲步驟小朋友都仲話「我想去廁所」、「我想聽多個故仔呀」，你又會點...
16/09/2026

【 #童你說晚安 — 🌙睡眠解「睏」（三）】

童亮學習包（六）入面嘅「『「童』你說晚安表」提及親子睡前要完成5小步嘅流程，例如刷牙梳洗、親子時間、房間通風要充足等等。如果做齊哂呢啲步驟小朋友都仲話「我想去廁所」、「我想聽多個故仔呀」，你又會點應對呢啲情況？

🔍情境：小朋友以各種理由拖延入睡

1. 💬回應的小技巧：溫柔而堅定地回應
✅語調平靜，立場清晰咁拒絕無理要求，重申既定規則

2. 🤝🏻共同制定睡眠規則
✅俾小朋友自行設計一張「睡房通行證」，約定每晚可以用幾多次、每次離開房間可以做咩。用有趣嘅方式設限，減少小朋友藉故離開房間嘅機會

當家長以愛與界限並存嘅方式引導，小朋友會逐漸學識自我安撫，養成良好睡眠習慣🌙。下一集，我哋會一齊拆解最後一個常見難題，讓每位家長都搵到合適嘅方法處理，下集見！

#賽馬會童亮計劃 #香港賽馬會慈善信託基金 #童你說晚安

【 #童你說晚安 — 🌙睡眠解「睏」（二）】之前提到面對小朋友嘅睡眠挑戰家長可以從三個角度思考同關注小朋友嘅狀況，咁實際即係點處理呢？🔍情境：小朋友上床後未能入睡家長可以先評估係咩原因導致呢個情況，再針對性回應：🩺 身體唔舒服✅優先關顧小朋...
14/09/2026

【 #童你說晚安 — 🌙睡眠解「睏」（二）】

之前提到面對小朋友嘅睡眠挑戰家長可以從三個角度思考同關注小朋友嘅狀況，咁實際即係點處理呢？

🔍情境：小朋友上床後未能入睡

家長可以先評估係咩原因導致呢個情況，再針對性回應：
🩺 身體唔舒服
✅優先關顧小朋友嘅需要，待情況好轉再返回日常流程。如果情況嚴重或持續，就立即求醫

2. 🌙 怕黑／唔習慣同父母分離
✅可以預留一盞小夜燈，房門微開，或者喺旁邊安靜陪躺一陣，等小朋友知道爸爸媽媽喺附近
✅播放柔和嘅背景音樂，都有助鎮定情緒㗎

只要搵出問題根源，對症下藥，入睡困難係可以逐步改善嘅💪🏻。下一集，我哋會講吓另一個家長成日遇到嘅睡眠難題，記得留意啦！

#賽馬會童亮計劃 #香港賽馬會慈善信託基金 #童你說晚安

【 #童你說晚安 — 🌙睡眠解「睏」（一）】 優質睡眠除咗對小朋友整體成長發展帶嚟好處之外，仲可以減輕家長日常照顧壓力、提升親子關係！童亮學習包（六）鼓勵家長關注小朋友嘅睡眠需要，協助小朋友有系統咁建立優質睡眠習慣，改善睡眠質素！ 如果呢個...
11/09/2026

【 #童你說晚安 — 🌙睡眠解「睏」（一）】

優質睡眠除咗對小朋友整體成長發展帶嚟好處之外，仲可以減輕家長日常照顧壓力、提升親子關係！童亮學習包（六）鼓勵家長關注小朋友嘅睡眠需要，協助小朋友有系統咁建立優質睡眠習慣，改善睡眠質素！

如果呢個情境，你會點處理呢：小朋友上床後遲遲未能入睡？🤔

背後可能有唔同原因導致以上情境發生，家長要耐心從唔同角度理解小朋友嘅狀況，先可以真正搵到問題根源：

1️⃣ 生理狀況及環境 — 例如睡前飲食、房間環境、生理因素
2️⃣ 情感連結 — 例如安全感、親子依附、情緒有冇被關顧
3️⃣ 認知及行為 — 例如有冇規律嘅睡前儀式、睡眠知識

嚟緊一連三集，我哋會用真實情境，同大家一齊從呢啲角度拆解小朋友嘅睡眠挑戰💪🏻，配合具體建議，解「睏」迷團。究竟可以點處理以上情況？記得留意下一集啦！

#賽馬會童亮計劃 #香港賽馬會慈善信託基金 #童你說晚安

27/06/2026

「童」你說晚安即將開始

【 #童亮家長學堂— 5分鐘家居尋寶小游戲🔍】🏠✨ 屋企都可以化身藏寳地！🏡✨ 簡單 5 分鐘嘅親子遊戲，就可以邊玩邊訓練小朋友腦袋，提升觀察力同執行指令嘅能力！💬💖1. ⁠小偵探出任務 🕵️♂️ 家長可以先影低幾樣家中小物，再俾提示小朋友...
21/06/2026

