環保友 ECFriends

Website Contact the organization

環保友 ECFriends E for Environment
C for Conservation
F for Fund…and Friends！

環保．唔係一個人嘅事，而係一班人嘅事！
環保．唔係一個任務，而係一種生活態度！

07/10/2026

【石湖墟廚餘回收推廣街站♻️】

#慳師奶 喺上水石湖墟買完餸，忽然見到路邊停咗架電動推廣車，吸引咗唔少人排隊「上車」，即刻叫埋 #綠才子 我過去睇下👀！

不過才子我見到車上面配備咗「智能廚餘回收箱」♻️，就知道咩事喇：「慳師奶，呢架係屬於 #環境及自然保育基金資助 弘毅環保教育發展基金有限公司 運行嘅『電動智能廚餘回收車』嚟㗎！電動回收車會穿梭偏遠嘅新界鄉村、學校同餐廳提供廚餘回收服務，鼓勵同方便更多市民培養廚餘回收習慣～」

呢架車仲係《新界鄉村廚餘回收先導計劃》嘅一部分，嚟緊機構亦會喺上水石湖墟舉辦「墟市廚餘回收推廣街站」📍，由職員喺現場教大家點樣正確回收廚餘。 住北區同石湖墟嘅街坊朋友，如果就回收廚餘有咩唔明白嘅地方，唔洗怕羞㗎，直接搵職員問喇!

「環境及自然保育基金資助《新界鄉村廚餘回收先導計劃》」— 墟市廚餘回收推廣街站
日期：2026年10月12日（星期一）
時間：下午1時30分至2時30分
地點：上水石湖墟
*請聯絡 - 弘毅 Endeavour 查詢詳情

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金
#環保友 #廚餘回收

02/10/2026

【廚餘變漿極速轉能 🚛⚡️ O·PARK 1 實地科技導賞團！】

#青色文青 喺大學見到canteen姨姨將廚餘倒落一部「廚餘再生俠」機器，好奇問：「姨姨，橫掂啲廚餘之後都會運走，點解仲要將佢哋倒入部『廚餘再生俠』度打成漿呢？🤔」

Canteen姨姨笑笑口咁解釋：「唔好睇小呢個步驟呀！只要我哋喺源頭將固體廚餘預處理成漿液暫存，再由專用缸車一次過運走，就可以解決固體廚餘遠距離運送嘅臭味同困難，仲大幅節省運輸成本同相關車輛碳排放！經過厭氧消化後，仲可以轉化成有機肥料同電力添！⚡️🌱」

呢部「廚餘再生俠」嚟自 #環境及自然保育基金資助 弘毅環保教育發展基金有限公司 ENEEF - 弘毅 Endeavour 開展嘅「商場及大學應用『廚餘再生俠』處理系統先導計劃」！計劃透過跟商場物管公司同大學合作，喺 3 個商場同 1 間大學內加裝「廚餘再生俠」收集食肆、街市及其他廚餘，可以即場進行預處理，再運送到中央廚餘處理設施轉廢為能！

嚟緊機構將會舉辦「參觀 O·PARK 1」導賞團，帶大家實地走入有機資源回收中心，親眼見證廚餘透過厭氧消化「轉廢為能」，變身電力同有機肥料嘅整個過程！✨
想親身探索香港頂尖綠色回收科技、了解資源循環價值嘅街坊同學生，快啲聯絡主辦機構報名參加啦！📢❤️

「商場及大學應用『廚餘再生俠』處理系統先導計劃」— O·PARK 1導賞團
🗓️ 日期：2026年10月7日（星期三）
📍 地點：有機資源回收中心第一期（O·PARK 1）
*請聯絡 弘毅環保教育發展基金 查詢詳情及報名

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金 #環保友 #轉廢為能 #源頭減廢

誠邀大家一齊參與最新推出嘅「樽盒回收機（MRVM）回收任務」，只要喺任何1部由以下環境及自然保育基金項目資助嘅MRVM回收 5 個或以上嘅飲品膠樽或紙包飲品盒，並完成指定步驟，就有機會獲得大嘥鬼送出嘅精美禮品：● 商界環保協會有限公司營...
28/09/2026

誠邀大家一齊參與最新推出嘅「樽盒回收機（MRVM）回收任務」，只要喺任何1部由以下環境及自然保育基金項目資助嘅MRVM回收 5 個或以上嘅飲品膠樽或紙包飲品盒，並完成指定步驟，就有機會獲得大嘥鬼送出嘅精美禮品：

● 商界環保協會有限公司營運嘅環境及自然保育基金資助　BEC飲品膠樽及紙盒回收再生計劃（https://www.facebook.com/share/p/18JgbSSnNG/）

