Children's Heart Foundation 兒童心臟基金會

Children's Heart Foundation 兒童心臟基金會 兒童心臟基金會
Tel: (852)2553 0331
Fax: (852)2553 4886
Email: [email protected]

🌕 皓月當空，人月兩團圓 🎑兒童心臟基金會祝大家中秋節快樂！希望大家都同最愛嘅人一齊過一個溫馨嘅中秋！💛喺呢個咁有愛嘅日子，你嘅一份心意，足以為心童同佢哋嘅家庭點亮希望。你嘅每一個捐款，都可以讓小小心臟更有力地跳動！等我哋一齊將祝福化為行動...
25/09/2026

🌕 皓月當空，人月兩團圓 🎑

兒童心臟基金會祝大家中秋節快樂！希望大家都同最愛嘅人一齊過一個溫馨嘅中秋！💛

喺呢個咁有愛嘅日子，你嘅一份心意，足以為心童同佢哋嘅家庭點亮希望。你嘅每一個捐款，都可以讓小小心臟更有力地跳動！等我哋一齊將祝福化為行動，喺中秋嘅月光下將呢份愛延續落去，為更多有需要嘅心童家庭送上溫暖。

祝大家身體健康，日日都團團圓圓！✨🥰

#兒童心臟基金會 #人月兩團圓 #中秋節快樂

【「2025-2026 週年會員大會」暨「學業獎勵計劃頒獎典禮及暑期閉幕禮」圓滿結束！🎓✨】兒童心臟基金會「2025-2026 週年會員大會」早前順利舉行啦！非常感謝各位會員一直以來嘅支持同參與，因為有大家嘅同行，基金會嘅會務先可以持續發展...
23/09/2026

【「2025-2026 週年會員大會」暨「學業獎勵計劃頒獎典禮及暑期閉幕禮」圓滿結束！🎓✨】

兒童心臟基金會「2025-2026 週年會員大會」早前順利舉行啦！非常感謝各位會員一直以來嘅支持同參與，因為有大家嘅同行，基金會嘅會務先可以持續發展，為更多家庭提供穩定嘅支援同服務🙏🏻同時亦非常感激各贊助機構及捐款者嘅無私奉獻，成為心童們最堅實嘅後盾，讓愛心一直延續💖✨

當日我哋亦同步舉行「2025-2026 學業獎勵計劃頒獎典禮及暑期閉幕禮」，為呢個充實又歡樂嘅暑假畫上圓滿嘅句號！🌟

📚嘉許卓越，自強不息🏆
「學業獎勵計劃頒獎典禮」旨在表揚於學業上力求進步、表現卓越嘅心童。衷心感謝 Delta Asia Financial Group 滙業財經集團 慷慨贊助各組別嘅學術卓越獎學金！當日市場及傳訊部主管鄧慧芝小姐更親臨頒獎，而得獎心童亦大方分享咗自己嘅學習小秘訣，現場氣氛超級溫馨又鼓舞！

🎨 多元暑期活動，解鎖無限可能🔑
回顧過去兩個月，基金會特別舉辦了一連串精彩的暑期活動，包括動感十足嘅跳舞班💃🏻、一連4堂培養專注與創意嘅DIY學堂🎨、充滿活力與歡笑嘅暑期匹克球體驗班🏓，以及趣味滿分嘅益力多廠參觀日🥛！大家喺各項活動中唔單止學習到團隊合作、親手動腦筋創作同運動技巧，更喺輕鬆愉快嘅氛圍中拓闊視野、建立自信。🌱 睇住你哋每一位喺多元發展嘅路上茁壯成長，就係我哋基金會最大嘅動力！最後，我哋仲為表現傑出嘅心童頒發獎狀，一齊為佢哋嘅努力送上最熱烈嘅掌聲！👏😄

再次感謝所有贊助機構、義工朋友同家長們嘅鼎力支持！未來基金會會繼續陪伴心童成長，迎向更加耀眼嘅未來！

#兒童心臟基金會 #週年會員大會 #學業獎勵計劃 #暑期閉幕禮 #心童多元發展

📸 【心童走進益力多工場探索健康秘密！】 🍼✨基金會日前帶領一班心童同家長走進益力多嘅誕生地，展開咗一次超有趣嘅工場探秘之旅！大家一齊近距離見證呢款經典乳酸菌飲品由生產、注入樽中到包裝嘅完整過程。百聞不如一見，現場睇住一樽樽益力多喺自動化生...
04/09/2026

