助人慈善友愛店 help people charity friendly shop

22/02/2026

【預備「撈起」貼士🥢✨】
七彩繽紛嘅魚生「撈起」被寓意為風生水起，新年期間受唔少市民歡迎。 #食安妹妹 喺呢度除咗祝大家龍馬精神外，亦想同各位share 預備「撈起」嘅食安貼士！(≧▽≦)♡

「撈起」由多種配料組合而成，例如魚生刺身、紅蘿蔔絲🥕、生菜絲、青瓜絲🥒、蛋絲等等。當中，大部分都係無經過加熱處理嘅食材，再加上準備過程好多時會經過多重人手配製，好容易受致病菌污染🦠。就算之後加鹽、醋、豉油或者酒嚟調味，都無殺菌嘅功效㗎。

想自製「撈起」嘅朋友
🔹製作前後及期間，徹底清潔雙手💦
🔹唔好用處理生肉嘅刀或者砧板嚟切魚生或者即食蔬菜🔪
🔹備用嘅即食食材例如魚生刺身、切好嘅蔬菜絲等，都妥善包好再存放喺攝氏4度或以下嘅雪櫃入面
🔹「撈起」即撈即食最理想，避免放喺室溫太耐，令細菌乘機大量繁殖💥

高危人士（孕婦、嬰幼兒、長者、免疫力較弱嘅人）最好就忍一忍口😣，避免進食生或者未煮熟嘅食物喇～


#七彩撈起
#越撈越旺
#魚生要小心
#食物安全中心 #食安中心
#食安小隊
#食安仔 #食安妹妹

21/01/2026

【風險評估研究——即食醬料及類似製品的微生物質素】
即食醬料同埋類似嘅製品，例如肉汁、調味醬汁及蘸醬，經常會跟食物上，用嚟提升食物嘅風味。呢啲即食醬料經常大批咁製造。另外，製作即食醬料可能採用多種配料，包括未經烹煮嘅新鮮配料，亦有機會成為致病菌（例如沙門氏菌、金黃葡萄球菌及蠟樣芽孢桿菌等）污染來源。

#食安中心風險評估研究
考慮到以上風險，食安中心進行「即食醬料及類似製品的微生物質素」嘅風險評估研究，喺唔同商戶收集咗50個調味醬汁／蘸醬樣本，以及50個肉汁樣本，根據《食品微生物含量指引》內訂明嘅準則，評估樣本嘅微生物質素。

#研究結果
- 全部樣本嘅致病菌檢測都符合微生物含量嘅準則。
- 至於個別樣本嘅檢測結果，包括一個咖喱汁樣本嘅細菌總數，及一個牛油果醬樣本嘅大腸桿菌含量，分別顯示喺處理食物嘅程序，與個人及環境衞生方面或者有改善空間，但唔涉及食物安全問題。
- 食安中心已經向相關人員提供遵循良好衞生規範嘅建議，而其後抽取嘅跟進樣本，檢驗結果亦屬滿意。

#給業界嘅建議
- 製作即食醬料時，特別係貯存同降溫期間，應該確保適當嘅時間及溫度控制
- 生嘅食物，要同熟食及即食食品分開存放同埋處理
- 食物處理人員嚴格遵從個人及環境衞生措施，包括經常用梘液洗手

#給市民嘅建議
- 購買含有生或未經煮熟配料嘅即食醬料或者類似嘅製品，應該盡早食用
- 高危人士（包括孕婦、幼童、長者、免疫力弱人士，以及服用抗生素或抗胃酸藥人士）唔適宜進食含有生或未經煮熟配料嘅即食醬料或者類似嘅製品

想知更多有關研究報告嘅內容，可以睇呢度
https://www.cfs.gov.hk/tc_chi/programme/programme_rafs/programme_rafs_fm_01_32.html

