樂天關懷行動 Everbright Concern Action

31/07/2026

【等不到的一句關心】
「姑娘，你知唔知……」
冰婆婆低住頭，慢慢開口。
「我入院嗰陣，冇一個人嚟探我。」

短短一句說話，
眼淚已經忍唔住流落嚟。

「我有仔，有新抱，但係……冇人理我。」

婆婆一個人住，
病咗，自己去睇醫生；
每日對住四面牆，
夜晚瞓唔着，就坐喺窗邊等天光。

佢最想要嘅，
唔係錢，
唔係禮物，
只係一句問候：
「婆婆，今日好啲嗎？」

可惜，佢等咗好耐、好耐。

今晚，當你正同家人圍埋食緊一餐熱飯，
喺城市另一角落，
冰婆婆可能正一個人，
默默食住上一餐食剩嘅冷飯。

《銀杏館》每日派出嘅「愛心福飯」，
送出嘅唔止係一個飯盒，
仲有一份陪伴、一句關心，同一份尊重。

當義工將熱騰騰嘅飯盒遞上，
再笑住講一句：
「婆婆，記得趁熱食，湯都要趁熱飲呀！」

一個飯盒，填飽肚；
一句問候，暖到心。

38 元一份「福飯」，
送出嘅唔止係一餐熱飯，
更係一句：
「仲有人，關心您。」

＝＝＝＝＝＝＝＝＝＝＝＝＝
👉 支持《銀杏館》「愛心福飯行動」：
www.love.org.hk

24/07/2026

23/07/2026

【98 歲的生日燭光：原來，還有人記得我】
一支小小的生日蠟燭，映照出燦爛的笑臉。

昨天，是歡歡婆婆 98 歲生日。
義工 Grace 特意準備了一個生日蛋糕，
在《銀杏館》油塘店為她送上驚喜。

聽著祝福，婆婆笑得像孩子一樣。

獨居的她，每天最期待的，
就是來《銀杏館》吃一個熱飯盒，和義工、飯友說說話。

對很多獨居長者來說，
最珍貴的，不是蛋糕，不是禮物，而是——
有人記得。

記得她的生日，也記得她。

一個飯盒、一個蛋糕、一句「生日快樂」，
已足以讓一位 98 歲婆婆輕輕說出一句：
「原來，還有人記得我。」

最值錢的，從來不是一個飯盒，而是放在飯盒裡的愛。

這份愛，不屬於《銀杏館》；
任何人、任何機構，都可以一起傳遞。

祝歡歡婆婆 98 歲生日快樂，
健康平安，天天笑口常開。

也感謝 Grace 和每一位默默同行的義工。

願每一位長者，都有人記得。
＝＝＝＝＝＝＝＝＝＝＝＝＝

請支持《銀杏館》「愛心關懷行動」：
www.love.org.hk

10/07/2026

【我係咪好冇用？】
「我好耐……好耐冇做嘢，我係咪好冇用？」
淑婆婆坐在包裝枱前，雙手不停顫抖。

佢好努力想包好一包甘草陳皮，
但手震令佢連膠袋口都撐唔開。

佢突然停低，眼眶通紅。

我哋冇催佢。
只係遞上一杯暖水，
將陳皮輕輕推近佢手邊：
「慢慢嚟，我哋等埋你。」

一次、兩次、三次。
終於，「啪」一聲，
一包陳皮完成。

佢擰轉頭望住我哋，
笑得像一個得到稱讚嘅小朋友。

「好耐無試過成班人一齊做嘢……
好掛住熱鬧嘅感覺。」

原來，一份簡單嘅「工作」，
對長者而言，並不只是收入。
更是一次重新連結社會、重新肯定自己的機會。

一包甘草陳皮，重量好輕；
但喺淑婆婆手上，
承載的是一份久違的自信與快樂。

＝＝＝＝＝＝＝＝＝＝＝
⭐ 弱勢長者「包裝甘草陳皮活動」計劃
歡迎企業或個人支持。
有興趣請聯絡：2516 5116

支持《銀杏館》LOVE Project「愛心關懷行動」：
www.love.org.hk

23/06/2026

【搬一個家，執出一份愛】
蘇屋中心要搬了。

原以為會是一場大工程，
沒想到最忙的不是我們，而是一班長者「同事」。

