香港聖公會福利協會新念坊

18/05/2026

海洋霸主崩潰
連鯊魚都要戒毒？

最近一項研究震驚左科學界：喺巴西里約熱內盧海域，13 條野外尖吻鯊體內驗出高濃度可卡因。

呢啲毒品透過人類嘅排污系統流入大海，意外將呢啲生存左幾億年嘅海洋霸主，變成左最無辜嘅受害者。科學家發現，藥物已經令鯊魚嘅感官受損，甚至出現異常嘅獵食行為。

🦈 點解我要講鯊魚？
因為連咁強悍嘅身軀、咁原始嘅生命力，面對微量嘅化學物質，神經系統都會瞬間失控。

🧠 咁你呢？
人類嘅大腦精密過鯊魚好多倍，但同時亦脆弱好多倍。當「格式化」程序啟動，你覺得自己嘅系統，可以撐得住幾耐？

一個人戒毒係掙扎，兩個人同行先係勇氣。

————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #戒毒支援 #可卡因鯊魚 #心理健康 #大腦神經

15/05/2026

2009 年，Michael Jackson 離世。
好多人記得佢嘅舞台、舞步同音樂，但呢件事亦都令大家重新諗起一個問題：

藥物風險，唔一定只係來自「貪玩」。

根據公開死因資料，佢嘅離世同急性 propofol intoxication 有關，當中亦涉及其他鎮靜藥物因素。
提起呢件事，唔係想評論一佢嘅人生，而係想提醒大家：
當失眠、壓力、痛楚同藥物纏埋一齊，風險可以變得好嚴重。

有啲依賴，一開始只係因為——
太耐冇好好瞓過；長期痛楚；壓力太大；
或者只係想喺每一場人生嘅演出入面，繼續撐住自己。

所以有人會開始相信：
「只要今晚瞓得著就OK。」
「只要聽日仲頂得住就OK。」

但如果慢慢變成：
「冇佢我瞓唔到。」
「冇佢我放鬆唔到。」
「今次要再多啲先有效。」
「我知有問題，但停唔到。」

呢啲可能已經係身體同情緒發出嘅警號。

如果你最近要靠藥物、酒精、或者其他嘢先瞓到、先放鬆、先頂得住，唔好淨係怪自己意志力差。

你真正需要嘅，可能係一個安全嘅空間，去處理背後嘅壓力、失眠同痛苦。
————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #戒毒支援 #米高積遜 #心理健康 #鎮靜劑

30/04/2026

4月30日開始，香港全面禁止管有另類吸煙產品（包括電子煙及加熱煙）。

👊罰款同法律風險當然值得關注，但同時我哋更想提醒大家：電子煙唔單止係煙，佢更係一種成癮物質嘅載體。

☠️載體會變，但風險不變
近年肆虐社區嘅依托咪酯（太空油）就係利用電子煙作為入門載體。不法分子將藥物混入煙彈，利用潮流包裝減低大家對毒品嘅戒心。

⚠️防範未然：認清成癮本質
法例禁咗電子煙呢個「殼」，係一個重要嘅物理屏障。但歷史話俾我哋知，成癮物質換個樣（例如噴霧、口服或其他裝置）就會再次出現。

我哋真正要防範嘅，唔單止係物品嘅外殼，而係對化學物質嘅敏感度。

———————————————————————-
聖公會福利協會新念坊
口沙田水泉澳邨明泉樓地下2室
8202 1313
如對服務有任何意見，或需要查詢服務，可透過電話、郵寄或
親臨中心向我們提出
#濫用精神藥物者輔導中心禁毒 #電子煙 #依托咪酯