#即食醬料 #微生物質素
#食物安全中心 #食安中心
#食安小隊
#食安仔 #食安妹妹

09/09/2025

【買小食睇標籤嘅責任】
「鈴——」當小息鐘聲一響🔔，同學們腦海裡面第一樣諗到嘅就係衝落小食部買嘢食。面對住眼前嘅 #薯片、 #辣條、 #蝦片🦐、 #汽水🥤......雖然美味，但係呢啲食物背後又隱藏住乜嘢「秘密」🤔？買之前又要留意啲咩👀？關鍵就係識得睇 #食物標籤✨！

包裝食物上嘅食物標籤，就好似張「身份證」咁，話畀你知佢嘅重要資料——

✅ #營養標籤
比較唔同食物/飲品嘅營養標籤，揀選鈉🧂、糖🍬、脂肪含量較低嘅產品。營養標籤資源庫: https://bit.ly/4ndXjJ6

✅ #成分表
喺成分表內嘅配料，會按用喺食物包裝時所佔嘅重量或者體積，由大至小依次序排列。另外，有食物過敏嘅同學仔，仲要睇清楚配料有無致敏原⚠️ https://bit.ly/46arcTV 。

✅ #保質期
「此日期前最佳」（best before）關乎食物質素，表示如果適當貯存，可以合理預期喺該日期及之前食物能夠保存其特質🙆🏻‍♀️；「此日期或之前食用」（use by）則關乎食物安全，適用於喺微生物學角度嚟講，極易腐壞，喺短時間後可能對人類健康構成即時危險嘅食物。過咗「此日期或之前食用」嘅食物，就千祈咪食🙅🏻‍♀️！

新學年🏫，一齊學識睇食物標籤，喺享用小食嘅同時，為自己嘅健康把關🌱！食嘢嗰陣，仲要注意儀態，坐定定，細細啖，慢慢食，提防容易哽喉嘅食物呀：https://bit.ly/3JKAj6a

#開學三人組 #買小食睇標籤嘅責任
#全城減鹽減糖
#食物安全中心 #食安中心
#食安小隊 #食安妹妹 #食安仔

20/06/2025

【嗌外賣並唔係咁簡單🛵】
而家啲外賣APP同網購咁方便，真係全港九新界嘅美食都可以送到你門口🚪。之不過，炎熱潮濕☀️嘅天氣就最啱細菌繁殖，喺呢個天氣下嗌外賣，要特別留意食物喺運送期間嘅 #時間 及 #溫度 控制✨。

如果送餐嘅 #路途 太遠🗺️，甚至要跨境先送到你手上，外賣食物喺大熱天時 #等候 派送期間，好容易會滋生大量致病菌。食咗唔係醫肚，係可能要醫肚痛😖。要知道食物一旦放喺「危險溫度範圍」（包括室溫）超過4小時，就唔食得喇⚠️！！

所以嗌外賣並唔係咁簡單，除咗要好味抵食，最緊要梗係食物安全✅！聽下 #食安仔 有咩因素要考慮 ——

💡食物本身嘅性質（係冷食❄️定熱食🔥? ）同食安風險（生或者未煮熟嘅食物嗎?呢啲屬於高風險食物）

💡運送所需嘅時間⏱️ （食肆與你所在嘅位置是否太遠，而有機會令食物長期處於「危險溫度範圍」內養菌? ）

💡食物喺運送期間所貯存嘅溫度🌡️（冷食有無貯存喺攝氏4度或以下; 熱食有無貯存喺攝氏60度以上? ）

詳細資料:
https://bit.ly/3FDwQ7W
https://bit.ly/3TpfOgR


#嗌外賣要揀過度過
#夏至 #炎夏迫近 #細菌至愛
#食物安全中心 #食安中心
#食安小隊
#食安仔 #食安妹妹

31/05/2025

端午節快樂🥰

15/05/2025

人手不足❓難請人❓員工做唔耐❓-【搵外勞】幫到你‼️

✨搵外勞 - 香港合資格持牌公司，為僱主申請外勞及配對優質外勞！✨

【☎️WhatsApp查詢：https://wa.me/85252246117】

無論是 ✅ #餐飲業、✅ #零售業、✅ #清潔行業、✅ #美容、✅ #美髮、✅ #食品、✅ #工廠、✅ #洗衣、✅ #倉務 或✅其他行業，超過1️⃣0️⃣0️⃣個職位可供申請👷‍♂️。