「呢個要唔要㗎？」
「哎呀，呢個要小心包好！」
中心裡，到處都是公公婆婆與義工身影。

淑儀婆婆跪在地上細心包好易碎物品；
意姐與薇婆婆逐箱分類整理；
自權伯伯與雄伯伯合力搬運重物。

他們用粗糙的雙手，小心對待每一件物件，
就像整理自己的家。

義工 San、Alena 及 Angel 早早到場，
與長者無縫配合，像早已夾好的默契團隊。

看著這一幕，我們忽然有點失神——
這哪裡是在搬中心？
這分明是一家人，在守護一個「家」。

我們常說「生命影響生命」。
但很多時候，被療癒、被溫暖的，是我們。

心在哪裡，家就在哪裡。
愛和尊嚴，也會被好好打包，一起帶走。

搬屋真的很累，
但看著大家笑著流汗的樣子，
心是熱的。

謝謝每一位曾用心守護這個家的人。 ❤

＝＝＝＝＝＝＝＝＝
支持《銀杏館》LOVE Project「愛心關懷行動」：
網站： www.love.org.hk

#銀杏館 #生命影響生命 #長者就業 #執出一份愛

18/06/2026

【無所謂背後的孤單】
「我可能就死！」
雄伯伯一來到蘇屋中心就咁講。

「痾咗成個星期血喇。」
佢語氣平靜得好似講天氣。

再補一句：
「無人無物，日日戇居居，都唔知為咩。」

雄伯伯獨居多年，早已同家人失去聯絡。
佢口中嘅「無所謂」，其實係長期無人回應之後的沉默。

同事和義工 Alena 輪流勸佢去睇醫生。

Alena 冇講大道理，只係拎起電話：
「雄伯伯，我幫你登記，好嗎？」

佢輕輕答「是但」，
Alena 即刻接住：
「是但即係好，我而家 book。」

有時，關懷唔係說服，而係替佢行第一步。

Alena 仲教佢上網聽歌，送咗張數據卡俾佢：
「以後唔使再覺得戇居居。」

「真係多謝你哋！」雄伯伯感動地說。

最怕聽到長者一句「無所謂」。
因為背後可能係——「我已經放棄咗自己」。

但今日，我哋選擇冇放手。

＝＝＝＝＝＝＝＝＝
支持《銀杏館》LOVE Project 「愛心關懷行動」，
網站：www.love.org.hk

#銀杏館 #生命影響生命 #暖心故事 #正能量 #無所謂背後的孤單 #好人好事

14/06/2026

【「下年……你哋仲會唔會嚟？」】
「其實我平時都係一個人，好少出門。」
獨居嘅張伯伯接過送上門嘅「愛心糭子」，
笑得有點靦腆。

他輕聲說：
「我入會，其實都係為咗一年一次派糭、派月餅。」

老人家真的只是為了物資嗎？

聽到這句話，我心裡有點酸。

或許，糭子從來不是最重要。

節日物資，只是打開家門的理由；
一句問候、一個探訪，
才是他們真正等待的東西。

張伯伯習慣了一個人生活，
不想麻煩別人，
也不習慣把孤單說出口。

所以一年一兩次的領取物資或探訪，
成了他們與世界重新連結的機會。

讓他們知道，
在最熱鬧的節日裡，
依然有人記掛著他們。

臨走前，張伯伯扶著門框問：
「下年……你哋仲會唔會嚟？」
我答：
「有機會嘅話，我哋一定再嚟探你。」

他點點頭，笑了。

我知道，他問的其實不是糭子。

他只是想知道，
明年這個節日，
還會不會有人想起他。

＝＝＝＝＝＝＝＝＝
感謝❤️善長支持，至今已認購超過 2.4 萬隻愛心糭。
距離目標 4 萬隻仍有一段距離，
仍有1.6萬個獨居長者等一句問候、一個探訪。🙏

請支持《銀杏館》LOVE Project「愛心糭子行動」，
網站： www.love.org.hk
只需 28 元，便可送出一份節日的❤️溫暖。