賽馬會耆樂「友」心社區計劃

26/03/2026

新聞不時有有大專生及學童自殺離世的新聞，社會再度關注情緒健康及自殺風險。在悲傷與無力之中，我們更需要裝備自己，學懂「識別」警號，踏出守護生命的第一步。

🌿【LivingWorks safeTALK｜自殺警覺意識培訓證書課程】

學習實證為本的基本技巧，讓你懂得如何安全地察覺、傾聽與轉介有自殺風險的人。

課程核心技巧包括：
👉 Tell 告訴　👉 Ask 詢問　👉 Listen 聆聽　👉 Keep Safe 確保安全
📜 完成課程可獲頒國際認可「LivingWorks safeTALK」證書
⏱️ 課程時長：3.5小時
💰 費用：全免（全數由香港賽馬會慈善信託基金贊助）
👤 名額：30人
📅 日期與地點：2026年4月19日香港大學（場地待定）
❤️ 立即行動，為預防工作出一分力！
👉 報名連結：https://livingworks.csrp.hku.hk/en/eventsPage/

💬 常見問題 Q&A
1️⃣ 誰適合參加？
🔹 一般公眾或關注自殺議題人士。

2️⃣ 需要有輔導背景嗎？
🔹 不需要，safeTALK 是入門課程，適合沒有輔導經驗的人。

3️⃣ safeTALK和ASIST這兩個課程有甚麼分別？
🔹 safeTALK 旨在提升「警覺與轉介能力」，屬較入門課程，適合一般沒有輔導背景，以及關注防止自殺議題的人士參與。
🔹 ASIST 則屬進階級自殺介入訓練，適合有輔導背景或知識的人士，也非常歡迎有意提升自己支援有自殺意念的人士參與。

4️⃣ 課程會用甚麼語言進行？
🔹 課程以廣東話授課，提供英語教材。

637 Followers, 6 Following, 61 Posts - See Instagram photos and videos from Wts Wellbeing (.wellbeing)

09/03/2026

農曆新年前夕，先後出現大專生及學童自殺離世的新聞，社會再度關注情緒健康及自殺風險。作為關心身邊好友的你，如何辨識危機，在關鍵時刻與他們同行，陪伴他們走過危險一刻？

🌳【LivingWorks ASIST｜自殺介入證書課程】
LivingWorks ASIST「自殺介入證書課程」
專為有輔導背景或有興趣進一步掌握自殺介入技巧的人士而設。
學習如何提供自殺急救、建立安全計劃，陪伴對方渡過危機。
📜 完成課程者可獲頒國際認可「LivingWorks ASIST」證書
⏱️ 課程時長：２天（每日８小時）
💰 費用：全免（全數由香港賽馬會慈善信託基金贊助）
👤 名額：15人
📅 日期與地點：2026年4月3日 (五) 及4月4日 (六) 9:30am-5:30pm @香港大學
🌟 ASIST 適合有輔導經驗人士及希望進一步掌握介入技巧的公眾人士。
👉 報名連結: https://livingworks.csrp.hku.hk/en/eventsPage/

💬 常見問題 Q&A
1️⃣ safeTALK和ASIST這兩個課程有甚麼分別？
🔹 safeTALK 旨在提升「警覺與轉介能力」，屬較入門課程，適合一般沒有輔導背景，以及關注防止自殺議題的人士參與。
🔹 ASIST 則屬進階級自殺介入訓練，適合有輔導背景或知識的人士，也非常歡迎有意提升自己支援有自殺意念的人士參與。
2️⃣ 我沒上過 safeTALK，可以參加嗎？
🔹 可以。有輔導背景或知識的人士可以直接報讀 ASIST。
🔹 一般沒有輔導背景的參加者，我們建議先修 safeTALK，以建立基本的自殺警覺與對話概念，令你在 ASIST 的密集訓練中更容易掌握介入流程。
3️⃣課程語言？
🔹 課程以廣東話授課，提供英語教材。

26/01/2026

有冇人留意老人家好重視過農曆新年呢？喺年輕人角度睇，或會覺得新年年年都過，硬係唔明點解佢哋要咁多搞大龍鳳！你又知唔知點解呢？

1. 從小受過年觀念影響
好多老人家細個嗰陣生活比較艱難，平時好難有機會食好、著好、就連見親戚都未必容易。以前嚟講，過年正係一年中「最隆重、最齊備」嘅時刻，食好啲、著新衫、屋企大掃除、換新佈置⋯⋯ 將「過年」轉化成過去一年辛勤後的盼望與獎勵。