【 #童亮家長學堂— 5分鐘家居尋寶小游戲🔍】🏠✨

屋企都可以化身藏寳地！🏡✨ 簡單 5 分鐘嘅親子遊戲，就可以邊玩邊訓練小朋友腦袋，提升觀察力同執行指令嘅能力！💬💖

1. ⁠小偵探出任務 🕵️♂️
家長可以先影低幾樣家中小物，再俾提示小朋友根據線索，將寶藏搵出！例如：🍎⭕️「寶藏係紅色、圓形嘅」

2. ⁠玩轉「感官大發現」🔎
尋寶過程會訓練小朋友腦袋整理同結合物品特徵，例如辨認顏色、形狀等，可加強小朋友對顏色同空間認知。

✅如果小朋友搵到物件，家長可以具體稱讚小朋友：「你真係觀察得好仔細，每一個屋企嘅角落都唔放過，細心留意有冇相類似嘅物件，恭喜你完成任務！」❤️

⭕假若小朋友拎出嘅物件唔係出題物件，家長可以追問：「點解你揀咗呢個物品嘅？呢個物品同頭先形容物品特點相唔相似呢？」從中聆聽小朋友嘅想法並作出回應同引導。

簡單嘅遊戲，過程中已經可以幫小朋友嘅發展同親子關係跨出一大步！🌈

#賽馬會童亮計劃 #香港賽馬會慈善信託基金

【 #童你講— 情緒小怪獸：今日你係咩顏色？🌈】小朋友內心住咗好多「情緒小怪獸」 👻 ，要佢哋具體講出「我好開心」或者「我好攰」並唔容易。心理研究指出「顏色係小朋友情感嘅延伸。當小朋友缺乏足夠詞彙去表達複雜嘅內心世界時，顏色就成為咗投射同釋...
18/06/2026

【 #童你講— 情緒小怪獸：今日你係咩顏色？🌈】

小朋友內心住咗好多「情緒小怪獸」 👻 ，要佢哋具體講出「我好開心」或者「我好攰」並唔容易。心理研究指出「顏色係小朋友情感嘅延伸。當小朋友缺乏足夠詞彙去表達複雜嘅內心世界時，顏色就成為咗投射同釋放真實情感嘅最佳非語言工具。」親子可以透過以下遊戲，用顏色🎨分享內心感受💬！

1.⁠ ⁠建立顏色同情緒嘅關係🔎
善用身邊物品，引導小朋友將抽象嘅感覺同顏色連埋一齊，令情緒變成「睇得到」：

黃色 ☀️： 好似太陽公公咁，好溫暖
藍色 💧： 好似小雨點又似眼淚，有啲難過
紅色 🍎： 好似紅蘋果咁，氣呼呼、塊面都紅哂
黑色 🌚： 好似熄咗燈咁，想靜靜哋休息

2.⁠ 輕鬆環境下問問題
家長可以用攬攬令小朋友放鬆，再輕輕問佢哋「今日心情係咩顏色呀」。無論小朋友回答咩顏色，家長記得先肯定同接納小朋友嘅感受，再請小朋友表達點解揀呢隻顏色。

如果大家仲有其他同小朋友傾心事嘅好方法，歡迎留言話俾我哋聽呀！🌈

#香港賽馬會慈善信託基金 #賽馬會童亮計劃

【賽馬會童亮計劃—學前教育線上講座—「童」你說晚安】你嘅小朋友夜晚瞓得好唔好呢？有冇半夜成日醒，仲要𠱁好耐先肯入睡？😴其實良好嘅睡眠係小朋友身心健康發展嘅重要基石，對情緒調節、行為表現同專注力都有深遠影響，對小朋友成長非常重要！香港教育大學...
15/06/2026

【賽馬會童亮計劃—學前教育線上講座—「童」你說晚安】

你嘅小朋友夜晚瞓得好唔好呢？有冇半夜成日醒，仲要𠱁好耐先肯入睡？😴其實良好嘅睡眠係小朋友身心健康發展嘅重要基石，對情緒調節、行為表現同專注力都有深遠影響，對小朋友成長非常重要！

香港教育大學心理學系侯維佳教授會喺今次講座同大家由幼兒睡眠健康嘅重要性講起，深入探討小朋友常見嘅睡眠問題，以及家長喺培養小朋友良好睡眠習慣中嘅重要角色。例如點樣建立合適嘅睡前流程、改善睡眠環境，幫小朋友瞓得更好，爸媽都可以輕鬆啲！💛

日期：2026年6月27日（星期六）
時間：上午10時至11時
講者： 侯維佳教授（香港教育大學心理學系教授）
對象：教師、家長及有興趣人士
語言：廣東話
形式：「KeySteps at JC賽馬會童亮計劃」Facebook實時進行 (Live)

無論你係新手爸媽定係有經驗嘅爸媽，都非常值得一齊嚟聽聽！👨👩👧👦期待到時見到大家熱情參與，一齊促進小朋友更健康、更美好嘅成長！

#香港賽馬會慈善信託基金 #賽馬會童亮計劃

Address

Hong Kong

Website

Alerts

Be the first to know and let us send you an email when KeySteps at JC 賽馬會童亮計劃 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to KeySteps at JC 賽馬會童亮計劃:

Shortcuts

Share

Category