30/09/2026
【如果我有一架貨車，你會唔會一齊訂肥料啊？】༄｡° 𓇢𓆸
每逢春天一完，差唔多開始入夏，好老土就會問吓一班大嶼山農友：「要唔要一齊團購肥料？」
因為喺大嶼山種田，有啲嘢真係你估唔到咁貴。由市區運入大嶼山，要 call 車、出貨、送貨，加上仲要有禁區紙，運費一轉轉咁計落去，真係幾襟計。如果一個農夫自己訂一批，運費就要自己一個人孭晒，未必化算。
所以發現呢個問題之後，到今年其實都做咗三年。每年差唔多嘅時候，我哋都會問吓附近有冇農友需要，大家夾埋一齊訂，再 share 運費。一車肥料唔只送去一個地方，仲可以一次過安排送去幾個農友、幾個地方，大家分返啲運費，亦少啲來回。
當然，送貨司機都辛苦。一車貨入到大嶼山，唔係去到一個地址放低就算，仲要逐個地方送、搬、卸貨。做咗三年，團購肥料慢慢都變成我哋每年某一個時候會做嘅一件事。農夫有需要，我哋就問吓有冇人想一齊訂；有人要，我哋就幫手夾吓貨、夾吓車。
其實好老土做嘅，有時就係呢啲日常工作。未必係咩大事，有時只係幫大家將一批肥料訂返嚟，再諗吓點樣送到唔同農友手上。
如果你都係喺大嶼山種田，又想一齊訂肥料，都可以聯絡好老土啊 ^ᴗ ̫ ᴗ ̳^ྀི
╔═══════════════════════╗
║ 好老土 Good Old Soil
║ 開放時間｜October Opening Hours
╠═══════════════════════╣
║ 11AM–6PM
║ 星期一至三、星期五
║ Every Mon–Wed & Fri
║ 📍 梅窩鄉事會路33號地下
╠═══════════════════════╣
║ 星期六、日｜不定期開放
║ Irregular weekend opening
║ 月曆及 Social Media 會有最新安排
║ Check our calendar & social media for the latest opening updates
╠═══════════════════════╣
║ 支持我們 Support Us
║ 網店Online Shop：https://goodoldsoil.hk/
║ 網站Website：https://landeducation.org.hk/
╚═══════════════════════╣