2. 過節嘅儀式感
華人文化中，新年包含好多象徵行為，如貼揮春、拜神、團年飯、派利是，對老人家嚟講，呢啲都係一啲要攞好意頭嘅事物，寓意來年事事順境，遠離厄運；同時都代表「正式」迎新送舊。所以老人家唔做呢啲事，係會有唔安落嘅感覺。

3. 渴望被家人關心
新年係家庭動員力最強嘅日子，社會普遍有種共識係「過年要應該返屋，齊齊整整食餐飯」，特別係團年飯、開年飯呢兩餐，一家人見面變得名正言順。香港現時以小家庭為主，老人家亦未必同仔女孫兒同住。而老人家唔怕忙同辛苦，都要為團年飯同開年飯頻撲籌措一番，但求一家人能坐埋一齊食餐，心裡會有被需要嘅感覺。

4. 傳承傳統觀念
過年好多環節如煮團年飯、派利是、講祝福說話、安排拜年等，都是由長輩主導。老人家係家中嘅大家長，佢哋會認為一個家族應該要有所傳承，唔一定係傳家之寶，可以係家訓、家族規矩呢啲無形嘅事物。年紀越大，越會想「留低啲嘢」。

5. 時間「分界線」
新年係一個清晰的年度節點。對老人家嚟講，隨年齡愈嚟愈大，時間流逝感更強，較悲觀嘅老人家，可能會有生命在倒數嘅感覺。

當大家明白到老人家對過年咁重視時，同時都意識到平時我們該多啲陪伴佢哋，如多見幾面、幫忙家務、幫忙煮飯，都係較實際嘅行動。不單喺日常生活上幫輕到老人家，亦可以從中多加溝通，了解其想法。

嚟緊3月14號，我哋將舉辦一個名為LivingWorks SafeTALK「自殺警覺培訓證書課程」，參加者從實證中學到點樣從覺察、詢問、聆聽周保持安全嘅基本技巧中，將有呢方面傾向嘅長者轉介予有關單位。歡迎經常有機會接觸到長者嘅人士參加。費用全免，名額有限，有興趣參加嘅，快嚟報名啦！

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

05/12/2025

陪伴長者去街，有乜嘢要注意？一切從安全講起。

步伐：過馬路放慢腳步、提醒告之路況同障礙物。如需要輪椅或扶架出門的，千祈唔好太快，盡量同長者嘅步伐一致，不時提醒先站穩、拉好扶手。

路線：盡量少行樓梯，有電梯盡量乘用，善用扶手，留意光線係咪充足，都會影響長者嘅視線同行動，有需要時，同行者都需要拖實/手扶一下長者。

時間：以「短程多休」為原則，可以向長者預早提示點與點之間嘅距離，係咪有厠所位，同埋相距下次去洗手間的時間等，令長者有個心理準備或預算。

風險：留意濕滑、電線、地台高低、地毯邊；雨天特別小心出入處地面。

環境：注意環境情況，部分長者或會驚人多、太光或太嘈，或令佢哋感覺不安唔自在。

天氣變化：太熱太凍都會令佢哋唔舒服，或要適時加減衣物；隨身帶遮可擋雨遮陽光。

如長者較健忘，最好揀一啲佢較熟悉嘅地方，或路線係佢熟悉嘅。較精靈嘅，可以由佢哋決定路線，佢哋都會感覺開心同有成功感。

面對有認知障礙人士，避免去路線太複雜或陌生嘅地方。認為有需要的話，事前或準備好照片或陪同者嘅聯絡方式放喺佢哋身上。

明年1月9號，我哋將舉辦一個名為LivingWorks SafeTALK「自殺警覺培訓證書課程」，參加者從實證中學到點樣從覺察、詢問、聆聽周保持安全嘅基本技巧中，將有呢方面傾向嘅長者轉介予有關單位。歡迎經常有機會接觸到長者嘅人士參加。費用全免，名額有限，有興趣參加嘅，快嚟報名啦！