一站式服務，全程跟進，協助安排勞工住宿🏠，讓你專注於業務發展📈。

—
【 #僱主查詢】
☎️查詢熱線: +852 5224 6117
☎️WhatsApp查詢：https://wa.me/85252246117

------------------------------------
•⁠ 搵外勞 StaffHouse -
💙FB：https://www.facebook.com/hkstaffhouse/
🌐Website : https://www.staffhouse.com.hk

#申請外勞 #外勞服務 #香港外勞 #人力資源 #外籍工人 #勞工申請 #外勞配對 #人手短缺 #勞工政策 #外勞引進 #搵外勞

09/05/2025

04/05/2025

【😊請分享😊浸泡菇菌圖】
臨近佛誕，想煮啲齋菜食? 乾製嘅菇菌，例如雪耳、黑木耳，呢啲都係常用到嘅食材。之不過踏入五月天，喺溫暖潮濕嘅天氣下浸泡菇菌，處理不當隨時引致 #米酵菌酸 中毒😥～

米酵菌酸呢種耐熱毒素，主要由 #椰毒伯克氏菌 產生，呢種細菌喺土壤同植物中無處不在，喺攝氏22至30度嘅環境下容易產生毒素。受米酵菌酸影響嘅器官有肝臟、腦部及腎臟，而引發嘅徵狀包括缺乏能量、暈、腹痛、嘔吐。

過往喺唔同地方曾引致米酵菌酸中毒個案嘅食物，涉及菇菌、濕澱粉製品或濕米粉製品，大多數由於喺室温下浸泡或貯存呢啲食品多過一日而引起。

#食安仔 一早已經準備好以下嘅浸泡菇菌嘅防毒錦囊，請大家分享畀親朋好友～
🧽 處理食物嘅範圍、設備、工具同接觸食物嘅表面必須保持清潔
💧 浸泡乾製食用菇菌前，先徹底清洗佢嘅表面，再放喺乾淨嘅容器同水浸泡
🍄‍ 菇菌唔好一次過浸太多或者浸太耐；一般唔適宜喺室溫浸超過2小時
❄️ 菇菌如果真係要浸過夜，就要放喺雪櫃入面浸
🗑 浸泡後如果發現菇菌有異樣、產生黏液或者有異味，就要棄掉

浸泡後嘅菇菌要盡快徹底煮熟嚟食😋

至於貯存濕米粉或類似食品嘅要點，可以喺呢度搵到
https://bit.ly/3YUo0sy


#預防米酵菌酸中毒
#黑木耳 #銀耳 #濕米粉 #濕河粉
#食物安全中心 #食安中心
#食安小隊 #食安妹妹

15/03/2025

食物警報 / 致敏物警報
不要食用兩款可能含霉菌的樽裝果醬及塗抹醬產品

發出日期 13.3.2025
資料來源
日本厚生勞動省和澳門食品安全廳的通告
食品
兩款源自法國的樽裝果醬及塗抹醬產品
產品名稱及資料
產品名稱：Chestnut Cream
品牌：Bonne Maman
來源地：法國
重量：二百二十五克
此日期前最佳：二○二六年六月三十日
編碼：45108082
進口商：Getz Bros. & Co.（Hong Kong）Limited

產品名稱：Fig Jam
品牌：Bonne Maman
來源地：法國
重量：二百二十五克
此日期前最佳：二○二六年五月三十一日
編碼：45119668
進口商：Getz Bros. & Co.（Hong Kong）Limited

發出警報原因
食物安全中心（中心）得悉日本厚生勞動省和澳門食品安全廳的通告，指上述兩款源自法國的樽裝果醬及塗抹醬產品可能含霉菌，正進行回收。
中心已確定上述進口商曾進口受影響批次的有關產品。