禁毒領袖學院 Leadership Institute on Narcotics

20/08/2026

⛓️ 思囚之路 ⛓️

禁毒領袖學院學員走入赤柱警署同馬坑監獄，反思涉毒罪行嘅苦果，經歷一趟沉浸式模擬被拘捕、審訊及服刑體驗！🚨

學員先到赤柱警署認識警署設施及裝備，了解警員日常執法工作👮‍♂️🚓！及後，活動以青少年涉毒案件作背景，模擬拘捕及法庭審訊程序，並讓學員體驗被押送入獄過程及監倉服刑生活，引導學員反思自由嘅可貴、守法嘅意義，以及毒品帶嚟嘅沉重代價💀。

體驗短暫，感受深刻。今次思囚之路活動令學員有非常震撼嘅體會！今屆學員已經完成晒所有訓練，我哋一齊期待嚟緊嘅校園抗毒活動啦🙌🏼

#禁毒領袖學院 #思囚之路 #毒品咪制

14/08/2026

【「同行禁毒」三日兩夜內地交流團｜精彩回顧影片正式上架！🎞️✨】

過百位學院導師同第五屆學員早前齊齊出發，展開咗一趟融合「高端科技 ✖️ 歷史尋根」嘅震撼交流之旅！💥

今次行程內容超豐富👇🏼

🤖 親身體驗無人駕駛技術，參觀國家智慧產業嘅發展
🏛️到訪鴉片戰爭博物館同海戰博物館，深刻體會禁毒嘅重要性
🔥參加深港青年禁毒文化交流活動，期間更進行咗短視頻頒獎禮同精彩嘅辯論交鋒！ 🤝

我哋一齊重溫呢趟難忘、充滿歡笑又有意義嘅旅程啦！▶️🍿

#禁毒領袖學院 #內地交流團 #精彩回顧 #深港青年交流 #同行禁毒 #毒品咪制

12/08/2026

【禁毒領袖學院隊伍勇奪雙料大獎！】 🏆

第五屆禁毒領袖學院嘅學員經歷咗一連串嚴格嘅培訓，包括禁毒知識、領導才能、溝通技巧、社交媒體應用，仲有今屆最新增設嘅生成式AI培訓，學識用最創新嘅科技去製作最具感染力嘅抗毒項目！📸✨

今年7月我哋學院其中一隊優秀隊伍——拔萃女書院，喺「逐光同行」灣區青少年禁毒主題創意短視頻比賽中大放異彩，憑住出色嘅表現喺眾多參賽隊伍中脫穎而出，同時勇奪「一等獎」及「最佳創意獎」！雙喜臨門，完美展現咗禁毒領袖嘅非凡實力同強大嘅團隊凝聚力！👏👏👏

🎬 即刻一齊嚟欣賞佢哋嘅獲獎作品《WAKE UP CALL》啦 👀

學院其他隊伍亦囊括以下獎項:

三等獎 🏅:
《無名》 - 東華三院伍若瑜夫人紀念中學
《心動警報》 - 德貞女子中學
《青春無毒》 - 天主教新民書院

優勝獎🎖️:
《拒絕毒品從這一秒開始》 - 保良局甲子何玉清中學
《毒蛋機》 - 嘉諾撒聖方濟各書院

我哋要向所有參與今次比賽嘅學員致以最衷心嘅感謝！❤️ 每一位嘅投入、熱誠，以及精心製作嘅短視頻作品，全部都係傳遞禁毒正能量、推動無毒社會嘅最強動力！繼續加油！💪✨

#禁毒領袖學院 #逐光同行 #灣區青少年禁毒主題創意短視頻比賽 #毒品咪制 #正能量

第五屆禁毒領袖學院嘅學員經歷咗一連串嚴格嘅培訓，包括禁毒知識、領導才能、溝通技巧、社交媒體應用，仲有今屆最新增設嘅生成式AI培訓，學識...

09/08/2026

上半年青少年涉及毒品案件被捕人數微升，其中三成涉及新興毒品「依托咪酯」。販毒集團利用「年紀輕可獲輕判」❌的謊言誘騙青少年參與販毒💊，警方嚴正重申，法庭對毒品罪行採取嚴厲態度，切勿存有任何僥倖之心。

禁毒領袖學院成立至今已五年，累計培訓500名中學及大學生成為禁毒領袖，透過同儕影響力，於校園及社區推廣抗毒信息🔊。

另外，家長亦要提高警覺，應主動與子女溝通，建立正確價值觀，並留意其有否無故深夜外出、金錢開支異常等行為，攜手守護下一代遠離毒禍🤝。

#遠離毒品 #禁毒領袖學院 #家長必讀 #毒品咪制

警方指今年上半年，涉及毒品案被捕青少年輕微上升，部分誤信販毒集團，稱年紀輕可獲輕判而心存僥倖。毒品害人，但仍有不少人沉淪毒海。警方上半年錄得1,223宗毒品案，按年跌近一成半，共1,484人被捕。警方指販毒集團利.....