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

28/11/2025

到底要點回應老人家講身後事？

同老人家傾偈，偶然佢哋都會講啲同生死有關嘅話題。有人會試圖避開唔講，有人直接轉移話題。
到底要點回應老人家講身後事？

當長者主動談及生死議題，通常代表佢哋正尋找理解、整理人生、或擔心未竟之事。你嘅回應要兼顧同理、安全與實務。

1. 先接住對話同情緒優先
專注、放慢、保持眼神接觸與開放態度，唔好即時否定。與此同時，否以探聽佢哋提出呢個話題嘅因由。

2. 辨識風險作安全評估
溫和而直接地了解是否存在自殺風險或急性抑鬱。言談間留意有冇啲「警號」，如「我係負擔」、「我走咗之後呢‥‥‥」「我走咗你唔好難過啦！唔做掛住我‥‥‥」等告別式說話、突然分贈重要物品；或持續失眠、食慾大跌等生理現象。
若回答「有計劃/有準備」，屬高風險：保持陪伴、避免單獨、盡快聯絡家人同專業人士協助。

3. 容納價值同信念
鼓勵分享生命故事與價值觀，可一起做簡單生命回顧：睇舊照片、寫低重要人同事、錄音留話。

4. 面對未知與恐懼
喺言談間同佢理清或糾正一啲錯誤諗法，或俾多少少資訊，特別係患病或諗埋一邊嘅老人家，有時或者對病情、療程一知半解，甚至對死亡或後事有奇怪諗法。回應原則：先聆聽兼同理，後提供簡明資訊或選項。

5. 實務支援
預設醫療意願/預設照顧計劃(如DNR、住院/插管意願、臨終地點偏好）。
法務與後事：簡易遺囑、財務與文件整理、葬禮或身後安排偏好。
家庭溝通：如合適，協助安排一次家庭會談，讓長者表達心願。
社區與醫療資源：家庭醫生、紓緩治療團隊、社工、臨床心理/靈性關懷。

6. 保持界線、持續陪伴
可以公開誠實，亦毋須忌諱，有時佢哋肯打開話題，反而各可以了解佢哋嘅諗法或隱憂。

12月5號，我哋將舉辦一個名為LivingWorks SafeTALK「自殺警覺培訓證書課程」，參加者從實證中學到點樣從覺察、詢問、聆聽周保持安全嘅基本技巧中，將有呢方面傾向嘅長者轉介予有關單位。歡迎經常有機會接觸到長者嘅人士參加。費用全免，名額有限，有興趣參加嘅，快嚟報名啦！

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

29/10/2025

喺新聞報導中，偶爾都會有長者自殺新聞，有長者們或會譏笑他人傻，亦會難免表現哀傷。作為家人或照顧者，你該要點做？

長者期待有一個可以傾訴嘅對象，一個關心、願意花時間同佢哋坐埋一齊，願意傾聽佢哋說話嘅人。咁一切就要從一張咀同一雙耳開始啦！

一張咀：先俾長者講下佢哋對呢類新聞嘅睇法，引導佢哋透過說話講出自己嘅感受，任佢哋盡情講。
一雙耳：純粹靜聽對方想說嘅，要俾佢哋講完，中途唔好打斷，唔好帶有任何意見同批評，亦唔應該即時否定任何想法。

你或會好奇點解乜都唔好做呢？你任何一句「不」，都有可能令佢哋對你卻步，認為你早帶有主觀諗法，甚至提早同你終止溝通。
大多數嘅長者都好想有人聽佢講嘢，奈何有時限於身體能力，或未必能夠好好表達。若佢哋想講或能夠講時，盡量俾佢哋講。
對話時間或可能會長一啲，至少可以了解到佢哋嘅情緒狀態，更重要係弄清對方有冇自殺嘅諗法同傾向。

11月24號，我哋將舉辦一個名為LivingWorks SafeTALK「自殺警覺培訓證書課程」，參加者從實證中學到點樣從覺察、詢問、聆聽周保持安全嘅基本技巧中，將有呢方面傾向嘅長者轉介予有關單位。歡迎經常有機會接觸到長者嘅人士參加。費用全免，名額有限，有興趣參加嘅，快嚟報名啦！

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

The most powerful, simple and trusted way to gather experience data. Start your journey to experience management and try a free account today.