📸 【心童走進益力多工場探索健康秘密！】 🍼✨

基金會日前帶領一班心童同家長走進益力多嘅誕生地，展開咗一次超有趣嘅工場探秘之旅！大家一齊近距離見證呢款經典乳酸菌飲品由生產、注入樽中到包裝嘅完整過程。百聞不如一見，現場睇住一樽樽益力多喺自動化生產線上高速穿梭，每位心童都睇得目不轉睛！👀🏭

今次活動充滿溫馨嘅親子互動！喺欣賞影片同參觀生產線期間，各位心童興奮咁同家長討論每一個步驟，家長亦喺身旁耐心引導，場面非常溫暖。導賞員更為大家解構益力多背後嘅健康秘密，等心童同家長一齊了解乳酸菌點樣守護腸道健康。最後大家仲即場品嚐新鮮製造嘅益力多，喺輕鬆愉快嘅親子互動中，一齊吸收豐富嘅健康知識！😋💡

#兒童心臟基金會 #香港益力多工場參觀 #心童多元發展 #健康秘密 #探索世界

💄【暑期「DIY創意學堂」第4彈！天然香薰潤唇膏篇】 💋今次DIY 創意學堂帶一班心童展開香氣滿溢嘅手作之旅，挑戰用純天然成份親手打造獨一無二嘅香薰潤唇膏！課堂特別為大家準備咗優質天然蜂蠟同植物油，並加入多款天然精油，讓心童按喜好調配專屬香...
27/08/2026

💄【暑期「DIY創意學堂」第4彈！天然香薰潤唇膏篇】 💋

今次DIY 創意學堂帶一班心童展開香氣滿溢嘅手作之旅，挑戰用純天然成份親手打造獨一無二嘅香薰潤唇膏！

課堂特別為大家準備咗優質天然蜂蠟同植物油，並加入多款天然精油，讓心童按喜好調配專屬香氣。喺導師同家長嘅悉心引導下，大家小心翼翼咁將成分加熱融合再注入唇膏管。睇住液體慢慢凝固成專屬潤唇膏，個個眼神都充滿好奇同專注！完成後仲可以發揮小宇宙，用畫筆為潤唇膏外殼設計可愛嘅圖案。大家將自製嘅作品帶返屋企，隨時隨地滋潤雙唇，真係既實用又充滿成就感！💖

透過創意學習及親手製作，心童都收獲滿滿：
🧪 實用手作技能：由量度份量、加熱融合到注入唇膏管，親力親為掌握手作步驟。
🌿 天然精油知識：了解不同天然植物成分嘅特性與功效，建立正確嘅香薰安全觀念。
💋 日常護理小貼士：學習日常滋潤嘴唇嘅護理方法，培養良好嘅個人衞生習慣。

藉著親子手作互動，唔單止增進咗心童同家長之間嘅默契與感情，更讓大家喺輕鬆愉快嘅氛圍中學習生活新技能！下一次活動見✨

#兒童心臟基金會 #天然香薰潤唇膏班 #兒童多元發展

📸 【《「拍」住童行》！匹克球慈善交流賽 2026 圓滿結束】🔥我哋日前順利舉辦咗《「拍」住童行》 匹克球慈善交流賽 2026，非常感謝如新善的力量基金會香港分會嘅鼎力支持與捐贈！喺完成咗4堂體驗班之後，當日一班心童變身「小小運動員」登上球...
21/08/2026

📸 【《「拍」住童行》！匹克球慈善交流賽 2026 圓滿結束】🔥

我哋日前順利舉辦咗《「拍」住童行》 匹克球慈善交流賽 2026，非常感謝如新善的力量基金會香港分會嘅鼎力支持與捐贈！喺完成咗4堂體驗班之後，當日一班心童變身「小小運動員」登上球場驗收成果，同 NUSKIN 嘅義工哥哥姐姐組成最強 Team 拍住上，用汗水同歡笑度過咗一個超有活力嘅週末💪✨

匹克球（Pickleball）近年非常流行，節奏適中而且容易上手，對心童而言係一項非常理想嘅運動！相較於網球，匹克球場地只有三分之一大，移動距離短、折返亦相對溫和，大幅減低過度喘息或引發急性心律不整嘅風險，大大提升運動安全性。此外，規律運動唔單止有助控制體重、減低心理壓力，更可以喺控球同專注揮拍中鍛鍊手眼協調同平衡感。心童透過與夥伴並肩作戰，學會溝通同互相支持，見到每位心童喺比賽中勇敢挑戰自我，每打出一球都露出自信同滿足嘅笑容，真係好開心啊！🥰❤️

再次感謝如新善的力量基金會香港分會用滿滿嘅愛心同正能量陪伴心童成長。我哋希望透過唔同體驗，培養心童對運動嘅樂趣，未來會爭取更多機會畀心童參與，陪伴佢哋一步步勇敢探索世界，健康快樂地成長！期待下次球場再見！🔥