30/04/2026

4月30日開始，香港全面禁止管有另類吸煙產品（包括電子煙及加熱煙）。

罰款同法律風險當然值得關注，但同時我哋更想提醒大家：電子煙唔單止係煙，佢更係一種成癮物質嘅載體。

🧪 載體會變，但風險不變
近年肆虐社區嘅依托咪酯(太空油)就係利用電子煙作為入門載體。不法分子將藥物混入煙彈，利用潮流包裝減低大家對毒品嘅戒心。

🛡️ 防範未然：認清成癮本質
法例禁咗電子煙呢個「殼」，係一個重要嘅物理屏障。但歷史話俾我哋知，成癮物質換個樣（例如噴霧、口服或其他裝置）就會再次出現。

我哋真正要防範嘅，唔單止係物品嘅外殼，而係對化學物質嘅敏感度。

————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #禁毒 #電子煙 #依托咪酯

11/04/2026

你累了嗎？
哭著吃下去的三文治🫂

好多年前，有一段關於一個日本打工仔收工喊住食三文治嘅影片，引起咗好多人嘅心酸共鳴，因為佢捕捉到咗現代人最真實、最無聲嘅崩潰。
佢唔只係一段片，更加係我哋好多人內心嘅寫照。
明明已經好努力咁生活，但喺某個平凡嘅瞬間，
眼淚就係會莫名其妙咁湧上嚟。
如果你有呢種感受，你唔係軟弱，
你只係撐咗太耐。

呢種莫名其妙的崩潰，
其實係大腦向你發出嘅求救訊號。
當你發現情緒失控無緣無故地發生，
就代表你嘅心靈已經超載，係時候要搵個出口求助。
唔好等壓力劫持咗你，喺搵錯快捷出口去麻醉自己之前，
請先停一停。

出口，一直喺度。

————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #禁毒 #快樂 #情緒 #壓力

24/02/2026

最近好多人都睇過Panchi 君——
嗰隻孤單嘅小猴子。

動物園救返佢，但佢返唔到猴群。
想行埋去，卻一次次被排斥、被推開。

最後，只可以抱住一隻毛公仔，縮埋一角。

嗰隻人地眼中嘅玩具，係佢失去依靠之後，
唯一抓得住嘅溫度。

其實，我哋每個人都有一隻毛公仔。

世界太冷嘅時候，關係太遠嘅時候，
努力咗都冇人明嘅時候——
我哋都會搵啲嘢，令自己好過少少。

可能係一個習慣。
可能係一個人。
可能只係一種，暫時撐得住自己嘅方法。

嗰唔係軟弱，係人之常情。

當一個人仲緊緊抱住自己嘅安慰，
未必係唔想放手，只係未遇到，比嗰隻玩偶更真實嘅擁抱。

其實唔係要逼自己放手。
只要有人肯接住，就唔使再咁用力。

圖片來源：網上圖片
————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #禁毒
#精神健康 #社區教育

19/02/2026

新年快樂！初四開工見！

31/01/2026

為期一年的 「JC InnoPower：Day 91」
計劃正式圓滿結束✨
感謝每一位參加者喺過去一年嘅投入、堅持與同行。

計劃期間，參加者透過性格透視活動，更深入認識自己嘅內在性格，並配合中醫調理，照顧戒毒後的身心狀態。其後，大家按住自身的性格特質與興趣，報讀不同培訓課程，學習新技能、重新裝備自己。

同時，部分參加者亦走進社區，成為義工，以行動回饋社會，將改變延伸出去。

衷心感謝你哋嘅努力與付出，願呢一年嘅學習與成長，成為繼續前行嘅力量💛

————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #禁毒
#精神健康 #社區教育

30/01/2026

21/01/2026

2026年1月20號《強制舉報虐待兒童條例》正式生效，保護兒童唔再係「人哋屋企嘅事」，我哋只要多走一步，就可以成為細路仔嘅守護者。法例規定老師、社工、醫生等「指明專業人員」喺工作時見到細路遭受「嚴重傷害」或面臨實際風險，必須盡快舉報。 

「嚴重傷害」包括細路受到身體虐待（如骨折、嚴重傷口）、心理虐待（如長期心理創傷）、性侵犯，或疏忽照顧（如唔俾飯食、擺細路喺危險藥物環境）。

鄰里嘅觀察係最好嘅預警，如果你發現小朋友有唔尋常傷痕、極度恐懼或消瘦，唔使搵證據，請將事實講出嚟。有即時危險即打 999，或搵社署熱線 2343 2255。

💡 溫馨提示： 想了解法例細節、嚴重傷害定義或專業指引，記得睇返社會福利署官方文件《強制舉報者指南》。

————————————————————————

聖公會福利協會新念坊
📭沙田水泉澳邨明泉樓地下2室
📞8202 1313

如對服務有任何意見，或需要查詢服務，可透過電話、郵寄或親臨中心向我們提出

#濫用精神藥物者輔導中心 #禁毒
#精神健康 #社區教育
#強制舉報虐待兒童條例