08/08/2026

今日（8月8日）10位禁毒領袖學院嘅學員連同畢業生，親身走入TVB，唔單止向TVB義工隊同少年警訊會員講解毒品嘅禍害📊同相關刑罰，仲實地參觀咗新聞部、攝影廠同配音室，有機會試吓配音🎤同了解新聞製作過程🎬，全面認識TVB各部門嘅工作環境。

活動亦請嚟基督教得生團契嘅康復者現身說法，分享吸毒嘅沉重代價同埋心路歷程，最後大家一齊合唱🎸，掀起全場高潮。

見到學員個個都自信滿滿，將學到嘅知識活學活用，真係好鼓舞👍🏻！我哋會繼續跟各界合作，將「毒品咪制」嘅信息傳遞得更遠💪。

18/07/2026

三日兩夜深圳東莞交流團圓滿結束！滿載而歸！🥳

我哋禁毒領袖學院近 120位學員及導師一連三日（7月16-18日）走訪深圳及東莞，行程非常充實，眼界大開！✨即刻同大家回顧一下精彩點滴👀：

🤖 百度深圳Apollo技術研發中心
親身體驗國家級自動駕駛技術，了解智能雲發展！學員仲親身坐上無人駕駛車穿梭南山區🚙

🔬 深圳科學技術館
深入了解國家智慧產業及創科發展，見證科技如何融入日常生活💡

⚓️ 鴉片戰爭博物館及海防博物館
透過珍貴海戰文物，認識鴉片戰爭歷史，傳承禁毒精神📜

🎤 深港青年禁毒辯論交流
與深圳禁毒先鋒學員就禁毒議題辯論，互相切磋，促進兩地青年文化交流同融合💬

🏆 「同行禁毒」2026年深港青年禁毒文化交流活動暨“逐光同行”灣區青少年禁毒主題創意短視頻頒獎儀式

活動中，兩地青年代表互贈禁毒主題文創信物亦作出主題分享，傳遞攜手禁毒嘅訊息🤝

而喺頒獎典禮中，我哋其中一隊參賽隊伍憑藉創意同實力，同時榮獲一等獎及最佳創意獎！🥳🥳🥳真係好犀利！

三日兩夜轉眼就過，學員們都滿載而歸，我哋一齊繼續 「毒品咪制」 ，為無毒香港出力！💪

#禁毒領袖學院 #三日兩夜內地交流團 #深港青年交流 #禁毒教育 #毒品咪制

07/07/2026

【訓練日6 🔥 精彩回顧】 🤩

學員喺7月4日完成咗一整日充實而精彩嘅訓練！我哋好榮幸邀請到文展榮先生、范佩靜女士及梁國成先生，分別為學員教授團隊溝通、領袖演說及國情教育嘅實用課堂📚。另外，我哋亦邀請咗GO L.I.O.N.學員到場，分享喺校園抗毒活動中由策劃到活動執行嘅心得🌟。

為響應我哋 「光影解毒 由我起動」抗毒短視頻創作比賽，我哋齊集LION學員及來自唔同中學嘅學生一齊參與同由專業導演胡易霈先生親身教授嘅 「短片創作及製作技巧」課堂！ 🎬✨

相信學員將呢啲技巧融會貫通後，一定可以顯著提升日後籌辦校園及社區抗毒活動嘅信心同能力！🚫🧪

#禁毒領袖學院 #光影解毒由我起動 #禁毒領袖學院 #毒品咪制

26/06/2026

【6.26 國際禁毒日🚫】

626國際禁毒日，香港警務處毒品調查科聯同禁毒領袖學院畢業生(G.O. L.I.O.N.)，一齊參與深圳市2026年「生命之光」主題活動🌟！活動以真實故事同藝術演出，展現深圳禁毒成果，由緝毒民警、社工、青少年同康復者親身分享，立體呈現深圳禁毒力量嘅堅持與擔當，弘揚禁毒精神👣

禁毒領袖學院畢業生Kenneth代表學院上台發言🗣️，向在場人士講述學院由2021年成立至今，已培訓500名青年禁毒領袖，將無毒文化帶入校園及社區🏫。學院會於7月16-18日進行深度嘅三日兩夜內地交流團，期間會於深圳參與「同行禁毒」2026深港青年交流活動，攜手推動灣區禁毒教育🤝。

深港兩地只有一河之隔，所以雙方於禁毒路上必定會並肩而行🌉！

#國際禁毒日 #生命之光 #灣區同心 #禁毒領袖學院

25/06/2026

持香港身份證嘅中學生同大學生，一定要參加「光影解毒 由我起動」🎥抗毒短視頻創作比賽❗️用鏡頭或A.I.創作短片宣傳「毒品咪制」💪🏻

🏆 獎金及獎品總值超過港幣$39,000
🎉 得獎者將於2026年11月7日舉辦嘅大型抗毒活動「LOL PARTY」接受呢份屬於你嘅光榮同掌聲！

詳情可參考連結🔗http://bit.ly/43BOSzI

#禁毒領袖學院五周年 #抗毒短視頻創作比賽 #向毒品說不 #香港警察 #毒品調查科

25/06/2026

【訓練日5 - 回顧片段🎬】

學員跳出舒適圈，一齊闖關一齊成長💪🏻 從活動統籌能力、水上歷奇挑戰，到野外求生技能，通通解鎖✅

唔單止成功挑戰連串任務，仲學識點樣合作、點樣應變🔥

即刻睇片👇聽吓學員同導師分享呢趟旅程！

#禁毒領袖學院 #毒品咪制 #一啖都咪制 #拒絕毒品