#兒童心臟基金會 #拍住童行 #匹克球慈善交流賽2026 #心童多元發展

📸 【暑期「創意 DIY 學堂」第三彈！小廚神出動！】 🍪✨上星期一班心童踴躍參與 DIY 榛子曲奇班，用咗兩個鐘時間親手變身小小烘焙師！由搓麵粉、落牛油、將麵團塑形鋪喺牛油紙上，再到期待已久嘅出爐時刻，睇住大家一手一腳將麵團變成香噴噴嘅榛...
19/08/2026

📸 【暑期「創意 DIY 學堂」第三彈！小廚神出動！】 🍪✨

上星期一班心童踴躍參與 DIY 榛子曲奇班，用咗兩個鐘時間親手變身小小烘焙師！由搓麵粉、落牛油、將麵團塑形鋪喺牛油紙上，再到期待已久嘅出爐時刻，睇住大家一手一腳將麵團變成香噴噴嘅榛子曲奇，真係充滿成就感啊👩🏻‍🍳

活動期間仲加插咗超熱鬧嘅有獎問答遊戲！除咗考反應嘅「大電視」，仲有各位心童親自出題嘅 IQ 題，全場歡笑聲不斷，相信大家都收穫滿滿！🥳

每一塊親手烘焙嘅曲奇，背後嘅創作都蘊含住無限嘅潛能💫
🤏 精細動作訓練：由控制力量搓捏麵團到塑造形狀，能促進手眼協調同手指細小肌肉發展。
💡 專注與耐心：跟隨步驟一步一步完成，訓練專注力與等待出爐嘅耐心。
🌟 建立無價自信：從零開始親手打造曲奇，累積滿滿嘅成就感與自信心。
🧠 激發靈活腦力：透過互動遊戲同自主思考，喺歡樂氛圍中提升邏輯與表達能力。

多謝各位心童嘅參與，等緊你哋下次再嚟一齊玩！🔥
#兒童心臟基金會 #暑期活動 #小小烘焙師 #兒童多元發展

📸 【暑期「創意 DIY 學堂」第二彈！奶油膠筆筒篇】 🧁✨繼上次超熱門嘅小熊鏡之後，九龍灣服務中心又傳嚟陣陣歡笑聲！第二場「創意 DIY 學堂」正式登場，今次心童們化身成「甜品造型師」，挑戰用甜度爆表嘅「奶油膠筆筒」發揮無限想像力！🎨🧸小...
18/08/2026

📸 【暑期「創意 DIY 學堂」第二彈！奶油膠筆筒篇】 🧁✨

繼上次超熱門嘅小熊鏡之後，九龍灣服務中心又傳嚟陣陣歡笑聲！第二場「創意 DIY 學堂」正式登場，今次心童們化身成「甜品造型師」，挑戰用甜度爆表嘅「奶油膠筆筒」發揮無限想像力！🎨🧸

小朋友擠出五顏六色嘅奶油膠，再細心擠上精緻嘅小配件、擺放專屬圖案。看着原本平平無奇嘅筆筒，喺大家手中變成一個個極具個人特色嘅桌上手作，真係既實用又超級療癒！看到大家完成後滿足嘅眼神，整個中心都充滿咗溫馨同愛！💖

✨ 每一次手作，都是陪伴心童成長嘅養分：

🤏 手眼協調再升級：控制擠奶油膠嘅力度與角度，極度考驗手部小肌肉嘅控制力與專注度。

🌈 美感與美學實踐：從色彩配搭到配件擺設，全由小朋友自主決定，打造專屬嘅生活美學。

🎉 解鎖滿滿成就感：將自己親手做嘅筆筒帶回家放置文具，每日見到都記得「自己真係好棒」！

💬 同樂交友新體驗：喺輕鬆無壓嘅氛圍下與其他小朋友交流，收穫珍貴友情同歡樂時光。

年度「創意 DIY 學堂」下一場會玩啲乜？密切留意我哋 IG 啦！🔥

#兒童心臟基金會 #暑期活動 #奶油膠筆筒

「2025/2026 學業獎勵計劃」得獎名單公佈📚患有先天性心臟病的小朋友（心童）需接受長期治療，在學習路上往往比同齡的小朋友面臨更多挑戰。有見及此，兒童心臟基金會自 2007 年起設立「學業獎勵計劃」，旨在肯定心童的努力，並鼓勵他們持續發...
14/08/2026

「2025/2026 學業獎勵計劃」得獎名單公佈📚

患有先天性心臟病的小朋友（心童）需接受長期治療，在學習路上往往比同齡的小朋友面臨更多挑戰。有見及此，兒童心臟基金會自 2007 年起設立「學業獎勵計劃」，旨在肯定心童的努力，並鼓勵他們持續發揮潛能。