● 減碳生活有限公司營運嘅環境及自然保育基金資助　源頭分類紙包飲品及膠樽有賞回收實踐計劃（https://www.facebook.com/share/p/1RGXnXEff7/）

● 香港青年協會可持續發展部營運嘅環境及自然保育基金資助　綠識暢飲在新界社區項目（https://www.facebook.com/share/p/18URhaWkGh/)

留意回收任務嘅截止日期係2026年10月7日 晚上11時59分，大家快啲行動喇！

【樽盒回收獎勵Double Up!! 🎉】 拎住啱啱飲完嘅飲料膠樽同紙包飲品盒，好興奮咁跑去準備「投餵」樽盒回收機賺取 Carbon Wallet (CW) 積分。Baby望一望電話，咦，點解今次有咁多分嘅！？ #慳師奶 笑住咁答：「B...
22/09/2026

【樽盒回收獎勵Double Up!! 🎉】

拎住啱啱飲完嘅飲料膠樽同紙包飲品盒，好興奮咁跑去準備「投餵」樽盒回收機賺取 Carbon Wallet (CW) 積分。Baby望一望電話，咦，點解今次有咁多分嘅！？

#慳師奶 笑住咁答：「Baby 話你知一個好消息—— 由 #環境及自然保育基金資助 Business Environment Council 商界環保協會 開展嘅『BEC飲品膠樽及紙盒回收再生計劃』，已經於各大商場、屋邨設置 8 部樽盒回收機推動乾淨回收！即日起至 2026年10月31日期間，大家只要去指定嘅7部樽盒回收機，每回收一個塑膠飲料容器或紙包飲品盒，獎勵即由 5 個 CW 積分翻倍提升至 10 個 CW 積分！🎁♻️」

積少成多，只要儲夠積分就可以換取豐富嘅環保獎賞同生活用品！大家記得 mark 實以下樽盒回收機嘅地點，一齊轉廢為材，賺取雙倍積分啦！💪♻️

📍 「BEC飲品膠樽及紙盒回收再生計劃」樽盒回收機位置：
1️⃣沙田新城市廣場三期（新位置：１樓外圍行人通道（鄰近一田食堂））
2️⃣深水埗麗閣邨（麗萱樓地下）
3️⃣觀塘油麗邨（翠麗樓地下）
4️⃣葵涌葵聯邨（聯欣樓地下）
5️⃣黃大仙橫頭磡邨（宏德樓地下）
6️⃣土瓜灣街市地下（地下卸貨區旁）
7️⃣元朗形點 I (A/B區) 1 樓（鄰近通往元龍街的行人天橋）

此外，項目下位於荃灣如心廣場二期 1 樓（鄰近 116 號舖位）的樽盒回收機，亦已於９月份開始全面改為賺取如心賞積分，每回收一個塑膠飲料容器或紙包飲品盒，獎勵20如心賞積分。

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯

#環境及自然保育基金資助 #環境及自然保育基金 #環保友 #慳師奶 #樽盒回收機 #乾淨回收

【天然衣物噴霧工作坊 🌸✨】(請注意，原定於9月21日舉行的「天然天竺葵衣物噴霧工作坊」將順延至9月29日舉行。如對活動的最新安排有任何疑問，請聯絡9771 0856查詢。)前排落大雨嘅時候， #青色文青 同 #慳師奶 呻：「唉呀，淋雨淋...
17/09/2026

【天然衣物噴霧工作坊 🌸✨】

(請注意，原定於9月21日舉行的「天然天竺葵衣物噴霧工作坊」將順延至9月29日舉行。如對活動的最新安排有任何疑問，請聯絡9771 0856查詢。)

前排落大雨嘅時候， #青色文青 同 #慳師奶 呻：「唉呀，淋雨淋到成身濕晒！啲衫就算乾咗都有一陣陣噏味啦！」

慳師奶突然叮一聲醒起：「咦！我最近見到由 #環境及自然保育基金資助 普門基金會開展嘅『惜食減廢樂回收（第二期）（延續項目）』計劃，平時都會喺元朗十八鄉一帶收集剩食及回收物料，同埋轉贈資源畀有需要嘅基層。機構仲會舉辦唔同嘅工作坊，協助大家培養減碳習慣！ 咁啱嚟緊佢哋會舉辦『天然天竺葵衣物噴霧工作坊』，教大家利用天然物料自製衣物噴霧，清新除臭又環境友善！」