22/10/2025

大家有冇發現老人家好鍾意樣樣都留住，唔捨得丟？
對於丟嘢，好多時候都源於佢哋好怕失去，失去所帶嚟嘅傷痛遠遠比得到嘅快樂大。

呢啲佢哋要留住嘅事物，往往都同重要嘅人有情感連結，高出實際用途。
要老人家判斷一件物件丟定留，亦係一件好傷神嘅事，而佢哋亦好怕做錯決定，因此會傾向乜都留低！

到底點先令老人家丟嘢？
1. 以安全為先
要同老人家講清楚，儲物可以，但唔可以阻礙通道，嚴重影響同屋人嘅生活，否則都真係會丟嘅！
2. 從小事物開始
由微細、唔起眼嘅事物、或無傷大雅嘅東西開始，先讓老人家慢慢養丟棄嘅感覺。
3. 將「丟」字改用「保護」「珍藏」「整理」
句句都有個「丟字」，對老人家來講其實好反感，試下用幫你整理、執好嘅字眼，聽落係會比較好啲嘅！
4. 嘗試聽聽物件背後嘅故事
老人家對某啲物件堅持唔丟，有時可能係有啲故仔，可以先聽聽佢哋講下物件嘅價值，而你都可以提出更好保存方法。
5. 為物件Mark低擺放位置
莫說老人家，我哋成年人搵唔到想搵嘅嘢都會發䒐䒏，丟物件或整理時，同時要寫低物件存放同丟掉清單。

喺同老人家丟嘢時，要問准佢哋之餘，仲要俾佢哋了解清楚丟嘢嘅原因，說法同語氣要傾向正面，唔好俾佢哋感覺他人同舊物一樣，會有俾人丟棄或嫌棄嘅一日。

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

02/10/2025

同長者相處，用心聆聽同溝通以外，抱有尊重嘅心很重要。過程中不單會令你長知識，讓你較易洞察到佢哋行為同情緒變化，從而對他們了解更多。

關於同長者溝通，光係聆聽係唔足夠嘅，若可以掌握多啲說話技巧，除容易打開話題，仲可以意識到佢嘅諗法，即時提供情緒支援同適切行動配合。

10月18號，我哋將舉辦一個名為LivingWorks SafeTALK「自殺警覺培訓證書課程」，參加者從實證中學到點樣從覺察、詢問、聆聽周保持安全嘅基本技巧中，將有呢方面傾向嘅長者轉介予有關單位。歡迎經常有機會接觸到長者嘅人士參加。費用全免，名額有限，有興趣參加嘅，快嚟報名啦！

詳情：https://hku.au1.qualtrics.com/jfe/form/SV_cFLNBnJxNG5iL6m
注：18/10 以中文授課，15/10 以英語授課

#賽馬會耆樂友心社區計劃
#長者心理 #主動關懷 #心理健康 #長者溝通 #與長者相處
#香港賽馬會慈善信託基金

11/01/2024

在新春前夕，受訓義工將會分數次探訪深水埗區富昌邨的長者，關心長者的近況，了解長者的心理健康，並送上關懷禮物包，慶賀新春。誠邀你成為義工，在這寒冬添一些暖意!

有興趣可以CLICK 呢個LINK 報名呀
https://forms.gle/pJ9KwqWxdRSShjwr7

22/12/2023

🎶🎵噢，聖誕節🎄，撲它歸家🏡，放係邊度🪅，都靚架✨🎶🎵

我地聯同薑爺爺同薑仔，做聖誕節佈置，佈置屋企、辦公室、聖誕樹，幾有聖誕氣氛🤭

你都快啲參加活動，帶薑爺爺薑仔返屋企啦。

想知詳情，可以去bio click 黎睇下🖲

#賽馬會耆樂友心社區計劃 #家有老薑聖誕尋蹤活動 #長青互動 #聖誕快樂 #聖誕都可以兩代一齊玩 #尋覓兩代情

09/12/2023

『家有老薑』聖誕尋蹤活動

聖誕轉眼間又到拿🎶🎵年青人既你👨👩係咪已經密鑼緊鼓咁安排緊不同既慶祝活動呢。。但千祈吾好忘記左我地屋企既長輩👴👵呀。。

為左推動大家係聖誕期間多啲同家中長者輩互動，耆樂「友」心社區計劃網站💻推出左呢個尋找聖誕老薑、聖誕薑仔蹤跡既活動--『家有老薑』聖誕🎄尋蹤，你地可以同屋企既長者一邊睇我地既網站🌐，一邊搵下有聖誕造型☃️既薑氐兩爺孫既蹤影。

參加者只需回答三條問題（問題答案係網站中搵到），便有機會獲得老薑和薑仔公仔掛飾各一個以及單件曲奇換領券一張 。活動將於2023年12月31日截止。

由於禮物🎁數量有限，我們將優先從正確回答問題的參加者中，以先到先得形式決定得獎者。

想知詳情，可以scan 第二張圖既QR Code 或者去bio click 黎睇下🖲

#賽馬會耆樂友心社區計劃 #家有老薑聖誕尋蹤活動 #長青互動 #聖誕都可以兩代一齊玩 #尋覓兩代情