🌟 計劃簡介
「2025/2026 學業獎勵計劃」專為本港中小學生而設，分為「學業進步獎」及「學術卓越獎」，以鼓勵心童努力學習，並嘉許其於學術成績取得卓越表現。此外，為嘉許於 2026 年香港中學文憑試（HKDSE）中勇奪佳績的先天性心臟病青少年，本會特於「學術卓越獎」中增設公開組類別。

經過嚴格評審，兒童心臟基金會現正式公佈「獎勵計劃」得獎名單如下（排名不分先後）：

小學組學術卓越獎：杜承哲、張悦嗚、陳愷瑤

小學組學業進步獎：邱靖童、陳映潼、吳哲銳、文樂祺、黃信恩、江日葵、孫敬峰、袁釨澄、黃若行、李柏橋

中學組學術卓越獎：呂承康、王詩雅、吳澤賢

中學組學業進步獎：山田昇平、何傲弦、李昕瞳、龐捷、彭晉康、曾康兒

公開組學術卓越獎：李慧兒、曾琬珊、簡洛晴

兒童心臟基金會將透過電郵個別通知上述得獎同學有關領獎安排。基金會再次向各位獲獎同學致以熱烈祝賀！👏🏻
本會特別衷心鳴謝 Delta Asia Financial Group 滙業財經集團 贊助「學術卓越獎」，支持並鼓勵心童自強不息、勇往直前。

早前基金會參與「香港迪士尼樂園度假區社區共享計劃 2026」！7月17日當天，雖然早上下著大雨🌧️但也抵擋不住心童與家長們的熱情與興奮！大家冒雨入園，下午終於迎來晴天☀️盡情享受奇妙樂園時光～❤️🏰✨特別感謝香港迪士尼樂園的慷慨支持，為心童...
29/07/2026

早前基金會參與「香港迪士尼樂園度假區社區共享計劃 2026」！7月17日當天，雖然早上下著大雨🌧️但也抵擋不住心童與家長們的熱情與興奮！大家冒雨入園，下午終於迎來晴天☀️盡情享受奇妙樂園時光～❤️🏰✨

特別感謝香港迪士尼樂園的慷慨支持，為心童家庭帶來充滿笑聲與童話力量的一天！🤝💖

#香港迪士尼樂園 #社區共享計劃 #心童 #雨過天晴 #奇妙時刻 感恩同行

📸 【暑期活動！心童變身小小藝術家】 🎨✨想知道鏡子點樣秒變超 Cute 嘅專屬作品？今日一班心童齊集喺九龍灣服務中心，喺首場「創意 DIY 學堂」展現滿滿嘅驚人想像力！🧸💖大家都投入喺捏捏捏、貼貼貼嘅過程當中，將軟綿綿嘅輕黏土一步步化身成...
24/07/2026

📸 【暑期活動！心童變身小小藝術家】 🎨✨

想知道鏡子點樣秒變超 Cute 嘅專屬作品？今日一班心童齊集喺九龍灣服務中心，喺首場「創意 DIY 學堂」展現滿滿嘅驚人想像力！🧸💖

大家都投入喺捏捏捏、貼貼貼嘅過程當中，將軟綿綿嘅輕黏土一步步化身成獨一無二嘅「愛心小熊鏡」！看到每一位小朋友拎住自己嘅成品，面上露招充滿光芒嘅笑容，真係極度治癒～🥰

💡 看似簡單嘅手作，背後其實隱藏住好大嘅力量：

🤏 指尖小運動：捏造模型能帶動指尖神經刺激，幫助發育中嘅肌肉群發展，令肢體運作更靈敏。

💡 腦力大爆發：由選色到造型組合，徹底釋放內心嘅點子，訓練靈活思考。

🌟 建立無價自信：親手打造心頭好，累積面對任何難關嘅勇氣。

🎨 心靈舒壓小天地：透過無拘無束嘅創作過程，讓平時難以言喻嘅情感搵到抒發出口，達到放鬆同療癒效果。

年度「創意 DIY 學堂」仲有第二彈即將登場！🔥

#兒童心臟基金會 #暑期好去處 #輕黏土手作 #多元發展

Address

九龍灣臨樂街19號南豐商業中心821室
Hong Kong

Opening Hours

Monday 10:00 - 18:00
Tuesday 10:00 - 18:00
Saturday 10:00 - 13:00

Website

Alerts

Be the first to know and let us send you an email when Children's Heart Foundation 兒童心臟基金會 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Children's Heart Foundation 兒童心臟基金會:

Shortcuts

Share

Category