文青聽到都話要快啲報名參加，整一枝喺屋企備用先！有興趣嘅街坊朋友都快啲聯絡普門基金會報名參加，一齊學習將優雅生活與環保結合啦！📢❤️

「惜食減廢樂回收」— 天然天竺葵衣物噴霧工作坊 （費用全免）
🗓️ 日期：2026年9月29日（星期二）
⏰ 時間：下午 2:30 – 3:30
📍 地點：元朗十八鄉紅棗田村村公所
📞 查詢及報名：普門基金會 9771 0856（溫先生）

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金資助 #環境及自然保育基金 #環保友 #慳師奶 #青色文青 #綠色工作坊 #減碳生活

【「廚餘再生俠」出動 🤖♻️ 智能社區廚餘回收！】 同 #慳師奶 行過樓下食肆後巷，突然急急腳一枝箭咁跑咗去！慳師奶差啲追唔上佢，氣喘喘咁問：「Baby 你跑咁快做咩呀！等埋我呀！🏃‍♀️💨」Baby 停落嚟之後，好用力深呼吸咗一大啖，...
16/09/2026

【「廚餘再生俠」出動 🤖♻️ 智能社區廚餘回收！】

同 #慳師奶 行過樓下食肆後巷，突然急急腳一枝箭咁跑咗去！慳師奶差啲追唔上佢，氣喘喘咁問：「Baby 你跑咁快做咩呀！等埋我呀！🏃‍♀️💨」

Baby 停落嚟之後，好用力深呼吸咗一大啖，仲好興奮咁話：「我頭先以為呢啲食肆後巷通常都堆滿咗廚餘，一定又臭又污糟…… 點知頭先行過竟然完全聞唔到臭味，而且仲企理咗好多添！」

梗係啦Baby，因爲呢間食肆參與咗「『舜』再生廚餘再生俠回收計劃」呀！由 #環境及自然保育基金資助 大舜基金開展嘅「『舜』再生廚餘再生俠回收計劃」，已經喺 2 個商場同1個屋苑引入試用廚餘預處理系統「廚餘再生俠」，推動商戶與市民共同參與廚餘回收！「廚餘再生俠」可以喺現場即時自動化處理廚餘，廚餘液化後再經除臭密封儲存，有效減少對環境嘅影響！✨

Baby 似乎對於喺商場同屋苑嘅小小範圍可以運作到咁多工序嘅「廚餘再生俠」，覺得超神奇！咁就啱喇，機構嚟緊會喺富寶花園舉辦「廚餘資訊街站」，大家都可以同Baby一齊嚟親自了解廚餘現場預處理嘅資訊同科技細節啦！想要了解高科技廚餘回收嘅區內居民，記得今個星期六去街站學嘢喇！📢❤️

「『舜』再生廚餘再生俠回收計劃」— 廚餘資訊街站
🗓️ 日期：2026年9月19日（星期六）
⏰ 時間：下午 3:00 [MWST1.1]– 下午 6:00
📍 地點：沙田馬鞍山富寶花園籃球場
*請聯絡 大舜基金 查詢詳情

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金資助 #環境及自然保育基金 #環保友 #慳師奶 #廚餘再生俠 #廚餘回收 #轉廢為能 #源頭減廢

【從認知到量化：環境及自然保育基金推動全民減碳新里程】 #環境及自然保育基金 除咗著重獲資助項目嘅成果，亦一直致力推動本地可持續發展，鼓勵市民身體力行實踐綠色生活。今年基金資助環境及生態局和環境運動委員會推出全新嘅「計住減碳好習慣」平台，將...
08/09/2026

【從認知到量化：環境及自然保育基金推動全民減碳新里程】

#環境及自然保育基金 除咗著重獲資助項目嘅成果，亦一直致力推動本地可持續發展，鼓勵市民身體力行實踐綠色生活。今年基金資助環境及生態局和環境運動委員會推出全新嘅「計住減碳好習慣」平台，將抽象概念生活化，令減碳數據更貼地、易懂✨，推動市民養成減碳習慣。大家都可以去計吓自己平時嘅減碳行動所達到嘅減碳成績🧮，一齊訂立個人「減碳KPI」💪，持續實踐減碳好習慣！

「計住減碳好習慣」平台： https://www.ecc.org.hk/tc/publicity/crh.html

想知多啲 #環境及自然保育基金 近年點樣透過資助項目推動減碳？ 快啲click入以下報導了解吓啦👇👇！

專訪內容：https://bit.ly/ecfeca

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯

#環境及自然保育基金
#碳中和宣傳運動 Neutrality Publicity Campaign #計住減碳好習慣 #低碳生活
#環保友

04/09/2026

【STEAM 學生大使出動！海洋保育知多啲！⛵🐬】

#綠色笑匠 今日帶 去離島玩，諗住體驗下小島風情。點知一落船，Baby 就皺晒眉投訴：「笑匠，呢度個海面飄住咁多垃圾，幾靚嘅環境都冇心情睇啦！ 🥺」

Baby 講得冇錯，海洋垃圾唔止影響景觀，更威脅海洋生物嘅生命。香港每年約有 20 至 50 宗鯨豚擱淺個案，2024 年喺本港水域擱淺嘅朗氏喙鯨，胃部更被發現塑膠帆布袋，令人非常痛心！💔🌊 有見及此，由 #環境及自然保育基金資助 嶺南大學科學教研部開展嘅 環境及自然保育基金資助 鯨豚與海洋：STEAM學生大使計劃及鯨豚保育展覽，就透過 STEAM 跨學科體驗嚟培訓新生代保育大使，讓學生親身接觸鯨魚標本，由科學、技術、工程、藝術等角度深入認識海洋保育，向下一代傳遞守護海洋嘅訊息！✨

機構早前安排咗學生大使前往大澳實地考察，包括出海觀察鯨豚，透過親臨佢哋嘅居住環境，切身體會到海洋垃圾為鯨豚帶嚟嘅威脅。學生大使仲將會喺之後舉辦嘅「鯨豚保育展覽」擔任導賞員，同遊客分享返佢哋嘅所見所聞，以及鯨豚生態同海洋保育嘅故事！📢⚓

#環境及自然保育基金 一直資助具長遠教育意義嘅保育項目。今次嘅計劃將一次生態事件轉化為極具意義嘅教育行動，唔單止提高公眾對鯨豚保育嘅認識，更讓大家深刻反思人與海洋嘅關係。如果你都想參與呢類型嘅綠色活動，記得密切留意 #環境及自然保育基金資助 嘅最新資訊喇！📢❤️

🌱 #識識綠色識
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金 #環保友 #鯨豚保育 #源頭減廢 #海洋生物多樣性

【2026/27「研究及發展項目」資助計劃申請邀請 🧪💡】 #綠才子 一向醉心科研，對於環保議題嘅點子更係源源不絕！不過佢都好明白，要發揮科研嘅價值，就係在於將理念轉化為能夠改善環境嘅實質行動！ #環境及自然保育基金 一直著重與環保同自然...
19/08/2026

【2026/27「研究及發展項目」資助計劃申請邀請 🧪💡】

#綠才子 一向醉心科研，對於環保議題嘅點子更係源源不絕！不過佢都好明白，要發揮科研嘅價值，就係在於將理念轉化為能夠改善環境嘅實質行動！ #環境及自然保育基金 一直著重與環保同自然保育有關嘅教育、研究同其他項目及活動，透過開發或者引入創新科技同作業方法，改善環境同節約資源！✨

當中嘅「研究及發展項目」資助計劃旨在鼓勵環境保護及自然保育領域嘅政策同技術研究、項目成果應用、舉辦學術會議交流知識及專業發展，並主要涵蓋三類項目：

1️⃣研究項目
2️⃣技術發展及示範項目
3️⃣會議項目

科研唔單只係學術探索，更加係實踐環保嘅關鍵力量！我哋需要社會各界，特別係科研界與業界嘅共同參與，以實現碳中和目標！如果你屬於合資格嘅本地非牟利機構，而你嘅創新研究方案具備應用潛力，又強調科研成果嘅實際應用價值同環境效益，就即刻瀏覽 #環境及自然保育基金 網頁了解本年度「研究及發展項目」資助計劃嘅申請方法、資助範圍同優先題目啦！快啲把握機會，同我哋一齊 #研創綠續未來，用科研力量引領社會共同邁向環境可持續發展！📢❤️

【環境及自然保育基金 — 2026/27「研究及發展項目」申請邀請】
🗓️ 報名日期及時間：即日起至 2026年9月29日（星期二）下午6時正
🔗 計劃詳情及申請連結：https://www.ecf.gov.hk/tc/applications/research-and-development-projects/index.html

#研創綠續未來
⋯⋯⋯⋯⋯⋯⋯⋯⋯⋯⋯⋯⋯⋯⋯
環保．唔係一個人嘅事，而係所有人嘅事！
🗣️關注組：https://www.facebook.com/groups/ecf1994
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
#環境及自然保育基金資助
#環保友 #研究及發展項目資助計劃 #科研創新 #碳中和 #綠色科技

Address

Hong Kong

Website

Alerts

Be the first to know and let us send you an email when 環保友 ECFriends posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 環保友 ECFriends:

Shortcuts

Share

Category